Cinema
ക്ഷ​മ പ​രീ​ക്ഷി​ക്കു​ന്ന നീ​രാ​ളി
Friday, July 13, 2018 7:30 PM IST
എ​ന്നാ​ലും എ​ന്‍റെ നീ​രാ​ളീ, ഇ​തൊ​രു വ​ല്ലാ​ത്ത ചെ​യ്ത്താ​യിപ്പോയി..! നീ​രാ​ളി എന്ന പേര് നൽകിയ കൗ​തു​കം സി​നി​മ​യി​ൽ ചാ​ലി​ച്ചെ​ടു​ക്കാ​ൻ സം​വി​ധാ​യ​ക​ൻ അ​ജോ​യ് വർമയ്ക്ക് ക​ഴി​യാ​തെ വ​ന്ന​പ്പോ​ൾ പ്രേ​ക്ഷ​ക​ർ വ​ല്ലാ​ണ്ട് മു​ഷി​ഞ്ഞു. ചില സന്ദർഭങ്ങൾ ഒഴിച്ച് തുടക്കം മുതൽ ഒടുക്കം വരെ ആ മടുപ്പ് തുടർന്നു.

പ്രേ​ക്ഷ​ക​രെ ഒ​രു യാ​ത്ര കൊ​ണ്ടു​പോ​കാ​നു​ള്ള സം​വി​ധാ​യ​ക​ന്‍റെ ശ്ര​മം വിജയിച്ചതിനാൽ സിനിമയ്ക്ക് ത്രില്ലിംഗ് മൂഡ് വന്നു. പ​ക്ഷേ, തി​ര​ക്ക​ഥ​യി​ലെ പാ​ളി​ച്ച​ക​ളും ഒ​തു​ക്ക​മി​ല്ലാ​യ്മ​യും ചി​ത്ര​ത്തെ പി​ന്നോ​ട്ടടി​ച്ചുകൊ​ണ്ടേ​യി​രു​ന്നു. മോ​ഹ​ൻ​ലാ​ലി​നെ ക​ള​ത്തി​ലി​റ​ക്കി പ്രേ​ക്ഷ​ക​രെ കോ​രി​ത്ത​രി​പ്പി​ക്കാ​നു​ള്ള ശ്ര​മ​മാ​ണ് നീ​രാ​ളി​യി​ൽ ന​ട​ത്തി​യി​രി​ക്കു​ന്ന​ത്. പ​ക്ഷേ, അത് പാ​ഴ്ശ്ര​മ​മാ​യി അ​വ​ശേ​ഷി​ച്ച​പ്പോ​ൾ കാഴ്ചക്കാരനും നീരാളിപ്പിടുത്തത്തിലായി.



ര​ത്നക്കല്ലു​ക​ളു​ടെ മൂ​ല്യം നിർണയി​ക്കു​ന്ന ജെ​മ്മോ​ള​ജി​സ്റ്റാ​യ സ​ണ്ണി​യാ​യാ​ണ് മോ​ഹ​ൻ​ലാ​ൽ ചി​ത്ര​ത്തി​ൽ എ​ത്തു​ന്ന​ത്. ബംഗളൂരുവിൽ നി​ന്നു കോ​ഴി​ക്കോ​ട്ടേ​ക്കു​ള്ള സ​ണ്ണി​യു​ടെ​യും വീ​ര​പ്പ​ന്‍റെ​യും (സു​രാ​ജ് വെ​ഞ്ഞാ​റ​മൂ​ട്) യാ​ത്ര തു​ട​ങ്ങു​ന്ന​തോ​ടെ​യാ​ണ് ചി​ത്രം ചൂ​ടു​പി​ടി​ച്ച് തു​ട​ങ്ങു​ന്ന​ത്. എ​ന്തൊ​ക്കെ​യോ ദു​രൂ​ഹ​ത​ക​ൾ ഒ​ളി​ഞ്ഞി​രി​പ്പു​ണ്ടെ​ന്നു​ള്ള സൂ​ച​ന​ക​ൾ യാ​ത്ര​യു​ടെ തു​ട​ക്ക​ത്തി​ൽ ത​ന്നെ സം​വി​ധാ​യ​ക​ൻ പ്രേ​ക്ഷ​ക​ർ​ക്ക് ന​ൽ​കു​ന്നു​ണ്ട്.

