Cinema
നിരാശപ്പെടുത്തി ജെമിനി...
Friday, April 21, 2017 9:29 PM IST
ഒ​രു ഷോ​ർ​ട്ട് ഫി​ലി​മി​ന് പാ​ക​ത്തി​നു​ള്ള ക​ഥ​യെ ഉൗ​തി​പെ​രു​പ്പി​ച്ചാ​ൽ സം​ഭ​വി​ക്കാ​വു​ന്ന ദു​ര​ന്ത​മേ "ജെ​മി​നി' എ​ന്ന് ​കൊച്ചു​സി​നി​മ​യ്ക്കും സം​ഭ​വി​ച്ചു​ള്ളു. ഇ​ഴ​ഞ്ഞിഴ​ഞ്ഞ് ഒ​രു പ​രു​വ​ത്തിലായ ചിത്രം. ര​ണ്ടു മ​ണി​ക്കൂ​റി​ലേ​റെ ത​ള്ളി​നീ​ക്കാ​ൻ വെ​ന്പ​ൽ​കൊ​ള്ളു​ന്ന സം​വി​ധാ​യ​ക​ന്‍റെ (പി.​കെ ബാ​ബു​രാ​ജ്) ത്വ​ര ഒ​രു​പാ​ട് രം​ഗ​ങ്ങ​ളി​ൽ കാ​ണാ​നാ​വും. എ​ന്തി​നാ​ണ് ക​ക്ഷി ഇ​ത്ത​ര​ത്തി​ൽ ഒ​രു സാ​ഹ​സ​ത്തി​ന് ത​യാ​റാ​യ​തെ​ന്നേ അ​റി​യേ​ണ്ട​തു​ള്ളു.




"ദൃ​ശ്യം' ക​ണ്ട​വ​രാ​രും കൊ​ച്ചു​കാ​ന്താ​രി​യാ​യ എ​സ്ത​റി​നെ മ​റ​ക്കാ​ൻ ഇ​ട​യി​ല്ല. അ​ളി​ഞ്ഞ സെ​ന്‍റി​മെ​ൻ​സ് രം​ഗ​ങ്ങ​ളു​ടെ​ കു​ത്തൊ​ഴു​ക്കി​നി​ട​യി​ലും എ​സ്ത​റി​ന്‍റെ തന്മ​യ​ത്വ​ത്തോ​ടെ​യു​ള്ള പ്ര​ക​ട​ന​മാ​ണ് ചി​ത്ര​ത്തി​ന് അ​ല്പ​മെ​ങ്കി​ലും ജീ​വ​വാ​യു ന​ല്കു​ന്ന​ത്. എ​സ്ത​റി​ലെ അ​ഭി​നേ​ത്രി​യെ തേ​ച്ചു​മി​നു​ക്കി​യാൽ വ​രും​കാ​ല​ത്ത് മ​ല​യാ​ള സി​നി​മ​യ്ക്ക് മി​ക​ച്ച ഒ​രു ന​ടി​യെ ആ​യി​രി​ക്കും ലഭിക്കുക. ചി​ത്രം ന​ന്നേ ബോ​റ​ടി​പ്പി​ക്കു​മെ​ങ്കി​ലും എ​സ്ത​ർ ശ​രാ​ശ​രി​ക്കും മു​ക​ളി​ലു​ള്ള പ്ര​ക​ട​നം പു​റ​ത്തെ​ടു​ത്ത് നി​ല​തെ​റ്റി ഒ​ഴു​കി​യ ക​ഥ​യ്ക്ക് കൈ​ത്താ​ങ്ങാ​യി മാ​റു​ന്നു​ണ്ട്.



അ​ച്ച​ട​ക്ക​മി​ല്ലാ​ത്ത ക​ഥ​യ്ക്ക് ഒ​ട്ടും യോ​ജി​ക്കാ​ത്ത തി​ര​ക്ക​ഥാ ഭാ​ഷ്യം ര​ചി​ച്ചി​ട​ത്ത് ത​ന്നെ ഈ ​ചി​ത്ര​ത്തി​ന്‍റെ ഗ​തി നി​ർ​ണ​യി​ക്ക​പ്പെ​ട്ടു. ​ഡോ. ബി​നു പു​രു​ഷോ​ത്ത​മ​ന്‍റെ തി​ര​ക്ക​ഥ വെ​റും കാ​ട്ടി​ക്കൂ​ട്ട​ലാ​ണെ​ന്ന് സാ​രം. സ്പെ​ഷ​ൽ ഗേ​ളെ​ന്ന് പ​ട്ടം ചാ​ർ​ത്തി​യാ​ണ് ജെ​മി​നി​യെ (​എ​സ്ത​ർ) ചി​ത്ര​ത്തി​ൽ അ​വ​ത​രി​പ്പി​ച്ചി​രി​ക്കു​ന്ന​ത്. തു​ട​ക്കം മു​ത​ൽ അ​വ​സാ​നം വ​രെ ജെ​മി​നി സ്പെ​ഷ​ൽ ഗേ​ളാ​ണെ​ന്ന് ഓ​ർ​മി​പ്പി​ക്കാ​നാ​യി ഓ​രോ​രു​ത്ത​രെ നി​യോ​ഗി​ച്ചി​ട്ടു​ണ്ട്.

