ഛത്തീസ്ഗഡിലെ റായ്പുർ എയിംസിൽ അധ്യാപക തസ്തികകളിൽ 72 അവസരം. അസിസ്റ്റന്‍റ് പ്രഫസർ 27, അസോസിയേറ്റ് പ്രഫസർ 45 എന്നിങ്ങനെയാണ് ഒഴിവുകൾ.
അനസ്തീഷ്യോളജി, ബേൺസ് ആൻഡ് പ്ലാസ്റ്റിക് സർജറി, കാർഡിയോ തൊറാസിക് സർജറി, കാർഡിയോളജി, ഡെർമറ്റോളജി, എൻഡോക്രിനോളജി ആൻഡ് മെറ്റബോളിസം, ഗ്യാസ്ട്രോ എന്‍ററോളജി, ജനറൽ മെഡിസിൻ, ഹോസ്പിറ്റൽ അഡ്മിനിസ്ട്രേഷൻ, മെഡിക്കൽ ഓങ്കോളജി/ഹെമറ്റോളജി, ന്യൂനാറ്റോളജി, നെഫ്രോളജി, ന്യൂറോളജി, ന്യൂറോ സർജറി, ന്യൂക്ലിയർ മെഡിസിൻ, പൾമനറി മെഡിസിൻ, റേഡിയോ ഡയഗ്നോസിസ്, റേഡിയോ തെറാപ്പി, സർജിക്കൽ ഗാസ്ട്രോ എന്‍ററോളജി, സർജിക്കൽ ഓങ്കോളജി, യൂറോളജി എന്നീ വിഭാഗങ്ങളിലാണ് ഒഴിവ്.
കരാർ നിയമനമാണ്.
വിശദവിവരങ്ങൾക്കും അപേക്ഷാ ഫോമിന്‍റെ മാതൃകയ്ക്കും www.aiimsraipur.edu.in എന്ന വെബ്സൈറ്റ് സന്ദർശിക്കുക. അപേക്ഷ സ്വീകരിക്കുന്ന അവസാന തീയതി ഫെബ്രുവരി 26.