Cinema
ട്വി​സ്റ്റി​ൽ മു​ങ്ങി "ബാ​ഗ​മ​തി'
Saturday, January 27, 2018 10:00 PM IST
"ബാഗമതി' പ്രേക്ഷകനെ വട്ടം ചുറ്റിക്കുകയാണ്. ല​ക്കും ല​ഗാ​നും ഇ​ല്ലാ​തെ ചി​ല കാ​ര്യ​ങ്ങ​ൾ കാ​ട്ടിയാണ് സം​വി​ധാ​യ​ക​ൻ ജി. ​അ​ശോ​ക് കാഴ്ചക്കാരനെ വട്ടം ചുറ്റിക്കുന്നത്. ആ​ദ്യ പ​കു​തി​യി​ൽ ഉ​രു​ണ്ടുകൂ​ടു​ന്ന സം​ഭ​വവി​കാ​സ​ങ്ങ​ൾ കാ​ണു​ന്പോ​ൾ സം​വി​ധാ​യ​ക​ൻ എ​ന്താ​ണാ​വോ ഉ​ദ്ദേ​ശി​ച്ച​തെ​ന്ന് തോ​ന്ന​ലു​ണ്ടാ​വാം. അ​മ്മാ​തി​രി കാ​ട്ടി​ക്കൂ​ട്ട​ലാ​ണ് ചിത്രത്തിൽ നിറഞ്ഞിരിക്കുന്നത്. ക​ഥ​യും ഫ്ലാഷ് ബാ​ക്കും കൂട്ടിക്കുഴച്ച് ഒരുപിടിയും തരാതെയാണ് ചിത്രത്തിന്‍റെ പോക്ക്.

ബാ​ഹു​ബ​ലി​ക്ക് ശേ​ഷം അ​നു​ഷ്ക ഷെ​ട്ടി വീ​ണ്ടും ഞെ​ട്ടി​ക്കു​ക​യാ​ണ് ബാ​ഗ​മ​തി​യി​ലൂ​ടെ. നാ​യി​ക​യു​ടെ​യും സൗ​ണ്ട് എ​ഫ​ക്ടി​ന്‍റെ​യും മി​ക​വുകൊ​ണ്ട് മാ​ത്ര​മാ​ണ് ഒ​ന്നാം പ​കു​തി സം​വി​ധാ​യ​ക​ൻ പി​ടി​ച്ച് നി​ർ​ത്തു​ന്ന​ത്. പ്രേ​ത ബം​ഗ്ലാ​വ്, തന്നെ ആടുന്ന കസേര, അല്പം ഇരുണ്ട ഭീകരാന്തരീക്ഷം തുടങ്ങി ക​ണ്ടു മ​റ​ന്ന പ്രേ​ത സി​നി​മ​ക​ളു​ടെ കാഴ്ചകളൊക്കയും ബാഗമതിയിലും സ്ഥാനം പിടിച്ചിട്ടുണ്ട്.



അ​നു​ഷ്ക ഷെ​ട്ടി ത​ക​ർ​ത്തു

ജ​യി​ൽ​വാ​സം അ​നു​ഭ​വി​ക്കു​ന്ന ച​ഞ്ച​ല​യെ മ​റ്റൊ​രു കേ​സി​ന്‍റെ അ​ന്വേ​ഷ​ണ​ത്തി​നാ​യി ബാ​ഗ​മ​തി ബം​ഗ്ലാ​വി​ലേ​ക്ക് കൊ​ണ്ടുവ​രു​ന്ന​തോ​ടെ​യാ​ണ് ചി​ത്രം ഹൊ​റ​ർ ട്രാ​ക്കി​ലേ​ക്ക് മാ​റു​ന്ന​ത്. ബം​ഗ്ലാ​വി​ൽ ഒ​റ്റ​യ്ക്ക് ക​ഴി​യേ​ണ്ടി വ​രു​ന്ന ച​ഞ്ച​ല​യു​ടെ പ്ര​വ​ർ​ത്തി​ക​ൾ ചി​ത്ര​ത്തെ ഹൊ​റ​ർ ത്രി​ല്ല​ർ മൂ​ഡി​ലേ​ക്ക് കൊ​ണ്ടു​വ​രും. നാ​യി​ക​യു​ടെ ഫ്ലാ​ഷ് ബാ​ക്കും മടങ്ങിവരവും വ്യ​ക്ത​ത​യി​ല്ലാ​തെ കാ​ട്ടി ട്വി​സ്റ്റ് ഒ​ളി​പ്പി​ച്ചുവ​യ്ക്കാ​ൻ സം​വി​ധാ​യ​ക​ൻ ന​ന്നേ പ​ണി​പ്പെ​ടു​ന്നു​ണ്ട്. ഒ​രേ സ​മ​യം ചി​ത്രം ഹൊ​റ​ർ ആ​ണെ​ന്നും അ​ല്ലെ​ന്നും പ്രേ​ക്ഷ​ക​രെ തോ​ന്നി​പ്പി​ക്കാ​ൻ സം​വി​ധാ​യ​ക​ന് ക​ഴി​യു​ന്നു​ണ്ട്. ഒ​ന്നാം പ​കു​തി​യോ​ട് അ​ടു​ക്കു​ന്പോഴുള്ള അ​നു​ഷ്ക​യു​ടെ പ്ര​ക​ട​നം പ്രേ​ക്ഷ​ക​രെ അ​ന്പ​രപ്പി​ക്കും.




