Deepika.com Career News :സിആർപിഎഫിൽ പാരാമെഡിക്കൽ സ്റ്റാഫ്.......

സെൻട്രൽ റിസർവ് പോലീസ് ഫോഴ്സ് പാരാമെഡിക്കലിൽ വിവിധ തസ്തികകളിലേക്ക് റിക്രൂട്ട്മെന്‍റിന് അപേക്ഷ ക്ഷണിച്ചു. ഇന്ത്യയിൽ താമസിക്കുന്ന സ്ത്രീകൾക്കും പുരുഷൻമാർക്കും അപേക്ഷിക്കാം.വിജ്ഞാപനം വൈകാതെ www.crpfin dia.com, www.crpf.nic.inഎന്ന വെബ്സൈറ്റിൽ പ്രസിദ്ധീകരിക്കും.

എസ്ഐ (സ്റ്റാഫ് നഴ്സ്)
യോഗ്യത- പ്ലസ്ടു അല്ലെങ്കിൽ തത്തുല്യം. നഴ്സിംഗ് കൗണ്‍സിൽ നടത്തുന്ന മൂന്നു വർഷത്തെ ജനറൽ നഴ്സിംഗ് ആൻഡ് മിഡ് വൈഫറി പരീക്ഷ പാസ്. ജനറൽ നഴ്സ് ആൻഡ് മിഡ്‌വൈഫായി കേന്ദ്ര, സംസ്ഥാന നഴ്സിംഗ് കൗണ്‍സിൽ രജിസ്ട്രേഷൻ.

എസ്ഐ (റേഡിയോ ഗ്രാഫർ).
യോഗ്യത- സയൻസ് ഒരു വിഷയമായി പഠിച്ച് പ്ലസ്ടു അല്ലെങ്കിൽ തത്തുല്യം; കേന്ദ്ര അല്ലെങ്കിൽ സംസ്ഥാന സർക്കാർ അംഗീകാരമുള്ള സ്ഥാപനത്തിൽനിന്ന് റേഡിയോ ഡയഗണോസിസ് ഡിപ്ലോമ അല്ലെങ്കിൽ സർട്ടിഫിക്കറ്റ് (രണ്ട് വർഷത്തെ കോഴ്സ്)

എഎസ്ഐ (ഫാർമസിസ്റ്റ്)
യോഗ്യത- അംഗീകൃത ബോർഡ് അല്ലെങ്കിൽ യൂണിവേഴ്സിറ്റിയിൽനിന്ന് പ്ലസ്ടു അല്ലെങ്കിൽ തത്തുല്യം; കേന്ദ്ര, സംസ്ഥാന സർക്കാരിന്‍റെ അംഗീകാരമുള്ള സ്ഥാപനത്തിൽനിന്ന് ഫാർമസിയിൽ രണ്ടുവർഷത്തെ ഡിപ്ലോമ അല്ലെങ്കിൽ ഡിഗ്രി. ഫാർമസി നിയമം 1948 ( 1948ലെ എട്ട്്) പ്രകാരം ഫാർമസിസ്റ്റ് രജിസ്ട്രേഷൻ.

ഹെഡ്കോണ്‍സ്റ്റബിൾ (ജൂണിയർ എക്സ്റേ അസിസ്റ്റന്‍റ്)
യോഗ്യത- സയൻസ് ഒരു വിഷയമായി പഠിച്ച് മെട്രിക്കുലേഷൻ, കേന്ദ്ര, സംസ്ഥാന സർക്കാരിന്‍റെ അംഗീകാരമുള്ള സ്ഥാപനത്തിൽനിന്ന് രണ്ടു വർഷത്തെ റേഡിയോ ഡയഗണോസിസ് ഡിപ്ലോമ അല്ലെങ്കിൽ സർട്ടിഫിക്കറ്റ്.

ഹെഡ്കോണ്‍സ്റ്റബിൾ (സ്റ്റ്യുവാർഡ്)
യോഗ്യത- മെട്രിക്കുലേഷൻ പാസ്, കേന്ദ്ര, സംസ്ഥാന സർക്കാർ അംഗീകാരുമുള്ള സ്ഥാപനത്തിൽനിന്ന് ഫുഡ് ആൻഡ് ബീവറേജസ് സർവീസ് ഡിപ്ലോമ

കോണ്‍സ്റ്റബിൾ (വാർഡ് ബോയ്/ ഗേൾ)
യോഗ്യത- മെട്രിക്കുലേഷൻ പാസും സെന്‍റ് ജോണ്‍സ് ആംബുലൻസ് ഓർഗനൈസേഷൻ അല്ലെങ്കിൽ റെഡ് ക്രോസ് സൊസൈറ്റി ഓഫ് ഇന്ത്യ അംഗീകരവുമുള്ള ഫസ്റ്റ് എയ്ഡ് സർട്ടിഫിക്കറ്റ്.

കോണ്‍സ്റ്റബിൾ (മസാൽച്ചി)
യോഗ്യത- മെട്രിക്കുലേഷൻ പാസും ഹോട്ടൽ അല്ലെങ്കിൽ റസ്റ്ററന്‍റിൽ ഇതേ തസ്തികയിൽ രണ്ടു വർഷത്തെ പ്രവൃത്തിപരിചയം. എന്നീ തസ്തികകളിലാവും ഒഴിവ്. എസ്ഐ തസ്തികയിലേക്ക് അപേക്ഷിക്കുന്ന ഉദ്യോഗാർഥികൾക്ക് 30 വയസും എഎസ്ഐ, ഹെഡ്കോണ്‍സ്റ്റബിൾ, കോണ്‍സ്റ്റബിൾ തസ്തികകളിലേക്ക് അയയ്ക്കുന്ന ഉദ്യോഗാർഥികൾക്ക് 25 വയസുമാണ് ഉയർന്ന പ്രായപരിധി.