എയർ ഇന്ത്യയുടെ സ്ബ്സിഡിയറി സ്ഥാപനമായ എയർ ഇന്ത്യ എയർ ട്രാൻസ്പോർട്ട് സർവീസസ് ലിമിറ്റഡ് (എഐടിഎസ്എൽ) കണ്ണൂർ വിമാനത്താവളത്തിലെ വിവിധ തസ്തികകളിലെ ഒഴിവുകളിലേക്ക് വാക്ക് ഇൻ ഇന്‍റർവ്യൂ നടത്തുന്നു. 518 ഒഴിവുകളുണ്ട്. 14 തസ്തികകളിലായാണ് അവസരം. കൂടുതൽ ഒഴിവുകൾ ഹാൻഡിമാൻ/ ഹാൻഡിവുമണ്‍ തസ്തികകളിലാണ്. മൂന്നു വർഷത്തെ കരാർ നിയമനമാണ്.
ജൂണിയർ എക്സിക്യൂട്ടീവ് (പാക്സ്): ഏഴ് ഒഴിവ്.
യോഗ്യത: അംഗീകൃത സർവകലാശാലയിൽനിന്ന് ബിരുദം. എംബിഎ വ്യോമയാന മേഖലയിൽ മൂന്നു വർഷത്തെ പരിചയം. എംബിഎ. ഇല്ലാത്തവർക്ക് ആറു വർഷത്തെ പരിചയം.
ശന്പളം: 25300 രൂപ.
അഭിമുഖ തീയതി മേയ് ഏഴ്.
ജൂണിയർ എക്സിക്യൂട്ടീവ് (ടെക്നിക്കൽ): ഏഴ്.
യോഗ്യത: മെക്കാനിക്കൽ/ ഓട്ടോമൊബൈൽ/ പ്രൊഡക്ഷൻ/ ഇലക്‌ട്രിക്കൽ/ ഇലക്‌ട്രിക്കൽ ആൻഡ് ഇലക്ട്രോണിക്സ്/ ഇലക്ട്രോണിക്സിൽ എൻജിനിയറിംഗ് ബിരുദം. എൽഎംവി ലൈസൻസ്.
ശന്പളം: 25,300 രൂപ.
അഭിമുഖ തീയതി: മേയ് ഏഴ്.
സീനിയർ കസ്റ്റമർ ഏജന്‍റ്: 22.
യോഗ്യത: ബിരുദം. നാലു വർഷത്തെ പരിചയം.
ശന്പളം: 17,890 രൂപ
അഭിമുഖ തീയതി: മേയ് നാല്.
കസ്റ്റമർ ഏജന്‍റ്: 44.
യോഗ്യത: ബിരുദം. കംപ്യൂട്ടറിൽ അറിവ്. മുൻപരിചയമുള്ളവർക്ക് മുൻഗണന.
അഭിമുഖ തീയതി: മേയ് നാല്.
ജൂണിയർ കസ്റ്റമർ ഏജന്‍റ്: 44 ഒഴിവ്.
യോഗ്യത: പന്ത്രണ്ടാംക്ലാസ് വിജയം, കംപ്യൂട്ടറിൽ അറിവ്. പരിചയമുള്ളവർക്ക് മുൻഗണന ലഭിക്കും.
ശന്പളം: 15,180 രൂപ.
അഭിമുഖം: മേയ് നാല്.
ക്യാബിൻ സർവീസസ് ഏജന്‍റ്: മൂന്ന്
യോഗ്യത: ബിരുദം. കംപ്യൂട്ടർ അറിവ്. പരിചയമുള്ളവർക്ക് മുൻഗണന.
ശന്പളം: 17,790 രൂപ.
അഭിമുഖ തീയതി: മേയ് നാല്.
ജൂണിയർ ക്യാബിൻ സർവീസസ് ഏജന്‍റ്: നാല്
യോഗ്യത: പന്ത്രണ്ടാംക്ലാസ് വിജയം. കംപ്യൂട്ടർ അറിവ്. പരിചയമുള്ളവർക്ക് മുൻഗണന ലഭിക്കും.
ശന്പളം: 15,180 രൂപ. അഭിമുഖ തീയതി: മേയ് നാല്.
സീനിയർ റാംപ് സർവീസസ് ഏജന്‍റ്: 21.
യോഗ്യത: മെക്കാനിക്കൽ/ പ്രൊഡക്ഷൻ/ ഇലക്ട്രോണിക്സ്/ ഓട്ടോമൊബൈൽ എൻജിനിയറിംഗിൽ ത്രിവത്സര ഡിപ്ലോമ. അല്ലെങ്കിൽ മോട്ടോർ വെഹിക്കിൾ/ ഓട്ടോ ഇലക്‌ട്രിക്കൽ/ എയർ കണ്ടീഷനിംഗ്/ ഡീസൽ മെക്കാനിക്/ ബെഞ്ച് ഫിറ്റർ/ വെൽഡറിൽ ഐടിഐ (എൻസിവിടി), നാലുവർഷത്തെ പരിചയം.
