Cinema
ത്രില്ലടിപ്പിക്കുന്ന അങ്കിൾ...!
Friday, April 27, 2018 5:15 PM IST
ത്രില്ലടിപ്പിക്കുന്ന കാ​ര്യ​ത്തി​ൽ ജോ​യ് മാ​ത്യു​വി​ന് ഒ​രു പ്ര​ത്യേ​ക ക​ഴി​വു​ണ്ട്. മ​ന​സി​ലേ​ക്ക് തീ​യി​ട്ട് ത​രു​ന്ന രീ​തി ച​ങ്ങാ​തി ഷ​ട്ട​റി​ൽ തു​ട​ങ്ങി​യ​താ​ണ്. ദാ ​ഇ​പ്പോ​ൾ അ​ങ്കി​ളി​ലും അ​ത് ആ​വ​ർ​ത്തി​ക്കു​ന്നു. സ​ദാ​ചാ​ര വാ​ദി​ക​ൾ​ക്ക് ചെ​കി​ട്ട​ത്ത​ടി അ​ത്യാ​വ​ശ്യ​മാ​യി​രി​ക്കു​ന്ന കാ​ല​ഘ​ട്ട​ത്തി​ലാ​ണ് ജോ​യ് മാ​ത്യു ത​ന്‍റെ തൂ​ലി​ക സി​നി​മ​യ്ക്കാ​യി വീ​ണ്ടും ച​ലി​പ്പി​ച്ച​ത്. കാ​ലം മാ​റി​യ​തി​ന് അ​നു​സ​രി​ച്ച് മ​ന​സ് മാ​റാ​ത്ത ചി​ല​രു​ടെ ചെ​കി​ട​ത്ത് ന​ല്ല​വ​ണ്ണം ആ​ഞ്ഞുപ​തി​യു​ന്നു​ണ്ട് ചി​ല സം​ഭാ​ഷ​ണ​ങ്ങ​ളും കാ​ഴ്ച​ക​ളും.

ആ​ദ്യ പ​കു​തി കാ​ണു​ന്പോ​ൾ ഷ​ട്ട​റു​മാ​യി സാ​മ്യ​മു​ള്ള ചി​ല​തൊ​ക്കെ മ​ന​സി​ലേ​ക്ക് പാ​ഞ്ഞ​ടു​ക്കും. പ​ക്ഷേ, ര​ണ്ടാം പ​കു​തി ആ ​തോ​ന്ന​ലു​ക​ളെ ഇ​ല്ലാ​താ​ക്കു​ന്നി​ട​ത്താ​ണ് തി​ര​ക്ക​ഥ​യ്ക്ക് വ്യ​ക്ത​മാ​യ ല​ക്ഷ്യമു​ണ്ടാ​യി​രു​ന്നു​വെ​ന്ന് മ​ന​സി​ലാ​വു​ക. അ​തെ, ആ​രും പ്ര​തീ​ക്ഷി​ക്കാ​ത്ത ക്ലൈ​മാ​ക്സ്... അ​ല്ലെ​ങ്കി​ൽ സു​ന്ദ​ര​മാ​യ ക​ബ​ളി​പ്പി​ക്ക​ൽ, എ​ന്നൊ​ക്കെ വേ​ണ​മെ​ങ്കി​ൽ അ​ങ്കി​ളി​നെ വി​ശേ​ഷി​പ്പി​ക്കാം. "അ​ങ്കി​ൾ...’ ആ ​ഒ​രു വി​ളിക്ക് പ​ല​രു​ടെ​യും മ​ന​സി​ൽ പ​ല അ​ർ​ഥ​ങ്ങ​ളു​ണ്ടെ​ന്ന് കാ​ട്ടി​ത്ത​രാ​ൻ കൂ​ടി ന​വാ​ഗ​ത സം​വി​ധാ​യ​ക​ൻ ഗി​രീ​ഷ് ദാമോദറി​ന് നി​ഷ്പ്ര​യാ​സം സാ​ധി​ച്ചി​ട്ടു​ണ്ട്.



