ഹൈരാബാദിലെ നാഷണൽ മിനറൽ ഡെവലപ്മെന്‍റ് കോർപറേഷനിൽ (എൻഎംഡിസി) 300 അവസരം. മൂന്നു വിജ്ഞാപനങ്ങളിലാണ് ഇത്രയും അവസരം. ഒഴിവുകളിൽ 267 എണ്ണം ട്രെയിനി തസ്തികയിലാണ്. ശേഷിക്കുന്ന 33 എണ്ണം എക്സിക്യൂട്ടിവ് കേഡറിലാണ്.
മെക്കാനിക്കൽ അസിസ്റ്റന്‍റ് (ട്രെയിനി) (മെക്കാനിക്കൽ)- ഒഴിവ് 44. യോഗ്യത- ഐടിഐ (വെൽഡിംഗ്/മെഷിനിസ്റ്റ്/മോട്ടർ മെക്കാനിക്ക്/ഡീസൽ മെക്കാനിക്ക്/ഓട്ടോ ഇലക്‌ട്രീഷ്യൻ).
പ്രായം: 01.06.2014ന് 18 നും 30നും ഇടയിൽ. ഉയർന്ന പ്രായപരിധിയിൽ എസ്‌സി, എസ്ടി വിഭാഗത്തിന് അഞ്ചും ഒബിസിക്കാർക്ക് മൂന്നും വർഷം ഇളവ് ലഭിക്കും. വിമുക്തഭടൻമാർക്കും ഭിന്നശേഷിക്കാർക്കും ചട്ടപ്രകാരം ഇളവ് ലഭിക്കും.
അപേക്ഷാ ഫീസ്: 150 രൂപ.
(എസ്‌സി, എസ്ടി വിഭാഗക്കാർ, ഭിന്നശേഷിക്കാർ, വിമുക്തഭടൻമാർ എന്നിവർക്ക് ഫീസ് ബാധകമല്ല. ഓൺലൈനായി അപേക്ഷിക്കുന്നവർ ഓൺലൈൻ സംവിധാനം വഴിയും ഓഫ് ലൈനായി അപേക്ഷിക്കുന്നവർ എസ്ബിഐ ചെലാൻ വഴിയും ഫീസ് അടയ്ക്കണം.
തെരഞ്ഞെടുപ്പ്: എഴുത്തുപരീക്ഷയുടെയും ട്രേഡ് ടെസ്റ്റിന്‍റെയും അടിസ്ഥാനത്തിലായിരിക്കും തെരഞ്ഞെടുപ്പ്. നൂറുമാർക്കിന്‍റെ എഴുത്തുപരീക്ഷയിൽ ബന്ധപ്പെട്ട ട്രേഡ്- 30 മാർക്ക്, ജനറൽ നോളജ്- 50 മാർക്ക്, ന്യൂമറിക്കൽ ആൻഡ് റീസണിംഗ് എബിലിറ്റി- 20 എന്നിങ്ങനെയാണ് ചോദ്യങ്ങൾ. എഴുത്തു പരീക്ഷയിൽ കുറഞ്ഞത് 40 മാർക്ക് ( ഒബിസിക്കാർക്ക് 35, എസ്‌സി, എസ്ടിക്ക് 30 മാർക്ക്) നേടിയവരെയായിരിക്കും ട്രേഡ് ടെസ്റ്റിന് ക്ഷണിക്കുക.
അപേക്ഷിക്കേണ്ട വിധം: ഓൺലൈനായും ഓഫ് ലൈനായും അപേക്ഷിക്കാം. ഓഫ്‌ലൈനായി അപേക്ഷിക്കുന്നവർ വെബ്സൈറ്റിൽ നിന്ന് അപേക്ഷാ ഫോം ഡൗൺലോഡ് ചെയ്തെടുത്ത് അപേക്ഷിക്കാം. കവറിനു പുറത്ത് പരസ്യ വിജ്ഞാപന നന്പറും തസ്തികയും രേഖപ്പെടുത്തണം. വിലാസം: Post Box No. 1353, Post office, Humayun Nagar, Hyderabad, Telangana State, Pin- 500028.
ഓൺലൈനായോ ഓഫ് ലൈനായോ അപേക്ഷിക്കുന്നതിനു മുന്പ് വെബ്സൈറ്റിലുള്ള വിജ്ഞാപനം നന്നായി വായിച്ചുമനസിലാക്കണം. അപേക്ഷ സ്വീകരിക്കുന്ന അവസാന തീയതി: ഫെബ്രുവരി 12. വെബ്സൈറ്റ്: www.nmdc.co.in.
