Cinema
ക​ത്തി​ക്കെല്ലാം ഒരു പ​രി​ധി​യി​ല്ലേ ലോ​റ​ൻ​സേ...
Thursday, March 9, 2017 7:35 AM IST
പോ​ലീ​സ് ഏ​മാന്മാരു​ടെ അ​മാ​നു​ഷി​ക പ്ര​ക​ട​നം കൊ​ണ്ട് തി​ള​ച്ചു മ​റി​യു​ന്ന ത​മി​ഴ​ക​ത്തു നി​ന്നു പൊ​ട്ടി​പ്പു​റ​പ്പെ​ട്ട മ​റ്റൊ​രു അ​റു​ബോ​റ​ൻ കെ​ട്ടു​കാ​ഴ്ച​യാ​ണ് "മൊ​ട്ട ശി​വ കെ​ട്ട​ ശി​വ'. ഒ​ട്ടു​മി​ക്ക ചി​ത്ര​ങ്ങ​ളു​ടെ​യും തു​ട​ക്കം തെ​ളി​ഞ്ഞു വ​രു​ന്ന വാ​ച​ക​മാ​ണ് "ഇ​തി​ലെ ക​ഥ​യും ക​ഥാ​പാ​ത്ര​ങ്ങ​ളും സാ​ങ്ക​ല്പി​കം മാ​ത്രം’. സം​വി​ധാ​യ​ക​ൻ സാ​യി ര​മ​ണി​യോ​ട് ഒ​ന്നേ ചോ​ദി​ക്കാ​നു​ള്ളൂ.. ഈ ​സാ​ങ്ക​ല്പി​ക​ത​യ്ക്കെ​ല്ലാം ഒ​രു അ​തി​രി​ല്ലേ...‍?

പോ​ലീ​സ് ആ​ണെ​ങ്കി​ൽ 10 ​പേ​രെ ഒ​റ്റ​യി​ടി​ക്ക് വീ​ഴ്ത്ത​ണം, പി​ന്നെ മു​ഴു​നീ​ളെ ഡ​യ​ലോ​ഗു​ക​ൾ കാ​ച്ച​ണമെന്നു​ള്ള പ​തി​വു​ശൈ​ലി​ക​ളെ വി​ട്ടു​പി​ടി​ക്കാ​ൻ ത​മി​ഴ​കം ഒ​രു​ക്ക​മ​ല്ലെ​ന്ന് വീ​ണ്ടും തെ​ളി​യി​ക്കു​ക​യാ​ണ്. ചു​രു​ക്കം പ​റ​ഞ്ഞാ​ൽ സി​ങ്കം-3​ എന്ന ചിത്രത്തിന് പി​ന്നാ​ലെ പാ​ഞ്ഞെ​ത്തി​യ മ​റ്റൊ​രു മഹാ​ദു​ര​ന്ത​മാ​ണ് മൊ​ട്ട​ശി​വ കെ​ട്ട ശി​വ. സി​ങ്ക​ത്തി​ന്‍റെ അ​ത്ര പ​വ​റി​ല്ലെ​ങ്കി​ലും രാ​ഘ​വ ലോ​റ​ൻ​സും മാ​സ് പ്ര​ക​ട​ന​ത്തി​ന് ഒ​ട്ടും കു​റ​വു വ​രു​ത്തി​യി​ട്ടി​ല്ല. ലോ​റ​ൻ​സി​ന്‍റെ വ​ണ്‍​മാ​ൻ​ഷോ കാ​ണാ​ൻ താ​ത്പ​ര്യ​മു​ള്ള​വ​ർ മാ​ത്രം തി​യ​റ്റ​റി​ൽ പോ​യി ഇ​ത്ത​രം കാ​ട്ടി​ക്കൂ​ട്ട​ലു​ക​ൾ​ക്ക് തലവച്ചാൽ മതി.



