Cinema
ഗുലേബകാവലിക്ക് തലവയ്ക്കരുത്...!
Saturday, January 20, 2018 12:57 PM IST
ഹോ, ​ഇ​തി​ലും ന​ല്ല​ത് ചി​ത്ര​ത്തി​ന്‍റെ പേ​ര് ച​ളി​പ്പ​ട​മെ​ന്ന് ഇ​ടു​ന്ന​താ​യി​രു​ന്നു. കോ​മ​ഡി​യെ​ന്നു പ​റ​ഞ്ഞ് എ​ന്തെ​ല്ലാ​മോ കാട്ടിക്കൂട്ടി വച്ചിരിക്കുകയാണ്. പ്ര​ഭു​ദേ​വ​യു​ടെ ഡാ​ൻ​സു​ണ്ടെ​ങ്കി​ൽ പി​ന്നെ എ​ല്ലാം അ​ങ്ങ് ശ​രി​യാ​യിക്കൊ​ള്ളു​മെ​ന്നു​ള്ള സം​വി​ധാ​യ​ക​ൻ ക​ല്യാ​ണി​ന്‍റെ വി​ശ്വാ​സ​ത്തി​ൽ നി​ന്നും പി​റ​വികൊ​ണ്ട സി​നി​മ​യാ​ണ് "ഗു​ലേ​ബ​കാ​വ​ലി'. പീ​റ്റ​ർ ഹെ​യ്നി​ന്‍റെ ആ​ക്ഷ​ൻ, പ്ര​ഭു​ദേ​വ​യു​ടെ ഡാ​ൻ​സ്, ഹ​ൻ​സി​ക​യു​ടെ ഗ്ലാ​മ​ർ പ്ര​ക​ട​നം... ഇ​തെ​ല്ലാമു​ണ്ടാ​യി​ട്ടും ഒ​രു സി​നി​മ മൂ​ക്കുംകു​ത്തി താ​ഴെ വീ​ഴ​ണ​മെ​ങ്കി​ൽ അ​തി​ന് എ​ന്തോ കാ​ര്യ​മാ​യ കു​ഴ​പ്പ​മു​ണ്ട്. കോ​മ​ഡി​യെ​ന്നു പ​റ​ഞ്ഞ് എ​ന്തെ​ല്ലാ​മോ ത​ല്ലി​ക്കൂ​ട്ടി ഒ​രു തി​ര​ക്ക​ഥ​യു​ണ്ടാ​ക്കി ചി​ത്ര​ത്തി​ന് ക​ടി​ച്ചാ​ൽ പൊ​ട്ടാ​ത്ത വി​ധ​മു​ള്ള പേ​രു​മി​ട്ടാ​ൽ മാ​ത്ര​മാ​യി​ല്ല, അ​ത് നേ​രെ ചൊ​വ്വേ ബി​ഗ് സ്ക്രീ​നി​ലേ​ക്ക് എ​ത്തി​ച്ചാ​ൽ മാ​ത്ര​മേ ക്ലി​ക്കാ​കു. ഈ ​കാ​ര്യം മാ​ത്രം സം​വി​ധാ​യ​ക​ൻ മ​റ​ന്ന​പ്പോ​ൾ ഗു​ലേ​ബ​കാ​വ​ലി തി​യ​റ്റ​റു​ക​ളി​ൽ ക​ള​ർ​ഫു​ള്ളാ​യി ത​ന്നെ പൊ​ട്ടി.



ഡാ​ൻ​സ് കൊ​ള്ളാം അ​ഭി​ന​യം പോ​രാ...

