ഇന്ത്യയിലെ വിവിധ സംസ്ഥാനങ്ങളിലൂടെ യാത്ര ചെയ്ത് ചിത്രീകരിക്കുന്ന ദി ഗ്രേറ്റ് ഇന്ത്യൻ റോഡ് മൂവി യുടെ ചിത്രീകരണം തുടങ്ങി. കേരളം, തമിഴ്നാട്, കർണാടക, ഗോവ, ഉത്തർപ്രദേശ്, ഉത്തരാഖണ്ഡ്, രാജസ്ഥാൻ, ഹരിയാന, പഞ്ചാബ്, ഗുജറാത്ത്, ബംഗാൾ, ആസാം, മേഘാലയ, മിസോറാം, മഹാരാഷ്ട, ഹിമാചൽപ്രദേശ്, കാഷ്മീർ ഇങ്ങനെ പതിനേഴോളം സംസ്ഥാനങ്ങളിലൂടെയും ന്യൂഡൽഹിയിലൂടെയും യാത്ര ചെയ്യുന്ന ചിത്രം ഒരച്ഛന്റേയും മകന്റേയും കഥയാണ് പറയുന്നത്.
മാസ്റ്റർ ആശ്രയ്, വിജയ് ആനന്ദ്, അനില എന്നീ നവാഗതർ പ്രധാന കഥാപാത്രങ്ങളാകുന്ന ഗ്രേറ്റ് ഇന്ത്യൻ റോഡ് മൂവിയിൽ മധുപാൽ, സുനിൽസുഖദ, പ്രേംമനോജ് എന്നിവരും മറ്റ് സംസ്ഥാനങ്ങളിൽ നിന്നുള്ള അനേകം കലാകാരന്മാരും അഭിനയിക്കുന്നു.
ഒലിവ് ഇന്റർനാഷണലിന്റെ ബാനറിൽ അഭിലാഷ് എസ്. പിള്ള നിർമിക്കുന്ന ഈ ചിത്രം കഥയും തിരക്കഥയുമെഴുതി സംവിധാനം ചെയ്യുന്നത് സോഹൻലാൽ. ഛായാഗ്രഹണം: രതീഷ് മംഗലത്ത്, ചിത്രസംയോജനം: ഹരിഹരപുത്രൻ, സംഭാഷണം: ജി. ആർ. ഇന്ദുഗോപൻ,സോഹൻലാൽ, ശബ്ദലേഖനം: ശ്രീഹരി സംവിധാന സഹായം: സാംരാജ്, പ്രൊഡക്ഷൻ കണ്ട്രോളർ: വിജയ്, കോസ്റ്റ്യൂംസ്: ഇന്ദ്രൻസ് ജയൻ, ഡിസൈൻ: ജിസൻ പോൾ, സ്റ്റിൽസ്: ചന്ദ്രൻ മൊണാലിസ.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.