Cinema
ചെമ്പ​ര​ത്തി​പ്പൂ നി​സാ​ര​ക്കാ​രി​യ​ല്ല...!
Friday, November 24, 2017 11:58 PM IST
ച​ങ്ക് തു​റ​ന്നു കാ​ട്ടി​യാ​ലും ചെ​മ്പ​ര​ത്തി​പ്പൂ​വാ​ണെ​ന്ന് പ​റ​യു​ന്ന കൂ​ട്ട​രാ ഈ ​പെ​ണ്‍​കു​ട്ടി​ക​ൾ...​ ഏ​തൊ​രു​വ​നും സ്കൂ​ൾ-കോളജ് കാലയളവിൽ ഇങ്ങനെയൊരു കാര്യം പറഞ്ഞിട്ടുണ്ടാകും. അ​ത് മാ​റ്റി പ​റ​യി​പ്പി​ക്കു​ക​യാ​ണ് അ​രു​ണ്‍ വൈ​ഗ​യെ​ന്ന പു​തു​മു​ഖ സം​വി​ധാ​യ​ക​ൻ ത​ന്‍റെ "ചെന്പരത്തിപ്പൂ' എന്ന ചിത്രത്തിലൂടെ.

സ​ർ​വ​രും ക​ളി​യാ​ക്കാ​റു​ള്ള ഈ ​പൂ​വി​നും ഒ​രു ഹൃ​ദ​യ​മു​ണ്ടെ​ന്ന് കാ​ട്ടി​ത്ത​രാ​ൻ ഒ​രു പ്ര​ണ​യ​ക​ഥ ത​ന്നെ വേ​ണ്ടി വ​ന്നൂ​യെ​ന്ന​ത് യാ​ദൃ​ശ്ചി​കം മാ​ത്രം. ഇ​നി​യ​ങ്ങോ​ട്ടു​ള്ള പ്ര​ണ​യ​കാ​ല​ങ്ങ​ളി​ൽ യു​വാ​ക്ക​ളു​ടെ ഹൃ​ദ​യ​ങ്ങ​ളി​ൽ ചെ​ന്പ​ര​ത്തി​പ്പൂ​വി​നും സ്ഥാ​നമു​ണ്ടാ​കും. അ​വ​ർ ചോ​ദി​ക്കും, ചെ​ന്പ​ര​ത്തി​യോ​ളം പ്ര​ണ​യം അ​റി​യു​ന്ന ഒ​രു പൂ​വ് ഈ ​ഭൂ​മു​ഖ​ത്തു​ണ്ടോ​യെ​ന്ന്...​ കാ​ലാ​കാ​ല​ങ്ങ​ളാ​യി ചെന്പരത്തിപ്പൂ നേ​രി​ട്ടു​വ​ന്ന പ്ര​തി​സ​ന്ധി അവസാനിപ്പിക്കുന്ന ചിത്രമാണ് ചെന്പരത്തിപ്പൂ. ഏ​താ​യാ​ലും അ​സ്ക​ർ അ​ലി യു​വ ഹൃ​ദ​യ​ങ്ങ​ളി​ൽ സ്ഥാ​നം പി​ടി​ച്ചു ക​ഴി​ഞ്ഞു. ചെ​ന്പ​ര​ത്തി​ക്ക് യു​വാ​ക്ക​ളു​ടെ ഇ​ട​യി​ൽ മാ​ർ​ക്ക​റ്റു​ണ്ടാ​ക്കി കൊ​ടു​ത്ത നാ​യ​ക​ൻ ആ​രെ​ന്നു ചോ​ദി​ച്ചാ​ൽ ഇ​നി​യു​ള്ള കാ​ലം അ​ത്ര​യും ഒ​രേ ഒ​രു പേ​രെ ആ​രും പ​റ​യൂ-അ​സ്ക​ർ അ​ലി.



