കത്രീനയ്ക്ക് സല്ലുവിന്‍റെ പിറന്നാൾ സമ്മാനം : Bollywood News

കത്രീനയ്ക്കു സൽമാന്‍റെ പിറന്നാൾ സമ്മാനം ഒരുകാലത്ത് ബോളിവുഡിലെ പ്രണയജോഡികളായിരുന്നു സൽമാൻ ഖാനും കത്രീന കെയ്ഫും. ഏറെ ആഘോഷിക്കപ്പെട്ട പ്രണയജോഡി. എന്നാൽ പതിവുപോലെ ആ പ്രണയ ബന്ധവും തകർന്നു. സൽമാന്‍റെയും കത്രീനയുടെയും ജീവിതത്തിലേക്ക് പുതിയ ആളുകൾ കടന്നുവരികയും ചെയ്തു. എന്നാലും ഇപ്പോഴും ആ പഴയ പ്രണയം ഇരുവരിലും ബാക്കിയുണ്ടത്രേ. കത്രീന കെയ്ഫിന്‍റെ പിറന്നാളിന് മുന്പ് സൽമാൻ നൽകിയ സമ്മാനം അതിനു തെളിവാണ്.

ഇന്‍റർനാഷണൽ ഇന്ത്യൻ ഫിലിം അക്കാദമി(ഐഐഎഫ്എ)യുടെ വാർത്താസമ്മേളനത്തിനോടനുബന്ധിച്ച് വേദിയിൽപ്രത്യക്ഷപ്പെട്ടപ്പോൾ എല്ലാവരുടെയും മുന്നിൽ വച്ച് സൽമാൻ കത്രീനയ്ക്ക് ആ സമ്മാനം കൈമാറി. സൽമാൻ "ഹാപ്പി ബർത്ത് ഡേ’ എന്ന് കത്രീനയുടെ ചെവിയിൽ മൂളി. ഷാഹിദ് കപൂർ, ആലിയ ഭട്ട്, അനുപം ഖേർ, കൃതി സനോൻ, സുശാന്ത് സിംഗ് രജ്പുത്, വരുണ്‍ ധവാൻ എന്നിവരെല്ലാം വേദിയിൽ നിൽക്കെയാണ് സൽമാൻ പിറന്നാൾ ഗാനം പാടിയത്. അതും ഐഐഎഫ്എയുടെ അനുഭവം എല്ലാവരും പങ്കുവയ്ക്കുന്ന സമയത്ത്.

അതിനിടയിൽ ഒരു തമാശയുമുണ്ടായി. ഐഐഎഫ്എ നടക്കുന്ന തീയതി എന്നാണെന്ന് സൽമാനോട് അവതാരകൻ അനുപം ചോദിച്ചു. ഉടൻ തന്നെ സൽമാന്‍റെ ഉത്തരമെത്തി. എനിക്ക് ഓർമയുള്ള ഏക തീയതി കത്രീനയുടെ പിറന്നാൾ ദിനമാണെന്നായിരുന്നു സൽമാന്‍റെ മറുപടി.ജൂലൈ 16നാണ് കത്രീനയുടെ പിറന്നാളെന്ന് പറഞ്ഞ് സൽമാൻ തന്‍റെ പഴയ കാമുകിയെ കെട്ടിപ്പിടിക്കാനും കവിളിൽ ചുംബിക്കാനും മറന്നില്ല. 18-ാം വയസിൽ ചെയ്ത കാര്യങ്ങളിൽ ഇപ്പോഴും ഓർമയിലുള്ളത് എന്താണെന്നായിരുന്നു കത്രീനയോട് അവതാരകന്‍റെ ചോദ്യം. സൽമാനെ കണ്ടുമുട്ടിയതെന്ന് കത്രീന മറുപടിയും നൽകി.