Deepika.com Career News :കസ്റ്റംസ് കമ്മീഷണറേറ്റിൽ ലോഞ്ച് മെക്കാനിക്ക്, സീമാൻ, ഗ്രീസർ.......

കസ്റ്റംസ് കമ്മീഷണറേറ്റിൽ ലോഞ്ച് മെക്കാനിക്ക്, സീമാൻ, ഗ്രീസർ

വിജയവാഡയിലെ കസ്റ്റംസ് (പ്രിവന്‍റീവ്) കമ്മീഷണറേറ്റിൽ ലോഞ്ച് മെക്കാനിക്ക്, സീമാൻ, ഗ്രീസർ തസ്തികളിലായി 11 ഒഴിവുകളിലേക്ക് അപേക്ഷ ക്ഷണിച്ചു.

ലോഞ്ച് മെക്കാനിക്ക്: ഒരു ഒഴിവ്.
യോഗ്യത: എട്ടാംക്ലാസ് വിജയം. കടലിൽ പോകുന്ന വെസലുകളിൽ അഞ്ചു വർഷത്തെ പ്രവൃത്തിപരിചയം. ഇതിൽ ഒരു വർഷം എൻജിനും അനുബന്ധ മെഷീനറികളും സ്വതന്ത്ര ചുമതലയോടെ കൈകാര്യം ചെയ്തു പരിചയമുള്ളവരായിരിക്കണം.

സീമാൻ: ഏഴ് ഒഴിവ്.
യോഗ്യത: പത്താംക്ലാസ്/ തത്തുല്യം വിജയം. കടലിൽ പോകുന്ന യന്ത്രവത്കൃത വെസലിൽ മൂന്നു വർഷത്തെ പരിചയം. ഇതിൽ രണ്ടു വർഷം സീമാൻ ഷിപ്പ് വർക്കിലായിരിക്കണം പരിചയം.
മറൈൻ മെർക്കന്‍റൈൽ വകുപ്പിൽനിന്നുള്ള മേറ്റ് ഓഫ് ഫിഷിംഗ് വെസൽ സർട്ടിഫിക്കറ്റ് അഭിലഷണീയം.

ഗ്രീസർ: മൂന്ന് ഒഴിവ്.
യോഗ്യത: പത്താംക്ലാസ്/തത്തുല്യ വിജയം. കടലിൽ പോകുന്ന യന്ത്രവത്കൃത വെസലിൽ മൂന്നു വർഷത്തെ പ്രവൃത്തിപരിചയം. മറൈൻ മെർക്കന്‍റൈൽ വകുപ്പിൽനിന്നുള്ള എൻജിൻ ഡ്രൈവർ കോംപിറ്റൻസി സർട്ടിഫിക്കറ്റ് അഭിലഷണീയം.

പ്രായം: ലോഞ്ച് മെക്കാനിക്ക് തസ്തികയ്ക്ക് 18- 30. മറ്റുള്ളവയ്ക്ക് 18- 25. വിമുക്തഭടൻമാർക്കും എസ്‌സി, എസ്ടി വിഭാഗക്കാർക്കും ഒബിസിക്കാർക്കും ചട്ടപ്രകാരമുള്ള ഇളവ് ലഭിക്കും. ജൂലൈ ഒന്പത് അടിസ്ഥാനമാക്കിയാണ് പ്രായം കണക്കാക്കുക.

അപേക്ഷ: അപേക്ഷാഫോം www.cbec.gov.in, www.apcu stoms.gov.in എന്ന വെബ്സൈറ്റുകളിൽ ലഭിക്കും. അപേക്ഷാ ഫീസില്ല. ഒന്നിലേറെ തസ്തികകളിലേക്ക് അപേക്ഷിക്കുന്നവർ പ്രത്യേകം അപേക്ഷ സമർപ്പിക്കണം. അപേക്ഷയിൽ നിർദിഷ്ട സ്ഥാനത്ത് ഉദ്യോഗാർഥിയുടെ പാസ്പോർട്ട് സൈസ് ഫോട്ടോ പതിച്ച് ഗസറ്റഡ് ഓഫീസറെക്കൊണ്ട് സാക്ഷ്യപ്പെടുത്തണം.
അപേക്ഷ സാധാരണ തപാലിലോ സ്പീഡ് പോസ്റ്റിലോ അയയ്ക്കണം.

അപേക്ഷ അയയ്ക്കേണ്ട വിലാസം: The Commissioner, Customs (Preventive) Comm issionerate Autonagar, Vijaya wada, 55-17-3, C-14, 2nd Floor, Industrial Estate, Autonagar, Vijayawada-520007.
അപേക്ഷ സ്വീകരിക്കുന്ന അവസാന തീയതി ജൂലൈ ഒന്പത്.
കൂടുതൽ വിവരങ്ങൾ വെബ്സൈറ്റിൽ ലഭിക്കും.