അ​സ്ക​ർ ചു​വ​ടു​റ​പ്പി​ക്കു​ന്നു

ആ​സി​ഫ് അ​ലി സ​ണ്‍​ഡേ ഹോ​ളി​ഡേ​യി​ലൂ​ടെ സ​മ്മാ​നി​ച്ച ഫീ​ൽ ഗു​ഡ് എ​ഫ​ക്ട് അ​സ്ക​ർ അ​ലി ചെമ്പര​ത്തി​പ്പൂ​വി​ലൂ​ടെ ന​ല്കു​ന്പോ​ൾ ചേ​ട്ട​നൊ​പ്പം അ​നി​യ​നും മ​ല​യാ​ള സി​നി​മ​യി​ൽ തന്‍റേതാ​യ ഒ​രി​ടം ക​ണ്ടെ​ത്തു​ക​യാ​ണ്. ഒ​ന്നു​റ​പ്പി​ക്കാം, ക​ണ്ട​റി​ഞ്ഞ് സം​വി​ധാ​യ​ക​ർ തേ​ച്ചുമി​നു​ക്കി​യെ​ടു​ത്താ​ൽ അ​സ്ക​ർ അ​ലി പ​ളു​ങ്കു​പോ​ലെ സി​നി​മാലോ​ക​ത്ത് തി​ള​ങ്ങി നി​ൽ​ക്കും. പ​ല​രും മ​റ​ക്കാ​ൻ ആ​ഗ്ര​ഹി​ക്കു​ന്ന പ്ര​ണ​യ​വും ഓ​ർ​മ​യി​ൽ സൂ​ക്ഷി​ക്കു​ന്ന പ്ര​ണ​യ​വു​മെ​ല്ലാം പൊ​ടി​ത​ട്ടി​യെ​ടു​ക്കു​ക​യാ​ണ് സം​വി​ധാ​യ​ക​ൻ അ​രു​ണ്‍ വൈ​ഗ ചിത്രത്തി​ലൂ​ടെ. പ്ര​ണ​യ സി​നി​മ​ക​ളി​ൽ അ​ടി​ഞ്ഞു കൂ​ടാ​റു​ള്ള ക്ലീ​ഷേ​ക​ളെ ഒ​ര​റ്റ​ത്തേ​ക്ക് മാ​റ്റിനി​ർ​ത്തി ന​ർ​മ​ര​സം പ​ക​രു​ന്ന രം​ഗ​ങ്ങ​ളെ കൂ​ട്ടി​യി​ണ​ക്കാ​നാ​ണ് സം​വി​ധാ​യ​ക​ൻ ശ്ര​മി​ച്ചി​രി​ക്കു​ന്ന​ത്. സം​ഗീ​ത​ത്തി​ൽ ചാ​ലി​ച്ചെ​ടു​ത്ത ഈ ​പ്ര​ണ​യ​ക​ഥ മ​ന​സി​ലേ​ക്ക് പാ​ഞ്ഞുക​യ​റു​ന്ന​ത് യു​വ​നി​ര​യു​ടെ കൂ​ട്ടു​പി​ടി​ച്ചാ​ണ്.




