ആണവോർജ വകുപ്പിനു കീഴിലുള്ള വിവിധ കേന്ദ്രങ്ങളിലുള്ള ഘനജല പ്ലാന്റുകളിൽ സ്റ്റൈപ്പൻഡറി ട്രെയിനി, ടെക്നീഷ്യൻ, സയന്റിഫിക് ഓഫീസർ, നഴ്സ്, സ്റ്റെനോഗ്രാഫർ, അപ്പർ ഡിവിഷൻ ക്ലാർക്ക് തസ്തികകളിലായുള്ള 229 ഒഴിവുകളിലേക്ക് അപേക്ഷ ക്ഷണിച്ചു.
രണ്ട് കാറ്റഗറികളിലായാണ് ഒഴിവ്.
കാറ്റഗറി ഒന്ന്
കെമിക്കൽ- 35, മെക്കാനിക്കൽ- 16, ഇലക്ട്രിക്കൽ- എട്ട്
യോഗ്യത: അതത് വിഷയത്തിൽ 60 ശതമാനം മാർക്കോടെ എൻജിനിയറിംഗ് ഡിപ്ലോമ.
കെമിസ്ട്രി- ലബോറട്ടറി: എട്ട്
യോഗ്യത: അറുപതു ശതമാനം മാർക്കോടെ കെമിസ്ട്രിയിൽ ബിഎസ്സി ഫിസിക്സ്/മാത്തമാറ്റിക്സ്/ബയോളജി സബ്സിഡിയറിയായി പഠിച്ചിരിക്കണം.
ബയോസയൻസ്: മൂന്ന്
യോഗ്യത: ബയോ കെമിസ്ട്രി/ബയോസയൻസ് / മൈക്രോബയോളജി/ ബയോ ടെക്നോളജിയിൽ അറുപതു ശതമാനം മാർക്കോടെ ബിഎസ്സി.
കാറ്റഗറി രണ്ട്
പ്രോസസ്/ പ്ലാന്റ് ഓപ്പറേറ്റർ- 60
യോഗ്യത: അറുപതു ശതമാനം മാർക്കോടെ സയൻസ് (ഫിസിക്സ്, കെമിസ്ട്രി, മാത്തമാറ്റിക്സ്) പ്ലസ്ടു/തത്തുല്യം.
ഇലക്ട്രിക്കൽ- 28, മെക്കാനിക്കൽ (ഫിറ്റർ)- 34, ടേണർ- നാല്, മെഷിനിസ്റ്റ്- അഞ്ച്, വെൽഡർ-ആറ്, ട്രേഡ്സ്മാൻ- രണ്ട്
യോഗ്യത: അറുപതു ശതമാനം മാർക്കോടെ എസ്എസ്എൽസി. അതത് ട്രേഡിൽ ട്രേഡ് സർട്ടിഫിക്കറ്റ്.
പ്രായം: കാറ്റഗറി ഒന്ന്: 18 -24
കാറ്റഗറി രണ്ട്: 18- 22.
സ്റ്റൈപ്പൻഡ്- കാറ്റഗറി ഒന്നിൽ ആദ്യവർഷം 16,000 രൂപയും രണ്ടാം വർഷം പ്രതിമാസം 18,000 രൂപയും ലഭിക്കും.
കാറ്റഗറി രണ്ടിൽ ആദ്യവർഷം 10,500 രൂപയും രണ്ടാം വർഷം 12,500 രൂപ.
മറ്റ് തസ്തികകൾ
ടെക്നീഷ്യൻ സി/ഡി (ക്രെയിൻ/ഫോർക് ലിഫ്റ്റ് ഓപ്പറേറ്റർ)- 2 ഒഴിവ്.
യോഗ്യത: സയൻസ്, മാത്സ് വിഷയങ്ങളോടെ എസ്എസ്എൽസി/ പ്ലസ്ടു. 60 ശതമാനം മാർക്കുണ്ടാവണം. 4-8 വർഷത്തെ പ്രവൃത്തിപരിയവും വെഹി ഡ്രൈവിംഗ് ലൈസൻസുമുണ്ടായിരിക്കണം.
പ്രായം: 18- 33 വയസ്.
