Deepika.com Career News :പവർഗ്രിഡിൽ 150 അസിസ്റ്റന്‍റ് എൻജിനിയർ ട്രെയിനി.......

പവർഗ്രിഡിൽ 150 അസിസ്റ്റന്‍റ് എൻജിനിയർ ട്രെയിനി

പവർഗ്രിഡ് കോർപറേഷനിൽ അസിസ്റ്റന്‍റ് എൻജിനിയർ ട്രെയിനി (ഇഐ ട്രെയിനി) തസ്തികയിലേക്ക് അപേക്ഷ ക്ഷണിച്ചു. 2017 ഗേറ്റ് സ്കോർ അടിസ്ഥാനത്തിലാണ് തെരഞ്ഞെടുപ്പ്. 150 അവസരമുണ്ട്. ഇലക്‌ട്രിക്കൽ വിഭാഗത്തിലാണ് കൂടുതൽ ഒഴിവ്-100 അവസരം.

ഒഴിവുകൾ- ഇലക്‌ട്രിക്കൽ:100
ഇലക്‌ട്രോണിക്സ്: 20
സിവിൽ: 20
കംപ്യൂട്ടർ സയൻസ്: 10

യോഗ്യത: ബന്ധപ്പെട്ട വിഷയത്തിൽ കുറഞ്ഞത് 60 ശമതാനം മാർക്ക്/തത്തുല്യ ഗ്രേഡോടെ അംഗീകൃത സർവകലാശാല / സ്ഥാപനത്തിൽനിന്നും ബന്ധപ്പെട്ട വിഷയത്തിൽ നേടിയ ഫുൾടൈം ബിഇ / ബിടെക് /ബിഎസ്‌സി എൻജിനിയറിംഗും ഗേറ്റ് 2017 സ്കോറും. എസ്‌‌സി /എസ്ടി വിഭാഗക്കാർക്കും ഭിന്നശേഷിക്കാർക്കും പാസ്മാർക്ക് മതി. ഓരോ വിഭാഗത്തിലെയും ബന്ധപ്പെട്ട ബിരുദ വിഷയങ്ങൾ താഴെ പറയുന്നു.

പ്രായം: 31-12-2016 ന് 28 വയസ് കവിയരുത്. ഉയർന്ന പ്രായത്തിൽ എസ്‌സി, എസ്ടി വിഭാഗക്കാർക്കും അഞ്ചും ഒബിസി വിഭാഗക്കാർക്ക് മൂന്നും ഭിന്നശേഷിക്കാർക്ക് പത്തും വർഷത്തെ ഇളവ് ലഭിക്കും.

തെരഞ്ഞെടുപ്പ്: മൊത്തം നൂറ് മാർക്കിന്‍റെ ഫൈനൽ സ്കോർ തയാറാക്കിയാണ് തെരഞ്ഞെടുപ്പ്. ഇതിൽ 85 ശതമാനം ഗേറ്റ് സ്കോറിനും മൂന്നു ശതമാനം ഗ്രൂപ്പ് ഡിസ്കഷനും 12 ശതമാനം അഭിമുഖത്തിനുമാണ് നൽകുക.

സ്റ്റൈപ്പൻഡ്: 24500 രൂപ.
ബോണ്ട്: തെരഞ്ഞെടുക്കപ്പെടുന്നവർ ഒരു ലക്ഷം രൂപ ബോണ്ട് നല്കണം. എസ്‌സി, എസ്ടി വിഭാഗക്കാർക്ക് 50,000 രൂപ നല്കിയാൽ മതി.

അപേക്ഷാ ഫീസ്: 200 രൂപ. (എസ്‌സി, എസ്ടി വിഭാഗക്കാർക്കും ഭിന്നശേഷിക്കാർക്കും വിമുക്തഭടൻമാർക്കും ഫീസില്ല). ഒാൺലൈനായാണ് ഫീസ് അടയ്ക്കേണ്ടത്. വിശദവിവരങ്ങൾക്ക് www.powergridindia.com എന്ന വെബ്സൈറ്റ് സന്ദർശിക്കുക.

അപേക്ഷ അയയ്ക്കേണ്ട വിധം: മേൽപറഞ്ഞ വെബ്സൈറ്റിലെ വിജ്ഞാപനം വായിച്ചു മനസിലാക്കി ഇതേ വെബ്സൈറ്റ് വഴി ഓൺലൈനായി അപേക്ഷിക്കണം. അവസാന തീയതി- ഫെബ്രുവരി 17.