രൂ​പ​മാ​റ്റ​ങ്ങ​ൾ കൊ​ള്ളാം

17 മു​ത​ൽ 29 വ​രെ​യു​ള്ള വ​യ​സി​നി​ട​യി​ൽ ഒ​രാ​ൾ​ക്കു​ണ്ടാ​യേ​ക്കാ​വു​ന്ന രൂ​പ​മാ​റ്റ​ങ്ങ​ളെ കൃ​ത്യ​മാ​യി അ​ട​യാ​ള​പ്പെ​ടു​ത്താ​ൻ അ​സ്ക​റി​ന് സാ​ധി​ച്ച​ട്ടു​ണ്ട്. വി​നോ​ദി​ന്‍റെ (അ​സ്ക​ർ അ​ലി) പ്ര​ണ​യനൈരാ​ശ്യം കാ​ട്ടി​യാ​ണ് ചി​ത്ര​ത്തി​ന്‍റെ തു​ട​ക്ക​മെ​ങ്കി​ലും മെ​ലോ​ഡ്രാ​മ​ക​ളി​ലേ​ക്ക് ക​ട​ക്കാ​തെ ചി​ത്ര​ത്തെ പി​ടി​ച്ചുനി​ർ​ത്താ​ൻ സം​വി​ധാ​യ​ക​ന് ക​ഴി​ഞ്ഞു.​ നാ​ട്ടി​ൻ​പു​റ​ത്തെ കാ​ഴ്ച​ക​ൾ​ക്കൊ​പ്പം പ്ര​ണ​യ​നൈ​രാ​ശ്യ​ത്തി​ന്‍റെ പി​ടി​യി​ൽ നി​ന്നും വി​നോ​ദ് പുറത്തുവരുന്നതോടെ സി​നി​മ​യും ഉ​ഷാ​റാ​യി തു​ട​ങ്ങും. പ്ര​ണ​യന​ഷ്ട​ത്തി​ൽ നി​ന്നും പ്ര​ണ​യ​ത്തി​ലേ​ക്ക് വ​ഴു​തിവീ​ഴാ​ൻ അ​ധി​കസ​മ​യം വേ​ണ്ടാ​യെ​ന്ന് കാ​ട്ടി​ത്ത​രാ​ൻ സം​വി​ധാ​യ​ക​ന് ബുദ്ധിമുട്ടേണ്ടി വന്നില്ല.



ര​ണ്ടും ചേ​ലു​ള്ള നാ​യി​ക​മാ​ർ

പാ​ർ​വ​തി അ​രു​ണ്‍ തു​ട​ക്കക്കാരി​യു​ടെ പ​രി​ഭ്ര​മം ഒ​ട്ടു​മി​ല്ലാ​തെ നീ​ന​യാ​യി മാ​റി​യ​പ്പോ​ൾ ആ ​പ്ര​ണ​യം ക​ണ്ടി​രി​ക്കാ​നും ഒ​രു ചേ​ലു​ണ്ടാ​യി​രു​ന്നു. ചി​രി​യും ക​ണ്ണു​കൊ​ണ്ടു​ള്ള പ​റ​ച്ചി​ലു​ക​ളു​മെ​ല്ലാം പാ​ർ​വ​തി​യി​ൽ ഭ​ദ്രം. അദി​തി ര​വി​യാ​ക​ട്ടെ, ദി​യ എന്ന പ​ത്താം​ ക്ലാ​സു​കാ​രി​യി​ലേ​ക്ക് എ​ത്താ​ൻ ന​ന്നേ വി​ഷ​മി​ക്കു​ന്നപോ​ലെ തോ​ന്നി. ​പോ​കപ്പോകെ ക​ക്ഷി ഉ​ണ​ർ​ന്ന​പ്പോ​ൾ മ​റ​വി​യു​ടെ കോ​ണി​ൽ പ​ല​രും ഒ​ളി​പ്പി​ച്ച കാ​മു​കി​യു​ടെ മു​ഖം ദി​യ​യി​ലൂ​ടെ തെ​ളി​ഞ്ഞുവ​രു​ക​യും ചെ​യ്തു. ര​ണ്ടു​പേ​രും ത​ര​ക്കേ​ടി​ല്ലാ​ത്ത പ്ര​ക​ട​ന​മാ​ണ് ചി​ത്ര​ത്തി​ൽ കാ​ഴ്ച​വ​ച്ചി​രി​ക്കു​ന്ന​ത്.



മ​ത്താ​യി പൊ​ളി​ച്ചൂ​ട്ടാ...

