Deepika.com Career News :RCF: 50 ഓപ്പറേറ്റർ ട്രെയിനി.......

RCF: 50 ഓപ്പറേറ്റർ ട്രെയിനി

രാഷ്‌ട്രീയ കെമിക്കൽസ് ആൻഡ് ഫെർട്ടിലെെസേഴ്സ് ലിമിറ്റഡിന്‍റെ മുംബെെയിലെ ട്രോംബെ, താൽ ഒാപ്പറേറ്റിംഗ് യൂണിറ്റുകളിൽ ഒാപ്പറേറ്റർ ട്രെയിനി തസ്തികയിലെ 50 ഒഴിവുകളിലേക്ക് അപേക്ഷ ക്ഷണിച്ചു. ഒാരോ യൂണിറ്റുകളിലും 25 ഒഴിവുകൾ വീതമാണുള്ളത്. ഒരു വർഷമാണ് പരിശീലനം. ജൂലെെ 14 വരെ ഒാൺലെെനായി അപേക്ഷിക്കാം.

യോഗ്യത: ഫിസിക്സ് ഒരു വിഷയമായി ഫുൾ ടെെം, റെഗുലർ ബിഎസ്‌സി കെമിസ്ട്രി, ബിരുദത്തിനു ശേഷം നേടിയ എഒ(സിപി) ട്രേഡിലുള്ള എൻസിവിടി അവസാന വർഷം (അവസാന രണ്ടു സെമസ്റ്ററുകളിൽ) മൊത്തം 50% മാർക്ക് (എസ്‌സി/ എസ്ടി വിഭാഗക്കാർ 45% മാർക്ക്)നേടിയിരിക്കണം. അല്ലെങ്കിൽ ഫുൾ ടെെം റെഗുലർ കെമിക്കൽ എൻജിനിയറിംഗ്/ ടെക്നോളജി ഡിപ്ലോമ (അവസാന രണ്ടു സെമസ്റ്ററുകളിൽ മൊത്തം 50% മാർക്ക് (എസ്‌സി/ എസ്ടി വിഭാഗക്കാർ 45% മാർക്ക്)നേടിയിരിക്കണം. ഒരു വർഷത്തെ (BOAT) ട്രെയിനിംഗ് പൂർത്തിയാക്കിയിരിക്കണം. അല്ലെങ്കിൽ നാലു വർഷത്തെ ഫുൾടെെം, റെഗുലർ കെമിക്കൽ എൻജിനിയറിംഗ്/ ടെക്നോളജി ഡിപ്ലോമ(സാൻഡ്‌വിച്ച് പാറ്റേണിൽ നേടിയത്)(അവസാന രണ്ടു സെമസ്റ്ററുകളിൽ/ വർഷത്തിൽ മൊത്തം 50% മാർക്ക് (എസ്‌സി/ എസ്ടി വിഭാഗക്കാർ 45% മാർക്ക്)നേടിയിരിക്കണം. അവസാന വർഷ പരീക്ഷ എഴുതി ഫലം കാത്തിരിക്കുന്നവർ അപേക്ഷിക്കാൻ അർഹരല്ല. ഉയർന്ന യോഗ്യതയുള്ളവർ അപേക്ഷിക്കേണ്ടതില്ല. കൂടുതൽ വിവരങ്ങൾക്ക് വെബ്സെെറ്റ് കാണുക.

പ്രായപരിധി: 2018 ജൂൺ ഒന്നിന് 27 വയസ്. പട്ടിക വിഭാഗക്കാർക്ക് അഞ്ചും ഒബിസിക്കാർക്കു (നോൺ-ക്രീമീ ലെയയർ) മൂന്നും വർഷം ഉയർന്ന പ്രായപരിധിയിൽ ഇളവുണ്ട്.
സ്റ്റെപ്പൻഡ്: 9,000 രൂപ.
വിശദവിവരങ്ങൾക്ക്: www.rcfltd.com.