Deepika.com Career News :നേവിയിൽ എഡ്യൂക്കേഷൻ ബ്രാഞ്ചിൽ അവസരം.......

ഇന്ത്യൻ നേവിയുടെ എക്സിക്യൂട്ടീവ് ബ്രാഞ്ച് എഡ്യുക്കേഷ ൻ കേഡറിൽ പുരുഷൻമാർക്ക് പെർമനന്‍റ് സർവീസ് കമ്മീഷൻഡ് ഓഫീസർ, വനിതകൾക്ക് ഷോർട്ട് സർവീസ് കമ്മീഷൻഡ് ഓഫീസറാകാൻ അവസരം.

പെർമനന്‍റ് കമ്മീഷൻ- 20 ഒഴിവ്.
ഷോർട്ട് സർവീസ് കമ്മീഷൻ- 18 ഒഴിവ്.
അപേക്ഷ ഓണ്‍ലൈനായി സമർപ്പിക്കണം. അപേക്ഷ സ്വീകരിക്കുന്ന അവസാന തീയതി: ഫെബ്രുവരി 10.

ഏഴിമല നാവിക അക്കാഡമിയിൽ കോഴ്സ് തുടങ്ങും. പത്തുവർഷത്തേക്കാണ് ഷോ ർട്ട് സർവീസ് കമ്മീഷനിൽ നിയ മനം. 14 വർഷം വരെ സർവീസ് നീട്ടിയെടുക്കാം. ഓരോ വിഭാഗങ്ങളിലേക്കും അപേക്ഷിക്കാൻ ആവശ്യമായ യോഗ്യത, ശാരീരിക യോഗ്യത എന്നിവ സംബന്ധിച്ച വിവരങ്ങൾ www.nausena-bharti.nic.in എന്ന വെബ്സൈറ്റിൽ നൽകിയിട്ടുണ്ട്.
തെരഞ്ഞെടുപ്പ്: ബംഗളൂരു/ഭോപ്പാൽ/കോയന്പത്തൂർ എന്നിവിടങ്ങളിൽ എസ്എസ്ബി ഇന്‍റർവ്യൂ നടത്തും.

നവംബറിലായിരിക്കും ഇന്‍റർവ്യൂ. രണ്ടു ഘട്ടങ്ങളിലായാണ് ഇന്‍റർവ്യൂ നടത്തുന്നത്. ആദ്യമായി എസ്എസ്ബി ഇന്‍റർവ്യൂവിൽ പങ്കെടുക്കുന്നവർക്ക് രണ്ടാം ക്ലാസ് യാത്രാ ബത്ത നൽകും. ഏഴിമല നാവിക അക്കാഡമിയിലാണ് പ്രാഥമിക പരിശീലനം.

അപേക്ഷിക്കേണ്ട വിധം:www.nausena-bharti.nic.in എന്ന വെബ്സൈറ്റ് വഴി ഇ-ആപ്ലിക്കേഷൻ സമർപ്പിക്കണം. അപേക്ഷകർക്ക് ഇ-മെയിൽ വിലാസം, മൊബൈൽ നന്പർ എന്നിവ നിർബന്ധമായും ഉണ്ടായിരിക്കണം.

വെബ്സൈറ്റിലെ Apply Onlineഎന്ന ലിങ്കിൽ Officer Entryൽ ക്ലിക്ക് ചെയ്ത് അപേക്ഷ പൂരിപ്പിക്കാം. ശരിയായ രീതിയിൽ അപേക്ഷ പൂരിപ്പിച്ചു കഴിയുന്പോൾ ആപ്ലിക്കേഷൻ നന്പർ ലഭിക്കും.

ആപ്ലിക്കേഷൻ നന്പർ സഹിതമുള്ള അപേക്ഷയുടെ രണ്ടു പ്രിന്‍റൗട്ട് എടുക്കണം. അതിൽ ഒരെണ്ണത്തിൽ ഒപ്പിട്ട് ഇനിപ്പറയുന്ന രേഖകൾ സ്റ്റേപ്പിൾ ചെയ്ത് സാധാരണ തപാലിൽ അയയ്ക്കണം
.
1. സ്വയം സാക്ഷ്യപ്പെടുത്തിയ ഫോട്ടോ.
2. പത്ത്, പ്ലസ്ടു സർട്ടിഫിക്കറ്റുകളുടെ സാക്ഷ്യപ്പെടുത്തിയ പകർപ്പ് (മാർക്ക് ലിസ്റ്റുകൾ സഹിതം).
3. മറ്റു യോഗ്യതാ സർട്ടിഫിക്കറ്റുകളുടെ സാക്ഷ്യപ്പെടുത്തിയ പകർപ്പ് (മാർക്ക് ലിസ്റ്റുകൾ സഹിതം).
കൂടുതൽ വിവരങ്ങൾക്ക് www.nausena-bharti.ni-c.in എന്ന വെബ്സൈറ്റ് സന്ദർശി ക്കുക.