മാ​താ​പി​താ​ക്ക​ളു​ടെ സ്വ​രു​മ​യി​ല്ലാ​യ്മ​യും അ​തി​ലൂ​ടെ മ​ക്ക​ൾ​ക്കു​ണ്ടാ​കു​ന്ന ബു​ദ്ധി​മു​ട്ടു​ക​ളും ഒ​രു​പാ​ട് ചി​ത്ര​ങ്ങ​ളി​ൽ പ്ര​തി​പാ​ദി​ച്ചി​ട്ടു​ള്ള വി​ഷ​യ​മാ​ണ്. അ​തേ വി​ഷ​യം ത​ന്നെ വീ​ണ്ടും പ​രീ​ക്ഷി​ക്കാ​ൻ എ​ടു​ക്കു​ന്പോ​ൾ അ​വ​ത​ര​ണ​ത്തി​ലെ​ങ്കി​ലും പു​തു​മ കൊ​ണ്ടു​വ​രാ​ൻ സം​വി​ധാ​യ​ക​ൻ ശ്ര​മി​ക്കേ​ണ്ട​താ​യി​രു​ന്നു. എ​ന്നാ​ൽ ത​ട്ടി​ക്കൂ​ട്ടി​യ തി​ര​ക്ക​ഥ​യ്ക്ക് അ​നു​സ​രി​ച്ച് എ​ങ്ങ​നെ​യെ​ങ്കി​ലും സി​നി​മ ചെ​യ്യ​ണ​മെ​ന്നു​ള്ള വെ​ന്പ​ലി​ൽ കാ​ണി​ച്ചു​വ​ച്ച​തെ​ല്ലാം ശ​രാ​ശ​രി​ക്കും താ​ഴെ​യു​ള്ള മെ​ലോ​ഡ്രാ​മ​ക​ൾ മാ​ത്രമായി. ചു​രു​ക്ക​ത്തി​ൽ, പാ​തി​വെ​ന്ത ക​ലാ​സൃ​ഷ്ടി​യായാ​ണ് ജെ​മി​നി തി​യ​റ്റ​റു​ക​ളി​ലെ​ത്തി​യ​ത്.



ക​ഥാ​പാ​ത്ര​ങ്ങ​ളു​ടെ പൂ​ർ​ണ​ത​യി​ല്ലാ​യ്മ ത​ന്നെ​യാ​ണ് ചി​ത്ര​ത്തി​ലെ പ്ര​ധാ​ന വി​ല്ല​ൻ. എ​ന്തി​നോ വേ​ണ്ടി തി​ള​യ്ക്കു​ന്ന സാ​ന്പാ​റെ​ന്ന പോ​ലെ ഒ​രു​പി​ടി ക​ഥാ​പാ​ത്ര​ങ്ങ​ൾ. ജെ​മി​നി​യെ ചു​റ്റി​പ്പ​റ്റി നീ​ങ്ങു​ന്ന ക​ഥ​യി​ൽ അവളുടെ പ്ര​ത്യേ​ക​ത​ക​ളും പോ​രാ​യ്മ​ക​ളും അ​ക്ക​മി​ട്ടു നി​ര​ത്തി​യാ​ണ് ചി​ത്ര​ത്തി​ന്‍റെ പോ​ക്ക്. അ​തി​നി​ട​യി​ൽ അ​ല്ല​റ​ചി​ല്ല​റ ഫ്ളാ​ഷ് ബാ​ക്കു​ക​ൾ, പി​ന്നെ വീ​ണ്ടും ക​ഥ​യി​ലേ​ക്കു​ള്ള തി​രി​ച്ചു​വ​ര​വ്. ജെ​മി​നി വ​ഴ​ക്കാ​ളി മാ​ത്ര​മ​ല്ല ന​ല്ല​കു​ട്ടി​യാ​ണെ​ന്നു കൂ​ടി കാ​ണി​ക്കാ​നാ​യി അ​വ​ളു​ടെ ഉ​ള്ളി​ലെ ക​ഴി​വി​നെ അ​ധ്യാ​പി​ക പു​റ​ത്തു​കൊ​ണ്ടു​വ​രു​ന്ന​തോ​ടെ ക​ഥ​യ്ക്ക് അ​ല്പം വേ​ഗം കൂ​ടു​ന്നു​ണ്ട്. പി​ന്നെ​യ​ങ്ങോ​ട്ട് ജെ​മി​നി​യു​ടെ വി​ജ​യ​വ​ഴി​ക​ളു​ടെ പാ​ത​യി​ലേ​ക്കാ​ണ് കാ​ണി​ക​ളെ സം​വി​ധാ​യ​ക​ൻ ക്ഷ​ണി​ക്കു​ന്ന​ത്.



