കേന്ദ്ര പൊതുമേഖലാ സ്ഥാപനമായ നാഷണൽ തെർമൽ പവർ കോർപ്പറേഷൻ ലിമിറ്റഡ്. ഛത്തീസ്ഗഡ് യൂണിറ്റിലേക്ക് വിവിധ തസ്തികകളിൽ ട്രെയിനി നിയമനം നടത്തുന്നു. പരിശീലനം വിജയകരമായി പൂർത്തിയാക്കുന്നവർക്ക് സ്ഥിരനിയമനം ലഭിക്കും. ഫിറ്റർ, ഇലക്‌ട്രീഷ്യൻ, ഇൻസ്ട്രുമെന്‍റ് മെക്കാനിക്ക് ട്രേഡുകളിലായി ഐടി‍ഐക്കാർക്കു മാത്രം 58 ഒഴിവുകളുണ്ട്.
ഐടിഐ (ഫിറ്റർ) ട്രെയിനി- 30, ഐടിഐ (ഇലക്‌ട്രീഷ്യൻ) ട്രെയിനി-16, ഐടിഐ(ഇൻസ്ട്രുമെന്‍റ് മെക്കാനിക്ക്) ട്രെയിനി- 12.
യോഗ്യത: പത്താംക്ലാസ്, അനുബന്ധ ട്രേഡിൽ ഐടിഐ.
അസിസ്റ്റന്‍റ് (മെറ്റീരിയൽ/സ്റ്റോർ കീപ്പിംഗ്)ട്രെയിനി-5.
യോഗ്യത: സ്റ്റോർ കീപ്പിംഗിൽ എൻസിവിടി. മിനിറ്റിൽ 30 വാക്ക് വേഗത്തിൽ ഇംഗ്ലീഷ് ടൈപ്പിംഗ്. അല്ലെങ്കിൽ പത്താംക്ലാസ്, ഐടിഐ (ഫിറ്റർ/ഇലക്‌ട്രീഷ്യൻ/ഇലക്‌ട്രോണിക്സ്/ഇൻസ്ട്രുമെന്‍റ് മെക്കാനിക്ക്) മിനിറ്റിൽ 30 വാക്ക് വേഗത്തിൽ ഇംഗ്ലീഷ് ടൈപ്പിംഗ്. എംഎസ് ഓഫീസ് അഭിലഷണീയം.
ലാബ് അസിസ്റ്റന്‍റ് (കെമിസ്ട്രി) ട്രെയിനി- ആറ്.
യോഗ്യത: കെമിസ്ട്രി ഒരു വിഷയമായി പഠിച്ച് സയൻസ് ബിരുദം. അല്ലെങ്കിൽ ഇൻഡസ്ട്രിയൽ/അപ്ലൈഡ് കെമിസ്ട്രിയിൽ ബിരുദം.
പ്രായം: 2018 ജനുവരി ഒന്നിന് 27 വയസ്. സംവരണവിഭാഗക്കാർക്ക് ചട്ടപ്രകാരം ഇളവ് ലഭിക്കും.
ശന്പളം: ഒരു വർഷമാണ് ട്രെയിനിംഗ്. ഈ കാലയളവിൽ 11,500 രൂപ സ്റ്റെപ്പെൻഡ് ലഭിക്കും. പരിശീലനം വിജയകരമായി പൂർത്തിയാക്കുന്നവർക്ക് 11,500- 26,000 രൂപ ശന്പള സ്കെയിലിൽ ജോലി ലഭിക്കും.
തെരഞ്ഞെടുപ്പ്- എഴുത്തു പരീക്ഷയുടെ അടിസ്ഥാനത്തിലാണ് തെരഞ്ഞെടുപ്പ്. ഛത്തീസ്ഗഡ്, റായ്പുർ, ബിലാസ്പുർ, റായ്ഗഡ് എന്നിവടങ്ങളിലായിരിക്കും പരീക്ഷ.
അപേക്ഷിക്കേണ്ട വിധം: www.ntpcc areers.net എന്ന വെബ്സൈറ്റിൽനിന്ന് അപേക്ഷാ ഫോം ഡൗൺലോഡ് ചെയ്തെടുക്കാം. പൂരിപ്പിച്ച അപേക്ഷകൾ അനുബന്ധ രേഖകൾ സഹിതം സ്പീഡ് പോസ്റ്റിലോ രജിസ്ട്രേഡ് തപാലിലോ അയയ്ക്കുക.
വിലാസം: DGM(HR-Rectt) NTPC Limited Western Region II Headquarters, 4th Floor, Magneto Office, Labhandi, GE Road, NH-^, Raipur (CG)- 492001 എന്ന വിലാസത്തിൽ അയയ്ക്കണം. അപേക്ഷാ കവറിനു പുറത്ത് തസ്തിക വ്യക്തമാക്കാൻ മറക്കരുത്.
അപേക്ഷ സ്വീകരിക്കുന്ന അവസാന തീയതി ഡിസംബർ 31.