Cinema
ബോ​റ​ടി​പ്പി​ക്കു​ന്ന സുവർണപു​രു​ഷ​ൻ
Friday, April 20, 2018 6:49 PM IST
ചി​ല സി​നി​മ​ക​ൾ അങ്ങനെയാണ്... എ​ന്തൊ​ക്ക​യോ ത​രാ​ൻ വേ​ണ്ടി വ​ന്ന്, ഒ​ന്നും ത​രാ​തെ അ​ങ്ങ് പോ​കും. അ​തു​പോ​ലൊ​രു ചി​ത്ര​മാ​ണ് "സു​വ​ർ​ണപു​രു​ഷ​ൻ'.​ മോ​ഹ​ൻ​ലാ​ലി​ന്‍റെ ആ​രാ​ധി​ക​യു​ടെ ചി​ത്രം ഇ​റ​ങ്ങി ഒ​രാ​ഴ്ച​യ്ക്കു​ള്ളി​ൽ ത​ന്നെ മോ​ഹ​ൻ​ലാ​ൽ ആ​രാ​ധ​ക​രു​ടെ ചി​ത്രം എ​ത്തി​യ​പ്പോ​ൾ കൊ​ട്ടും മേ​ള​വും ജ​യ് വി​ളി​യു​മാ​യി എ​ത്താ​റു​ള്ള ഫാ​ൻ​സു​കാ​രെ ഒ​ന്നും തീ​യ​റ്റ​റി​നു മു​ന്നി​ൽ ക​ണ്ടി​ല്ല. അ​ക​ത്താ​ണെ​ങ്കി​ലോ, വി​ര​ലി​ൽ എ​ണ്ണാൻ മാത്രമുള്ള കാഴ്ചക്കാരും.

ആ​രാ​ധ​ക​രെ താ​ര​മാ​ക്കാ​നു​ള്ള ന​വാ​ഗ​ത സം​വി​ധാ​യ​ക​ൻ സു​നി​ൽ ശ​ക്തി​ധ​ര​ന്‍റെ എ​ളി​യ ശ്ര​മ​മാ​ണ് സു​വ​ർ​ണപു​രു​ഷ​ൻ. പ​ക്ഷേ, ചു​ക്കിച്ചുളു​ങ്ങി​യ ഡ​യ​ലോ​ഗു​ക​ളും ഒ​ട്ടും ജീ​വ​നി​ല്ലാ​ത്ത അ​വ​ത​ര​ണ​വും മു​ട്ടി​നു മു​ട്ടി​ന് ലാ​ലേ​ട്ട​നെക്കുറി​ച്ചു​ള്ള വീ​ര​വാ​ദ​ങ്ങ​ളും കൂ​ടിയായ​പ്പോ​ൾ സം​ഭ​വം വ​ള​രെ​യേ​റെ ബോ​റാ​യിപ്പോയെ​ന്നു മാ​ത്രം. ഡോ​ക്യു​മെ​ന്‍റ​റി​യോ ഹ്രസ്വ​ചി​ത്ര​മോ ആ​കേ​ണ്ട ഒ​ന്നി​നെ വ​ലി​ച്ചുനീ​ട്ടി​യാ​ൽ എ​ങ്ങ​നെ​യു​ണ്ടാ​വും..‍‍? ആ മടുപ്പാണ് സുവർണപുരുഷനെ പിടികൂടിയിരിക്കുന്നത്.



