മുംബെെ പോർട്ട് ട്രസ്റ്റിൽ ഗ്രാജുവേറ്റ്, ടെക്നീഷ്യൻ, ട്രേഡ് അപ്രന്‍റിസ് ട്രെയിനികളുടെ 150 ഒഴിവുകളിലേക്ക് അപേക്ഷ ക്ഷണിച്ചു. ഒരു വർഷമാണ് പരിശീലനം. സ്ത്രികൾക്കും അപേക്ഷിക്കാം.
അപേക്ഷ ഫോം മേയ് 17 വരെ വെബ്സെെറ്റിൽ നിന്നും ഡൗൺലോഡ് ചെയ്യാം.
അപേക്ഷ സ്വീകരിക്കുന്ന അവസാന തീയതി: മേയ് 17.
ട്രേഡ്, ഒഴിവുകളുടെ എണ്ണം, യോഗ്യത, സ്റ്റെെപ്പൻഡ് എന്നിവ ചുവടെ.
1. ട്രേഡ് അപ്രന്‍റിസ് - പ്രോഗ്രാമിംഗ് ആൻഡ് സിസ്റ്റം അഡ്മിനിസ്ട്രേഷൻ അസിസ്റ്റന്‍റ് (139 ഒഴിവ്): കംപ്യൂട്ടർ ഒപ്പറേറ്റർ ആൻഡ് പ്രോഗ്രാമിംഗ് അസിസ്റ്റന്‍റ് (സിഒപിഎ) ട്രേഡിൽ എൻടിസി ജയം(ഐടിഐ), 8189 രൂപ.
2. ഗ്രാജ്വേറ്റ് അപ്രന്‍റിസ് (മെക്കാനിക്കൽ എൻജിനിയറിംഗ്)(രണ്ടൊഴിവ്): മെക്കാനിക്കൽ/ ഇലക്‌ട്രിക്കൽ എൻജിനിയറിംഗ് ടെക്നോളജിയിൽ ബിരുദം, 4984 രൂപ.
3. ഗ്രാജ്വേറ്റ് അപ്രന്‍റിസ് (ഇലക്‌ട്രിക്കൽ എൻജിനിയറിംഗ്) (മൂന്നൊഴിവ്): മെക്കാനിക്കൽ/ ഇലക്‌ട്രിക്കൽ എൻജിനിയറിംഗ് ടെക്നോളജിയിൽ ബിരുദം, 4984 രൂപ.
4. ടെക്നീഷ്യൻ അപ്രന്‍റിസ് (മെക്കാനിക്കൽ എൻജിനിയറിംഗ്)(മൂന്നൊഴിവ്): മെക്കാനിക്കൽ/ ഇലക്‌ട്രിക്കൽ എൻജിനിയറിംഗ് ടെക്നോളജിയിൽ ഡിപ്ലോമ, 3542 രൂപ.
5. ടെക്നീഷ്യൻ അപ്രന്‍റിസ്( ഇലക്‌ട്രിക്കൽ എൻജിനിയറിംഗ്)(മൂന്ന് ഒഴിവ്): മെക്കാനിക്കൽ/ ഇലക്‌ട്രിക്കൽ എൻജിനിയറിംഗ് ടെക്നോളജിയിൽ ഡിപ്ലോമ, 3542 രൂപ.
പ്രായപരിധി: കുറഞ്ഞത് 14 വയസ്. 2018 മേയ് ഒന്ന് അടിസ്ഥാനമാക്കി പ്രായം കണക്കാക്കും. അർഹരായവർക്ക് പ്രായപരിധിയിൽ ചട്ടപ്രകാരം ഇളവു ലഭിക്കും.
അപ്രന്‍റിസിനു അപേക്ഷിക്കുന്ന പിഎഎസ്എഎ ട്രേഡ് ഉദ്യോഗാർഥികൾ മുൻപ് പരിശീലനം നേടിയവരോ ടെക്നീഷ്യൻ/ ഗ്രാജ്വേറ്റ് ഉദ്യോഗാർഥികൾ അതേ ട്രേഡിൽ ജോലി ചെയ്തവരോ മുൻപ് പരിശീലനം നേടിയവരോ ആകാൻ പാടില്ല.
പിഎഎസ്എഎ ട്രേഡിലേക്കു അപേക്ഷിക്കുന്നവർ അപേക്ഷിക്കുന്നതിനു മുൻപ് ww. apprenticeship.gov.in. എന്ന എൻസിവിടി വെബ് പോർട്ടലിലും ടെക്നീക്ഷ്യൻ/ഗ്രാജുവേറ്റ് അപ്രൻിസ്ഷിപ്പിനു അപേക്ഷിക്കുന്നവർ www.mhrdnats.gov.in എന്ന എൻഎടിഎസ് എംഐഎസ് വെബ് പോർട്ടലിലും രജിസ്റ്റർ ചെയ്യണം.
www.mumbaiport.gov.in എന്ന വെബ്സെെറ്റിൽ നിന്നും അപേക്ഷാ മാതൃക ഡൗൺലോഡ് ചെയ്ത് വിജ്ഞാപനത്തിൽ പറഞ്ഞിരിക്കുന്ന ബന്ധപ്പെട്ട രേഖകൾ സഹിതം നേരിട്ടോ തപാലിലോ അപേക്ഷിക്കുക. 20 രൂപയാണ് അപേക്ഷാ ഫീസ്. ക്രോസ്ഡ് ഇന്ത്യൻ പോസ്റ്റൽ ഒഡർ/ ഡിമാൻഡ് ഡ്രാഫ്റ്റ് / ചെക്ക്/ പേ-ഒാഡർ/NEFTമുഖേന ഫീസടയ്ക്കാം.
വിലാസം: Apprentice Training Centre, first floor , MbPT’s Workshops, N.V. Nakhwa Marg, Mazgaon (East)Mumbai - 40010
വിശദവിവരങ്ങൾക്ക് :www.mumbaiport.gov.in