Cinema
അ​തി​നാ​ട​കീ​യ​ത​ നിറഞ്ഞ കി​ണ​ർ!
Saturday, February 24, 2018 2:49 PM IST
സാ​മൂ​ഹി​ക പ്ര​സ​ക്തി​യേ​റെ​യു​ള്ള വി​ഷ​യം സി​നി​മ​യാ​ക്കു​ന്പോ​ൾ അ​തി​ൽ കൊ​മേ​ഷ്യ​ൽ ചേ​രു​വ​ക​ൾ സൂ​ക്ഷി​ച്ചും ക​ണ്ടും ചേ​ർ​ത്തി​ല്ലെ​ങ്കി​ൽ ക​ല്ലു​ക​ടി​ക​ൾ ഉ​ണ്ടാ​കു​ന്ന​ത് സ്വ​ഭാ​വി​കമാണ്. വെ​ള്ള​ത്തെ ചു​റ്റിപ്പറ്റി ഒ​രു ക​ഥ ​മെ​ന​ഞ്ഞെ​ടു​ക്കാ​ൻ എം.​എ.​നി​ഷാ​ദ് എന്ന സം​വി​ധാ​യ​ക​ൻ ഏ​റെ മെ​ന​ക്കെ​ട്ടി​ട്ടു​ണ്ട്.​ എ​ന്നാ​ൽ വേ​ണ്ടിടത്തും വേ​ണ്ടാ​ത്തയിട​ത്തു​മെ​ല്ലാം അ​തി​നാ​ട​കീ​യ​ത കുത്തിനിറച്ചപ്പോൾ കി​ണ​റ്റിൽ മാലിന്യം നിറയുകയായിരുന്നു. ഒ​റ്റ​പ്പെ​ട്ട ചി​ല പ്ര​ക​ട​ന​ങ്ങ​ൾ മാ​റ്റി നി​ർ​ത്തി​യാ​ൽ കി​ണ​ർ എ​ന്തി​നോ വേ​ണ്ടി തി​ള​ച്ച ഒ​രു സാ​ന്പാ​ർ മാ​ത്ര​മാ​ണ്. കിണറിൽ നിറഞ്ഞ മനോഹര ഫ്രെയിമുകളുടെ സൗന്ദര്യം പോലും അതിനാടകീയത തല്ലിക്കെടുത്തി. അ​വ​സാ​ന നി​മി​ഷ​ങ്ങ​ളി​ലെ ചി​ല കി​ടി​ല​ൻ പ്ര​ക​ട​ന​ങ്ങ​ൾ കാ​ണാ​ൻ ര​ണ്ടു മ​ണി​ക്കൂ​ർ ത​ള്ളിനീ​ക്കാ​ൻ കഴിയുമെങ്കിൽ കിണറിന് ടിക്കറ്റെടുക്കാം.