ച​ളി, ച​ളി​യോ​ടു ച​ളി...! ചി​ത്ര​ത്തി​ന്‍റെ ആ​ദ്യ പ​കു​തി​യെ ഇ​ങ്ങ​നെ വി​ശേ​ഷി​പ്പി​ക്കു​ന്ന​താ​വും ന​ല്ല​ത്. ത​മി​ഴ് സി​നി​മ​ക​ളി​ൽ പ​ണ്ടു​മു​ത​ൽ​ക്കേ ക​ട​ന്നു​കൂ​ടി​യി​ട്ടു​ള്ള ഒ​രു ദു​ർ​ഭൂ​തം (ത​മാ​ശ​ക​ൾ) ഈ ​ചി​ത്ര​ത്തെ വ​ല്ലാ​തെ പി​ടി​കൂ​ടി​യി​ട്ടു​ണ്ട്. ത​മാ​ശ​യ്ക്കാ​യി ത​മാ​ശ കു​ത്തി​നി​റ​ച്ച കു​പ്പി​യി​ൽ നി​ന്നും സം​വി​ധാ​യ​ക​ൻ ആ ​ഭൂ​ത​ത്തെ കെ​ട്ട​ഴി​ച്ചു വി​ട്ട​തോ​ടെ തലപെരുക്കുന്ന ത​മാ​ശ​ക​ളു​ടെ ഒ​രു ഘോ​ഷ​യാ​ത്ര ത​ന്നെ ചി​ത്ര​ത്തി​ന്‍റെ ഒ​ന്നാം പ​കു​തി​യി​ൽ ദൃ​ശ്യ​മാ​യി. ക​ഥ​യ്ക്കാ​യി ഒ​രു ക​ഥ​യും ഫ്ളാ​ഷ് ബാ​ക്കി​ന് ഫ്ളാ​ഷ് ബാ​ക്കും സെ​ന്‍റി​മെ​ൻ​സി​നാ​യി സെ​ന്‍റി​മെ​ൻ​സും ചി​ത്ര​ത്തി​ൽ ഭേ​ഷാ​യി കു​ത്തി​നി​റ​ച്ചി​ട്ടു​ണ്ട്.



മാ​റ്റ​ങ്ങ​ൾ​ക്കൊ​പ്പം സ​ഞ്ച​രി​ക്കു​ന്ന ത​മി​ഴ് സി​നി​മ​ക​ൾ​ക്ക് ക​ണ്ണു​കി​ട്ടാ​തി​രി​ക്കാ​നാ​വാം മാ​സെ​ന്നും സ്റ്റൈ​ലി​ഷെ​ന്നും പ​റ​ഞ്ഞ് ഇ​ത്ത​രം കോപ്രായങ്ങൾ പ​ട​ച്ചു​വി​ടു​ന്ന​ത്. അ​സി​സ്റ്റ​ന്‍റ് ക​മ്മീ​ഷ​ണ​റാ​യ ശി​വ​യു​ടെ സ്റ്റൈ​ലി​ഷ് രീ​തി​ക​ളി​ലൂ​ടെ ചി​രി ഉ​ണ​ർ​ത്താ​നു​ള്ള ശ്ര​മ​മാ​ണ് ഒ​ന്നാം പ​കു​തി​യി​ൽ കാ​ണാ​നാ​വു​ക. കോ​വൈ സ​ര​ള​യെ മു​ൻ​നി​ർ​ത്തി കാ​ട്ടി​ക്കൂ​ട്ടു​ന്ന ത​മാ​ശ കാ​ഴ്ച​ക​ൾ ന​ന്നേ വെ​റു​പ്പി​ച്ചു​കൊ​ണ്ട് മു​ന്നോ​ട്ടു പോ​കു​ന്ന​തി​നി​ട​യി​ൽ ഇ​ടി​യും അ​ടി​യു​മെ​ല്ലാം ക​ട​ന്നു​വ​രു​ന്നു​ണ്ട്. ഡാ​ൻ​സി​ല്ലെ​ങ്കി​ൽ പി​ന്നെ എ​ന്തു ലോ​റ​ൻ​സ്..! മോ​ശം പ​റ​യ​രു​ത​ല്ലോ അ​ദ്ദേ​ഹ​ത്തി​ന്‍റെ നൃ​ത്ത​ച്ചു​വ​ടു​ക​ൾ മാ​ത്ര​മാ​ണ് ചി​ത്ര​ത്തി​ലെ ആ​കെ​യു​ള്ള ആ​ശ്വാ​സം.



