Cinema
അ​ബ്ര​ഹാ​മി​ന്‍റെ സ​ന്ത​തി​ക​ൾ വേ​റെ ലെ​വ​ലാ​ണ്...!
Sunday, June 17, 2018 10:20 AM IST
മ​ടു​പ്പി​ന്‍റെ പാരമ്യത്തിൽ കൊ​ണ്ടെ​ത്തി​ച്ച ശേ​ഷം ത്രി​ല്ല​ടി​പ്പി​ക്കു​ന്നൊ​രു ആ​വി​ഷ്ക​ര​ണം..! അ​താ​ണ് യ​ഥാ​ർ​ഥ​ത്തി​ൽ "അ​ബ്ര​ഹാ​മി​ന്‍റെ സ​ന്ത​തി​ക​ൾ'. സം​വി​ധാ​യ​ക​നും തി​ര​ക്ക​ഥാ​കൃ​ത്തി​നും ഇ​തെ​ന്തു പ​റ്റി...​ ഇ​തെ​ന്തൂ​ട്ട് ത്രി​ല്ല​റാ​ണെ​ന്നെ​ല്ലാം തു​ട​ക്കം മു​ത​ൽ മ​ന​സി​ൽ മ​ന്ത്രി​ച്ചുകൊ​ണ്ടേ​യി​രി​ക്കും. ക​ണ​ക്കു​കൂ​ട്ട​ലു​ക​ൾക്ക് അപ്പുറത്ത് പ്രേ​ക്ഷ​ക​രു​ടെ മ​ന​സി​ന്‍റെ താ​ളംതെ​റ്റി​ച്ച ശേ​ഷം അ​തി​വി​ദ​ഗ്ധ​മാ​യ ഒ​രു ക​ഥ ഒ​ടു​വി​ൽ സം​വി​ധാ​യ​ക​ൻ പ​റ​ഞ്ഞുത​രും. അ​തോ​ടെ, അ​തു​വ​രെ ക​ണ്ട​തെ​ല്ലാം സു​ന്ദ​ര​മാ​യ ക​ബ​ളി​പ്പി​ക്ക​ലാ​യി​രു​ന്നു എ​ന്നോ​ർ​ത്ത് അ​റി​യാ​തെയെങ്കി​ലും ഒ​ന്നു ചി​രി​ച്ചുപോ​കും.

ആ​ല​സ്യ​ത്തി​ന്‍റെ പ​ടു​കു​ഴി​യി​ലേ​ക്ക് ത​ള്ളി​യി​ടു​ന്ന രീ​തി​യി​ലാ​ണ് ചി​ത്ര​ത്തി​ന്‍റെ തി​ര​ക്ക​ഥ ഒ​രു​ക്കി​യി​രി​ക്കു​ന്ന​ത്. മമ്മൂട്ടിയുടെ സ്റ്റൈലിഷ് അപ്പിയറൻസ് മാത്രമുള്ള ചിത്രമല്ല അബ്രഹാമിന്‍റെ സന്തതികൾ. മി​ടു​ക്കു​ള്ള പോ​ലീ​സ് ഓ​ഫീ​സ​റാ​യി, പച്ചമനുഷ്യനായി ചി​ത്ര​ത്തി​ൽ നി​റ​ഞ്ഞു നി​ൽ​ക്കു​കയാണ് മെഗാസ്റ്റാർ. ഒപ്പം, ക​ഥ ആ​വ​ശ്യ​പ്പെ​ടു​ന്ന രീ​തി​യി​ൽ ത​ന്‍റെ ച​ല​ന​ങ്ങ​ൾകൊ​ണ്ടും പ്ര​വൃ​ത്തി​ക​ൾകൊ​ണ്ടും ആളുകളെ മുഷിപ്പിക്കുകയും ചെയ്യുന്നുണ്ട്. ആ ​മുഷി​പ്പാ​ണ് ചി​ത്ര​ത്തി​ന്‍റെ ഹൈ​ലൈ​റ്റ്.

