ഇന്തോ-ടിബറ്റൻ ബോർഡർ പോലീസിൽ കരാർ അടിസ്ഥാനത്തിൽ കോൺസ്റ്റബിൾ (ഡ്രൈവർ) തസ്തികയിലേക്ക് നിയമനം നടത്തുന്നു. ഗ്രൂപ്പ് സി തസ്തികയാണ്. ഓൺലൈനായി അപേക്ഷിക്കാം.
കോൺസ്റ്റബിൾ (ഡ്രൈവർ)- 134 ഒഴിവ്.
യോഗ്യത: മെട്രിക്കുലേഷൻ അല്ലെങ്കിൽ തത്തുല്യ യോഗ്യത, ലൈറ്റ് മോട്ടോർ വെഹിക്കിൾ, ഹെവി മോട്ടോർ വെഹിക്കിൾ ഡ്രൈവിംഗ് ലൈസൻസ്. രണ്ടു വർഷം മുൻപരിചയം.
ശാരീരിക യോഗ്യതകൾ: ഉയരം 170 സെമീ. നെഞ്ചളവ് സാധാരണ നിലയിൽ 80 സെമീ. അഞ്ചു സെമീ വികാസം, പ്രായത്തിനും ഉയരത്തിനും ആനുപാതികമായ തൂക്കം. കണ്ണടയില്ലാതെ മികച്ച കാഴ്ച ശക്തിയുണ്ടായിരിക്കണം. കൂട്ടിമുട്ടുന്ന കാൽമുട്ട്, പരന്ന പാദം, വെരിക്കോസ് വെയിൻ എന്നിവ പാടില്ല.
പ്രായം: 21- 27 വയസ്. 2018 മാർച്ച് 15 അടിസ്ഥാനമാക്കിയാണ് പ്രായം കണക്കാക്കുക. സംവരണ വിഭാഗക്കാർക്ക് ചട്ടപ്രകാരം ഇളവുകൾ ലഭിക്കും.
തെരഞ്ഞെടുപ്പ്: ശാരീരിക ക്ഷമതാ പരീക്ഷ, എഴുത്ത് പരീക്ഷ, ട്രേഡ് ടെസ്റ്റ്, വൈദ്യപരിശോധന എന്നിവയുടെ അടിസ്ഥാനത്തിലാണ് തെരഞ്ഞെടുപ്പ്.
ശാരീരിക ക്ഷമതാ പരീക്ഷയിൽ 1.6 കിമീ ഓട്ടം, ലോംഗ് ജംപ്, ഹൈജംപ് എന്നിവ ഉണ്ടായിരിക്കും. എഴുത്തുപരീക്ഷ ജനറൽനോളജ്, മാത്തമാറ്റിക്സ്, ഇംഗ്ലീഷ്/ഹിന്ദി ഭാഷാ, ട്രേഡ് അനുബന്ധ ചോദ്യങ്ങൾ എന്നിവയെ അടിസ്ഥാനമാക്കിയാണ്. ഇതിൽ വിജയിക്കുന്നവർക്ക് പ്രായോഗിക പരീക്ഷയിൽ പങ്കെടുക്കാം.
അപേക്ഷാ ഫീസ്: ജനറൽ ഒബിസി വിഭാഗത്തിൽപ്പെടുന്ന ഉദ്യോഗാർഥികൾ ഓൺലൈനായി 100 രൂപ ഫീസ് അടയ്ക്കണം. എസ്‌സി, എസ്ടി വിഭാഗക്കാർക്കും വിമുക്തഭടൻമാർക്കും ഫീസ് ബാധകമല്ല.
അപേക്ഷിക്കേണ്ട വിധം: www.recruitment.itbpolice.nic.in എന്ന വെബ്സൈറ്റിലൂടെ ഓൺലൈനായി അപേക്ഷിക്കണം. വെബ്സൈറ്റിൽ നൽകിയിട്ടുള്ള വിജ്ഞാപനം വായിച്ചു മനസിലാക്കിയ ശേഷം അപേക്ഷിക്കുക. അപേക്ഷിക്കുന്ന സമയത്ത് ഫോട്ടോ, ഒപ്പ്, ആവശ്യമായ രേഖകൾ എന്നിവ കരുതണം. സർട്ടിഫിക്കറ്റുകളുടെ മാതൃക വെബ്സൈറ്റിൽ നൽകിയിട്ടുണ്ട്. അപേക്ഷ സ്വീകരിക്കുന്ന അവസാന തീയതി മാർച്ച് 15.