ശന്പളം: ടെക്നീഷ്യൻ സിയ്ക്ക് 25,500 രൂപയും ടെക്നീഷ്യൻ ഡിക്ക് 29,200 രൂപയും തുടക്കത്തിൽ ലഭിക്കും.
സയന്റിഫിക് ഓഫീസർ/ഡി (മെഡിക്കൽ- ജനറൽ മെഡിസിൻ)- രണ്ട് ഒഴിവ്
യോഗ്യത: എംബിബിഎസ്, അഞ്ചു വർഷത്തെ പ്രവൃത്തിപരിചയം.
പ്രായം: 40 വയസ് കവിയരുത്.
ശന്പളം: 67700 രൂപയും മറ്റ് അലവൻസുകളും.
നഴ്സ്/എ- രണ്ട് ഒഴിവ്
യോഗ്യത: പ്ലസ്ടു, നഴ്സിംഗ് ആൻഡ് മിഡ്വൈഫറിയിൽ മൂന്നു വർഷത്തെ കോഴ്സ് ജയിച്ചിരിക്കണം. നഴ്സിംഗ് കൗൺസിൽ രജിസ്ട്രേഷൻ.
പ്രായം: 30 വയസ്.
ശന്പളം: 44900 രൂപയും ആനുകൂല്യങ്ങളും.
സ്റ്റെനോഗ്രാഫർ ഗ്രേഡ് രണ്ട്: രണ്ട് ഒഴിവ്.
യോഗ്യത: എസ്എസ്എൽസി/തത്തുല്യം. ഇംഗ്ലീഷ് ഷോർട്ട്ഹാൻഡിൽ മിനിറ്റിൽ 100 വാക്കും ഇംഗ്ലീഷ് ടൈപ്പിംഗിൽ മിനിറ്റിൽ 45 വാക്കും വേഗമുണ്ടായിരിക്കണം. കംപ്യൂട്ടർ ആപ്ലിക്കേഷൻ, ഡാറ്റാ എൻട്രി, ഡാറ്റാ പ്രോസസിംഗ് എന്നിവയിൽ അറിവുണ്ടായിരിക്കണം.
പ്രായം: 27 വയസ്.
ശന്പളം: 35,400 രൂപയും മറ്റ് ആനുകൂല്യങ്ങളും.
സ്റ്റെനോഗ്രാഫർ ഗ്രേഡ് മൂന്ന്- രണ്ട് ഒഴിവ്.
യോഗ്യത: 50 ശതമാനം മാർക്കോടെ എസ്എസ്എൽസി/തത്തുല്യം. ഇംഗ്ലീഷ് സ്റ്റെനോഗ്രാഫിയിൽ മിനിറ്റിൽ 80 വാക്ക് വേഗം. ഇംഗ്ലീഷ് ടൈപ്പിംഗിൽ മിനിറ്റിൽ 30 വാക്ക് വേഗം.
പ്രായം: 30 വയസ്.
ശന്പളം: 25,500 രൂപയും മറ്റ് ആനുകൂല്യങ്ങളും.
അപ്പർ ഡിവിഷൻ ക്ലാർക്ക്- ഏഴ് ഒഴിവ്.
യോഗ്യത: 50 ശതമാനം മാർക്കോടെ ബിരുദം. ഇംഗ്ലീഷ് ടൈപ്പിംഗിൽ മിനിറ്റിൽ 30 വാക്ക് വേഗം. കംപ്യൂട്ടർ പരിജ്ഞാനം.
പ്രായം: 27 കവിയരുത്.
അപേക്ഷാ ഫീസ്: 100 രൂപ. വനിതകൾ, വിമുക്തഭടൻമാർ, എസ്സി, എസ്ടി, അംഗപരിമിതർ എന്നീ വിഭാഗക്കാർക്ക് ഫീസില്ല.
അപേക്ഷ: www.hwb.gov.in, www.mahaonline.gov.in എന്ന വെബ്സൈറ്റിലോ ഓൺലൈനായി അയയ്ക്കുക.
ഓൺലൈൻ അപേക്ഷ സ്വീകരിക്കുന്ന അവസാന തീയതി ജൂൺ 25. കൂടുതൽ വിവരങ്ങൾക്ക് വെബ്സൈറ്റ് സന്ദർശിക്കുക.