അ​വ​ത​ര​ണ​വും സം​ഭാ​ഷ​ണ​വും ത​മ്മി​ൽ ഒ​രു കെ​മി​സ്ട്രി​യു​ണ്ട്. അ​ത് നേ​രാം​വ​ണ്ണം ഒ​ത്തു​വ​ന്നി​ല്ലെ​ങ്കി​ൽ ക​ണ്ടുകൊ​ണ്ടി​രി​ക്കാ​ൻ വ​ള​രെ ബു​ദ്ധി​മു​ട്ടാ​യി​രി​ക്കും. നീ​രാ​ളി​യി​ൽ ഇ​ത്ത​ര​ത്തി​ലു​ള്ള നി​ര​വ​ധി രം​ഗ​ങ്ങ​ളുണ്ട്. മു​ഴ​ച്ചു നി​ൽ​ക്കു​ന്ന ഈ ​സം​ഭാ​ഷ​ണ​ങ്ങ​ൾ പ്രേ​ക്ഷ​ക​രെ മ​ടു​പ്പി​ന്‍റെ ലോ​ക​ത്തേ​ക്ക് ഇ​ട​യ്ക്കി​ടെ പ​റ​ഞ്ഞ​യ​ച്ചു കൊ​ണ്ടേ​യി​രു​ന്നു.



ഞൊ​ടി​യി​ട​യി​ൽ ഒ​രു അ​പ​ക​ടം. നാ​യ​ക​നും കൂ​ട്ടാ​ളി​യും കൊ​ക്ക​യി​ൽ നി​ന്നു താ​ഴേ​ക്ക് എ​പ്പോ​ൾ വേ​ണ​മെ​ങ്കി​ലും പ​തി​ക്കാ​മെ​ന്നു​ള്ള സ്ഥി​തി. ഇ​ങ്ങ​നെ ഒ​രു അ​വ​സ്ഥ​യി​ലേ​ക്ക് ക​ഥ എ​ത്തു​ന്ന​തോ​ടെ​യാ​ണ് ആ​കാം​ക്ഷ​യു​ടെ മു​ൾ​മു​ന​യി​ൽ പ്രേ​ക്ഷ​ക​ർ എ​ത്തി​പ്പെ​ടു​ക. പ​ക്ഷേ, നോ​ണ്‍​ലീ​നി​യ​ർ രീ​തി​യി​ലു​ള്ള ക​ഥപ​റ​ച്ചി​ൽ ചി​ത്ര​ത്തി​ന്‍റെ ബാ​ല​ൻ​സിം​ഗ് തെ​റ്റി​ച്ചു. വെ​ട്ടി​മു​റി​ച്ച ക​ഥ​യെ കൂ​ട്ടിച്ചേർ​ക്കാ​ൻ സം​വി​ധാ​യ​ക​ൻ പാ​ടു​പെ​ടു​ന്ന കാ​ഴ്ച ചി​ത്ര​ത്തി​ൽ കാ​ണാ​നാ​വും.

വ​ല്ലാ​തെ വി​മ്മി​ഷ്ട​പ്പെ​ട്ടു​ള്ള ക​ഥ​യു​ടെ പോ​ക്കി​നി​ട​യി​ലേ​ക്കാ​ണ് മോ​ഹ​ൻ​ലാ​ൽ പാ​ടി അ​ഭി​ന​യി​ച്ച ഗാ​നം പ​തി​യെ ഒ​ഴു​കിയെത്തു​ന്ന​ത്. പ​ക്ഷേ, ആ ​പാ​ട്ടി​ന് ചി​ത്ര​ത്തെ ര​ക്ഷ​പെ​ടു​ത്തി​യെ​ടു​ക്കാ​നു​ള്ള മാ​ന്ത്രി​ക​ശേ​ഷി ഇ​ല്ലാ​തെ പോ​യ​പ്പോ​ൾ ക​ഥ വീ​ണ്ടും ഇ​ഴ​ഞ്ഞുതു​ട​ങ്ങി. ഇ​ഴ​യാ​ൻ വി​ധി​ക്ക​പ്പെ​ട്ട സി​നി​മ ഇ​ഴ​ഞ്ഞല്ലേ പ​റ്റൂ. സു​രാ​ജ് ഭേ​ദ​പ്പെ​ട്ട പ്ര​ക​ട​നം ചി​ത്ര​ത്തി​ൽ പു​റ​ത്തെ​ടു​ത്ത​പ്പോ​ൾ മോ​ഹ​ൻ​ലാ​ൽ ത​ന്നാ​ലാ​വും വി​ധം ചി​ത്ര​ത്തെ താ​ങ്ങി നി​ർ​ത്താ​ൻ ശ്ര​മി​ച്ചി​ട്ടു​ണ്ട്.



