മാനവശേഷി മന്ത്രാലയത്തിനു കീഴിൽ റാഞ്ചിയിൽ പ്രവർത്തിക്കുന്ന നാഷണൽ ഇൻസ്റ്റിറ്റ്യൂട്ട് ഓഫ് ഫൗണ്ടറി ആൻഡ് ഫോർജ് ടെക്‌നോളജി അഡ്വാൻസ്ഡ് ഡിപ്ലോമ കോഴ്സിലേക്ക് അപേക്ഷ ക്ഷണിച്ചു. 18 മാസം ദൈർഘ്യമുള്ളതാണു കോഴ്സ്. ഫൗണ്ടറി ടെക്നോളജിയിലും, ഫോർജ് ടെക്നോളജിയിലുമാണു കോഴ്സ് നടത്തുന്നത്. ഓരോ കോഴ്സിനും 46 സീറ്റ് വീതമാണുള്ളത്.
ഓട്ടോമൊബൈൽ, മെറ്റലർജിക്കൽ, മെക്കാനിക്കൽ, പ്രൊഡക്ഷൻ, മാനുഫാക്ചറിംഗ് എൻജിനിയറിംഗ് എന്നിവയിൽ ഡിപ്ലോമ നേടിയവർക്കും ഫിസിക്സ്, കെമിസ്ട്രി, മാത്തമാറ്റിക്സ് പഠിച്ച് 50 ശതമാനം മാർക്കോടെ ബിരുദം നേടിയവർക്കും അവസാന വർഷ വിദ്യാർഥികൾക്കും അപേക്ഷിക്കാം. ജൂണ്‍ 24നു നടത്തുന്ന പ്രവേശന പരീക്ഷയുടെ അടിസ്ഥാനത്തിലാണു തെരഞ്ഞെടുപ്പ്. പ്രവേശന പരീക്ഷയ്ക്ക് റാഞ്ചി, ഹൈദരാബാദ്, കോൽക്കത്ത, ന്യൂഡൽഹി, പൂന എന്നിവിടങ്ങളിൽ സെന്‍ററുകൾ ഉണ്ടായിരിക്കും. തെരഞ്ഞെടുക്കപ്പെടുന്നവർക്കു പ്രതിമാസം 2500 രൂപ സ്കോളർഷിപ്പ് ലഭിക്കും.
ഓണ്‍ലൈനായി ലഭിക്കുന്ന അപേക്ഷാഫോം പൂരിപ്പിച്ച് അനുബന്ധ രേഖകളും അപേക്ഷാ ഫീസും സഹിതം മേയ് 30 നകം ഇൻസ്റ്റിറ്റ്യൂട്ടിൽ ലഭിക്കണം. അപേക്ഷാ ഫീസ് 500 രൂപ. സംവരണ വിഭാഗങ്ങൾക്ക് 250 രൂപ.
ബിടെക്: ഇൻസ്റ്റിറ്റ്യൂട്ട് നടത്തുന്ന മാനുഫാക്ചറിംഗ്, മെറ്റലർജി ആൻഡ് മെറ്റീരിയൽസ് എൻജിനിയറിംഗ് ബിടെക് കോഴ്സുകളിലേക്ക് ജെഇഇ-മെയിൻ പരീക്ഷയുടെ അടിസ്ഥാനത്തിലാണ് അഡ്മിഷൻ നൽകുന്നത്. രണ്ടു കോഴ്സുകൾക്കും 60 സീറ്റുകൾ വീതമാണുള്ളത്.
എംടെക്: എൻവയണ്‍മെന്‍റൽ എൻജിനിയറിംഗ്, ഫൗണ്ടറി-ഫോർജ് ടെക്‌നോളജി, മാനുഫാക്ചറിംഗ് എൻജിനിയറിംഗ്, മെറ്റീരിയൽ സയൻസ് ആൻഡ് എൻജിനിയറിംഗ് കോഴ്സുകളിലേക്ക് ഗേറ്റ് സ്കോറിന്റെ അടിസ്ഥാനത്തിലാണ് അഡ്മിഷൻ.
വിലാസം: ഡീൻ, നാഷണൽ ഇൻസ്റ്റിറ്റ്യൂട്ട് ഓഫ് ഫൗണ്ടറി ആൻഡ് ഫോർജ് ടെക്‌നോളജി, റാഞ്ചി834003. ഫോണ്: 06512292022, 2290859. വെബ്സൈറ്റ്: www.nifft.ac.in.