തീ​യ​റ്റ​റി​ന് അ​ക​വും പു​റ​വു​മെ​ല്ലാം ബി​ഗ്സ്ക്രീ​നി​ൽ കാ​ട്ടു​ന്നു​ണ്ടെ​ങ്കി​ലും സു​ഖ​മി​ല്ലാ കാ​ഴ്ച​ക​ൾ തു​ട​ക്കം മു​ത​ലേ ചി​ത്ര​ത്തെ പി​ന്നോ​ട്ട​ടി​ക്കു​ന്നു​ണ്ട്.​ ഇ​രി​ങ്ങാ​ല​ക്കു​ട​യി​ലെ മേ​രിമാ​താ തീ​യ​റ്റ​റി​ൽ പു​ലിമു​രു​ക​ൻ റി​ലീ​സ് ചെ​യ്യു​ന്ന​തി​നെ ചു​റ്റി​പ്പ​റ്റി​യാ​ണ് ക​ഥ വി​ക​സി​ക്കു​ന്ന​ത്. പു​ലി​മു​രു​ക​ൻ ചി​ത്ര​ത്തെ വ​ര​വേ​ൽ​ക്കാ​നു​ള്ള ആ​രാ​ധ​ക​രു​ടെ ത​യാ​റെ​ടു​പ്പും, പി​ന്നെ റി​ലീ​സ് ദി​വ​സം തീ​യ​റ്റ​റി​നെ ചു​റ്റിപ്പ​റ്റി ന​ട​ക്കു​ന്ന സം​ഭ​വ​ങ്ങ​ളു​മാ​ണ് ചി​ത്രത്തിന്‍റെ ഇതിവൃത്തം. മോ​ഹ​ൻ​ലാ​ലി​ന്‍റെ ആ​രാ​ധ​ക​രാ​യ റ​പ്പാ​യി (​ഇ​ന്ന​സെ​ന്‍റ്), ഈ​നാ​ശു (​ശ്രീ​ജി​ത്ത് ര​വി), കാ​ന്‍റീ​ൻ കു​മാ​ര​ൻ (​ശ​ശി ക​ലിം​ഗ), ബി​ജു​ക്കു​ട്ട​ൻ തു​ട​ങ്ങി​യ​വ​രാ​ണ് ചി​ത്ര​ത്തി​ലെ അ​റി​യ​പ്പെ​ടു​ന്ന താ​ര​ങ്ങ​ൾ.​ മേ​രി മാ​താ തീ​യ​റ്റ​ർ ഉ​ട​മ​യാ​യി ലെ​ന​യും ചി​ത്ര​ത്തി​ലു​ണ്ട്. പ​ക്ഷേ, ഇ​വ​ർ​ക്കൊന്നും ദുർബലമായ ഈ ചി​ത്ര​ത്തെ താ​ങ്ങിനി​ർ​ത്താ​നാ​യി​ല്ല.



അ​ന്ത​വും കു​ന്ത​വു​മി​ല്ലാ​ത്ത തി​ര​ക്ക​ഥ​യാ​ണ് ചി​ത്ര​ത്തി​ലെ പ്ര​ധാ​ന വി​ല്ല​ൻ. സം​വി​ധാ​യ​ക​ൻ ഉ​ദ്ദേ​ശി​ച്ച രം​ഗ​ങ്ങ​ളെ​ല്ലാം ചി​ത്ര​ത്തി​ൽ ക്ര​മീ​ക​രി​ച്ചി​ട്ടു​ണ്ട്.​ പ​ക്ഷേ, അ​തൊ​ട്ടും സി​നി​മാ​റ്റി​ക് ആ​ക്കാ​ൻ പു​ള്ളി​ക്ക് ക​ഴി​ഞ്ഞില്ല.​ ആ​രാ​ധ​ക​ർ തീ​യ​റ്റ​റി​നു പു​റ​ത്ത് ഒ​രു​ക്കു​ന്ന സു​ര​ക്ഷാ ക്ര​മീ​ക​ര​ണ​ങ്ങ​ളും പ്രേ​ക്ഷ​ക​ർ​ക്ക് സി​നി​മ കാ​ണാ​നു​ള്ള സു​ഗമ​മാ​യ അ​ന്ത​രീ​ക്ഷം ഒ​രു​ക്ക​ലു​മെ​ല്ലാം വെ​റും കാ​ട്ടി​ക്കൂ​ട്ട​ലു​ക​ളാ​യി മാ​റു​ക​യാ​യി​രു​ന്നു. തീ​യ​റ്റ​റി​നെ ചു​റ്റി​പ്പ​റ്റി ക​ഥ ഇ​ഴ​ഞ്ഞുനീ​ങ്ങു​ന്പോ​ൾ പു​ലി​മു​രു​ക​നി​ലെ രം​ഗ​ങ്ങ​ൾ കാ​ട്ടി ഒ​ന്നു ഉ​ഷാ​റാ​ക്കാ​ൻ സം​വി​ധാ​യ​ക​ൻ ശ്ര​മി​ക്കു​ന്നു​ണ്ട്.​ പ​ക്ഷേ, അ​തു​കൊ​ണ്ടൊ​ന്നും പ്ര​ത്യേ​കി​ച്ച് ഒരു ഗുണവുമുണ്ടായില്ലെന്ന് മാത്രം.



ആ​രാ​ധ​ന​യു​ടെ വി​വി​ധ ഭാ​വ​ങ്ങ​ൾ ചി​ത്ര​ത്തി​ൽ കാ​ട്ടു​ന്നു​ണ്ട്. പ​ക്ഷേ, അ​തെ​ല്ലാം ബോ​റ​ടി മാ​ത്ര​മേ പ്രേ​ക്ഷ​ക​ർ​ക്ക് സ​മ്മാ​നി​ക്കു​ന്നു​ള്ളു. പു​ലി​മു​രു​ക​ൻ ചി​ത്രം തു​ട​ങ്ങു​ന്ന​തി​ന് മുൻപ് നടക്കുന്ന ആ​ഘോ​ഷ​ങ്ങ​ളും ആ​ര​വ​ങ്ങ​ളു​മെ​ല്ലാം ഒ​ട്ടും ആ​വേ​ശം തോ​ന്നാ​ത്ത വി​ധ​ത്തി​ലാ​ണ് ചി​ത്ര​ത്തി​ൽ കാ​ണി​ച്ചി​രി​ക്കു​ന്ന​ത്. എ​ന്തോ കാ​ണി​ക്കാ​ൻ വേ​ണ്ടി കാ​ട്ടി​യ പോ​ലെ...