എക്സിക്യൂട്ടിവ് കേഡറിൽ 33 ഒഴിവും ജൂണിയർ ഓഫീസർ കേഡറിൽ 54 ഒഴിവുമാണുള്ളത്.
എക്സിക്യൂട്ടീവ് കേഡർ: മൈനിംഗ്- എട്ട്, സർവേ- മൂന്ന്, ജിആൻഡ് ക്യുസി- 13, സി ആൻഡ് ഐടി- ഏഴ്, ഇൻസ്ട്രു മെന്‍റേഷൻ- ഒന്ന്, ജിയോ ഫിസിക്സ്- നാല്.
ജൂണിയർ ഓഫീസർ കേഡർ
മെക്കാനിക്കൽ ട്രെയിനി- 13, ഇലക്‌ട്രിക്കൽ ട്രെയിനി- എട്ട്, മൈനിംഗ് ട്രെയിനി- 29, ജി ആൻഡ് ക്യുസി ട്രെയിനി- നാല്.
പ്രായം: ജൂണിയർ ഓഫീസർ കേഡറിൽ 35 വയസും എക്സിക്യൂട്ടീവ് കേഡറിൽ 45 വയസുമാണ് ഉയർന്ന പ്രായപരിധി. ഉയർന്ന പ്രായപരിധിയിൽ എസ്‌സി, എസ്ടി വിഭാഗത്തിന് അഞ്ചും ഒബിസിക്കാർക്ക് മൂന്നും വർഷം ഇളവ് ലഭിക്കും. വിമുക്തഭടൻമാർക്കും ഭിന്നശേഷിക്കാർക്കും ചട്ടപ്രകാരം ഇളവ് ലഭിക്കും.
അപേക്ഷാ ഫീസ്: എക്സിക്യൂട്ടീവ് കേഡിറിൽ 500 രൂപയും ജൂണിയർ ഓഫീസർ കേഡറിൽ 300 രൂപയാണ് അപേക്ഷാ ഫീസ്. (എസ്‌സി, എസ്ടി വിഭാഗക്കാർക്കും ഭിന്നശേഷിക്കാർക്കും ബാധകമല്ല). ഓൺലൈനായാണ് ഫീസ് അടയ്ക്കേണ്ടത്.
തെരഞ്ഞെടുപ്പ്: രണ്ടു കേഡറിലും ആദ്യഘട്ടമായി നൂറു മാർക്കിന്‍റെ എഴുത്തുപരീക്ഷയുണ്ടാകും. തുടർന്ന് അഭിമുഖം/ സ്കിൽ ടെസ്റ്റ് കൂടി നടത്തിയാവും തെരഞ്ഞെടുപ്പ്.
അപേക്ഷ അയയ്ക്കേണ്ട വിധം: www.nmdc.co.in എന്ന വെബ്സൈറ്റിലെ വിജ്ഞാപനം വായിച്ചുമനസിലാക്കി ഇതേ വെബ്സൈറ്റ് വഴി ഓൺലൈനായി ഫെബ്രുവരി 12 നകം അപേക്ഷിക്കണം. ഓൺലൈൻ അപേക്ഷയുടെ പ്രിന്‍റൗട്ടും മറ്റു പകർപ്പുകളും ഫെബ്രുവരി 20 നകം ലഭിക്കും വിധം അയച്ചു കൊടുക്കണം.
വിലാസം: Post Box No. 1382, Post Office, Humayun Nagar, Hyderabad, Telangana State, Pin- 500028.
മെയിന്‍റനൻസ് അസിസ്റ്റന്‍റ് (മെക്കാനിക്കൽ) ട്രെയിനി- 114, മെയിന്‍റനൻസ് അസിസ്റ്റന്‍റ് (ഇലക്‌ട്രിക്കൽ) ട്രെയിനി- 40, എച്ച്ഇഎം (മെക്കാനിക്കൽ)- ഗ്രേഡ് മൂന്ന് (ട്രെയിനി)/എംസിഒ മൂന്ന് (ട്രെയിനി)-നാല്, ഇലക്‌ട്രീഷ്യൻ ഗ്രേഡ് മൂന്ന് (ട്രെയിനി)-നാല്, എച്ച്ഇഎം ഓപ്പറേറ്റർ ഗ്രേഡ് മൂന്ന് (ട്രെയിനി)- രണ്ട്, ക്യുസിഎ ഗ്രേഡ് മൂന്ന് (ട്രെയിനി)- അഞ്ച് എന്നിങ്ങനെയാണ് ഒഴിവുകൾ.