കു​ടുകു​ടെ ചി​രി​പ്പി​ക്കും ത​രം​ഗം...!
Friday, September 29, 2017 11:26 PM IST
നി​ഷ്ക​ള​ങ്ക​ത എ​ല്ലാ​വ​രി​ലും ഉ​ണ്ട്. പ​ക്ഷേ, അ​വ​ൻ എ​പ്പോ​ഴാ​ണ് പു​റ​ത്തേ​ക്ക് ചാ​ടു​ക​യെ​ന്ന് പ​റ​യാ​ൻ പ​റ്റി​ല്ല. എപ്പോഴെങ്കിലും ചാ​ടും, അ​തു​റ​പ്പാ​ണ്. ​ത​രം​ഗ​ത്തി​ലെ ഒ​ട്ടു​മി​ക്ക ക​ഥാ​പാ​ത്ര​ങ്ങ​ളി​ലും ഈ ​നി​ഷ്ക​ള​ങ്ക​ത കാ​ണാ​ൻ സാ​ധി​ക്കും. അ​വ കൃ​ത്രി​മ​ത്വം ഇ​ല്ലാ​തെ സ്ക്രീനിൽ കാട്ടാൻ യു​വസം​വി​ധാ​യ​ക​ൻ ഡൊ​മി​നി​ക്ക് അ​രു​ണി​ന് ക​ഴി​ഞ്ഞ​തോ​ടെ ത​രം​ഗം മ​റ്റു​ള്ള​വ​ർ​ക്കി​ട​യി​ലും പു​തു​ത​രം​ഗ​മാ​യി മാ​റിത്തുട​ങ്ങി​യി​ട്ടു​ണ്ട്.

കു​റ്റം പ​റ​യാ​നും ന​ല്ല​തു പ​റ​യാ​നു​മാ​യി ചി​ത്ര​ത്തി​ൽ നി​ര​വ​ധി രം​ഗ​ങ്ങ​ളു​ണ്ട്. ചി​ല​ർ​ക്ക് മോ​ശ​മാ​യി തോ​ന്നി​യ​ത് മ​റ്റു ചി​ല​ർ​ക്ക് ന​ല്ല​താ​യി തോന്നാം. അ​തു​കൊ​ണ്ട് പ്രേ​ക്ഷ​ക​ർ​ക്ക് അ​വ​ര​വ​രു​ടെ ആ​സ്വാ​ദ​നക്ഷ​മ​ത​യെ അ​ള​ക്കാ​നു​ള്ള അ​ള​വു​കോ​ലാ​യി മാ​ത്രം ത​രം​ഗ​ത്തെ ക​ണ്ടാ​ൽ മ​തി. അ​പ്പോ​ൾ കാ​ര്യ​ങ്ങ​ളെ​ല്ലാം ശ​രി​യാ​യിക്കൊള്ളും. ശ്ര​ദ്ധ​ക്കു​റ​വ് കൂ​ടു​ത​ലു​ള്ള ആ​ൾ​ക്കാ​രു​ടെ ശ്ര​ദ്ധ​യ്ക്ക്... ത​രം​ഗം നല്ല ശ്രദ്ധയോടെ കാണേണ്ട സിനിമയാണ്. ഇല്ലെ​ങ്കി​ൽ ചി​ല​പ്പോ​ൾ പ​ല​തും മ​ന​സി​ലാ​യി​ല്ലാ​യെ​ന്നു വ​രും.



