പൂന ആസ്ഥാനമായ പ്രവർത്തിക്കുന്ന ബാങ്ക് ഓഫ് മഹാരാഷ്‌ട്ര വിവിധ വിഭാഗങ്ങളിലേക്ക് സ്പെഷലിസ്റ്റ് ഓഫീസർമാരുടെ അപേക്ഷ ക്ഷണിച്ചു. സ്കെയിൽ ഒന്ന്, രണ്ട്, നാല് വിഭാഗത്തിൽ പെടുന്ന തസ്തികകളാണിത്. സോഫ്റ്റ്‌വെയർ പ്രോഗ്രാമർ-4, സോഫ്റ്റ്‌വെയർ ടെസ്റ്റർ- മൂന്ന്, ഒറാക്കിൾ ഡേറ്റാ ബേസ് അഡ്മിനിസ്ട്രേറ്റർ- ഒന്ന്, എംഎസ്എസ്ക്യുഎൽ ഡേറ്റാ ബേസ് അഡ്മിനിസ്ട്രേറ്റർ- ഒന്ന്, നെറ്റ്‌വർക്ക് അഡ്മിനിസ്ട്രേറ്റർ- നാല്, ഡേറ്റാ അനലിസ്റ്റ്- 10, ഇൻഫർമേഷൻ സെക്യൂരിറ്റി ഓഫീസർ- അഞ്ച്, മാനേജർ (എച്ച്ആർ)- അഞ്ച്, ചീഫ് മാനേജർ (ക്രെഡിറ്റ്)- 10, ചീഫ് മാനേജർ (ബാലൻസ് ഷീറ്റ്)- ഒന്ന് എന്നിങ്ങനെയാണ് ഒഴിവുകൾ.
ഓരോ തസ്തികയിലേക്കും അപേക്ഷിക്കാൻ ആവശ്യമായ വിദ്യാഭ്യാസ യോഗ്യത, മുൻപരിചയം, പ്രായപരിധി എന്നിവയറിയാൻ www.bankof mahaashtra.in എന്ന വെബ്സൈറ്റിൽ പ്രസിദ്ധീകരിച്ചിട്ടുള്ള വിജ്ഞാപനം കാണുക. ഇതേ വെബ്സൈറ്റ് വഴി ഓൺലൈനായാണ് അപേക്ഷ സമർപ്പിക്കേണ്ടത്.
അപേക്ഷാ ഫീസ്- 600 രൂപ. എസ്‌സി, എസ്ടി വിഭാഗക്കാരും അംഗപരിമിതരും 100 രൂപ അടച്ചാൽമതി. ഓൺലൈനായി അടയ്ക്കണം. ഓൺലൈൻ അപേക്ഷയിൽ ഉദ്യോഗാർഥിയുടെ ഫോട്ടോയും കൈയൊപ്പും അപ്‌ലോഡ് ചെയ്യണം.
ഒാൺലൈൻ അപേക്ഷ സ്വീകരിക്കുന്ന അവസാന തീയതി ഫെബ്രുവരി 22.