നാഷണൽ കോ-ഓപ്പറേറ്റീവ് ഡെവലപ്മെന്റ് കോർപ്പറേഷനിൽ വിവിധ തസ്തികകളിലായുള്ള 70 ഒഴിവുകളിലേക്ക് അപേക്ഷ ക്ഷണിച്ചു.
ഡെപ്യൂട്ടി ഡയറക്ടർ: ഒരു ഒഴിവ്
യോഗ്യത: ഫിനാൻസ് സ്പെഷലൈസേഷനോടെയുള്ള എംബിഎ അല്ലെങ്കിൽ കൊമേഴ്സിൽ ബിരുദാനന്തരബിരുദം അല്ലെങ്കിൽ ചാർട്ടേർഡ് അക്കൗണ്ടന്റ്/കോസ്റ്റ് അക്കൗണ്ടന്റ്, അഞ്ചു വർഷത്തെ പ്രവൃത്തിപരിചയം.
ഡെപ്യൂട്ടി ഡയറക്ടർ (ജനറൽ): രണ്ട് ഒഴിവ്.
യോഗ്യത: ഫിനാൻസ്/മാർക്കറ്റിംഗ് സ്പെഷലൈസേഷനോടെ എംബിഎ അല്ലെങ്കിൽ ഇക്കണോമിക്സ്/ കൊമേഴ്സ്/സ്റ്റാറ്റിസ്റ്റിക്സ്/അഗ്രി ബിസിനസ്/റൂറൽ മാനേജ്മെന്റ്/ബാങ്കിംഗ്/ഇൻഷ്വറൻസ് ബിരുദാനന്തരബിരുദം. അല്ലെങ്കിൽ ചാർട്ടേർഡ് അക്കൗണ്ടന്റ്/ കോസ്റ്റ് അക്കൗണ്ടന്റ്. അഞ്ചു വർഷത്തെ പ്രവൃത്തിപരിചയം.
അസിസ്റ്റന്റ് ഡയറക്ടർ (ജനറൽ): അഞ്ച് ഒഴിവ്.
യോഗ്യത: ഫിനാൻസ്/മാർക്കറ്റിംഗ് സ്പെഷലൈസേഷനോടെ എംബിഎ. അല്ലെങ്കിൽ ഇക്കണോമിക്സ്/കൊമേഴ്സ്/സ്റ്റാറ്റിസ്റ്റിക്സ്/അഗ്രി ബിസിനസ്/റൂറൽ മാനേജ്മെന്റ്/കോ-ഓപ്പറേറ്റീവ് മാനേജ്മെന്റ്/ബാങ്കിംഗ്/ഇൻഷ്വറൻസ് ബിരുദാനന്തരബിരുദം. അല്ലെങ്കിൽ ചാർട്ടേർഡ് അക്കൗണ്ടന്റ്/കോസ്റ്റ് അക്കൗണ്ടന്റ്. രണ്ടു വർഷത്തെ പ്രവൃത്തിപരിചയം.
അസിസ്റ്റന്റ് ഡയറക്ടർ (ഫിനാൻസ്): മൂന്ന് ഒഴിവ്.
യോഗ്യത: ഫിനാൻസ് സ്പെഷലൈസേഷനോടെ എംബിഎ. അല്ലെങ്കിൽ കൊമേഴ്സിൽ ബിരുദാനന്തരബിരുദം അല്ലെങ്കിൽ ചാർട്ടേർഡ് അക്കൗണ്ടന്റ്/കോസ്റ്റ് അക്കൗണ്ടന്റ്, രണ്ടു വർഷത്തെ പ്രവൃത്തിപരിചയം.
അസിസ്റ്റന്റ് ഡയറക്ടർ (ടെക്സ്റ്റൈൽ): ഒരു ഒഴിവ്.
യോഗ്യത: ടെക്സ്റ്റൈൽ എൻജിനിയറിംഗിൽ ബിഇ/ബിടെക്. രണ്ടു വർഷത്തെ പ്രവൃത്തിപരിചയം.
അസിസ്റ്റന്റ് ഡയറക്ടർ (ഷുഗർ): ഒരു ഒഴിവ്.
യോഗ്യത: മെക്കാനിക്കൽ എൻജിനിയറിംഗിൽ ബിരുദം. രണ്ടു വർഷത്തെ പ്രവൃത്തിപരിചയം. ഷുഗർ എൻജിനിയറിംഗിൽ ബിരുദം അഭിലഷണീയം.
അസിസ്റ്റന്റ് ഡയറക്ടർ (ലീഗൽ): ഒരു ഒഴിവ്.
യോഗ്യത: നിയമബിരുദം. ബാർകൗൺസിൽ എൻറോൾമെന്റ്, രണ്ടു വർഷത്തെ പ്രവൃത്തിപരിചയം.
പ്രോഗ്രാം ഓഫീസർ (ജനറൽ): അഞ്ച് ഒഴിവ്.