വി​ല്ലന്മാർ​ക്ക് കൂ​ട്ടാ​ളി​യാ​യ അ​സി​സ്റ്റ​ന്‍റ് ക​മ്മീ​ഷ​ണ​റു​ടെ വി​ക്രി​യ​ക​ൾ ക​മ്മീ​ഷ​ണ​ർ​ക്ക് (സ​ത്യ​രാ​ജ്) പി​ടി​ക്കാ​തെ വ​രു​ന്ന​തോ​ടെ അ​വ​ർ​ക്കി​ട​യി​ൽ സം​വി​ധാ​യ​ക​ൻ കു​രു​ക്കി​യി​ട്ട ക​ഥ​യു​ടെ ചു​രു​ൾ പ​തി​യെ അ​ഴി​ച്ചു​വി​ടു​ന്നു​ണ്ട്. നാ​യി​ക​യാ​യി ചി​ത്ര​ത്തി​ൽ എ​ത്തു​ന്ന​ത് നി​ക്കി ഗ​ൽ​റാ​ണി​യാ​ണ്. ഗാ​ന​രം​ഗ​ങ്ങ​ളി​ലെ മ​സാ​ല​ക്കൂ​ട്ടി​നാ​യി​ട്ടാ​ണ് നാ​യി​ക​യെ ഇ​തി​ൽ ഉ​ൾ​പ്പെ​ടു​ത്തി​യ​തെ​ന്ന് പ​റ​യേ​ണ്ടി വ​രും. നി​മി​ഷ​ങ്ങ​ൾ കൊ​ണ്ട് പൊ​ട്ടി​മു​ള​യ്ക്കു​ന്ന പ്ര​ണ​യ​വും അ​തി​നു പി​ന്നാ​ലെ​യു​ള്ള ഓ​ട്ട​വു​മെ​ല്ലാം ക്ലീ​ഷേ കാ​ഴ്ച​ക​ൾ ത​ന്നെ. ആ​ക​സ്മി​ക​മാ​യി സം​ഭ​വി​ക്കു​ന്ന ചി​ല കാ​ര്യ​ങ്ങ​ൾ ശി​വ​യു​ടെ സ്വ​ഭാ​വ​ത്തെ മാ​റ്റു​ന്ന​തോ​ടെ ചി​ത്രം ആ​ക്ഷ​ൻ മൂ​ഡി​ലേ​ക്കു ക​ട​ക്കു​ന്നു. പി​ന്നെ​യ​ങ്ങോ​ട്ട് മൊ​ട്ട​ശി​വ​യെ​ന്ന കെ​ട്ട​ശി​വ​യു​ടെ അ​മാ​നു​ഷി​ക പ്ര​ക​ട​ന​മാ​ണ് കാ​ണാ​ൻ ക​ഴി​യു​ക.



ഒ​ന്നാം പ​കു​തി​യെ അ​പേ​ക്ഷി​ച്ച് ര​ണ്ടാം പ​കു​തി പി​ന്നെ​യും ഭേ​ദ​മാ​ണെ​ന്നു പ​റ​യാം. രാ​ഷ്ട്രീ​യ നേ​താ​വും പോ​ലീ​സും ത​മ്മി​ൽ നേ​രി​ട്ടു​ള്ള അ​ങ്കം​വെ​ട്ടി​ലൂ​ടെ ക​ഥ​യ്ക്ക് ര​ണ്ടാം പ​കു​തി​യി​ൽ വേ​ഗം കൂ​ട്ടാ​ൻ സം​വി​ധാ​യ​ക​ൻ ശ്ര​മി​ച്ചി​ട്ടു​ണ്ട്. പി​ന്നെ കാ​ണാ​നാ​വു​ക സി​ങ്ക​ത്തി​ന്‍റെ ഭൂ​തം മൊ​ട്ട​ശി​വ​യെ പി​ടി​കൂ​ടു​ന്ന​താ​ണ്. ഇ​ടി, ഇ​ടി​യോ​ട് ഇ​ടി, മാ​സ് ഇ​ടി. പ്ര​തി​കാ​ര​ദാ​ഹി​യാ​യ പോ​ലീ​സ് ഓ​ഫി​സ​ർ​ക്കു മു​ന്നി​ൽ വി​ല്ല​ൻ വി​റ​യ്ക്കു​ന്ന പ​തി​വു​കാ​ഴ്ച ഈ ​ചി​ത്ര​ത്തി​ലും കാ​ണാ​നാ​വും. പ​ഞ്ച് ഡ​യ​ലോ​ഗു​ക​ൾ​ക്ക് ഒ​രു കു​റ​വും സം​വി​ധാ​യ​ക​ൻ വ​രു​ത്തി​യി​ട്ടി​ല്ലാ​യെ​ന്നു​ള്ള​താ​ണ് മ​റ്റൊ​രു വ​സ്തു​ത. ര​ണ്ട​ര​മ​ണി​ക്കൂ​റി​ലേ​റെ​യു​ള്ള ചി​ത്ര​ത്തി​ൽ ത​മാ​ശ​യും ആ​ക്ഷ​നും സ​മാ​സ​മം ചേ​ർ​ക്കാ​നു​ള്ള ശ്ര​മം അ​ന്പേ പ​രാ​ജ​യ​പ്പെ​ട്ടു പോ​യി.