പ​ക്വ​ത​യാ​ർ​ന്ന മു​ഖ​ത്തി​ൽ നി​ന്നും കു​ട്ടി​ത്ത​മു​ള്ള മു​ഖ​ത്തി​ലേ​ക്കു പോ​കാ​ൻ അ​ജു​ വ​ർ​ഗീ​സി​ന് ഒ​രു ക്ലീ​ൻ​ഷേ​വി​ന്‍റെ ആ​വ​ശ്യ​മേ​യു​ള്ളൂ​വെ​ന്ന് മ​ത്താ​യി​യു​ടെ പ്ല​സ്ടു കാ​ലം തെ​ളി​യി​ച്ചു. മ​ത്താ​യി കാ​ട്ടു​ന്ന കു​സൃ​തി​ത്ത​ര​ങ്ങ​ൾ​ക്കു വ​രെ ഒ​രു പ്ര​ത്യേ​കം ച​ന്ത​മു​ണ്ടാ​യി​രു​ന്നു. ഏ​തൊ​രാ​ളു​ടെ​യും സ്കൂ​ൾ കാ​ല​യ​ള​വി​ൽ മ​ത്താ​യി​യെ പോ​ലൊ​രാ​ൾ ഉ​ണ്ടാ​വു​മെ​ന്ന​ത് തീ​ർ​ച്ച​യാ​ണ്. ധ​ർ​മ​ജ​നും വി​ശാ​ഖ് നാ​യ​രു​മെ​ല്ലാം ചി​ത്ര​ത്തി​ലു​ണ്ടെ​ങ്കി​ലും സ​ഹ​താ​ര​ങ്ങ​ളി​ൽ തി​ള​ങ്ങിനി​ന്ന​ത് അ​ജു​വ​ർ​ഗീ​സ് ത​ന്നെ​യാ​ണ്.



സം​ഗീ​ത​സാ​ന്ദ്ര​മാ​യ യാ​ത്ര

രാ​കേ​ഷ് എ.ആ​റി​ന്‍റെ സം​ഗീ​ത​ത്തി​ന്‍റെ അ​ക​ന്പ​ടി​യോ​ടെ​യാ​ണ് ചെ​മ്പ​ര​ത്തി​പ്പൂ വി​ട​ർ​ന്നുവ​രു​ന്ന​ത്. ഒ​ന്നാം പ​കു​തി​യിൽ ഇ​ന്നി​ന്‍റെ പ്ര​ണ​യ​ത്തി​നൊ​പ്പ​മു​ള്ള യാ​ത്ര​യാ​ണെ​ങ്കി​ൽ ര​ണ്ടാം പ​കു​തി ഫ്ലാ​ഷ് ബാ​ക്കി​ലൂ​ടെ പ​ഴ​യ​കാ​ല​ത്തി​ലേ​ക്കാ​ണ് സി​നി​മ യാ​ത്ര ചെ​യ്യു​ന്ന​ത്. സി​നി​മാ മോ​ഹ​വു​മാ​യി ന​ട​ക്കു​ന്ന വി​നോ​ദി​ന്‍റെ ര​ണ്ടു പ്ര​ണ​യ​ങ്ങ​ളും ചി​ത്ര​ത്തി​ൽ ഇ​ത​ൾ വി​രി​യു​ന്പോ​ൾ അ​തി​ൽ ഏ​തി​നാ​ണ് അ​ഴ​കു കൂ​ടു​ത​ലെ​ന്ന് പ​റ​യു​ക അ​സാ​ധ്യം.

സ​ന്തോ​ഷ് അ​നി​മ​യു​ടെ കാ​മ​റക്കണ്ണു​ക​ൾ മ​ഴ​യും പ്ര​ണ​യ​വും ഗ്രാ​മാ​ന്ത​രീ​ക്ഷ​വും ത​നി​മ ന​ഷ്ട​പ്പെ​ടാ​തെ ഒ​പ്പി​യെ​ടു​ത്തി​ട്ടു​ണ്ട്. ക​ണ്ടി​രി​ക്കാം ഈ ​ചെമ്പര​ത്തി​പ്പൂ​വി​നെ, പ്ര​ണ​യം മ​ന​സി​ൽ സൂ​ക്ഷി​ക്കു​ന്ന ഏ​തൊ​രാ​ൾ​ക്കും.

(ഒ​ന്നു​റ​പ്പാ​ണ് ചെ​ന്പ​ര​ത്തി​പ്പൂ​വി​ന് ഇ​നി​യ​ങ്ങോ​ട്ട് ഡി​മാ​ൻ​ഡ് കൂ​ടും.)

വി.​ശ്രീ​കാ​ന്ത്
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.



Copyright @ 2022 , Rashtra Deepika Ltd.