അ​വ​സാ​ന​ത്തെ 20 മി​നി​റ്റി​ൽ ട്വി​സ്റ്റു​ക​ൾ കൊ​ണ്ടൊ​രു മ​ണി​മാ​ളി​ക പ​ണി​ത് സം​വി​ധാ​യ​ക​ൻ ഷാ​ജി പടൂ​ർ പ്രേ​ക്ഷ​ക​രെ അ​ന്പ​രപ്പി​ക്കു​ക​യാ​ണ്. വെ​റു​മൊ​രു ത്രി​ല്ല​റ​ല്ല അ​ബ്ര​ഹാ​മി​ന്‍റെ സ​ന്ത​തി​ക​ൾ. സം​ഭാ​ഷ​ണ​ങ്ങ​ളി​ലും മു​ഖ​ഭാ​വ​ങ്ങ​ളി​ലും ക​ഥ ഒ​ളി​പ്പി​ച്ച് ഇ​മോ​ഷ​ണ​ലി ക​ബ​ളി​പ്പി​ക്കു​ന്ന ഒ​രു കി​ടി​ല​ൻ ചി​ത്ര​മാ​ണ്. ഒ​ന്നേ പ​റ​യാ​നു​ള്ളു... ചു​മ്മാ മു​ഷിപ്പാ​ണെന്ന് തെറ്റിദ്ധരിച്ച് ചി​ത്രം ക്ലൈ​മാ​ക്സി​ലേ​ക്ക് എ​ത്തും മു​ൻപേ തീ​യ​റ്റ​ർ വി​ട്ടാ​ൽ ന​ഷ്ടം നി​ങ്ങ​ൾ​ക്ക് മാ​ത്ര​മാ​ണ്.



സ്റ്റൈ​ലി​ഷ് ലു​ക്കി​ൽ മ​മ്മൂ​ട്ടി

കൊ​ല​പാ​ത​ക​ങ്ങ​ൾ തു​ട​രെ കാ​ട്ടി​ക്കൊ​ണ്ടാ​ണ് ചി​ത്ര​ത്തി​ന്‍റെ തു​ട​ക്കം. അ​പ്പോ​ഴേ ന​മു​ക്ക് മ​ന​സി​ലാ​കും സം​ഗ​തി ക്രൈം ​ത്രി​ല്ല​റാ​ണെ​ന്ന്. പ​ക്ഷേ, പ്ര​തീ​ക്ഷ​ക​ളെ ത​കി​ടം മ​റി​ച്ചുകൊ​ണ്ടു​ള്ള ചി​ത്ര​ത്തി​ന്‍റെ മെ​ല്ലെപ്പോക്ക് പ്രേ​ക്ഷ​ക​രെ ആ​കെയൊ​ന്ന് അ​ന്പ​രപ്പി​ക്കും. ത്രി​ല്ല​റി​നു വേ​ണ്ടി​യൊ​രു ത്രി​ല്ല​റാ​യി ചി​ത്രം മാ​റു​മോ, എ​ന്നു​ള്ള തോ​ന്ന​ലുമുണ്ടാകും. അ​തൊ​ക്കെ പ​ക്ഷേ, തി​ര​ക്ക​ഥാ​കൃ​ത്തി​ന്‍റെ ഒ​രു മി​ടു​ക്ക് ത​ന്നെ​യാ​ണ്.

സം​ഭാ​ഷ​ണ​ങ്ങ​ളി​ൽ ക​ഥ ഒ​തു​ക്കി സ​സ്പെ​ൻ​സ് ഒ​ളി​പ്പി​ച്ചാ​ണ് ചി​ത്രം മു​ന്നോ​ട്ടു പോ​കു​ന്ന​ത്. സീ​രി​യ​ൽ കൊ​ല​പാ​ത​കി​യു​ടെ കേ​സ് ഡെ​റി​ക് അ​ബ്ര​ഹാം (​മ​മ്മൂ​ട്ടി) എന്ന പോ​ലീ​സ് ഓ​ഫീ​സ​ർ​ക്ക് ത​ല​വേ​ദ​ന​യാ​യി മാ​റു​ന്ന​തോ​ടെ​യാ​ണ് ചി​ത്രം ചൂ​ടുപി​ടി​ച്ച് തു​ട​ങ്ങു​ന്ന​ത്. ഡ​യ​ലോ​ഗ് ഡെ​ലി​വ​റി​യി​ലൂ​ടെ​യും ചെ​റുനോ​ട്ട​ങ്ങ​ളി​ലൂ​ടെ​യും മ​മ്മൂ​ട്ടി എ​റി​ച്ചു നി​ൽ​ക്കു​ക​യാ​ണ് ചി​ത്ര​ത്തി​ൽ. സ്റ്റൈ​ലി​ഷ് ലു​ക്കി​ന്‍റെ കാ​ര്യ​ത്തി​ൽ മ​ല​യാ​ള​ത്തി​ലെ മ​റ്റ് മു​ൻ​നി​ര ന​ടന്മാരേ​ക്കാ​ൾ ഒ​രു​പ​ടി മു​ന്നി​ലാ​ണ് താ​നെ​ന്ന് ഒ​രി​ക്ക​ൽ കൂ​ടി തെ​ളി​യി​ക്കു​ക​യാ​ണ് മെഗാസ്റ്റാർ.