ഇ​ങ്ങ​നെ​യും ഉ​ണ്ടോ ദൈ​വം

യോ ​യോ ദൈ​വം... ക​ളി​യാ​ക്കി​യ​ത​ല്ല, ശ​രി​ക്കും ത​രം​ഗ​ത്തി​ലെ ദൈ​വ​ത്തെ കാ​ണു​ന്പോ​ൾ അ​ങ്ങ​നെ​യാ​ണ് തോ​ന്നു​ക. പു​ള്ളി​ക്കാ​ര​ൻ എ​ത്ര സി​ന്പി​ളാ​ണ്. ക​ള്ള​ൻ പ​വി​ത്ര​നോ​ടു​ള്ള പെ​രു​മാ​റ്റ​വും മ​റ്റും ക​ണ്ടു ക​ഴി​ഞ്ഞാ​ൽ ഈ ​ന്യൂ​ജ​ൻ ദൈ​വ​ത്തെ അ​റി​യാ​തെ ഇ​ഷ്ട​പ്പെ​ട്ട് പോ​കും. ദി​വ​സ​വും എ​ത്ര​യെ​ത്ര പ​രാ​തി​ക​ളാ​ണ് പു​ള്ളി​യു​ടെ അ​ടു​ത്ത് എ​ത്തു​ന്ന​ത്. അ​തെ​ല്ലാം കേ​ട്ടോ​ണ്ടി​രി​ക്കാ​ൻ ത​ന്നെ ക്ഷ​മ എ​ത്ര​ത്തോ​ളം വേ​ണ​മെ​ന്ന് ദി​ലീ​ഷ് പോ​ത്ത​നി​ലൂ​ടെ സം​വി​ധാ​യ​ക​ൻ കാ​ട്ടി​ത്ത​രു​ന്നു​ണ്ട്. ഒ​രു​പ​ക്ഷേ പ​രാ​തി രൂ​പേ​ണ എ​ത്തു​ന്ന നി​വേ​ദ​ന​ങ്ങ​ളി​ലെ കോ​മ​ഡി കേ​ട്ടുകേ​ട്ടാ​യി​രി​ക്കും ദൈ​വ​ത്തി​ന്‍റെ ആ​യു​സ് കൂ​ടിക്കൂടി വ​രു​ന്ന​ത്. എ​ന്താ​യാ​ലും സം​വി​ധാ​യ​കാ, ഈ ​ന്യൂ​ജ​ൻ ദൈ​വം പൊ​ളി​ച്ചൂ​ട്ടാ..!




പ്ര​ശ്ന​ങ്ങ​ളു​ടെ മ​ഹാ​വ​ല​യം

പ്ര​ശ്ന​ങ്ങ​ളാ​ൽ തീ​ർ​ത്ത ഒ​രു മ​ഹാ​വ​ല​യ​മാ​ണ് ത​രം​ഗം. വ​ള്ളി​ക്കെ​ട്ടു​ക​ൾ തേ​ടി​യെ​ത്തു​ന്നു എ​ന്നു കേ​ട്ടി​ട്ടു​ള്ള​വ​ർ​ക്ക്... അ​ത് എ​ങ്ങ​നെ​യാ​ണ് നി​ര​നി​ര​യാ​യി എ​ത്തു​ന്ന​തെ​ന്ന് ചി​ത്രം കാ​ട്ടി​ത്ത​രു​ന്നു​ണ്ട്. പോ​ലീ​സു​കാ​രാ​യ ര​ണ്ടു യു​വാ​ക്ക​ളു​ടെ പ്ര​ശ്ന​ങ്ങ​ളെ ചു​റ്റി​പ്പ​റ്റി​യാ​ണ് ക​ഥ വി​ക​സി​ക്കു​ന്ന​ത്. പ​പ്പ​ൻ (​ടോ​വി​നോ), ജോ​യി (​ബാ​ലു വ​ർ​ഗീ​സ്)​ എ​ന്നീ കേ​ന്ദ്ര​ ക​ഥാ​പാ​ത്ര​ങ്ങ​ളെ ചു​റ്റിപ്പറ്റി​യാ​ണ് സം​ഭ​വ​ങ്ങ​ളു​ടെ കു​തി​പ്പ്. ചി​ത്ര​ത്തി​ലെ കോ​മി​ക് സം​ഗ​തി​ക​ളോ​ട് ഇ​ണ​ങ്ങി ചേ​രും​വി​ധ​മു​ള്ള പ​ശ്ചാ​ത്ത​ല സം​ഗീ​ത​മാ​ണ് സം​ഗീ​ത സം​വി​ധാ​യ​ക​ൻ അ​ശ്വി​ൻ ഒ​രു​ക്കി​യി​രി​ക്കു​ന്ന​ത്. പ​ശ്ചാ​ത്ത​ല സം​ഗീ​ത​ത്തി​ന്‍റെ മ​റ​പ​റ്റി​യു​ള്ള വ​ള​വു​ക​ളും തി​രി​വു​ക​ളും തി​രി​ച്ച​ടി​ക​ളും സം​വി​ധാ​യ​ക​ൻ ന​ല്ല രീ​തി​യി​ൽ ആ​വി​ഷ്ക​രി​ച്ചി​ട്ടു​മു​ണ്ട്. അ​ടു​ത്ത​ത് എ​ന്ത് സം​ഭ​വി​ക്കു​മെ​ന്ന് ഉൗ​ഹി​ക്കാ​നു​ള്ള സ​മ​യം ന​ൽ​കാ​തെ ഒ​രു ഫാ​ന്‍റ​സി ലോ​ക​ത്തേ​ക്ക് പ്രേ​ക്ഷ​ക​നെ എ​ടു​ത്തി​ടാ​ൻ സം​വി​ധാ​യ​ക​ന് ക​ഴി​ഞ്ഞിട്ടു​ണ്ട്.