പെ​ണ്‍​മ​ക്ക​ളു​ള്ള മാ​താ​പി​താ​ക്ക​ൾ​ക്കാ​യി

പെ​ണ്‍​മ​ക്ക​ളു​ള്ള മാ​താ​പി​താ​ക്ക​ളു​ടെ മ​ന​സി​നെ വ്യ​ക്ത​മാ​യി വ​ര​ച്ചി​ടാ​ൻ തി​ര​ക്ക​ഥാ​കൃ​ത്തി​നും സം​വി​ധാ​യ​ക​നും ഇത്തരമൊരു വ​ഴി​യേ സ്വീ​ക​രി​ക്കാ​ൻ ക​ഴി​യൂ. ആ ​വ​ഴി​ത്താ​ര​യിലൂ​ടെ യാ​ത്ര ചെ​യ്യാ​ൻ പ​ല​രു​ടെ​യും മ​ന​സി​ലു​ള്ള ചില വി​ചാ​ര​ങ്ങ​ളെ കൂ​ട്ടു​പി​ടി​ച്ചു​വെ​ന്നു​മാ​ത്രം. ഇ​തൊ​രു ന​വാ​ഗ​ത സം​വി​ധാ​യ​ക​ന്‍റെ സി​നി​മ​യാ​ണെ​ന്നു​ള്ള തോ​ന്ന​ലുണ്ടാകാത്ത ത​ര​ത്തി​ലാ​ണ് ഗി​രീ​ഷ് ദാ​മോ​ദർ അ​ങ്കി​ളി​നെ ആ​വി​ഷ്ക​രി​ച്ചി​രി​ക്കു​ന്ന​ത്. മ​മ്മൂ​ട്ടി അ​വ​ത​രി​പ്പി​ച്ച കൃ​ഷ്ണ കു​മാ​ർ (​കെ​.കെ) എ​ന്ന ക​ഥാ​പാ​ത്ര​ത്തി​നൊ​പ്പം സ​ഞ്ച​രി​ക്കു​ന്പോ​ൾ ന​മ്മ​ളോ​രു​ര​ത്ത​രേ​യും കൂ​ടി സം​വി​ധാ​യ​ക​ൻ അ​ള​ക്കു​ക​യാ​ണ്. കെ.കെ എന്ന വ്യക്തിയെക്കുറിച്ച് എ​ന്തൊ​ക്കെ ക​രു​തി​യോ അ​തി​ലൂ​ടെ ന​മ്മ​ളെത്തന്നെ തി​രി​ച്ച​റി​ഞ്ഞോ​ളൂ എന്ന് സം​വി​ധാ​യ​ക​ൻ പ​റ​യാ​തെ പ​റ​യു​ന്പോ​ൾ ഓരോരുത്തരും ന​മ്മു​ടെ മാ​ന​സി​ക സ​ഞ്ചാ​ര വ​ഴി​ക​ൾ ഒ​ന്നു വി​ല​യി​രു​ത്തു​ന്ന​ത് ന​ന്നാ​വും.