അ​ന്വേ​ഷ​ണ രീ​തി കൊ​ള്ളാം

ക​ണ്ടു​പ​ഴ​കി​യ ത്രി​ല്ല​ർ സി​നി​മ​ക​ളെ അ​നു​ക​രി​ക്കാ​തെ കേ​സന്വേ​ഷ​ണ​ത്തി​ന്‍റെ രീ​തി​ക​ൾ​ക്ക് പു​തു​മ കൊ​ണ്ടു​വ​രാൻ സം​വി​ധാ​യ​ക​ന് ക​ഴി​ഞ്ഞി​ട്ടു​ണ്ട്. ക​ഥപ​റ​ച്ചി​ലി​ൽ കൂ​ടി പു​തു​മ ക​ട​ന്നുകൂ​ടി​യ​തോ​ടെ ചി​ത്ര​ത്തി​ന് ച​ടു​ല​മാ​യ ഒ​ഴു​ക്ക് കൈ​വ​ന്നു. ഒ​രു കേ​സി​ൽ നി​ന്ന് മ​റ്റൊ​രു കേ​സി​ലേ​ക്ക് നീ​ങ്ങു​ന്പോ​ൾ ഉ​ണ്ടാ​കേ​ണ്ട തു​ട​ർ​ച്ച പോ​കു​ന്നി​ട​ത്താ​ണ് അ​ബ്ര​ഹാ​മി​ന്‍റെ സ​ന്ത​തി​ക​ളി​ൽ സ​സ്പെ​ൻ​സ് ഒ​ളി​ഞ്ഞി​രി​പ്പു​ണ്ടെ​ന്നു​ള്ള സൂ​ച​ന കി​ട്ടു​ന്ന​ത്. പ​ക്ഷേ, മൂ​ന്നാ​മ​ത് പ​റ​ഞ്ഞ ക​ഥ സ്വ​ന്തം ചോ​ര​യ്ക്ക് വേ​ണ്ടി​യു​ള്ള പോ​രാ​ട്ടം കൂ​ടി​യാ​കു​ന്പോ​ൾ സം​ഗ​തി ജോ​റാ​യി.

ആ​ൻ​സ​ണ്‍ പോ​ൾ കി​ട്ടി​യ അ​വ​സ​രം മു​ത​ലാ​ക്കി മ​മ്മൂ​ട്ടി​ക്കൊ​പ്പം മ​ത്സ​രി​ച്ച് അ​ഭി​ന​യി​ക്കു​ക​യാ​ണ് ചി​ത്ര​ത്തി​ൽ. കേ​സ് അ​ന്വേ​ഷി​ക്കാ​ൻ പോ​ലീ​സു​കാ​ർ​ക്ക് അ​വ​ര​വ​രു​ടേതാ​യ രീ​തി​യു​ണ്ട്. അ​തു​പ​ക്ഷേ മ​റ്റു​ള്ള​വ​ർ​ക്ക് മ​ന​സി​ലാ​ക​ണ​മെ​ന്നി​ല്ല. തി​ര​ക്ക​ഥാ​കൃ​ത്ത് ഹ​നീ​ഫ് അ​ദേ​നി തി​ര​ക്ക​ഥ​യി​ൽ വി​ട്ടു​വീ​ഴ്ച​ക​ളി​ല്ലാ​ത്ത വി​ധം ചി​ല സം​ഗ​തി​ക​ൾ ചേ​ർ​ത്തു​വച്ചി​ട്ടു​ണ്ട്. ആ ​ചേ​ർ​ത്തു​വെ​ക്ക​ലു​ക​ൾ​ക്ക് ഒ​രു കോ​ട്ട​വും സം​ഭ​വി​ക്കാ​ത്ത വി​ധം സം​വി​ധാ​യ​ക​ൻ ഷാ​ജി പടൂ​ർ ആവിഷ്കാരം ഒരുക്കിയപ്പോൾ സം​ഗ​തി സൂ​പ്പ​റാ​യി.



ശ്ര​ദ്ധ​വേ​ണം... അ​ത് മ​സ്റ്റാ​ണ്...!