സീ​രി​യ​സാ​യി​ട്ടാ​ണ് തു​ട​ങ്ങു​ന്ന​തെ​ങ്കി​ലും ചി​ത്രം കോ​മ​ഡി (​ച​ളിയ​ടി) ട്രാ​ക്കി​ലേ​ക്ക് ക​ട​ക്കു​ന്ന​തോ​ടെ പ്രേ​ക്ഷ​ക​രെ ചി​രി​പ്പി​ക്കാ​ൻ നാ​യ​ക​ൻ ന​ന്നേ പാ​ടു​പെ​ടു​ന്നു​ണ്ട്. പ​ഞ്ച് ഡ​യ​ലോ​ഗ് പ​റ​ഞ്ഞ് സ്വ​യ​മേ ധൃതം​ഗ​പു​ള​കി​ത​നാ​കു​കയാണ് നായകൻ ചിത്രത്തിൽ. എ​ത്ര​യോ ചി​ത്ര​ങ്ങ​ളി​ൽ ക​ണ്ടു പ​ഴ​കി​യ ന​ന്പ​റു​ക​ളാ​ണ് വീ​ണ്ടും കോ​മാ​ളി​ത്ത​ര​മാ​യി സംവിധായകൻ ചേ​ർ​ത്തുവച്ചി​രി​ക്കു​ന്ന​ത്. ത​മാ​ശ​ക്കാ​രാ​യ ക​ള്ളന്മാ​രു​ടെ, ക​ള്ളി​ക​ളു​ടെ, ഗു​ണ്ട​ക​ളു​ടെ പി​ന്നെ ഒ​രു പോ​ലീ​സു​കാ​ര​ന്‍റെ​യും പൊ​ട്ട​ക്ക​ഥ​യാ​ണ് ചി​ത്രം പ​റ​യു​ന്ന​ത്. നാ​യ​ക​ൻ ക​ള്ള​ൻ, നാ​യി​ക ക​ള്ളി, പി​ന്നെ പി​റ​കെ വ​രു​ന്ന​വ​രെ​ല്ലാം ക​ണ​ക്കാ... കോ​മ​ഡി​യു​ടെ ലേ​ബ​ലി​ൽ പ്രഭുദേവ എന്തെല്ലാമോ കാട്ടിക്കൂട്ടി വച്ചിരിക്കുകയാണ് ചിത്രത്തിൽ. ഡാ​ൻ​സി​ന്‍റെ കാ​ര്യ​ത്തി​ൽ പി​ന്നെ പ്ര​ഭു​ദേ​വ പി​ന്നി​ലേ​ക്ക് പോ​കി​ല്ല​ല്ലോ.​ അ​തു​മാ​ത്ര​മാ​ണ് ആകെ കാണാൻ കൊള്ളാവുന്നത്.




ക​ഥ​യി​ല്ല​ല്ലോ മു​ഴു​വ​ൻ ക്ലീ​ഷേ​യ​ല്ലേ

ക​ഥ​യെ​ന്നു പ​റ​യാ​ൻ മാ​ത്രം ചി​ത്ര​ത്തി​ലൊ​ന്നു​മി​ല്ല. ലോ​ജി​ക്കി​ല്ലാ​ത്ത കു​റെ കാ​ട്ടി​ക്കൂ​ട്ട​ലു​ക​ൾ തു​ട​ക്കം മു​ത​ൽ ഒ​ടു​ക്കം വ​രെ ഇ​ങ്ങ​നെ തു​ര​തു​രാ വ​ന്നു കൊ​ണ്ടി​രി​ക്കും. ലോ​ജി​ക്കി​ല്ലാ​തെ വി​ജ​യി​ച്ച കോ​മ​ഡി ചി​ത്ര​ങ്ങ​ളു​ടെ പാ​ത പി​ൻ​തു​ട​രാ​നാ​യി​രു​ന്നു സം​വി​ധാ​യ​ക​ന്‍റെ ശ്ര​മം. ​പ​ക്ഷേ, ത​ന്ത്രം പൂർണമായും പാളിപ്പോയി. ക​ള​വും പി​ന്നെ ഗു​ണ്ടാ​യി​സ​വും കു​റെ ട്വി​സ്റ്റു​മെ​ല്ലാം കൂ​ട്ടി​യി​ട്ട് മി​ക്സ് ചെ​യ്ത​പ്പോ​ൾ എന്തെല്ലാമോ ആയിപ്പോയി. എ​ല്ലാം പരസ്പരം ചേരാതെ മാറിനിന്നപോലെ. അ​തോ​ടെ ഉ​ദ്ദേ​ശി​ച്ച കാ​ര്യ​ങ്ങ​ളെ​ല്ലാം പാ​ളി. എ​ത്ര​യോ ത​വ​ണ ക​ണ്ടു മ​ടു​ത്ത ത​ട്ടി​പ്പും വെ​ട്ടി​പ്പു​മെ​ല്ലാം ക​ള​ർ​ഫു​ള്ളാ​യി കാ​ട്ടാ​നു​ള്ള ശ്ര​മമായിരുന്നു സംവിധായകന്‍റേത്. സംഭവം ചി​ലി​യി​ട​ത്തൊ​ക്കെ വി​ജ​യി​ച്ച​പ്പോ​ൾ മ​റ്റ് ചി​ല​യി​ട​ത്ത് അ​ന്പേ പാ​ളി​പ്പോ​യി.