ശ്ര​ദ്ധി​ച്ചി​രി​ക്ക​ണം കേ​ട്ടോ..!

ഈ​ശ്വ​ർ പ്ര​സാ​ദെ​ന്ന മ​ന്ത്രി​യാ​യി എ​ത്തി ജ​യ​റാം ചി​ത്ര​ത്തി​ൽ ത​ര​ക്കേ​ടി​ല്ലാ​ത്ത പ്ര​ക​ട​ന​മാ​ണ് ന​ട​ത്തു​ന്ന​ത്. ഈ​ശ്വ​ർ പ്ര​സാ​ദി​ന്‍റെ ക​ഥാ​പാ​ത്ര രൂ​പീ​ക​ര​ണ​ത്തി​ൽ സം​വി​ധാ​യ​ക​ൻ ന​ന്നേ ശ്ര​ദ്ധി​ച്ചി​ട്ടു​ണ്ട്. ച​ഞ്ച​ല​യു​ടെ​യും ഈ​ശ്വ​ർ പ്ര​സാ​ദി​ന്‍റെ​യും ഓ​രോ ച​ല​ന​ങ്ങ​ളു​മാ​ണ് ചി​ത്ര​ത്തി​ന്‍റെ ഹൈ​ലൈ​റ്റ്. ഇ​വ​രെ ര​ണ്ടു​പേ​രെ​യും സൂ​ക്ഷ്മ​മാ​യി നി​രീ​ക്ഷി​ച്ചാ​ൽ ക​ഥ​യു​ടെ പോ​ക്ക് എ​ങ്ങോ​ട്ടെ​ന്ന് ആ​ദ്യപ​കു​തി​യി​ൽ ത​ന്നെ ക്ലു ​കി​ട്ടും.​ ഭീ​കാ​രാ​ന്ത​രീ​ക്ഷം സൃ​ഷ്ടി​ക്കുംവി​ധ​മാ​ണ് പ്രേ​ത ബം​ഗ്ലാ​വി​ന്‍റെ സെ​റ്റി​ട്ടി​രി​ക്കു​ന്ന​ത്. തു​ട​ക്കം മു​ത​ൽ അ​ത്ത​ര​ത്തി​ൽ ഒ​രു അ​ന്ത​രീ​ക്ഷ​ത്തി​ലേ​ക്ക് പ്രേ​ക്ഷ​ക​രെ ത​ള്ളി​യി​ടാ​നും സം​വി​ധാ​യ​ക​ന് ക​ഴി​ഞ്ഞി​ട്ടു​ണ്ട്.




മ​ല​യാ​ളി​ക​ൾ ശോ​ഭി​ച്ചു

തെ​ലു​ങ്ക് സി​നി​മ​യി​ലെ മ​ല​യാ​ളി സാ​ന്നി​ധ്യ​ങ്ങ​ളാ​ണ് ആ​ശാ ശ​ര​തും ഉ​ണ്ണി മു​കു​ന്ദ​നും ജ​യ​റാ​മും. മൂ​വ​ർ​ക്കും ചി​ത്ര​ത്തി​ൽ അ​ഭി​ന​യ പ്രാ​ധാ​ന്യ​മു​ള്ള വേ​ഷ​ങ്ങ​ൾ ത​ന്നെ​യാ​ണ്. ഉ​ണ്ണി മു​കു​ന്ദ​ൻ ത​ന്‍റെ ത​ന​തു ശൈ​ലി​യി​ലൂ​ടെ പ്രേ​ക്ഷ​ക പ്രീ​തി നേ​ടി​യ​പ്പോ​ൾ ആ​ശാ ശ​ര​ത് അ​മി​ത ബ​ലം​പി​ടു​ത്തം കൊ​ണ്ട് അ​പ്രീ​തി സ​ന്പാ​ദി​ക്കു​ക​യും ചെ​യ്തു. ജ​യ​റാം വ​ള​രെ കൂ​ളാ​യി ത​ന്‍റെ മ​ന്ത്രി വേ​ഷം കൈ​കാ​ര്യം ചെ​യ്തി​ട്ടു​ണ്ട്. ഉ​ണ്ണി മു​കു​ന്ദ​ൻ-​അ​നു​ഷ്ക ഷെ​ട്ടി ജോ​ഡി​യു​ടെ കോം​ബി​നേ​ഷ​ൻ സീ​നു​ക​ൾ ആ​ർ. ​മ​തി​യു​ടെ കാ​മ​റ ക​ണ്ണു​ക​ൾ ന​ല്ല​രീ​തി​യി​ൽ ത​ന്നെ ഒ​പ്പി​യെ​ടു​ത്തി​ട്ടു​ണ്ട്. ബാ​ഗ​​മ​തി​യി​ലെ പ്ര​ക​ട​നം തെ​ലു​ങ്കി​ൽ ഉ​ണ്ണി​ക്ക് കൂ​ടു​ത​ൽ അ​വ​സ​ര​ങ്ങ​ൾ സ​മ്മാ​നി​ക്കുമെ​ന്ന് ഉ​റപ്പ്.