ര​ണ്‍​ജി പ​ണി​ക്ക​ർ, സു​രേ​ഷ് കൃ​ഷ്ണ, ക​നി​ഹ, സി​ദ്ദി​ഖ് തു​ട​ങ്ങി​യ​വ​ർ പ്ര​ധാ​ന​പ്പെ​ട്ട വേ​ഷ​ങ്ങ​ളി​ൽ ചി​ത്ര​ത്തി​ലു​ണ്ട്. പ​ക്ഷേ, തു​ട​ക്കം മു​ത​ലു​ള്ള ക​ലാ​ഭ​വ​ൻ ഷാ​ജോ​ണാ​ണ് പ​ക്വ​മാ​യ അ​ഭി​ന​യരീ​തി ​കൊ​ണ്ട് പ്രേ​ക്ഷ​ക​രെ ഞെ​ട്ടി​ച്ച​ത്. ആ​ദ്യ പ​കു​തി​യി​ൽ വ​ള​രെ ല​ളി​ത​മാ​യി തോ​ന്നു​ന്ന പ​ല കാ​ര്യ​ങ്ങ​ളും ഈ ​ക​ഥ​യി​ലെ നി​ർ​ണാ​യ​ക വ​ഴി​ത്തി​രി​വു​ക​ളാ​യി മാ​റു​ന്ന കാ​ഴ്ച ര​ണ്ടാം പ​കു​തി​യി​ൽ കാ​ണാ​ൻ ക​ഴി​യും.

ചി​ത്ര​ത്തി​ന്‍റെ എ​ഡി​റ്റ​റെ എ​ത്രക​ണ്ട് പ്ര​ശം​സി​ച്ചാ​ലും മ​തി​യാ​കി​ല്ല. കാ​ര​ണം മ​നു​ഷ്യ​നെ ക​ണ്‍​ഫ്യൂ​ഷ​നാ​ക്കു​ന്ന​തി​നൊ​ക്കെ ഒ​രു പ​രി​ധി​യി​ല്ലേ. ത്രി​ല്ല​ടി​പ്പി​ക്കാ​ൻ പാ​ക​ത്തി​നു​ള്ള ബി​ജി​എം ഒ​രു​ക്കി ഗോ​പി സു​ന്ദ​ർ ഒ​രി​ക്ക​ൽ കൂ​ടി മി​ടു​ക്ക് കാ​ട്ടി​യ​പ്പോ​ൾ മ​മ്മൂ​ട്ടി​യു​ടെ വ​ര​വും പോ​ക്കു​മെ​ല്ലാം കി​ക്കി​ടു​വാ​യി.

ഒ​ന്നാം ക​ഥ, ര​ണ്ടാം ക​ഥ, മൂ​ന്നാം ക​ഥ ഇ​വ​യെ​ല്ലാം കൂ​ടി കൂ​ടി​ച്ചേ​രു​ന്നി​ല്ല​ല്ലോ​യെ​ന്നു​ള്ള തോ​ന്ന​ലു​ക​ളെ​യെ​ല്ലാം അ​സ്ഥാ​ന​ത്താ​ക്കു​ന്ന ആ​വി​ഷ്ക​ര​ണ രീ​തി​യാ​ണ് സം​വി​ധാ​യ​ക​ൻ ചി​ത്ര​ത്തി​ൽ സ്വീ​ക​രി​ച്ചി​രി​ക്കു​ന്ന​ത്. അ​തു​കൊ​ണ്ട് ത​ന്നെ ത്രി​ല്ല​ർ സി​നി​മ​ക​ൾ ഇ​ഷ്ട​പ്പെ​ടു​ന്ന ഏ​തൊ​രാ​ൾ​ക്കും സ​ധൈ​ര്യം സ​മീ​പി​ക്കാ​വു​ന്ന ചി​ത്ര​മാ​ണ് അ​ബ്ര​ഹാ​മി​ന്‍റെ സ​ന്ത​തി​ക​ൾ.

(സം​വി​ധാ​യ​ക​ന്‍റെ മി​ടു​ക്ക്... തി​ര​ക്ക​ഥാ​കൃ​ത്തി​ന്‍റെ കൃ​ത്യ​ത... മ​മ്മൂ​ട്ടി​യു​ടെ പ്ര​ക​ട​നം... സം​ഗ​തി പൊ​ളി​ച്ചു.)

വി.​ശ്രീ​കാ​ന്ത്
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.



Copyright @ 2022 , Rashtra Deepika Ltd.