ശന്പളം: 17,890 രൂപ. അഭിമുഖ തീയതി: മേയ് അഞ്ച്.
റാംപ് സർവീസസ് ഏജന്‍റ്: 32.
യോഗ്യത: മെക്കാനിക്കൽ/ പ്രൊഡക്ഷൻ/ ഇലക്ട്രോണിക്സ്/ ഓട്ടോ മൊബൈൽ എൻജിനിയറിംഗിൽ ത്രിവത്സര ഡിപ്ലോമ. അല്ലെങ്കിൽ മോട്ടോർ വെഹിക്കിൾ/ ഓട്ടോ ഇലക്‌ട്രിക്കൽ/ എയർ കണ്ടീഷനിംഗ്/ ഡീസൽ മെക്കാനിക്/ ബെഞ്ച് ഫിറ്റർ/ വെൽഡറിൽ ഐടിഐ (എൻസിവിടി). പരിചയമുള്ളവർക്ക് മുൻഗണന നൽകും.
ശന്പളം: 17,790 രൂപ. അഭിമുഖ തീയതി മേയ് അഞ്ച്.
യൂട്ടിലിറ്റി ഏജന്‍റ് കം-പംപ് ഡ്രൈവർ: 21.
യോഗ്യത: പത്താംക്ലാസ് വിജയം. എച്ച്എംവി ഡ്രൈവിംഗ് ലൈസൻസ്.
ശന്പളം: 15,180 രൂപ. അഭിമുഖ തീയതി: മേയ് അഞ്ച്.
ഹാൻഡിമാൻ/ ഹാൻഡി വുമണ്‍: 310 ഒഴിവ്.
യോഗ്യത: പത്താംക്ലാസ് വിജയം. ഇംഗ്ലീഷ് ഭാഷ വായിക്കാനും മനസിലാക്കാനുമുള്ള അറിവുണ്ടായിരിക്കണം. ശന്പളം: 13,440 രൂപ. അഭിമുഖ തീയതി: മേയ് ആറ്.
ടെർമിനൽ മാനേജർ (പാക്സ് ഹാൻഡിലിംഗ്), ടെർമിനൽ മാനേജർ (റാംപ് ഹാൻഡിലിംഗ്) അസിസ്റ്റന്‍റ് ടെർമിനൽ മാനേജർ തസ്തികകളിലും ഓരോ അവസരമുണ്ട്.
പ്രായം: സീനിയർ റാംപ് സർവീസസ് മാനേജർ തസ്തികയിൽ 30 വയസും മറ്റുള്ള തസ്തികകളിൽ 28 വയസുമാണ്. സംവരണ വിഭാഗക്കാർക്ക് ചട്ടപ്രകാരം ഇളവ് ലഭിക്കും.
അഭിമുഖം: കണ്ണൂർ എസ്എൻപാർക്ക് റോഡിലെ ബ്ലൂ നൈൽ ഹോട്ടലിലാണ് അഭിമുഖം. സമയം. രാവിലെ ഒന്പതു മണി മുതൽ ഉച്ചയ്ക്ക് ഒന്നുവരെ. എഴുത്തു പരീക്ഷ, ഗ്രൂപ്പ് ഡിസ്കഷൻ, മെഡിക്കൽ പരിശോധന എന്നിവ ഉണ്ടായിരിക്കും.
അപേക്ഷാ ഫീസ്: 500 രൂപ. എസ്‌സി, എസ്ടി വിഭാഗക്കാർക്കും വിമുക്തഭടൻമാർക്കും ഫീസ് ഇല്ല. AIR INDIA AIR TRASPORT SERVICES LTD എന്ന വിലാസത്തിൽ മുംബൈയിൽ മാറാവുന്ന ഡിമാൻഡ് ഡ്രാഫ്റ്റായാണ് ഫീസ് അടയ്ക്കേണ്ടത്.
അപേക്ഷിക്കേണ്ട വിധം: വിശദവിവരങ്ങൾക്കും അപേക്ഷാ ഫോറത്തിന്റെ മാതൃകയും www.airindia.in എന്ന വെബ്സൈറ്റ് സന്ദർശിക്കുക. പൂരിപ്പിച്ച അപേക്ഷയും ബന്ധപ്പെട്ട രേഖകളുടെ പകർപ്പും സഹിതമാണ് അഭിമുഖത്തിന് ഹാജരാവേണ്ടത്. അസൽ സർട്ടിഫിക്കറ്റുകൾ അപേക്ഷയ്ക്കൊപ്പം സമർപ്പിക്കേണ്ടതില്ലെങ്കിലും പരിശോധനയ്ക്കായി കൊണ്ടുവരണം.