നവരത്ന കന്പനിയായ നാഷണൽ അലുമിനിയം കന്പനി ലിമിറ്റഡിൽ ഗ്രാജ്വേറ്റ് എൻജിനിയർ ആകാൻ അവസരം. ഗേറ്റ്-2018 യോഗ്യത നേടുന്നവർക്കാണ് നിയമനം ലഭിക്കുക. 115 ഒഴിവുകളാണുള്ളത്. ഒാൺലെെനായി അപേക്ഷിക്കണം.
അപേക്ഷ സ്വീകരിക്കുന്ന അവസാന തീയതി: മേയ് 22.
മെക്കാനിക്കൽ, ഇലക്‌ട്രിക്കൽ, ഇലക്ട്രോണിക്സ്, ഇൻസ്ട്രമെന്റേഷൻ, മെറ്റലർജി വിഭാഗങ്ങളിലാണ് ഒഴിവുകൾ.
മെക്കാനിക്കൽ വിഭാഗത്തിൽ 54 ഒഴിവുകളും ഇലക്‌ട്രിക്കൽ വിഭാഗത്തിൽ 32 ഒഴിവുകളും, മെറ്റലർജി വിഭാഗത്തിൽ 18 ഒഴിവുകളുമാണുള്ളത്. ഇലക്ട്രോണിക്സ്, ഇൻസ്ട്രമെന്റേഷൻ വിഭാഗങ്ങളിലായി യഥാക്രമം അഞ്ചും ആറും ഒഴിവുകളുണ്ട്.
മെക്കാനിക്കൽ/ പ്രൊഡക്ഷൻ എൻജിനിയറിംഗ് ബിരുദക്കാർക്ക് മെക്കാനിക്കൽ വിഭാഗത്തിലേക്കും ഇലക്‌ട്രിക്കൽ/പവർ എൻജിനിയറിംഗ് ബിരുദക്കാർക്ക് വിഭാഗത്തിലേക്കും ഇലക്ട്രോണിക്സ്/ ഇൻസ്ട്രമെന്റേഷൻ/ടെലികോം/ഇലക്‌ട്രിക്കൽ എൻജിനിയറിംഗ് ബിരുദക്കാർക്ക് ഇലക്ട്രോണിക്സ്, ഇൻസ്ട്രമെന്റേഷൻ വിഭാഗങ്ങളിലേക്കും അപേക്ഷിക്കാം.
മെറ്റലർജിക്കൽ എൻജിനിയറിംഗ് ബിരുദക്കാർക്ക് മെറ്റലർജി വിഭാഗത്തിലേക്കും അപേക്ഷിക്കാം.
യോഗ്യത: ബന്ധപ്പെട്ട വിഭാഗത്തിൽ കുറഞ്ഞത് മൊത്തം 65 ശതമാനം മാർക്കോടെ ഫുൾടെെം റെഗുലർ എൻജിനിയറിംഗ്/ടെക്നോളജി ബിരുദം. പട്ടികവിഭാഗം, ഭിന്നശേഷിക്കാർക്ക് 55 ശതമാനം മാർക്ക് മതി. നിബന്ധനകൾക്ക് വിധേയമായി അവസാന വർഷ എൻജിനിയറിംഗ് വിദ്യാർഥികൾക്കും അപേക്ഷിക്കാം.
പ്രായം : 2018 മേയ് 22ന് 30 വയസ് കവിയരുത്. 1988 മേയ് 21 മുൻപ് ജനിച്ചവർ അപേക്ഷിക്കാൻ അർഹരല്ല. സംവരണ വിഭാഗക്കാർക്ക് പ്രായപരിധിയിൽ ഇളവ് ലഭിക്കും.
ശന്പളം: ഒരു വർഷത്തെ പരിശീലനത്തിനു 40,000-3%-1,40,000 പേസ്കെയിൽ നിരക്കിൽ ശന്പളം ലഭിക്കും. പരിശീലനം വിജയകരമായി പൂർത്തിയാക്കിയാൽ 60,000-3% - 1,80,000 പേ സ്കെയിലോടെ ജൂണിയർ മാനേജർ E1 ഗ്രേഡ് തസ്തികയിൽ നിയമിക്കും.
തെരഞ്ഞെടുപ്പ്: മെക്കാനിക്കൽ, ഇലക്‌ട്രിക്കൽ, ഇലക്ട്രോണിക്സ് ആൻഡ് കമ്യൂണിക്കേഷൻ ഇൻസ്ട്രമെന്റേഷൻ, മെറ്റലർജിക്കൽ എൻജിനിയറിംഗ് വിഷയങ്ങളിലെ ഗ്രാജുവേറ്റ് ആപ്റ്റിറ്റ്യൂഡ് ടെസ്റ്റ്- 2018 (ഗേറ്റ്-2018) സ്കോർ അടിസ്ഥാനമാക്കിയാണ് തിരഞ്ഞെടുപ്പ്.
അപേക്ഷാ ഫീസ്: ജനറൽ, ഒബിസി വിഭാഗക്കാർക്ക് 500 രൂപ, എസ് സി/ എസ്ടി/ ഭിന്നശേഷിക്കാർ/ ഡിപ്പാർട്ട്മെന്‍റൽ ഉദ്യോഗാർഥികൾ എന്നിവർക്ക് 100 രൂപ മതി. ഇന്‍റർനെറ്റ് ബാങ്കിംഗ്, ഡെബിറ്റ് കാർഡ്, ക്രെഡിറ്റ് കാർഡ് മുഖേന ഫീസടയ്ക്കാം.
അപേക്ഷ അയയ്ക്കുന്നതിനും വിജ്ഞാപനം സംബന്ധിച്ച വിശദവിവരങ്ങൾക്കും www.nalcoindia.com എന്ന വെബ്സൈറ്റ് കാണുക.