Deepika.com Career News :ഭാരത് കോക്കിംഗ് കോൾ ലിമിറ്റഡിൽ അവസരം.......

കേന്ദ്രസർക്കാരിനു കീഴിൽ മിനി രത്ന പദവിയുള്ള ഭാരത് കോക്കിംഗ് കോൾ ലിമിറ്റഡിൽ വിവിധ തസ്തികയിലെ ഒഴിവുകളിലേക്ക് അപേക്ഷ ക്ഷണിക്കുന്നു. ജാർഖണ്ഡിലെ ധൻബാദാണ് ആസ്ഥാനം.

എഴുത്തുപരീക്ഷ, അഭിമുഖം എന്നിവയുടെ അടിസ്ഥാനത്തിലായിരിക്കും തെരഞ്ഞെടുപ്പ്. വിജ്ഞാപനം വൈകാതെ പുറപ്പെടുവിക്കും.

മൈനിംഗ് സിർദാർ

യോഗ്യത: പ്ലസ്ടു അല്ലെങ്കിൽ തത്തുല്യം. ഡിജിഎംഎസ് അനുവദിച്ച മൈനിംഗ് സിർദാർഷിപ്പ് സർട്ടിഫിക്കറ്റ്. ഗ്യാസ് ടെസ്റ്റ് സർട്ടിഫിക്കറ്റ്, ഫസ്റ്റ് എയ്ഡ് സർട്ടിഫിക്കറ്റ് അല്ലെങ്കിൽ മൂന്നുവർഷത്തെ മൈനിംഗ് എൻജിനിയറിംഗ് ഡിപ്ലോമ/ ഡിഗ്രി. ഗ്യാസ് ടെസ്റ്റിംഗ് സർട്ടിഫിക്കറ്റ്. ഫസറ്റ് എയ്ഡ് സർട്ടിഫിക്കറ്റ്.

ജൂണിയർ ഓവർമാൻ

യോഗ്യത: മൂന്നുവർഷത്തെ മൈനിംഗ് ഡിപ്ലോമ. ഡിജിഎംഎസ് അനുവദിച്ച ഓവർമാൻസ് സർട്ടിഫിക്കറ്റ്. ഗ്യാസ് ടെസ്റ്റിംഗ് സർട്ടിഫിക്കറ്റ്, ഫസ്റ്റ് എയ്ഡ് സർട്ടിഫിക്കറ്റ്.

ഓവർസിയർ (സിവിൽ)

പ്ലസ്ടു അല്ലെങ്കിൽ തത്തുല്യം. മൂന്നുവർഷത്തെ സിവിൽ എൻജിനിയറിംഗ് ഡിപ്ലോമ.
പ്രായം: എല്ലാ തസ്തികകൾക്കും 18- 30 വയസ്. 2018 ജൂലൈ ഏഴ് അടിസ്ഥാനമാക്കിയാണ് പ്രായം കണക്കാക്കുന്നത്. എസ്‌സി, എസ്ടി വിഭാഗക്കാർക്ക് അഞ്ചും ഒബിസി വിഭാഗക്കാർക്ക് മൂന്നും വികലാംഗർക്കും വിമുക്തഭടൻമാർക്കും ചട്ടപ്രകാരം ഇളവ് ലഭിക്കും.

അപേക്ഷാഫീസ്: 300 രൂപ. എസ്‌സി, എസ്ടി വിഭാഗക്കാർക്കു ഫീസില്ല. സ്റ്റേറ്റ് ബാങ്ക് ഓഫ് ഇന്ത്യ വഴി ഫീസടയ്ക്കാം. ഫീസ് അടയ്ക്കുന്നതിനുള്ള ചെലാൻ ഫോം വെബ്സൈറ്റിൽനിന്ന് ലഭിക്കും. ചെലാൻ ഫോമിൽ അപേക്ഷിക്കുന്ന തസ്തികയുടെ പോസ്റ്റ് കോഡ് വ്യക്തമായി രേഖപ്പെടുത്തിയിരിക്കും.

അപേക്ഷിക്കേണ്ട വിധം: www.bcclweb.in വെബ്സൈറ്റ് വഴി അപേക്ഷിക്കാം.
അപേക്ഷാ ഫോമിൽ ഫോട്ടോയും ഒപ്പും അപ്‌ലോഡ് ചെയ്യണം. അതിനായി 20 കെബി സൈസിൽ കുറഞ്ഞ ഫോട്ടോയും ഒപ്പും കംപ്യൂട്ടറിൽ സേവ് ചെയ്യണം. ഓണ്‍ലൈൻ അപേക്ഷ പൂർത്തിയാക്കിയശേഷം പ്രിന്‍റൗട്ട് അയയ്ക്കണം. കൂടുതൽ വിവരങ്ങൾ വിജ്ഞാപനത്തിൽ ലഭിക്കും.