എൻജിനിയറിംഗ് ഡിപ്ലോമക്കാർക്കു കോസ്റ്റ് ഗാർഡിൽ യാന്ത്രികാവാൻ അവസരം. 1/2018 ബാച്ചിലേക്കാണു തെരഞ്ഞെടുപ്പ്. പുരുഷൻമാർക്കാണ് അവസരം. എഴുത്തുപരീക്ഷ, കായിക ക്ഷമതാ പരീക്ഷ, ഇന്റർവ്യൂ എന്നിവയുടെ അടിസ്ഥാനത്തിലാണ് തെരഞ്ഞെടുപ്പ്. 2018 ഫെബ്രുവരിയിൽ പരിശീലനം ആരംഭിക്കും. അപേക്ഷ ഓണ്ലൈനായി സമർപ്പിക്കണം. കേരളത്തിൽ കൊച്ചിയിലാണു പരീക്ഷാകേന്ദ്രമുള്ളത്. മുംബൈ, ചെന്നൈ, കോൽക്കത്ത, വിശാഖപട്ടണം, ഗാന്ധിനഗർ, നോയിഡ, ഒറീസ എന്നിവടങ്ങളിലാണു മറ്റു പരീക്ഷാകേന്ദ്രങ്ങൾ. യോഗ്യത: മെട്രിക്കുലേഷനും കുറഞ്ഞത് 60% മാർക്കോടെ മെക്കാനിക്കൽ/ഇലക്ട്രിക്കൽ/ഇലക്ട്രോണിക്ക് എൻജിനിയറിംഗ് ത്രിവത്സര ഡിപ്ലോമയും (ദേശിയ തലത്തിൽ നേട്ടമുണ്ടാക്കിയ സ്പോർട്സ് താരങ്ങൾക്കും കോസ്റ്റ് ഗാർഡിൽ സർവീസിലിരിക്കെ മരിച്ചവരുടെ ആശ്രിതർക്കും മാർക്കിൽ അഞ്ചു ശതമാനം ഇളവു ലഭിക്കും).
പ്രായം: 1996 ഫെബ്രുവരി ഒന്നിനും 2000 ജൂലൈ 31നും മധ്യേ ജനിച്ചവരാകണം. പട്ടികവിഭാഗക്കാർക്ക് അഞ്ചും ഒബിസിക്കു മൂന്നും വർഷം ഉയർന്ന പ്രായപരിധിയിൽ ഇളവുണ്ട്.
ശന്പളം: തുടക്കത്തിൽ 20,000 രൂപ. കൂടാതെ മറ്റാനുകൂല്യങ്ങളും ലഭിക്കും.
ശാരീരിക യോഗ്യത: ഉയരം- കുറഞ്ഞത് 157 സെ.മീ., നെഞ്ചളവ്- ആനുപാതികം, കുറഞ്ഞത് അഞ്ചു സെ.മീ. വികാസം. തൂക്കം ഉയരത്തിനും പ്രായത്തിനും ആനുപാതികം.
കാഴ്ചശക്തി: 6/24(Good Eye). 6/24 (Bad Eye). സാധാരണ കേൾവിശക്തിയും ആരോഗ്യമുള്ള പല്ലുകളും ഉണ്ടായിരിക്കണം. അംഗവൈകല്യങ്ങൾ ഉണ്ടാകരുത്.
തെരഞ്ഞെടുപ്പ്: തെരഞ്ഞെടുപ്പു കേന്ദ്രത്തിൽ ഉദ്യോഗാർഥി നേരിട്ടെത്തണം. എഴുത്തുപരീക്ഷ, ശാരീരികക്ഷമതാ പരീക്ഷ, ഇന്റർവ്യൂ എന്നിവയുടെ അടിസ്ഥാനത്തിലാണു തെരഞ്ഞെടുപ്പ്. മെഡിക്കൽ പരിശോധനയുമുണ്ടാകും.
കായികക്ഷമതാ പരീക്ഷയിൽ ഏഴു മിനിറ്റിൽ 1.6 കി.മീ. ഓട്ടം, 20 സ്ക്വാറ്റ്അപ്, 10 പുഷ്അപ് എന്നിവയുണ്ടാകും.
അപേക്ഷിക്കേണ്ട വിധം:www.joincoast guard.org എന്ന വെബ്സൈറ്റ് മുഖേന ഓണ്ലൈനായി അപേക്ഷിക്കണം. അപേക്ഷയിൽ നിശ്ചിത സ്ഥാനത്തു തെരഞ്ഞെടുക്കുന്ന ബ്രാഞ്ച് രേഖപ്പെടുത്തണം. അപേക്ഷകർക്ക് ഇ-മെയിൽ വിലാസം നിർബന്ധമാണ്.
അപേക്ഷ പൂരിപ്പിക്കുന്നതിനുള്ള നിർദേശങ്ങൾ വെബ്സൈറ്റിൽ നൽകിയിട്ടുണ്ട്. വിജയകരമായി അപേക്ഷ സമർപ്പിച്ചാൽ രജിസ്ട്രേഷൻ നന്പർ ലഭിക്കും.