റെയിൽവേയിൽ ട്രാക്ക് മെയ്ന്‍റെയ്നർ, ഗേറ്റ്മാൻ, ഹെൽപ്പർ ഉൾപ്പെടെ വിവിധ തസ്തികകളിലേക്ക് സൂചനാ വിജ്ഞാപനമായി. 62907 ഒഴിവുകളിലേക്കാണ് റെയിൽവേ റിക്രൂട്ട്മെന്‍റ് ബോർഡ് നിയമനം നടത്തുന്നത്. മാർച്ച് 12ന് മുന്പായി ഒാൺലൈനായി അപേക്ഷിക്കാം.
ട്രാക്ക് മെയ്ന്‍റെയ്നർ ഗ്രേഡ് നാല് (ട്രാക്ക്മാൻ), ഗേറ്റ്മാൻ, പോയിന്‍റ്സ്മാൻ, ഇലക്‌ട്രിക്കൽ, എൻജിനിയറിംഗ്, മെക്കാനിക്കൽ, സിഗ്നൽ ആൻഡ് ടെലികമ്യൂണിക്കേഷൻ വിഭാഗങ്ങളിൽ ഹെൽപ്പർ, പോർട്ടർ തുടങ്ങിയ തസ്തികകളിലാണ് ഒഴിവുകൾ.
യോഗ്യത: പത്താംക്ലാസ്/ ഐടിഐ/നാഷണൽ അപ്രന്‍റിസ്ഷിപ്പ് സർട്ടിഫിക്കറ്റ് / തത്തുല്യ യോഗ്യതയുള്ളവർക്ക് അപേക്ഷിക്കാം. ഓരോ ജോലിക്കും അനിവാര്യമായ ആരോഗ്യ, ശാരീരിക യോഗ്യതകൾ ഉണ്ടായിരിക്കണം.
പ്രായം: 2018 ജൂലൈ ഒന്നിന് 18നും 31നും ഇടയിൽ.
ശന്പളം: 18,000 രൂപ, മറ്റ് ആനുകൂല്യങ്ങൾ.
അപേക്ഷാ ഫീസ്: എസ്‌സി, എസ്ടി വിഭാഗക്കാർ, വിമുക്തഭടൻ, അംഗപരിമിതർ, വനിതകൾ, ട്രാൻസ് ജെൻഡർ, മറ്റ് ന്യൂനപക്ഷങ്ങൾ, സാന്പത്തികമായി പിന്നോക്കം നിൽക്കുന്നവർക്കും 250 രൂപ. മറ്റുള്ളവർക്ക് 500 രൂപ. ഓൺലൈനായും ഓഫ് ലൈനായും ഫീസ് അടയ്ക്കാൻ സൗകര്യമുണ്ട്. ഓൺലൈനായി ഫീസ് അടയ്ക്കുന്പോൾ നെറ്റ് ബാങ്കിംഗ്/ ക്രെഡിറ്റ് കാർഡ്/ ഡെബിറ്റ് കാർഡ് ഉപയോഗിക്കാം. ഓഫ്‌ലൈൻ രീതിയിൽ ചെലാൻ വഴി സ്റ്റേറ്റ് ബാങ്ക് ഓഫ് ഇന്ത്യയിലൂടെയോ പോസ്റ്റ് ഓഫീസുകൾ വഴിയോ ഫീസടയ്ക്കാം. വിജ്ഞാപനം ആർആർബി വെബ്സൈറ്റുകളിൽ ലഭ്യമാണ്. കൂടുതൽ വിവരങ്ങൾക്ക് www.indianrailways.gov.in എന്ന വെബ്സൈറ്റ് സന്ദർശിക്കുക.
ഒാൺലൈൻ രജിസ്ട്രേഷനുള്ള അവസാന തീയതി മാർച്ച് 12.