Deepika.com Career News :സയൻസ്/ എൻജിനിയറിംഗിൽ സിഎസ്ഐആർ-നെറ്റ്.......

കെമിക്കൽ സയൻസ്, എർത്ത്,അറ്റ്മോസ്ഫെറിക്, ഓഷ്യൻ, പ്ലാനറ്ററി സയൻസ്, ലൈഫ് സയൻസ്, മാത്തമാറ്റിക്കൽ സയൻസ്, ഫിസിക്കൽ സയൻസ്, എൻജിനിയറിംഗ് വിഷയങ്ങളിൽ ജൂണിയർ റിസർച്ച് ഫെലോഷിപ്പിനും ലക്ചറർഷിപ്പിനുമുള്ള നാഷണൽ എലിജിബിലിറ്റി ടെസ്റ്റിന് സിഎസ്ഐആർ-യുജിസി അപേക്ഷ ക്ഷണിച്ചു.

2018 ജൂണ്‍ 17നാണ് പരീക്ഷ. ഓണ്‍ലൈൻ വഴിയാണ് അപേക്ഷിക്കേണ്ടത്. ലക്ചറർഷിപ്പിനു മാത്രമായോ ജൂണിയർ റിസർച്ച് ഫെലോഷിപ്പോടുകൂടിയ (ജെആർഎഫ്) ലക്ചറർഷിപ്പിനോ അപേക്ഷിക്കാം. ഏതിനാണ് അപേക്ഷിക്കുന്നതെന്ന് അപേക്ഷയിൽ നിർദിഷ്ട കോളത്തിൽ വ്യക്തമാക്കിയിരിക്കണം.

പ്രായം- ജെആർഎഫ് 28 വയസ്. സംവരണ വിഭാഗക്കാർക്ക് ഉയർന്ന പ്രായത്തിൽ നിയമാനുസൃത ഇളവ് ലഭിക്കും. എസ്്സി, എസ്ടി വിഭാഗക്കാർക്ക് അഞ്ചും ഒബിസി വിഭാഗക്കാർക്ക് മൂന്നും ഉയർന്ന പ്രായത്തിൽ ഇളവ് ലഭിക്കും. ലക്ചറർ ഷിപ്പിനു വേണ്ടി മാത്രം അപേക്ഷ സമർപ്പിക്കാവുന്നതാണ്. ഇതിനു പ്രായപരിധി ഇല്ല. 2018 ജൂലൈ 1 അടിസ്ഥാനമാക്കിയാണ് പ്രായം കണക്കാക്കുന്നത്.

യോഗ്യത- 55 ശതമാനം മാർക്കോടെ നാലുവർഷപ്രോഗ്രാം/ ബിഇ/ ബിടെക്/ബിഫാം/ എംബിബിഎസ്/ എംഎസ്‌സി. എസ്‌സി/ എസ്ടി വിഭാഗക്കാർക്ക് 50 ശതമാനം മാർക്ക് മതി. പിജി അവസാന വർഷവിദ്യാർഥികൾക്കും അപേക്ഷിക്കാവുന്നതാണ്. ഇവർ രണ്ടുവർഷത്തിനുള്ളിൽ നിശ്ചിതശതമാനം മാർക്കോടെ യോഗ്യത നേടിയിരിക്കണം. 1991 സെപ്റ്റംബർ 11 മുന്പ് 50 ശതമാനം മാർക്കോടെ പിജി നേടിയവർക്ക് ലക്ചറർഷിപ്പിന് അപേക്ഷിക്കാവുന്നതാണ്.

അപേക്ഷാ ഫീസ്- ജനറൽ വിഭാഗത്തിന് 1000 രൂപ, ഒബിസി, നോണ്‍ക്രിമിലയർ വിഭാഗത്തിന് 500 രൂപ, മറ്റുള്ളവർക്ക് 250 രൂപ. അപേക്ഷ അയയ്ക്കുന്നതിന് മുന്പ് www.cs irhrdg.res.in എന്ന വെബ്സൈറ്റിൽ കയറി ചെലാൻ ഡൗണ്‍ലോഡ് ചെയ്തെടുക്കുക.

ഇന്ത്യൻ ബാങ്കിന്‍റെ ഏതെങ്കിലും ശാഖയിൽനിന്ന് ഫീസ് അടയ്ക്കാവുന്നതാണ്.
അപേക്ഷ അയയ്ക്കേണ്ടവിധം-www.csirhrdg. res.in എന്ന വെബ്സൈറ്റിലൂടെ മാർച്ച് 26നു മുന്പായി ഓണ്‍ലൈൻ അപേക്ഷസമർപ്പിക്കുക. ഫോട്ടോ, ഒപ്പ് എന്നിവ സ്കാൻ ചെയ്ത് അപ്‌ലോഡ് ചെയ്യുക. കൂടുതൽ വിവരങ്ങൾക്ക്www.csirhrdg.res.in.