Deepika.com Career News :കൊച്ചി റിഫൈനറിയിൽ 44 ജനറൽ വർക്ക്മാൻ ട്രെയിനി.......

കൊച്ചി റിഫൈനറിയിൽ 44 ജനറൽ വർക്ക്മാൻ ട്രെയിനി

ഭാരത് പെട്രോളിയം കോർപറേഷന്‍റെ കൊച്ചി റിഫൈനറിയിൽ ജനറൽ വർക്ക്മാൻ (ട്രെയിനി) തസ്തികയിലെ 44 ഒഴിവുകളിലേക്ക് അപേക്ഷ ക്ഷണിച്ചു. കെമിക്കൽ, മെക്കാനിക്കൽ, ഇൻസ്ട്രുമെന്‍റേഷൻ വിഭാഗങ്ങളിലാണ് ഒഴിവ്.

ജനറൽ വർക്ക്മാൻ- ബി (ട്രെയിനി)- കെമിക്കൽ: 30 ഒഴിവ്.
ജനറൽ വർക്ക്മാൻ-ബി (ട്രെയിനി) മെക്കാനിക്കൽ: 12 ഒഴിവ്.
ജനറൽ വർക്ക്മാൻ-ബി (ട്രെയിനി) ഇൻസ്ട്രുമെന്‍റേഷൻ: രണ്ട്.

പ്രായം: 2018 മേയ് ഒന്നിന് 18- 30 വയസ്. എസ്‌സിക്കാർക്ക് അഞ്ചും ഒബിസിക്കാർക്ക് മൂന്നും വർഷം ഉയർന്ന പ്രായത്തിൽ ഇളവ് ലഭിക്കും.

യോഗ്യത: കെമിക്കൽ/മെക്കാനിക്കൽ/ ഇൻസ്ട്രുമെന്‍റ് ടെക്നോളജി/ ഇൻസ്ട്രുമെന്‍റേഷൻ ആൻഡ് കൺട്രോൾ/ ഇലക്ട്രോണിക്സ് ആൻഡ് ഇൻസ്ട്രുമെന്‍റേഷൻ എൻജിനിയറിംഗിൽ 60 ശതമാനം മാർക്കോടെ ഫസ്റ്റ് ക്ലാസ് എൻജിനിയറിംഗ്/ ടെക്നോളജി ഡിപ്ലോമ. മുഴുവൻ സമയ കോഴ്സ് ആയിരിക്കണം. ബിഇ, ബിടെക് പോലെയുള്ള ഉയർന്ന യോഗ്യത നേടിയവർ അപേക്ഷിക്കേണ്ടതില്ല. എസ്‌സി/ഒഎച്ച്/എച്ച്എച്ച് വിഭാഗക്കാർക്ക് ഡിപ്ലോമയ്ക്ക് അന്പതു ശതമാനം മാർക്കുണ്ടെങ്കിൽ അപേക്ഷിക്കാം.

പ്രവൃത്തിപരിചയം: റിഫൈനറിംഗ്/ പെട്രോളിയം/പവർ/ലൂബ്/ പെട്രോകെമിക്കൽ/ ഫെർട്ടിലൈസർ ഇൻഡസ്ട്രിയിൽ ഒരുവർഷത്തെ പ്രവൃത്തിപരിചയം. അല്ലെങ്കിൽ ഒരു വർഷത്തെ അപ്രന്‍റീസ്ഷിപ്പ് ട്രെയിനിംഗ്.

യോഗ്യത സംബന്ധിച്ച കൂടുതൽ വിവരങ്ങൾക്ക് വെബ്സൈറ്റിലെ വിജ്ഞാപനം ശ്രദ്ധിക്കുക.
തെരഞ്ഞെടുപ്പ്: എഴുത്തുപരീക്ഷ, സ്കിൽടെസ്റ്റ് എന്നിവയിലൂടെയായിരിക്കും തെരഞ്ഞെടുപ്പ്. കൊച്ചിയിലായിരിക്കും പരീക്ഷാകേന്ദ്രം.

അപേക്ഷ: www.bhara tpetroleum.com എന്ന വെബ്സൈറ്റിലൂടെ ഒാൺലൈനായി അയയ്ക്കുക. ഓൺലൈൻ അപേക്ഷയുടെ പ്രിന്‍റൗട്ട് എടുത്ത് സൂക്ഷിക്കണം. തപാലിൽ അയയ്ക്കേണ്ട ആവശ്യമില്ല. ഓൺലൈൻ പരീക്ഷാ സമയത്ത് അഡ്മിറ്റ് കാർഡിനൊപ്പം ഇതു കൊണ്ടുവരണം.
ഓൺലൈൻ അപേക്ഷ സ്വീകരിക്കുന്ന അവസാന തീയതി ജൂൺ 11.
കൂടുതൽ വിവരങ്ങൾക്ക് വെബ്സൈറ്റ് സന്ദർശിക്കുക.