Deepika.com Career News :ബാങ്ക് ഓഫ് ബറോഡയിൽ വെൽത്ത് മാനേജ്മെന്‍റ് പ്രഫഷണൽ.......

ബാങ്ക് ഓഫ് ബറോഡയുടെ നേതൃത്വത്തിൽ ആരംഭിക്കുന്ന വെൽത്ത് മാനേജ്മെന്‍റ് സർവീസസ് വിഭാഗത്തിലേക്ക് പ്രഫഷണലുകളുടെ അപേക്ഷ ക്ഷണിച്ചു. വിവിധ തസ്തികകളിലായി 337 ഒഴിവുകളുണ്ട്. കരാർ അടിസ്ഥാനത്തിലാണ് നിയമനം. ഒാൺലൈൻ വഴിയാണ് അപേക്ഷ സമർപ്പിക്കേണ്ടത്. ഒന്നിൽ കൂടുതൽ തസ്തികകളിലേക്ക് അപേക്ഷ സമർപ്പിക്കരുത്.

ഗ്രൂപ്പ് ഹെഡ്- നാല്
യോഗ്യത- രണ്ടു വർഷത്തെ ഫുൾടൈം എംബിഎ അല്ലെങ്കിൽ തത്തുല്യം. ബാങ്കിംഗ്, ഫിനാൻഷ്യൽ സർവീസ് മേഖലയിൽ പത്തുവർഷത്തെ പ്രവൃത്തിപരിചയം. ഇതിൽ എട്ടുവർഷം വെൽത്ത് മാനേജ്മെന്‍റ് വിഭാഗത്തിൽ ആയിരിക്കണം.
പ്രായം- 12.12.2017 ന് 35- 50 വയസ്.

ഓപ്പറേഷന്‍സ് ഗെഡ്- ഒരു ഒഴിവ്.
യോഗ്യത- രണ്ടുവർഷത്തെ ഫുൾടൈം എംബിഎ. അല്ലെങ്കിൽ തത്തുല്യം. ബാങ്കിംഗ്, ഫിനാൻഷ്യൽ സർവീസസ് മേഖലയിൽ പത്തുവർഷത്തെ പ്രവൃത്തിപരിചയം. ഇതിൽ എട്ടുവർഷം വെൽത്ത് മാനേജ്മെന്‍റ് രംഗത്തെ ബാങ്കിംഗ് ബാക്ക് ഓഫീസ്, ബ്രാഞ്ച് ഒാപ്പറേഷൻ വിഭാഗത്തിൽ ആയിരിക്കണം.
പ്രായം- 12.12.2017 ന് 35- 45 വയസ്.

ടെറിട്ടറി ഹെഡ്- 25 ഒഴിവ്.
യോഗ്യത- ഏതെങ്കിലും വിഷയത്തിൽ ബിരുദം. രണ്ടു വർഷത്തെ ഫുൾടൈം എംബിഎ അഭിലഷണീയ യോഗ്യതയാണ്. വെൽത്ത്മാനേജ്മെന്‍റ് രംഗത്ത് റിലേഷൻഷിപ്പ് മാനേജരായി ആറു വർഷത്തെ പ്രവൃത്തിപരിചയം വേണം. ഇതിൽ രണ്ടു വർഷം ടീം ലീഡ് തസ്തികയിലായിരിക്കണം.
പ്രായം- 12.12.2017 ന് 28- 40 വയസ്.

സീനിയർ റിലേഷൻഷിപ്പ് മാനേജർ- 223 ഒഴിവ്.
‍യോഗ്യത- ഏതെങ്കിലും വിഷയത്തിൽ ബിരുദം. രണ്ടു വർഷത്തെ ഫുൾടൈം എംബിഎ അഭിലഷണീയ യോഗ്യതയാണ്. റിലേഷൻഷിപ്പ് മാനേജരായി മൂന്നു വർഷത്തെ പ്രവൃത്തിപരിചയം.
പ്രായം- 12.12.2017 ന് 23- 35 വയസ്.

അക്വിസിഷൻ മാനേജർ (അഫ്ലുവന്‍റ്)- 41
യോഗ്യത- ഏതെങ്കിലും വിഷയത്തിൽ ബിരുദം. വെൽത്ത് മാനേജ്മെന്‍റ് മേഖലയിൽ ക്ലയന്‍റ്സിൽനിന്നുള്ള അക്വിസിഷനിൽ രണ്ടു വർഷത്തെ പ്രവൃത്തിപരിചയം.
പ്രായം- 12.12.2017 ന് 23- 35 വയസ്.

ക്ലയന്‍റ് സർവീസ് എക്സിക്യൂട്ടീവ്- 43 ഒഴിവ്.
യോഗ്യത- ഏതെങ്കിലും വിഷയത്തിൽ ബിരുദം. ഫിനാൻഷ്യൽ പ്രൊഡക്ടുകളുടെ ഡോക്യുമെന്‍റേഷനിൽ മുൻപരിചയം വേണം. മികച്ച ആശയവിനിമയ ശേഷിയുള്ളവർക്ക് മുൻഗണന.
പ്രായം- 12.12.2017 ന് 20-35 വയസ്.

അപേക്ഷാ ഫീസ്- 600 രൂപ.
എസ്‌സി, എസ്ടി വിഭാഗക്കാർക്കും അംഗപരിമിതർക്കും 100 രൂപ. ഡെബിറ്റ്/ക്രെഡിറ്റ് കാർഡ് സൗകര്യം, നെറ്റ് ബാങ്കിംഗ് എന്നിവ ഉപയോഗിച്ച് ഫീസ് അടയ്ക്കാം.

അപേക്ഷിക്കേണ്ട വിധം: www.bankofbaroda.co.in എന്ന വെബ്സൈറ്റിലെ കരിയേഴ്സ് ലിങ്കിൽ പ്രവേശിച്ച് ഓൺലൈനായി വേണം അപേക്ഷിക്കാൻ. ഓൺലൈൻ അപേക്ഷയിൽ ഉദ്യോഗാർഥിയുടെ പാസ്പോർട്ട് സൈസ് ഫോട്ടോയും ഒപ്പും അപ്‌ലോഡ് ചെയ്യണം.
ഓൺലൈൻ അപേക്ഷ സ്വീകരിക്കുന്ന അവസാന തീയതി ഡിസംബർ 12.