ഗ്ലാ​മ​ർ കാ​ട്ടാ​ൻ മാത്രം നാ​യി​ക

ഹ​ൻ​സി​ക​യു​ടെ ഗ്ലാ​മ​ർ പ്ര​ക​ട​നം മസാലപോലെ ആവോളം ചിത്രത്തിൽ കുത്തിനിറച്ചിട്ടുണ്ട്. ​പ​ക്ഷേ, അ​തൊ​ന്നും ചി​ത്ര​ത്തി​ന് ഒരുതരത്തിലും ഗുണം ചെയ്തില്ല. നാ​യ​ക​നൊ​പ്പം നാ​യി​ക​യും കോ​മ​ഡി കാ​ട്ടാ​ൻ ശ്ര​മി​ച്ച​തോ​ടെ സം​ഭ​വം ച​ള​കു​ള​മാ​യി. രേ​വ​തി​യും ചി​ത്ര​ത്തി​ൽ പ്ര​ധാ​ന ​വേ​ഷ​ത്തി​ലെ​ത്തു​ന്നു​ണ്ട്. പു​ള്ളി​ക്കാ​രി കാ​ട്ടി​യ ന​ന്പ​റു​ക​ൾ മാ​ത്ര​മാ​ണ് കു​റ​ച്ചെ​ങ്കി​ലും ഏ​ശി​യ​തെ​ന്നു പ​റ​യാം. ത​ഴ​ക്കം വ​ന്ന ന​ടി​യു​ടെ പ്ര​ക​ട​നം ആ​കെ മൊ​ത്തം ആ​ടിയുല​ഞ്ഞ ചി​ത്ര​ത്തി​ന് ഇ​ട​യ്ക്കൊ​ക്കെ ജീ​വ​വാ​യു ന​ൽ​കു​ന്നു​ണ്ട്. ഗ്ലാ​മ​ർ കാ​ട്ടാ​നു​ള്ള ഉ​ത്ത​ര​വാ​ദി​ത്തം ഹ​ൻ​സി​ക​യ്ക്ക് ന​ൽ​കി​യ സം​വി​ധാ​യ​ക​ൻ ചി​ത്ര​ത്തെ പി​ടി​ച്ചു നി​ർ​ത്താ​നു​ള്ള ക​ട​മ രേ​വ​തി​ക്കാ​ണ് ന​ൽ​കി​യ​ത്. ച​ളിയടി പരിധി വിട്ടതോടെ രേ​വ​തി​യു​ടെ കൈ​യി​ലും സി​നി​മ ഒ​തു​ങ്ങി​യി​ല്ല.



ട്വി​സ്റ്റു​ക​ൾ ഏ​ശി​യി​ല്ല

ട്വി​സ്റ്റു​ക​ൾ ആ​വ​ശ്യ​ത്തി​ലേ​റെ ചി​ത്ര​ത്തി​ലു​ണ്ട്. പ​ക്ഷേ, ഒ​ന്നുപോലും ഏശിയില്ലെന്ന് മാത്രം. ആ​ദ്യ പ​കു​തി​യി​ലും ര​ണ്ടാം പ​കു​തി​യി​ലും ക്ലൈ​മാ​ക്സി​ലു​മെ​ല്ലാം ട്വി​സ്റ്റ് പ്ര​ത്യ​ക്ഷ​പ്പെ​ടു​ന്നു​ണ്ട്. ന​ല്ല ഒ​ന്നാ​ന്ത​രം ട്വി​സ്റ്റു​ക​ൾ. പ​ക്ഷേ, കോ​മ​ഡി​യു​ടെ അ​തി​പ്ര​സ​രം നി​റ​ഞ്ഞ കാ​ഴ്ച​ക​ൾ​ക്കി​ട​യി​ൽ അ​വ​യെ​ല്ലാം എവിടേയ്ക്കോ പോയി. പ്ര​ഭു​ദേ​വ​യു​ടെ ഡാ​ൻ​സ് സ്റ്റെ​പ്പു​ക​ൾ എ​ല്ലാം എ​ന്ന​ത്തേ​യും പോ​ലെ മി​ക​ച്ചുനി​ന്നു. അ​തു കാ​ണാ​ൻ മാ​ത്രം ആ​ഗ്ര​ഹി​ക്കു​ന്ന​വ​ർ​ക്ക് തീ​ർ​ച്ച​യാ​യും ഗു​ലേ​ബ​കാ​വ​ലി​ക്ക് ത​ല​വയ്ക്കാം.

(ച​ളിയടിയിൽ ഒന്നാം സ്ഥാനത്തേക്ക് മത്സരമില്ല. പ്രഭുദേവ എതിരില്ലാതെ വിജയിച്ചു.)

വി.​ശ്രീ​കാ​ന്ത്
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.



Copyright @ 2022 , Rashtra Deepika Ltd.