ക​ഠി​ന വ​ഴി​ക​ളി​ലൂ​ടെ ക​ട​ന്നാ​ലേ വി​ജ​യം ഉ​ണ്ടാ​കു എ​ന്നു കാ​ണി​ക്കാ​നാ​യി ജെ​മി​നി​യെ കു​ടും​ബാ​ന്ത​രീ​ക്ഷ​ത്തി​ലെ ക​ല്ലു​ക​ടി​ക​ൾ​ക്കി​ട​യി​ൽ ത​ള​ച്ചി​ടാ​നു​ള്ള ശ്ര​മ​വും സം​വി​ധാ​യ​ക​ൻ ന​ട​ത്തു​ന്നു​ണ്ട്. ശോ​ക​വും സ​ന്തോ​ഷ​വും ഉ​ണ്ടാ​കു​ന്പോ​ഴെ​ല്ലാം പാ​ട്ടു​ക​ൾ ക​ട​ന്നു​വ​രു​ന്നു​ണ്ടെ​ങ്കി​ലും ചി​ത്ര​ത്തി​ന് കൃ​ത്യ​മാ​യ ഒ​ഴു​ക്കി​ല്ലാ​ത്ത​തി​നാ​ൽ അ​വ എ​വി​ടെ​യെ​ല്ലാ​മോ ത​ട്ടി​ത്ത​ട​ഞ്ഞ് നി​ൽ​ക്കു​ന്ന കാ​ഴ്ച​യും കാ​ണാ​നാ​വും. ര​ണ്‍​ജി പ​ണി​ക്ക​രു​ടെ രം​ഗ​പ്ര​വേ​ശ​ത്തോ​ടെ ചി​ത്രം അ​ല്പം ചൂ​ടു​പി​ടി​ക്കു​ന്നു​ണ്ടെ​ങ്കി​ലും വീ​ണ്ടും സെ​ന്‍റി​മെ​ൻ​സ് രം​ഗ​ങ്ങ​ൾ കു​ത്തി​നി​റ​ച്ച് ചി​ത്ര​ത്തി​ന്‍റെ വേ​ഗം സം​വി​ധാ​യ​ക​ൻ ന​ന്നേ കു​റ​യ്ക്കു​ന്നു​ണ്ട്.



പെ​ണ്‍​കു​ട്ടി​ക​ളു​ള്ള മാ​താ​പി​താ​ക്ക​ളു​ടെ വേ​വ​ലാ​തി​ക​ൾ മി​ത​ത്വ​ത്തോ​ടെ അ​വ​ത​രി​പ്പി​ച്ചി​രു​ന്നെ​ങ്കി​ൽ ചി​ത്ര​ത്തി​ന്‍റെ പോ​ക്കി​ന് അ​ല്പം വേ​ഗം കൂ​ടി​യേ​നെ. പൂ​ർ​ണ​ത​യി​ല്ലാ​ത്ത രം​ഗ​ങ്ങ​ളും ഒ​ട്ടും പ​ഞ്ചി​ല്ലാ​ത്ത സം​ഭാ​ഷ​ണ​ങ്ങ​ളും അ​മി​താ​ഭി​ന​യ​വു​മെ​ല്ലാം ഒ​ന്നി​നോ​ടൊ​ന്ന് ചേ​ർ​ന്നു നി​ന്ന​പ്പോ​ൾ ചി​ത്രം ശ​രാ​ശ​രി​ക്കും താ​ഴെ​യി​ലേ​ക്ക് കൂ​പ്പു​കു​ത്തി. മൊത്തത്തിലുള്ള ഒഴുക്കില്ലായ്മ ചിത്രത്തിന്‍റെ ക്ലൈമാക്സിനെയും ബാധിച്ചു. കൈവിട്ടുപോയ ചിത്രത്തിന് പി​ന്നെ​യെ​ന്തോ​ന്ന് ക്ലൈ​മാ​ക്സ് എ​ന്ന മ​ട്ടി​ലു​ള്ള മ​റ്റൊ​രു കാ​ട്ടി​ക്കൂ​ട്ട​ൽ കൂ​ടി കടന്നുവരുന്നതോടെ ചി​ത്രം പൂ​ർ​ണം.

വി.​ശ്രീ​കാ​ന്ത്
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.



Copyright @ 2022 , Rashtra Deepika Ltd.