കോ​മ​ഡി നൈ​സാ​ണ്...

സീ​രി​യ​സ് മൂ​ഡി​ൽ പോ​കു​ന്ന ചി​ത്ര​ത്തി​ൽ ന​ർ​മ മു​ഹൂ​ർ​ത്ത​ങ്ങ​ളു​ടെ ക​ട​ന്നുവ​ര​വ് എ​ടു​ത്തു പ​റ​യേ​ണ്ട​താ​ണ്. ഡ​യ​ലോ​ഗു​ക​ളു​ടെ ഏ​റ്റക്കുറ​ച്ചി​ലു​ക​ൾ​ക്കി​ട​യി​ൽ ന​ർ​മം ചാ​ലി​ക്കാ​നു​ള്ള ക​ഥാ​പാ​ത്ര​ങ്ങ​ളു​ടെ ക​ഴി​വ് അം​ഗീ​ക​രി​ച്ചു കൊ​ടു​ത്തേ പ​റ്റു. ടോവി​നോ​യും ബാ​ലു വ​ർ​ഗീ​സും ഷ​മ്മി തി​ല​ക​നു​മെ​ല്ലാം സീ​രി​യ​സാ​യി പ​റ​യു​ന്ന ഡ​യ​ലോ​ഗു​ക​ൾ വ​രെ തി​യ​റ്റ​റി​ൽ പൊ​ട്ടി​ച്ചി​രി ഉ​ണ​ർ​ത്തി​യ​ത് അ​വ​ത​ര​ണ​ത്തി​ന്‍റെ മി​ക​വ് കൊ​ണ്ടു ത​ന്നെ​യാ​ണ്. ആ​ദ്യപ​കു​തി​യി​ലെ ഉൗ​രാ​ക്കു​ടു​ക്ക​ൾ മു​റു​കി മു​റു​കി വ​രു​ന്ന​തി​നി​ട​യി​ലും നൈ​സാ​യി കോ​മ​ഡി വ​ർ​ക്കൗ​ട്ടാ​ക്കാ​ൻ ത​രം​ഗം ടീ​മി​ന് ക​ഴി​ഞ്ഞിട്ടു​ണ്ട്.



വ​ലി​ച്ചു നീ​ട്ടി​യ രം​ഗ​ങ്ങ​ൾ...

ഒ​ന്നാം പ​കു​തി​യി​ലെ ബാ​ല​ൻ​സിം​ഗ് ക​ണ്ട് സം​തൃ​പ്ത​രാ​യ​വ​രെ ര​ണ്ടാം പ​കു​തി​യി​ൽ പി​ടി​ച്ചി​രു​ത്താ​ൻ പ​ക്ഷേ, സം​വി​ധാ​യ​ക​നാ​യി​ട്ടി​ല്ല. ഓ​മ​ന​യാ​യി എ​ത്തി​യ നേ​ഹ അ​യ്യ​ർ പ്രേ​ക്ഷ​കപ്രീ​തി നേ​ടു​ന്ന​ത് ബ​ലംപി​ടി​ച്ചു കൊ​ണ്ടു​ള്ള അ​ഭി​ന​യ​രീ​തി​യി​ലൂ​ടെ​യാ​ണ്. ഓ​മ​ന പ​വ​ർ​ഫു​ള്ളാ​ണെ​ന്ന് ആ ​മു​ഖ​ത്തെ ഗൗ​ര​വം ക​ണ്ടാ​ൽ മ​ന​സി​ലാക്കാ​വു​ന്നേ​ത​യു​ള്ളു. മാ​ലി​നി​യാ​യി എ​ത്തി​യ ശാ​ന്തി ബാ​ല​ച​ന്ദ്ര​ന്‍റെ ന്യൂ​ജ​ൻ ട്രെൻ​ഡ് നി​ല​നി​ർ​ത്തി​യു​ള്ള അ​ഭി​ന​യ​വും പ്ര​ശം​സ​നീ​യം ത​ന്നെ. ഒ​ന്നി​ൽ നി​ന്നും മ​റ്റൊ​ന്നി​ലേ​ക്കുള്ള എ​ടു​ത്തു​ചാ​ട്ട​ങ്ങ​ൾ​ക്കിടയിൽ ക​ല്ലു​ക​ടി​ക​ൾ വ​രാ​തി​രി​ക്കാ​ൻ ആ​വു​ന്ന​ത്ര ശ്ര​ദ്ധി​ച്ചി​ട്ടും ര​ണ്ടാം പ​കു​തി​യി​ൽ പ​ല​യി​ട​ത്തും അ​വ​ൻ ത​ല​പൊ​ക്കു​ന്നു​ണ്ട്. അ​തു​വ​രെ ഇ​ഴ​പി​രി​യാ​തെ കൊ​ണ്ടു​വ​ന്ന ര​സ​ച്ച​ര​ട്, വ​ലി​ച്ചുനീ​ട്ട​ലു​ള്ള രം​ഗ​ങ്ങ​ൾ ക​ട​ന്നു വ​രു​ന്ന​തോ​ടെ താ​നേ പൊ​ട്ടി​പ്പോ​വു​ക​യാ​യി​രു​ന്നു.



