Deepika.com Career News :ഭാരത് കോക്കിംഗ് കോളിൽ അവസരങ്ങൾ.......

കേന്ദ്രസർക്കാരിനു കീഴിൽ മിനി രത്ന പദവിയുള്ള ഭാരത് കോക്കിംഗ് കോൾ ലിമിറ്റഡിൽ വിവിധ തസ്തികയിലെ ഒഴിവുകളിലേക്ക് അപേക്ഷ ക്ഷണിച്ചു. ജാർഖണ്ഡിലെ ധൻബാദാണ് ആസ്ഥാനം.

മൈനിംഗ് സിർദാർ

യോഗ്യത- പ്ലസ്ടു അല്ലെങ്കിൽ തത്തുല്യം. ഡിജിഎംഎസ് അനുവദിച്ച മൈനിംഗ് സിർദാർഷിപ്പ് സർട്ടിഫിക്കറ്റ്. ഗ്യാസ് ടെസ്റ്റ് സർട്ടിഫിക്കറ്റ്, ഫസ്റ്റ് എയ്ഡ് സർട്ടിഫിക്കറ്റ് അല്ലെങ്കിൽ മൂന്നുവർഷത്തെ മൈനിംഗ് എൻജിനിയറിംഗ് ഡിപ്ലോമ/ ഡിഗ്രി. ഗ്യാസ് ടെസ്റ്റിംഗ് സർട്ടിഫിക്കറ്റ്. ഫസറ്റ് എയ്ഡ് സർട്ടിഫിക്കറ്റ്.

ജൂണിയർ ഓവർമാൻ

യോഗ്യത- മൂന്നുവർഷത്തെ മൈനിംഗ് ഡിപ്ലോമ. ഡിജിഎംഎസ് അനുവദിച്ച ഓവർമാൻസ് സർട്ടിഫിക്കറ്റ്. ഗ്യാസ് ടെസ്റ്റിംഗ് സർട്ടിഫിക്കറ്റ്, ഫസ്റ്റ് എയ്ഡ് സർട്ടിഫിക്കറ്റ്.

ഓവർസിയർ (സിവിൽ)

പ്ലസ്ടു അല്ലെങ്കിൽ തത്തുല്യം. മൂന്നുവർഷത്തെ സിവിൽ എൻജിനിയറിംഗ് ഡിപ്ലോമ.
പ്രായം- എല്ലാ തസ്തികകൾക്കും 18- 30 വയസ്. 2017 ജൂലൈ അടിസ്ഥാനമാക്കിയാണ് പ്രായം കണക്കാക്കുന്നത്. എസ്‌സി, എസ്ടി വിഭാഗക്കാർക്ക് അഞ്ചും ഒബിസി വിഭാഗക്കാർക്ക് മൂന്നും വികലാംഗർക്കും വിമുക്തഭടൻമാർക്കും ചട്ടപ്രകാരം ഇളവ് ലഭിക്കും.

അപേക്ഷാഫീസ്- 300 രൂപ. എസ്‌സി, എസ്ടി വിഭാഗക്കാർക്കു ഫീസില്ല. സ്റ്റേറ്റ് ബാങ്ക് ഓഫ് ഇന്ത്യ വഴി ഫീസടയ്ക്കാം. ഫീസ് അടയ്ക്കുന്നതിനുള്ള ചെലാൻ ഫോം വെബ്സൈറ്റിൽനിന്ന് ലഭിക്കും. ചെലാൻ ഫോമിൽ അപേക്ഷിക്കുന്ന തസ്തികയുടെ പോസ്റ്റ് കോഡ് വ്യക്തമായി രേഖപ്പെടുത്തിയിരിക്കും.

അപേക്ഷിക്കേണ്ട വിധം- അപേക്ഷാ ഫോമിൽ ഫോട്ടോയും ഒപ്പും അപ്‌ലോഡ് ചെയ്യണം. അതിനായി 20 കെബി സൈസിൽ കുറഞ്ഞ ഫോട്ടോയും ഒപ്പും കംപ്യൂട്ടറിൽ സേവ് ചെയ്യണം. ഓണ്‍ലൈൻ അപേക്ഷ പൂർത്തിയാക്കിയശേഷം പ്രിന്‍റൗട്ട് അയയ്ക്കണം. പ്രിന്‍റൗട്ടിനൊപ്പം ഹൈസ്കൂൾ സർട്ടിഫിക്കറ്റ്, ഡിപ്ലോമ, ഡിഗ്രി സർട്ടിഫിക്കറ്റ്, ഗ്യാസ് ടെസ്റ്റിംഗ് സർട്ടിഫിക്കറ്റ്, മൈനിംഗ് സിർദാർ സർട്ടിഫിക്കറ്റ്, ഫസ്റ്റ് എയ്ഡ് സർട്ടിഫിക്കറ്റ് എന്നിവയുടെ ഗസറ്റഡ് ഉദ്യോഗസ്ഥനെക്കൊണ്ട് സാക്ഷ്യപ്പെടുത്തിയ പകർപ്പ് സഹിതം അപേക്ഷിക്കുക. അപേക്ഷാ ഫോമിന്‍റെ കവറിനു പുറത്ത് അപേക്ഷിക്കുന്ന തസ്തികയുടെ പേര് കൃത്യമായി രേഖപ്പെടുത്തണം.

മൈനിംഗ് സിർദാർ, ഡെപ്യൂട്ടി സർവേയർ തസ്തികകളിലേക്ക് സ്ത്രീകൾക്ക് അപേക്ഷിക്കാൻ സാധിക്കില്ല. ഒബിസി വിഭാഗക്കാർ, നോണ്‍-ക്രീമിലെയർ സർട്ടിഫിക്കറ്റും അപേക്ഷയ്ക്കൊപ്പം വയ്ക്കണം. ഒന്നിൽ കൂടുതൽ തസ്തികകളിലേക്ക് അപേക്ഷിക്കരുത്. വിവരങ്ങൾക്ക് http: //205.147.1110.48/BCCI 2018/Pages സന്ദർശിക്കുക.