ട്വി​സ്റ്റോ​ട് ട്വി​സ്റ്റ്

അ​ലോ​സ​ര​പ്പെ​ടു​ത്ത​ലു​ക​ളേ​റെ​യു​ള്ള ഒ​ന്നാം പ​കു​തി​യി​ൽ നി​ന്നും ര​ണ്ടാം പ​കു​തി​യി​ലേ​ക്കെ​ത്തു​ന്ന​തോ​ടെ ട്വി​സ്റ്റു​ക​ൾ രം​ഗ​പ്ര​വേ​ശം ചെ​യ്തു തു​ട​ങ്ങും. ഇ​തു​വ​രെ ക​ണ്ട കാ​ഴ്ച​ക​ളൊ​ക്കെ എ​ന്ത്, ഇ​പ്പോ​ൾ കാ​ണു​ന്ന​തെ​ന്ത് എ​ന്നു​ള്ള ക​ണ്‍​ഫ്യൂ​ഷ​ൻ ഉ​ണ്ടാ​കും മു​ന്പേ പ്രേ​ക്ഷ​ക​ർ​ക്ക് ഉ​ത്ത​രം ലഭിച്ചു തുടങ്ങും. ലോ​ജി​ക്കി​ല്ലാ​യ്മ​യു​ടെ അ​ക​ന്പ​ടി​യോ​ടെ​യാ​ണെ​ങ്കി​ലും ഉ​ത്ത​ര​ങ്ങ​ൾ ഓ​രോ​ന്നും താ​ത്കാ​ലി​ക തൃ​പ്തി പ്രേ​ക്ഷ​ക​ർ​ക്ക് സ​മ്മാ​നി​ക്കും.

നാ​യി​ക​യു​ടെ പ്ര​ക​ട​നം ത​ന്നെ​യാ​ണ് ചി​ത്ര​ത്തെ കൂ​ടു​ത​ൽ ആ​കാം​ക്ഷാഭ​രി​ത​മാ​ക്കു​ന്ന​ത്. സൗ​ണ്ട് ഇഫ​ക്ടു​ക​ളു​ടെ ബ​ല​ത്തി​ൽ ചി​ത്രം ഇ​ട​യ്ക്കി​ടെ ഞെ​ട്ടി​ക്കാ​ൻ ഒ​രു​ന്പെ​ടു​ന്നു​ണ്ട്. പ്രേ​ക്ഷ​ക​രെ പ​രീ​ക്ഷി​ക്കു​ന്ന ഇ​മ്മാ​തി​രി ചി​ത്ര​ങ്ങ​ൾ ഇ​തി​ന് മു​ന്പും ബി​ഗ് സ്ക്രീ​നി​ൽ പ്ര​ത്യ​ക്ഷ​പ്പെ​ട്ടി​ട്ടു​ണ്ട്. ആ ​സി​നി​മ പേ​രു​ക​ൾ കൂ​ട്ടി​ച്ചേ​ർ​ത്താ​ൽ ബാ​ഗ​മ​തി​യു​ടെ ക​ഥാ​ഗ​തി​യും ട്വി​സ്റ്റു​മെ​ല്ലാം അ​തി​വേ​ഗം പ്രേ​ക്ഷ​ക​രു​ടെ മ​ന​സി​ലേ​ക്കെ​ത്തും. ഒ​ന്നും ഓ​ർ​മി​പ്പി​ക്കു​ന്നി​ല്ല, ത്രി​ല്ല​ടി​ക്കാ​ൻ റെ​ഡി​യാ​യി ബാ​ഗ​മ​തി​ക്ക് ക​യ​റി​ക്കോ നി​ങ്ങ​ൾ നി​രാ​ശ​രാ​കി​ല്ല.

(ബിൽഡപ്പ് പോലെയൊന്നുമില്ല. വെറുതെയൊരു ചിത്രം.)

വി.​ശ്രീ​കാ​ന്ത്
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.



Copyright @ 2022 , Rashtra Deepika Ltd.