ആ​രാ​ധ​ക​രു​ടെ പു​റ​ത്തും അ​ക​ത്തു​മു​ള്ള പ്ര​ക​ട​ന​ങ്ങ​ൾ​ക്ക് പ്രേ​ക്ഷ​ക​രെ പി​ടി​ച്ചി​രു​ത്താ​നു​ള്ള പഞ്ചുണ്ടായിരുന്നില്ല. ചി​ല സ്പെ​ഷ​ൽ ആ​രാ​ധ​ക​രെ ചി​ത്ര​ത്തി​ൽ പ​രി​ച​യ​പ്പെ​ടു​ത്തു​ന്നു​ണ്ട്. അ​വ​രെ ഇ​ട​യ്ക്കി​ടെ കാ​ട്ടു​ന്പോ​ഴേ ഉൗ​ഹി​ക്കാ​ൻ പ​റ്റും ഇ​വ​രെ വ​ച്ചാ​യി​രി​ക്കും സം​വി​ധാ​യ​ക​ൻ ക്ലൈ​മാ​ക്സി​ൽ ക​ഥ തീ​ർ​ക്കാ​ൻ പോ​കു​ന്ന​തെ​ന്ന്.



ക​ഥ​യൊ​ക്കെ തീ​ർ​ത്തു പ​ക്ഷേ, ചി​ത്ര​ത്തി​ലെ ഒ​രു സം​ഗ​തി​ക്കും ഇ​മ്മി​ണി ആ​വേ​ശം പോ​ലും ഉ​ണ​ർ​ത്താ​ൻ ക​ഴി​ഞ്ഞി​ല്ലാ​യെ​ന്നു മാ​ത്രം. ഷി​ജു എം. ​ഭാ​സ്ക​റി​ന്‍റെ കാ​മ​റക്കണ്ണു​ക​ൾ ആ​രാ​ധ​ക​രു​ടെ ആ​വേ​ശ​മെ​ല്ലാം ഒ​പ്പി​യെ​ടു​ത്തെ​ങ്കി​ലും കാ​ഴ്ച​ക​ൾ​ക്ക് അ​ഴ​ക് തീ​രെ ഉണ്ടായിരുന്നില്ല. പ​ല​ത​ര​ത്തി​ൽ പ​ല സം​ഗ​തി​ക​ൾ ഒ​ന്നി​ച്ചു ചേ​ർ​ക്കാ​ൻ ശ്ര​മി​ച്ചി​ട്ടും ഒ​ന്നും അ​ങ്ങോ​ട്ട് ശ​രി​യാ​വ​ണ്ണം ഒ​ക്കാ​തെ വ​ന്ന​പ്പോ​ൾ സം​വി​ധാ​യ​ക​ൻ തി​ര​ക്ക​ഥ​യി​ലെ ഓ​രോ രം​ഗ​ങ്ങ​ളും അ​ങ്ങ് എ​ടു​ത്തുതീ​ർ​ത്തു. അ​ങ്ങ​നെ​യൊ​ക്കെ അ​ങ്ങ് തീ​ർ​ത്താ​ൽ ആ ​സി​നി​മ​യ്ക്ക് ജീ​വ​നു​ണ്ടാ​കു​മോ...?​ ഇ​ല്ല. ശ​രി​ക്കു പ​റ​ഞ്ഞാ​ൽ ജീ​വനില്ലാ ക​ഥയാ​ണ് സു​വ​ർ​ണപു​രു​ഷ​ന്‍റേത്. അ​പ്പോ​ൾ പി​ന്നെ അ​തി​ൽ ആ​രാ​ധ​ന ക​ല​ർ​ത്തി​യാ​ൽ ഏ​ശു​മോ...? ഇ​ല്ല. ഇ​തൊ​രു​ത​രം ആ​ഗ്ര​ഹം തീ​ർ​ക്ക​ലാ​ണ്... സി​നി​മ​യെ​ടു​ത്തേ തീരു എന്നുള്ള ആ​ഗ്ര​ഹം തീ​ർ​ക്ക​ൽ...

(ചു​മ്മാ ചെ​ന്ന് പെ​ടാ​തി​രി​ക്കാ​ൻ സൂ​ക്ഷി​ക്കു​ക...)

വി. ശ്രീകാന്ത്
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.



Copyright @ 2022 , Rashtra Deepika Ltd.