എ​ല്ലാ​വ​രും മാ​സ് ചി​ത്ര​ങ്ങ​ളി​ൽ ത​ക​ർ​ക്കു​ന്നു, അ​പ്പോ​ൾ പി​ന്നെ ഞാ​നാ​യി​ട്ട് എ​ന്തി​ന് കു​റ​യ്ക്ക​ണം എ​ന്ന ലോ​റ​ൻ​സി​ന്‍റെ തോ​ന്ന​ലി​ൽ നി​ന്നാ​ണോ ഈ ​ചി​ത്രം പി​റ​വി​കൊ​ണ്ട​തെ​ന്നും സം​ശ​യി​ക്കേ​ണ്ടി​യി​രി​ക്കു​ന്നു. ത​ന്നാ​ലാ​വും വി​ധ​മു​ള്ള മാ​സ് പ്ര​ക​ട​നം ലോ​റ​ൻ​സ് പു​റ​ത്തെ​ടു​ത്തി​ട്ടു​ണ്ട്. പ​ക്ഷേ അ​തു വേ​ണ്ട​വി​ധ​ത്തി​ല​ങ്ങ് എ​റി​ച്ചി​ല്ലാ​ന്ന് മാ​ത്രം. പ​തി​വ് ആ​ക്ഷ​ൻ ചി​ത്ര​ങ്ങ​ളി​ലെ​ന്ന​വ​ണ്ണം ഒ​ടു​ക്കം നാ​യ​ക​ൻ വി​ല്ല​നെ കീ​ഴ്പ്പെ​ടു​ത്തു​ന്ന​തോ​ടെ സം​ഭ​വം ശു​ഭം. ആ​വി​ഷ്ക​ര​ണ​ത്തി​ലോ ക​ഥ​യി​ലോ പു​തു​മ​യു​ടെ അം​ശം തൊ​ട്ടു​തീ​ണ്ടാ​തെ പോ​കു​ന്ന ചി​ത്രം പ​തി​വ് പ്ര​തി​കാ​ര​ക​ഥ​ക​ളു​ടെ വ​ഴി​യേ സ​ഞ്ച​രി​ച്ച് കൂ​പ്പു​കു​ത്തു​ക​യാ​ണ്. മൊ​ട്ട​യാ​യാ​ലും കെ​ട്ട​യാ​യാ​ലും ഇ​ത്തി​രി പു​തു​മ​യൊ​ക്കെ വേ​ണ്ടേ മി​സ്റ്റ​ർ ഡയറക്ടർ..? എ​ങ്കി​ല​ല്ലേ കാ​ണാ​നൊ​രു ത്രി​ല്ലു​ണ്ടാ​കു...

(ക​ണ്ടു​പ​ഴ​കി​യ കാ​ട്ടി​ക്കൂ​ട്ട​ലു​ക​ളു​ടെ ത​നി​യാ​വ​ർ​ത്ത​ന​മാ​ണ് മൊ​ട്ട ശി​വ കെ​ട്ട ശി​വ.)

വി.​ശ്രീ​കാ​ന്ത്
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.



Copyright @ 2022 , Rashtra Deepika Ltd.