ക്ലൈ​മാ​ക്സിന് നീളം കൂടി

എ​ന്തി​നാ​യി​രു​ന്നു ക്ലൈ​മാ​ക്സ് രം​ഗം ഇ​ത്ര വ​ലി​ച്ചു നീ​ട്ടി​യ​ത്. എ​ഡി​റ്റിം​ഗ് സ​മ​യ​ത്ത് വെ​ട്ടി​മു​റി​ച്ച് പ​രു​വ​പ്പെ​ടു​ത്തി​യി​രു​ന്നെ​ങ്കി​ൽ ചി​ത്രം പ​ക്കാ ബാ​ല​ൻ​സിം​ഗി​ൽ വ​ന്നു നി​ന്നേ​നെ. ആ​ശ​യക്കുഴ​പ്പ​ങ്ങ​ൾക്കി​ട​യി​ൽ​പെ​ട്ട് ക്ലൈ​മാ​ക്സ് വ​ല്ലാ​തെ വീ​ർ​പ്പുമു​ട്ടു​ന്നു​ണ്ട്.​ അ​തു​വ​രെ സാ​ഹ​ച​ര്യ​ങ്ങ​ൾ​ക്ക് അ​നു​സ​രി​ച്ചു​ള്ള കോ​മ​ഡി​യാ​ണ് ചി​ത്ര​ത്തി​ൽ സ്ഥാ​നം പി​ടി​ച്ച​തെ​ങ്കി​ൽ അ​വ​സാ​ന ഭാ​ഗ​ങ്ങ​ളി​ലേ​ക്ക് എ​ത്തു​ന്പോ​ൾ കോ​മ​ഡി​ക്കാ​യി കോ​മ​ഡി കാ​ട്ടാ​നു​ള്ള വ്യ​ഗ്ര​ത ചി​ത്ര​ത്തെ പിന്നോട്ടടിച്ചു. ഛായാ​ഗ്രാ​ഹ​ക​ൻ ദീ​പ​ക്കി​ന് പി​ടി​പ്പ​ത് പ​ണി​യു​ണ്ടാ​യി​രു​ന്നു​വെ​ന്ന് ചി​ത്ര​ത്തി​ലെ ഓ​രോ ഫ്രെ​യി​മു​ക​ളും സാ​ക്ഷ്യം പ​റ​യും. പ​രീ​ക്ഷ​ണ ചി​ത്ര​ങ്ങ​ൾ ഇ​ഷ്ട​പ്പെ​ടു​ന്ന ഏ​തൊ​രാ​ൾ​ക്കും ധൈ​ര്യ​പൂ​ർ​വം സ​മീ​പി​ക്കാ​വു​ന്ന ചി​ത്ര​മാ​ണ് ത​രം​ഗം.

(കൊ​ള്ളാം... പ​ക്ഷേ, എ​വി​ടെ​യൊക്കയോ എന്തോ നഷ്ടപ്പെട്ടപോലെ.)

വി.​ശ്രീ​കാ​ന്ത്