വി​ഷ​യ​ങ്ങ​ൾ നി​ര​വ​ധി

പ​ത്ര​പ്ര​വ​ർ​ത്ത​ന​ത്തി​ന്‍റെ വി​വി​ധ വ​ശ​ങ്ങ​ളും മാ​വോ​യി​സ​വും തീ​വ്ര​വാ​ദ​വും താ​ണ്ടി കിണറിലെ മുഖ്യവിഷയമായ ജ​ല​ദൗ​ർ​ല​ഭ്യത്തിലെത്താൻ സം​വി​ധാ​യ​ക​ന് മു​ക്കാ​ൽ മ​ണി​ക്കൂ​റി​ലേ​റെ വേ​ണ്ടി വ​ന്നു. അ​പ്പോ​ഴേ​ക്കും ചി​ത്രം ഒരു പരുവത്തിൽ എത്തിയിരുന്നു. ​ഡോ​ക്കു​മെ​ന്‍റ​റി​ക്ക് പാ​ക​മാ​യ തി​ര​ക്ക​ഥ​യെ സി​നി​മാ​റ്റി​ക് രീ​തി​ക​ളോ​ട് ചേ​ർ​ത്തു നി​ർ​ത്താ​നാ​ണ് സം​വി​ധാ​യ​ക​ൻ ശ്ര​മി​ച്ചി​രി​ക്കു​ന്ന​ത്. ജോ​യി മാ​ത്യു, മ​ധു​പാ​ൽ, കൈ​ലാ​ഷ്, ഭ​ഗ​ത് മാ​നു​വ​ൽ, ജ​യ​പ്ര​ദ, ഇ​ന്ദ്ര​ൻ​സ്, ര​ഞ്ജി പ​ണി​ക്ക​ർ തു​ട​ങ്ങി​യ താ​ര​നി​ര തു​ട​ക്ക​ത്തി​ൽ പ്ര​ത്യ​ക്ഷ​പ്പെ​ട്ടാ​ൽ പ്രേ​ക്ഷ​ക​ർക്ക് ഇ​തൊ​രു സി​നി​മ​യാ​ണെ​ന്നു​ള്ള തോ​ന്ന​ൽ ഉ​ണ്ടാ​യി​ക്കോ​ളും എ​ന്ന് സം​വി​ധാ​യ​ക​ൻ ക​രു​തി​യി​ട്ടു​ണ്ടാ​വ​ണം.​ ചി​ത്ര​ത്തി​ൽ ചി​ല മാ​ധ്യ​മ​പ്ര​വ​ർ​ത്ത​ക​ർ കൂ​ടി പ്ര​ത്യ​ക്ഷ​പ്പെ​ടു​ന്നു​ണ്ട്. പ​ക്ഷേ അ​തു​കൊ​ണ്ടെ​ന്നും പ്ര​ത്യേ​കി​ച്ച് ഒരു ഗുണവുമുണ്ടായില്ല.



എ​ന്തൊ​രു വ​ലി​ച്ചു നീ​ട്ടൽ

അ​സു​ഖം ബാ​ധി​ച്ച ക​ഥ​യി​ൽ സ്ത്രീ ​ക​ഥാ​പാ​ത്ര​ങ്ങ​ൾ​ക്ക് പ്രാ​ധാ​ന്യം ന​ൽ​കി​യി​ട്ട് കാ​ര്യമു​ണ്ടോ. ഇ​ല്ലാ​യെ​ന്നു​ള്ള ഉ​ത്ത​രമാണ് കിണർ. കേ​ര​ള-​ത​മി​ഴ്നാ​ട് അ​തി​ർ​ത്തി​യി​ലു​ള്ള പു​ളി​യ​ൻമ​ല​യി​ലെ കു​ടിവെ​ള്ള പ്ര​ശ്ന​മാ​ണ് ചി​ത്ര​ത്തി​ന്‍റെ പ്ര​മേ​യം. കു​ടി​വെ​ള്ള​ത്തി​നാ​യു​ള്ള ഇ​ന്ദി​ര(​ജ​യ​പ്ര​ദ)​യു​ടെ പോ​രാ​ട്ട വ​ഴി​ക​ളാ​ണ് ചി​ത്ര​ത്തി​ന്‍റെ ര​ണ്ടാം പ​കു​തി​യി​ പറയുന്നത്. ഒ​ന്നാം പ​കു​തി പ്ര​ധാ​ന വി​ഷ​യ​ത്തി​ലേ​ക്ക് ക​ട​ക്കാ​നു​ള്ള ഒ​ട്ടും ര​സി​ക്കാ​ത്ത കു​റെ കാ​ട്ടി​ക്കൂ​ട്ട​ലു​ക​ൾ മാ​ത്ര​മാ​ണ്. ക​ഥാ​പാ​ത്ര​ങ്ങ​ളെ കു​നു​കു​നാ നി​ര​ത്തി അ​ന്ത​വും കു​ന്ത​വും ഇ​ല്ലാ​ത്ത രീ​തി​യി​ൽ ക​ഥ​യു​ടെ കെ​ട്ട​ഴി​ച്ച് വി​ട്ടി​രി​ക്കു​ക​യാ​ണ് സംവിധായകൻ. ആ​ക്ഷേ​പ​ഹാ​സ്യം പ​റ​ഞ്ഞേ തീ​രു എ​ന്നു​ള്ള സം​വി​ധാ​യ​ക​ന്‍റെ നി​ർ​ബ​ന്ധ ബു​ദ്ധി​യി​ൽ പി​റ​ന്ന ഒ​രു​പി​ടി രം​ഗ​ങ്ങ​ൾ ചി​ത്ര​ത്തി​ൽ പ്രത്യക്ഷപ്പെട്ടിട്ടുണ്ട്. സീ​രി​യ​സ് വി​ഷ​യ​ത്തി​നി​ട​യ്ക്ക് പ്രേ​ക്ഷ​ക​രെ ര​സി​പ്പി​ക്കാ​നു​ള്ള സം​വി​ധാ​യ​ക​ന്‍റെ ലീ​ലാ​വി​ലാ​സ​ങ്ങ​ളാ​യി​രു​ന്നു​ ഇതൊക്കെയെന്നാണ് സംശയിക്കപ്പെടുന്നത്.



