Deepika.com Career News :ടെറിട്ടോറിയൽ ആർമി റിക്രൂട്ട്മെന്‍റ് റാലി.......

ടെറിട്ടോറിയൽ ആർമി 117 ഇൻഫന്‍ററി ബെറ്റാലിയൻ ഫെബ്രുവരി ഒന്നു മുതൽ ഏഴു വരെ തമിഴ്നാട് കാജമലൈ ക്യാന്പിൽ റിക്രൂട്ട്മെന്‍റ് റാലി നടത്തുന്നു.

സോൾജിയർ ജനറൽ ഡ്യൂട്ടി-40, സോൾജിയർ ക്ലാർക്ക് - ഒന്ന്, ട്രേഡ്സ്മാൻ (വാഷർമാൻ)-ഒന്ന് ഒഴിവുകളിലേക്കാണ് അപേക്ഷ ക്ഷണിച്ചിരിക്കുന്നത്.

യോഗ്യത:സോൾജിയർ ജനറൽ ഡ്യൂട്ടി- പത്താംക്ലാസിൽ 45 ശതമാനം മാർക്ക് ഉണ്ടായിരിക്കണം. പന്ത്രണ്ടാംക്ലാസ് പാസായവർക്ക് പത്തിൽ 45 ശതമാനം വേണമെന്ന നിബന്ധനയില്ല.
ക്ലാർക്ക്- അറുപതു ശതമാനം മാർക്കോടെ പ്ലസ്ടു.

ട്രേഡ്സ്മാൻ (വാഷർമാൻ)- പത്താംക്ലാസ് പാസ്, ട്രേഡിൽ പ്രൊവിഷ്യൻസി സർട്ടിഫിക്കറ്റ്.
പ്രായം- 18 മുതൽ 42 വരെ.

ശാരീരിക യോഗ്യത: ഉയരം- 160 സെമീ., തൂക്കം-50 കി.ഗ്രാം, നെഞ്ചളവ്- 77-82 സെമീ.
അപേക്ഷകർ സർക്കാർ, അർധസർക്കാർ, സ്വകാര്യ സ്ഥാപനങ്ങളിലെ ജോലിക്കാരോ സ്വയം തൊഴിലോ ഉള്ളവരായിരിക്കണം.

റാലിയിൽ പങ്കെടുക്കുന്ന ഉദ്യോഗാർഥികൾ താഴെ പറയുന്ന രേഖകൾ സ്ക്രീനിംഗ് സമയത്ത് ഹാജരാക്കണം :- എട്ടാം ക്ലാസ്/എസ്എസ്എൽസി /10+2/എസ്എസ്എൽസി ഇന്‍റർമീഡിയറ്റ്/വി.എച്ച്.എസ്.സി /ഐടിഐ/ബിരുദം സർട്ടിഫിക്കറ്റുകളുടെ അസൽ കോപ്പി. 15 കോപ്പി പാസ്പോർട്ട് സൈസ് കളർഫോട്ടോ . നേറ്റിവിറ്റി/സ്ഥിരതാമസം/ജാതി സംബന്ധിച്ച അസൽ സർട്ടിഫിക്കറ്റുകൾ തഹസിൽദാർ/ഡിസ്ട്രിക്ട് കളക്ടർ സാക്ഷ്യപ്പെടുത്തുകയും ഓഫീസ് സീൽ വയ്ക്കുകയും വേണം. വില്ലേജ് ഓഫീസർ/ലോക്കൽ പോലീസ് സ്റ്റേഷൻനിന്ന് ലഭിച്ച ആറു മാസത്തിൽ കവിയാത്ത സ്വഭാവ സർട്ടിഫിക്കറ്റ്. വിമുക്തഭടൻ/സർവീസിലുള്ളവർ/വിധവകൾ/യുദ്ധവിധവകൾ എന്നിവരുടെ മക്കളാണെങ്കിൽ, റിക്കാർഡ് ഓഫീസിൽ നിന്നു ലഭിച്ച റിലേഷൻഷിപ്പ് സർട്ടിഫിക്കറ്റ് ഹാജരാക്കണം. അസൽ എൻസിസി സർട്ടിഫിക്കറ്റും, ഫോട്ടോകോപ്പിയും. സ്പോർട്സ് സർട്ടിഫിക്കറ്റുള്ളവർ അതിന്‍റെ അസലും പകർപ്പും. ഉദ്യോഗസ്ഥർ മേലധികാരിയുടെ നോണ്‍ ഒബ്ജക്ഷൻ സർട്ടിഫിക്കറ്റും ഹാജരാക്കണം.

കൂടുതൽ വിവരങ്ങൾക്ക് വെബ്സൈറ്റ് സന്ദർശിക്കുക. www.joinin dianarmy.nic.in.