പവർഗ്രിഡ് കോർപറേഷനിൽ ഡിപ്ലോമ ട്രെയിനികളെ ക്ഷണിച്ചു. കേരളം ഉൾപ്പെടുന്ന ദക്ഷിണ മേഖലാ ട്രാൻസ്മിഷൻ സിസ്റ്റിത്തിൽ 45 ഒഴിവും ഉത്തരമേഖലാ ട്രാൻസ്മിഷൻ സിസ്റ്റത്തിൽ 30 ഒഴിവുണ്ട്. ഇലക്‌ട്രിക്കൽ, സിവിൽ, ഐടി ട്രേഡുകളിലാണ് അവസരം. ഓൺലൈനായാണ് അപേക്ഷിക്കേണ്ടത്.
ദക്ഷണ മേഖലാ ട്രാൻസ്മിഷൻ സിസ്റ്റം (എസ്ആർടിഎസ്-2)- ഇലക്‌ട്രിക്കൽ, സിവിൽ, ഐടി ട്രേഡുകളിലാണ് ഡിപ്ലോമ ട്രെയിനി അവസരങ്ങൾ. അസിസ്റ്റന്‍റ് (എഫ് ആൻഡ് എ) ഒഴിവിലേക്കും അപേക്ഷ ക്ഷണിച്ചിട്ടുണ്ട്.
ഡിപ്ലോമ ട്രെയിനി
ഇലക്‌ട്രിക്കൽ- 30 ഒഴിവ്.
യോഗ്യത- കുറഞ്ഞത് 70 ശതമാനം മാർക്കോടെ ഇലക്‌ട്രിക്കൽ/ഇലക്‌ട്രിക്കൽ ആൻഡ് ഇലക്‌ട്രോണിക്സ് എൻജിനിയറിംഗിൽ ഡിപ്ലോമ. (എസ്‌സി/എസ്ടി വിഭാഗക്കാർക്ക് പാസ് മാർക്ക് മതി).
സിവിൽ- 10 ഒഴിവ്.
യോഗ്യത- കുറഞ്ഞത് 70 ശതമാനം മാർക്കോടെ സിവിൽ എൻജിനിയറിംഗ് ഡിപ്ലോമ. (എസ്‌സി/എസ്ടി വിഭാഗക്കാർക്ക് പാസ് മാർക്ക് മതി).
ഐടി- അഞ്ച് ഒഴിവ്.
യോഗ്യത- കുറഞ്ഞത് 70 ശതമാനം മാർക്കോടെ കംപ്യൂട്ടർ സയൻസ്/കംപ്യൂട്ടർ എൻജിനിയിംഗ്/ ഇൻഫർമേഷൻ ടെക്നോളജിയിൽ ഡിപ്ലോമ.
പ്രായം- ഉയർന്ന പ്രായം 27 വയസ്. എസ്‌സി, എസ്ടി വിഭാഗക്കാർക്ക് അഞ്ചും ഒബിസി വിഭാഗക്കാർക്കു മൂന്നും വർഷം ഉയർന്ന പ്രായത്തിൽ ഇളവ് ലഭിക്കും.
അസിസ്റ്റന്‍റ് (എഫ് ആൻഡ് എ)- എസ് ആർ രണ്ട് ആൻഡ് റായ്ഗഡ്- പുഗലൂർ എച്ച്വിഡിസി പ്രോജക്ട്- നാല് ഒഴിവ്.
യോഗ്യത- ഫസ്റ്റ് ക്ലാസ് മാർക്കോടെ ബികോം. എസ്‌സി വിഭാഗത്തിന് പാസ് മാർക്ക് മതി. എംകോം ഉള്ളവർക്ക് മുൻഗണനയുണ്ടായിരിക്കും. ഫിനാൻസ് ആൻഡ് അക്കൗണ്ട്സിൽ ഒരു വർഷത്തെ പരിചയം വേണം.
പ്രായം- 28 വയസ്.
