Deepika.com Career News :അറ്റ്മോസ്ഫറിക് റിസർച്ച് ലാബിൽ ഗവേഷകരാകാം.......

ആന്ധ്രാപ്രദേശിലെ ചിറ്റൂരിലുള്ള നാഷണൽ അറ്റ്മോസ്ഫറിക് റിസർച്ച് ലബോറട്ടറിയിലേക്ക് ഗവേഷക തസ്തികകളിൽ അപേക്ഷ ക്ഷണിച്ചു.

റിസർച്ച് അസോസിയേറ്റ്- മൂന്ന് ഒഴിവ്
യോഗ്യത: ഫിസിക്സ്/അറ്റ്മോസ്ഫെറിക് സയൻസ്/മീറ്റിയോറോളജി/സ്പേസ് സയൻസ്/മാത്തമാറ്റിക്സ് എന്നിവയിൽ ഒന്നിൽ എംഎസ്‌സി. അറ്റ്മോസ്ഫെറിക് സയൻസ്/മീറ്റിയോറോളജി/ സ്പേസ് സയൻസ് എന്നിവയുമായി ബന്ധപ്പെട്ട് പിഎച്ച്ഡി.

അല്ലെങ്കിൽ എംഇ/എംടെക് യോഗ്യതയും അറ്റ്മോസ്ഫെറിക് സയൻസ്/ മീറ്റിയോറോളജി/ സ്പേസ് സയൻസ് എന്നിവയുമായി ബന്ധപ്പെട്ട് മൂന്ന് വർഷത്തെ ഗവേഷണ പരിചയവും. എസ്‌സിഐ ജേണലിൽ ഒരു റിസർച്ച് പേപ്പർ പ്രസിദ്ധീകരിച്ചിരിക്കണം.
അല്ലെങ്കിൽ, കംപ്യൂട്ടേഷണൽ ഇലക്‌ട്രോമാഗ്നെറ്റിക്സിൽ ഡോക്ടറേറ്റ്.

ജൂണിയർ റിസർച്ച് ഫെലോ- 12 ഒഴിവ്.
യോഗ്യത: ഫിസിക്സ്/അറ്റ്മോസ്ഫെറിക് സയൻസ്/മീറ്റിയോറോളജി/സ്പേസ് സയൻസ്/മാത്തമാറ്റിക്സ് എന്നിവയിൽ ഒന്നിൽ ബിരുദാനന്തര ബിരുദം. നെറ്റ്/ഗേറ്റ്/ജാം/ജെസ്റ്റ് യോഗ്യത
.
ജൂണിയർ റിസർച്ച് ഫെലോ- രണ്ട്
യോഗ്യത: ഇലക്‌ട്രോണിക്സ് ആൻഡ് കമ്യൂണിക്കേഷൻ എൻജിനിയറിംഗിൽ എംഇ/എംടെക്.നെറ്റ്/ഗേറ്റ്/ജാം/ജെസ്റ്റ് യോഗ്യത.

റിസർച്ച് അസോസിയേറ്റ്- ഒന്ന്
യോഗ്യത: ഫിസിക്സ്/അറ്റ്മോസ്ഫെറിക് സയൻസ്/ മിറ്റിയോറോളജി/ സ്പേസ് സയൻസ് എന്നിവയുമായി ബന്ധപ്പെട്ട് പിഎച്ച്ഡി.

പ്രായം: റിസർച്ച് അസോസിയേറ്റ് തസ്തികയിലേക്ക് 35 വയസും ജെആർഎഫ് തസ്തികയിലേക്ക് 30 വയസുമാണ് ഉയർന്ന് പ്രായപരിധി. എസ്‌സി, എസ്ടി വിഭാഗക്കാർക്ക് അഞ്ച് വർഷത്തെയും ഒബിസി വിഭാഗക്കാർക്ക് മൂന്നു വർഷത്തെയും വയസിളവ് ലഭിക്കും. അംഗപരിമിതർക്കും വിമുക്തഭടൻമാർക്കും ചട്ടപ്രകാരം.

അപേക്ഷിക്കേണ്ടവിധം: www.narl.gov.in എന്ന വെബ്സൈറ്റിലൂടെ ഓൺലൈനായാണ് അപേക്ഷിക്കേണ്ടത്. വിശദമായ സിവി അപ്‌ലോഡ് ചെയ്യണം. അപേക്ഷയുടെ പ്രിന്‍റൗട്ട് സ്വയം സാക്ഷ്യപ്പെടുത്തിയ പകർപ്പുകൾ സഹിതം The Administrative Officer, National Atmospheric Research Laboratory, PB No. 123, S.V. University Campus, Tirupati - 517502 എന്ന വിലാസത്തിൽ അയയ്ക്കണം. അപേക്ഷാ കവറിനു പുറത്ത് തസ്തിക വ്യക്തമാക്കണം. ഓൺലൈൻ രജിസ്ട്രേഷനുള്ള അവസാന തീയതി മാർച്ച് 25.
അപേക്ഷയുടെ ഹാർഡ് കോപ്പി സ്വീകരിക്കുന്ന അവസാന തീയതി മാർച്ച് 30.