ന​ദി​യ മൊ​യ്തു​വി​ന്‍റെ പ്ര​ക​ട​നം കാ​ണു​ന്ന ഏ​തൊ​രാ​ൾ​ക്കും ഇ​ത്തി​രി ഓ​വ​റാ​യി പോ​യി​ല്ലേ എന്ന് തോ​ന്നി പോകും. ഇ​ട​യ്ക്കി​ടെ മാ​ത്രം മു​ഖം കാ​ണി​ക്കു​ന്ന നാ​യി​ക ആ​വ​ശ്യ​ത്തി​ല​ധി​കം ചി​ത്ര​ത്തി​ൽ അ​ല​റി വി​ളി​ക്കു​ന്നു​ണ്ട്. പാ​ർ​വ​തി നായ​രും ചി​ത്ര​ത്തി​ലു​ണ്ട്. കാണാതെ പഠിച്ച ഡ​യ​ലോ​ഗു​ക​ൾ പാ​ർ​വ​തി ഒ​രു ഭാ​വ​ഭേ​ദ​വു​മി​ല്ലാ​തെ പ​റ​ഞ്ഞുതീ​ർ​ത്ത​പ്പോ​ൾ ഒ​രു വി​കാ​ര​വും തോ​ന്നാ​തെ പ്രേ​ക്ഷ​ക​ർ വ​ല്ലാ​തെ വീ​ർ​പ്പു​മു​ട്ടി. ഫാ​ന്‍റ​സി​യു​ടെ ലോ​ക​ത്തി​ലേ​ക്ക് ഇ​ട​യ്ക്ക് ചി​ത്ര​ത്തെ പി​ടി​ച്ചി​ടാ​നു​ള്ള ശ്ര​മം സം​വി​ധാ​യ​ക​ൻ ന​ട​ത്തു​ന്നു​ണ്ട്. അ​തൊ​ന്നും പ​ക്ഷേ, ചി​ത്ര​ത്തി​ന് ഗു​ണം ചെ​യ്തി​ല്ലാ​ന്നു മാ​ത്രം.



ക​ഥ​യി​ൽ ക​ട​ന്നുകൂ​ടി​യ സെ​ന്‍റി​മെ​ൻ​സ് രം​ഗ​ങ്ങ​ൾ ക്ലീ​ഷേ​യു​ടെ കൂ​ട്ടി​ൽ അ​ക​പ്പെ​ട്ട​പ്പോ​ൾ സം​ഭ​വം അങ്ങേയറ്റം ബോ​റാ​യി. ര​ക്ഷ​പെ​ടാ​നാ​യി മോ​ഹ​ൻ​ലാ​ൽ ന​ട​ത്തു​ന്ന ശ്ര​മ​ങ്ങ​ളാ​ണ് ചി​ത്ര​ത്തെ മു​ന്നോ​ട്ട് ന​യി​ക്കു​ന്ന​ത്. അ​മാ​നു​ഷി​ക​ത​യു​ടെ വ​ശ​ങ്ങ​ളി​ലൂ​ടെ പോ​കാ​തെ സാ​ധാ​ര​ണ​ക്കാ​ര​നാ​യ നാ​യ​ക​ന് ഈ ​ഒ​രു പ്ര​തി​സ​ന്ധി​യി​ൽ നി​ന്നു ര​ക്ഷ​പെടാ​ൻ ആവു​ന്ന​തെ​ല്ലാം മോ​ഹ​ൻ​ലാ​ൽ ചി​ത്ര​ത്തി​ൽ ചെ​യ്തുവ​ച്ചി​ട്ടു​ണ്ട്. പക്ഷേ, ദുർബലമായ തിരക്കഥ സിനിമയെ പിന്നോട്ടടിക്കുകയായിരുന്നു.

സ്റ്റീ​ഫ​ൻ ദേ​വ​സി​യു​ടെ സം​ഗീ​തം ശ​രാ​ശ​രി​യി​ൽ ഒ​തു​ങ്ങി​യ​പ്പോ​ൾ സ​ന്തോ​ഷ് തു​ണ്ടിയി​ലി​ന്‍റെ കാ​മ​റക്ക​ണ്ണു​ക​ൾ ചി​ത്ര​ത്തി​ന് താ​ങ്ങും ത​ണ​ലു​മാ​യി നി​ല​കൊ​ണ്ടു. ആ​വി​ഷ്ക​ര​ണ​ത്തി​ൽ പു​തു​മ കൊ​ണ്ടു​വ​രാ​ൻ സം​വി​ധാ​യ​ക​ന് ക​ഴി​ഞ്ഞി​ട്ടു​ണ്ടെ​ങ്കി​ലും ക്ലൈ​മാ​ക്സി​നോ​ട് അ​ടു​ക്കു​ന്പോ​ൾ ചി​ത്രം വ​ല്ലാ​തെ പി​ടി​വി​ട്ടു പോ​കു​ന്നു​ണ്ട്. ചി​ല​തൊ​ക്കെ ചേ​ർ​ന്നും മ​റ്റു ചി​ല​ത് ചേ​രാ​തെ​യും വേ​റി​ട്ടു നി​ന്ന​പ്പോ​ൾ നീ​രാ​ളി​യു​ടെ പ​കി​ട്ടി​ന് ന​ല്ല​രീ​തി​യി​ൽ കോ​ട്ടം ത​ട്ടു​ന്ന കാ​ഴ്ച​യാ​ണ് തീ​യ​റ്റ​റി​ൽ കാ​ണാ​ൻ സാ​ധി​ച്ച​ത്.

വി.​ശ്രീ​കാ​ന്ത്
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.



Copyright @ 2022 , Rashtra Deepika Ltd.