ജ​യ​പ്ര​ദ നി​റം​മ​ങ്ങി

അ​ട​ച്ചു​റ​പ്പി​ല്ലാ​ത്ത ക​ഥ​യ്ക്കുമേ​ൽ ആര് എന്ത് ചെയ്തിട്ടും കാര്യമില്ലല്ലോ. ജ​യ​പ്ര​ദ​യു​ടെ പോ​രാ​ട്ടം കാ​ണു​ന്പോ​ൾ ക​ഷ്ടം തോ​ന്നും. ത​മി​ഴ് ന​ടി അ​ർ​ച്ച​ന​യാ​ക​ട്ടെ, കി​ട്ടി​യ അ​വ​സ​രം ന​ല്ല​പോ​ലെ ഉ​പ​യോ​ഗി​ച്ചു. അ​വ​രു​ടെ പ്ര​ക​ട​നം അ​വ​സാ​ന നി​മി​ഷ​ങ്ങ​ളി​ൽ പ്രേക്ഷകരെ പി​ടി​ച്ചി​രു​ത്തും. ഒ​പ്പം പ​ശു​പ​തി കൂ​ടി ക​ട്ട​യ്ക്ക് നി​ന്ന​പ്പോ​ൾ സം​ഭ​വം ജോ​റാ​യി. ഇ​തി​നി​ട​യി​ൽ നി​റം​മ​ങ്ങിപ്പോ​യ​ത് ജ​യ​പ്ര​ദ​യാ​ണ്. ലി​പ് സി​ങ്ക് ചേ​രാ​തെ വ​രു​ക​യും പോ​രാ​ട്ട​വീ​ര്യം കാ​ട്ടു​ന്ന രം​ഗ​ങ്ങ​ളി​ൽ നാ​ട​കീ​യ​ത കൂ​ടിപ്പോകു​ക​യും ചെ​യ്ത​പ്പോ​ൾ അ​ഭി​ന​യ പ​ത​നം പൂ​ർ​ണ​മാ​യി. ക​ഥ​യെ​ല്ലാം കാ​ണി​ച്ചുതീ​ർ​ത്ത് ചി​ത്രം തീ​രു​ന്നുവെന്ന ഘ​ട്ടം എത്തുന്പോൾ മു​ന്പേ ചേ​ർ​ത്തു​വ​ച്ച ഘ​ട​ക​ങ്ങ​ളെ കൂ​ട്ടി​യി​ണ​ക്കാ​ൻ സം​വി​ധാ​യ​ക​ൻ ഒരു ശ്രമം നടത്തുന്നുണ്ട്. പാ​ളി​പ്പോ​യ ശ്ര​മ​ങ്ങ​ളു​ടെ ബാ​ക്കി​പ​ത്രം പോ​ലെ നാ​ട​കീ​യ​ത​യി​ൽ നി​ന്നും അ​തി​നാ​ട​കീ​യ​തി​ലേ​ക്ക് വീഴാൻ മാത്രമേ ഇതും ഉപകരിച്ചുള്ളൂ.

വി.​ശ്രീ​കാ​ന്ത്
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.



Copyright @ 2022 , Rashtra Deepika Ltd.