പൊതുമേഖലയിലുള്ള യുണൈറ്റഡ് ഇന്ത്യ ഇൻഷ്വറൻസ് കന്പനി 689 അസിസ്റ്റന്‍റുമാരുടെ ഒഴിവുകളിലേക്ക് അപേക്ഷ ക്ഷണിച്ചു. ഓണ്‍ലൈൻ എഴുത്തുപരീക്ഷ, അഭിമുഖം എന്നിവയുടെ അടിസ്ഥാനത്തിലാണു തെരഞ്ഞെടുപ്പ്. അപേക്ഷ ഓണ്‍ലൈനായി സമർപ്പിക്കണം. അപേക്ഷ സ്വീകരിക്കുന്ന അവസാന തീയതി: ഒാഗസ്റ്റ് 28.
സംസ്ഥാനാടിസ്ഥാനത്തിലാണ് ഒഴിവുകൾ. ഏതെങ്കിലും ഒരു സംസ്ഥാനത്തേക്ക് മാത്രം അപേക്ഷിക്കുക. അപേക്ഷിക്കുന്ന സംസ്ഥാനത്തുതന്നെ പരീക്ഷയെഴുതണം. സംസ്ഥാനം, കന്പനി എന്നിവ തിരിച്ചുള്ള ഒഴിവുകൾ www.uiic.co.inഎന്ന വെബ്സൈറ്റിൽ ലഭ്യമാണ്.
ശന്പളം: 14,435- 32,030 രൂപ.
യോഗ്യത(2017 ജൂൺ 30ന്): ബിരുദം അല്ലെങ്കിൽ കുറഞ്ഞത് 60% മാർക്കോടെ പ്ലസ്ടു/തത്തുല്യ പരീക്ഷാ ജയം. (പട്ടികവിഭാഗം, വികലാംഗർ, വിമുക്തഭടൻമാർ എന്നിവർക്ക് 50% മാർക്ക് മതി). അപേക്ഷിക്കുന്ന സംസ്ഥാനത്തെ പ്രാദേശിക ഭാഷാ പരിജ്ഞാനവും നിർബന്ധമാണ്.
പ്രായം: 2017 ജൂൺ 30ന് 18- 28. പട്ടികജാതി/വർഗക്കാർക്ക് അഞ്ചും ഒബിസിക്ക് മൂന്നും വർഷം ഉയർന്ന പ്രായപരിധിയിൽ ഇളവു ലഭിക്കും.
തെരഞ്ഞെടുപ്പ്: ഓണ്‍ലൈൻ എഴുത്തു പരീക്ഷ, ഇന്‍റർവ്യൂ, കംപ്യൂട്ടർ പ്രൊഫിഷ്യൻസി ടെസ്റ്റ് എന്നിവയുടെ അടിസ്ഥാനത്തിലാണ് തെരഞ്ഞെടുപ്പ് നടക്കുക. ഒബ്ജക്ടീവ് മാതൃകയിലാണ് പരീക്ഷ. നെഗറ്റീവ് മാർക്ക് ഉണ്ടാകും. ആലപ്പുഴ, പത്തനംതിട്ട, എറണാകുളം, കണ്ണൂർ, കാസർഗോഡ്, കോഴിക്കോട്, മലപ്പുറം, പാലക്കാട്, തൃശൂർ, തിരുവനന്തപുരം, കൊല്ലം എന്നിവടങ്ങളിൽ പരീക്ഷാ കേന്ദ്രങ്ങളുണ്ട്. തെരഞ്ഞെടുക്കപ്പെടുന്നവർക്ക് ആറു മാസം പ്രൊബേഷനുണ്ടാകും.
അപേക്ഷാഫീസ്: 500 രൂപ. പട്ടികവിഭാഗം, വികലാംഗർ, വിമുക്തഭടൻമാർ എന്നിവർക്ക് 100 രൂപ മതി. ഓണ്‍ലൈൻ രജിസ്ട്രേഷൻ ലഭിക്കുന്ന സമയത്ത് പേയ്മെന്‍റ് ചെലാൻ ഉപയോഗിച്ചു വേണം അപേക്ഷാഫീസ് അടയ്ക്കാൻ. അപേക്ഷാ ഫീസിൽ ജിഎസ്ടി ചുമത്തും.
അപേക്ഷിക്കേണ്ട വിധം: www.uiic.co.inഎന്ന വെബ്സൈറ്റിലൂടെ ഓണ്‍ലൈൻ അപേക്ഷ സമർപ്പിക്കാം. അപേക്ഷിക്കുന്നതിനുള്ള നിർദേശങ്ങൾ വെബ്സൈറ്റിലുണ്ട്. അപേക്ഷകർക്ക് ഓണ്‍ലൈൻ വിലാസം നിർബന്ധമാണ്. ഓണ്‍ലൈൻ അപേക്ഷയിൽ അപ്‌ലോഡ് ചെയ്യുന്നതിന് അപേക്ഷകന്‍റെ ഒപ്പ്, പാസ്പോർട്ട്സൈസ് കളർ ഫോട്ടോ എന്നിവ സ്കാൻ ചെയ്തതു ഉണ്ടാവണം. മറ്റു വിശദവിവരങ്ങൾ www.uiic.co.in.
ഓറിയന്‍റൽ ഇൻഷ്വറൻസിൽ
പൊതുമേഖലാ ഇൻഷ്വറൻസ് കന്പനിയായ ഓറിയന്‍റൽ ഇൻഷ്വറൻസിൽ അഡ്മിനിസ്ട്രേറ്റീവ് ഓഫീസർമാരുടെ 300 ഒഴിവുകളിലേക്ക് അപേക്ഷ ക്ഷണിച്ചു.
അക്കൗണ്ട്സ് 20, ലീഗൽ 30, അച്യുറീസ് 2, ഓട്ടോ മൊബൈൽ എൻജിനിയറിംഗ് 15, ജനറലിസ്റ്റ് 223, മെഡിക്കൽ ഓഫീസർ 10 ഒഴിവുകളിലേക്കാണ് അപേക്ഷ ക്ഷണിച്ചിരിക്കുന്നത്.
അപേക്ഷാ ഫീസ്- 600 രൂപ. എസ്‌സി, എസ്ടി, വികലാംഗർ എന്നിവർക്ക് 100 രൂപ.
എഴുത്തു പരീക്ഷയുടെയും അഭിമുഖത്തിന്‍റെയും അടിസ്ഥാനത്തിലാണ് തെരഞ്ഞെടുപ്പ്. ഓൺലൈൻ അപേക്ഷയ്ക്കും കൂടുതൽ വിവരങ്ങൾക്കും www.orientalinsurence.org.in എന്ന വെബ്സൈറ്റ് സന്ദർശിക്കുക. അപേക്ഷ സ്വീകരിക്കുന്ന അവസാന തീയതി സെപ്റ്റംബർ 15.