മേൽപറഞ്ഞ യോഗ്യതകൾ അംഗീകൃത സർവകലാശാല/ ടെക്നിക്കൽ ബോർഡ് / ഇൻസ്റ്റിറ്റ്യൂഷനിൽനിന്നും നേടിയതായിരിക്കണം. ട്രെയിനികൾക്ക് 16,500 രൂപ പ്രതിമാസം സ്റ്റെപ്പൻഡ് ലഭിക്കും. അസിസ്റ്റന്‍റ് തസ്തകികയിൽ 12,500- 27,500 രൂപയാണ് ശന്പളം.
ഫീസ്- ഡിപ്ലോമ ട്രെയിനികൾക്ക് 300 രൂപയും അസിസ്റ്റന്‍റ് തസ്തികക്ക് 200 രൂപയുമാണ് അപേക്ഷ ഫീസ്. കൂടാതെ ട്രാൻസാക്‌ഷൻ ചാർജും ഉണ്ടാവും. എസ്‌സി, എസ്ടി, ഭിന്നശേഷി വിഭാഗക്കാർക്കും വിമുക്തഭടൻമാർക്കും അപേക്ഷാ ഫീസില്ല. അപേക്ഷിക്കുന്ന സമയത്ത് ഓൺലൈനായി ഫീസ് അടയക്കണം.
തെരഞ്ഞെടുപ്പ്- ഡിപ്ലോമ ട്രെയിനി തസ്തികയ്ക്ക് എഴുത്തു പരീക്ഷയും അസിസ്റ്റന്‍റ് തസ്തികയ്ക്ക് എഴുത്തുപരീക്ഷയ്ക്കു പുറമേ സ്കിൽ ടെസ്റ്റും ഉണ്ടായിരിക്കും. കൊച്ചി, ബംഗളൂരു, ചെന്നൈ എന്നിവയാണ് പരീക്ഷാ കേന്ദ്രങ്ങൾ.
അപേക്ഷ അയയ്ക്കേണ്ട വിധം- www.powergridindia.com എന്ന വെബ്സൈറ്റിലെ വിജ്ഞാപനം വായിച്ചുമനസിലാക്കി ഇതേ സെറ്റിലെ രജിസ്ട്രേഷൻ സംവിധാനം വഴി അപേക്ഷിക്കണം. ഒരാൾ ഒരു തസ്തികയിലേക്ക് മാത്രമേ അപേക്ഷിക്കാവൂ. സ്കാൻചെയ്ത പാസ്പോർട്ട് സൈസ് കളർ ഫോട്ടോയും ഒപ്പും ജെപിജി ഫോർമാറ്റിൽ അപ്‌ലോഡ് ചെയ്യണം. ജനനത്തീയതി, യോഗ്യതാ മാർക്ക്, പരിചയം എന്നിവ തെളിയിക്കുന്ന സർട്ടിഫിക്കറ്റും അപ്‌ലോഡ് ചെയ്യണം. അപേക്ഷിക്കാനുള്ള അവസാന തീയതി സെപ്റ്റംബർ 29.
ഉത്തരമേഖലാ ട്രാൻസ്മിഷൻ സിസ്റ്റം- ഇലക്‌ട്രിക്കൽ ട്രേഡിൽ 30 ഒഴിവാണുള്ളത്.
യോഗ്യത- അംഗീകൃത ഇൻസ്റ്റിറ്റ്യൂട്ടിൽ നിന്ന് കുറഞ്ഞത് 70 ശതമാനം മാർക്കോടെ ഇലക്‌ട്രിക്കൽ / ഇലക്‌ട്രിക്കൽ ആൻഡ് ഇലക്‌ട്രോണിക്സ് എൻജിനിയറിംഗ് ഡിപ്ലോമ. വിശദവിവരങ്ങൾക്ക് www.powergridindia.com എന്ന വെബ്സൈറ്റ് സന്ദർശിക്കുക. അപേക്ഷ സ്വീകരിക്കുന്ന അവസാന തീയതി സെപ്റ്റംബർ 26.