യോഗ്യത: അന്പതു ശതമാനം മാർക്കോടെ ബിരുദം. എസ്സി, എസ്ടി വിഭാഗക്കാർക്ക് 45 ശതമാനം മാർക്ക് മതി. രണ്ടു വർഷത്തെ പ്രവൃത്തിപരിചയം. കോ-ഓപ്പറേഷൻ ഡിപ്ലോമ അഭിലഷണീയം.
പ്രോഗ്രാം ഓഫീസർ ഒഫീഷ്യൽ ലാംഗ്വേജ്: മൂന്ന് ഒഴിവ്.
യോഗ്യത: ഇംഗ്ലീഷ് ഒരു വിഷയമായി പഠിച്ച് ഹിന്ദിയിൽ നേടിയ ബിരുദം. ടെർമിനോളജി വർക്കിലോ ഇംഗ്ലീഷിൽനിന്ന് ഹിന്ദിയിലേക്കും തിരിച്ചുമുള്ള വിവർത്തനത്തിലോ മൂന്നു വർഷത്തെ പരിചയം.
സീനിയർ അസിസ്റ്റന്റ്(ജനറൽ): 26 ഒഴിവ്.
യോഗ്യത: ബിരുദം. ഇംഗ്ലീഷ് ഷോർട്ട് ഹാൻഡിൽ മിനിറ്റിൽ 120 വാക്കും ഇംഗ്ലീഷ് ടൈപ്പിംഗിൽ മിനിറ്റിൽ 40 വാക്കും വേഗം. എംഎസ് ഓഫീസ്, എക്സൽ, പവർപോയിന്റ് തുടങ്ങിയവ അറിഞ്ഞിരിക്കണം. അല്ലെങ്കിൽ ഹിന്ദിയിൽ ബിരുദവും ഹിന്ദി ഷോർട്ട് ഹാൻഡിൽ മിനിറ്റിൽ 100 വാക്ക് വേഗവും ഹിന്ദി ടൈപ്പിംഗിൽ മിനിറ്റിൽ 30 വാക്ക് വേഗവും. എം.എസ്. ഓഫീസ്, എക്സൽ, പവർപോയിന്റ് തുടങ്ങിയവ അറിഞ്ഞിരിക്കണം.
പേഴ്സണൽ അസിസ്റ്റന്റ് (ജനറൽ): നാല് ഒഴിവ്.
യോഗ്യത: ബിരുദം, ഷോർട്ട്ഹാൻഡിൽ മിനിറ്റിൽ 80 വാക്കും ടൈപ്പിംഗിൽ 40 വാക്കും വേഗം. എം.എസ്. ഓഫീസ്, എക്സൽ, പവർ പോയിന്റ് പരിജ്ഞാനം.
ജൂണിയർ അസിസ്റ്റന്റ് (ജനറൽ): 10 ഒഴിവ്.
യോഗ്യത: ബിരുദവും കംപ്യൂട്ടർ പരിജ്ഞാനവും.
പ്രവൃത്തിപരിചയം സംബന്ധിച്ച് കൂടുതൽ വിവരങ്ങൾ വെബ്സൈറ്റിലെ വിജ്ഞാപനത്തിലുണ്ട്. ഇതു വായിച്ച് യോഗ്യത ഉറപ്പുവരുത്തിയ ശേഷം മാത്രം അപേക്ഷിക്കുക. എല്ലാ തസ്തികയ്ക്കും ഒബിസി വിഭാഗക്കാർക്ക് മൂന്നു എസ്സി, എസ്ടി വിഭാഗക്കാർക്ക് അഞ്ചും വർഷം ഉയർന്ന പ്രായത്തിൽ ഇളവ് ലഭിക്കും.
അപേക്ഷാ ഫീസ്: ഡെപ്യൂട്ടി ഡയറക്ടർ, അസിസ്റ്റന്റ് ഡയറക്ടർ തസ്തികകൾക്ക് 1,200 രൂപയും മറ്റ് തസ്തികകൾക്ക് 750 രൂപയുമാണ്. ഒന്നിലേറെ തസ്തികകളിലേക്ക് അപേക്ഷിക്കുന്നവർ പ്രത്യേകം ഫീസ് അടയ്ക്കണം. എസ്സി, എസ്ടി, അംഗപരിമിതർ, വിമുക്തഭടൻമാർ എന്നിവർക്ക് ഫീസില്ല. ഫീസ് ഓൺലൈനായി അടയ്ക്കണം.
അപേക്ഷ സമർപ്പിക്കേണ്ട വിധം: www.ncdc.in എന്ന വെബ്സൈറ്റിലൂടെ ഓൺലൈനായി അപേക്ഷ സമർപ്പിക്കാം. ഓൺലൈൻ അപേക്ഷ സ്വീകരിക്കുന്ന അവസാന തീയതി ഓഗസ്റ്റ് ആറ്. കൂടുതൽ വിവരങ്ങൾക്ക് വെബ്സൈറ്റ് സന്ദർശിക്കുക.