മ​മ്മൂ​ട്ടി​യു​ടെ തി​രി​ച്ചു​വ​ര​വ്

വാ​ക്കി​നേ​ക്കാ​ൾ വി​ശ്വാ​സ്യ​ത​യു​ണ്ടാ​വും ദൃ​ശ്യ​ങ്ങ​ൾ​ക്ക്... ഇ​വി​ടെ വാ​ക്കു​ക​ളും ദൃ​ശ്യ​ങ്ങ​ളും ചേ​ർ​ന്ന് ചി​ല​തെ​ല്ലാം വി​ശ്വ​സി​പ്പി​ക്കു​ക​യാ​ണ്. അ​തി​ന് ചു​ക്കാ​ൻ പി​ടി​ക്കു​ന്ന​താ​ക​ട്ടെ മ​മ്മൂ​ട്ടി​യും. ചി​ല നോ​ട്ട​ങ്ങ​ളി​ലൂ​ടെ, ഭാ​വ​ങ്ങ​ളി​ലൂ​ടെ, പ​റ​ച്ചി​ലു​ക​ളി​ലൂ​ടെ മ​മ്മൂ​ട്ടി ചി​ത്ര​ത്തി​ൽ നി​റ​ഞ്ഞു നി​ൽ​ക്കു​ക​യാ​ണ്. കൃ​ഷ്ണ കു​മാ​റും ശ്രു​തി​യും (​കാ​ർ​ത്തി​ക മു​ര​ളീ​ധ​ര​ൻ) ചേ​ർ​ന്ന് ഉൗ​ട്ടി​യി​ൽ നി​ന്നും കോ​ഴി​ക്കോ​ട്ടേ​ക്ക് യാ​ത്ര തി​രി​ക്കു​ന്ന​തോ​ടെ പ്രേ​ക്ഷ​ക​രും അ​വ​ർ​ക്കൊ​പ്പം സ​ഞ്ച​രി​ച്ച് തു​ട​ങ്ങും. മ​മ്മൂ​ട്ടി​യു​ടെ ഗ്ലാ​മ​ർ പ്രാ​യം കൂ​ടു​ന്തോ​റും കൂ​ടു​ക​യാ​ണെ​ന്ന് പ​റ​യാ​ൻ ജോ​യ് മാ​ത്യു​വി​ന്‍റെ തി​ര​ക്ക​ഥ​യ്ക്ക് ഒ​രു ച​മ്മ​ലു​മി​ല്ലാ​യി​രു​ന്നു. ആ ​ഗ്ലാ​മ​റി​ന് ചി​ല നെ​ഗ​റ്റീ​വ് വ​ശ​ങ്ങ​ൾ കൂ​ടി ചാ​ർ​ത്തിക്കൊടു​ത്ത​പ്പോ​ൾ സംഭവം ജോറായി.



യാ​ത്ര ര​സ​ക​ര​മാ​ണ്..

കാ​ടും മേ​ടും താ​ണ്ടി​യു​ള്ള യാ​ത്ര​യി​ൽ മ​നു​ഷ്യ മ​ന​സി​ൽ വ​സി​ക്കു​ന്ന ചി​ല ചി​ന്ത​ക​ളെ​യും കൂ​ടി കാ​ട്ടി​ത്ത​രാ​ൻ സം​വി​ധാ​യ​ക​ൻ ശ്ര​മി​ക്കു​ന്നു​ണ്ട്. അ​ഴ​ക​പ്പ​ൻ എന്ന കാമറാമാന്‍റെ കണ്ണിലൂടെ വിരിഞ്ഞതത്രയും മനോഹര കാഴ്ചകളായിരുന്നു. പെ​ണ്‍​കു​ട്ടി​ക​ളു​ള്ള അ​ച്ഛന്മാ​രു​ടെ ആ​വ​ലാ​തി​ക​ൾ മുഴുവൻ ഒ​രു ക​ട​ന്ന​ൽകൂ​ട് ഇ​ള​കി​യ​പോ​ലെ ത​ന്‍റെ മു​ഖ​ത്തേ​ക്ക് ആ​വാ​ഹി​ക്കാ​ൻ ജോ​യ് മാ​ത്യു​വി​ന് ക​ഴി​ഞ്ഞിട്ടു​ണ്ട്. അ​തു​കൊ​ണ്ടു ത​ന്നെ ചി​ത്ര​ത്തി​ൽ ഒ​ന്ന​ല്ല, ര​ണ്ട് നാ​യ​കന്മാരു​ണ്ടെ​ന്ന് പ​റ​യേ​ണ്ടി​വ​രും. ചിത്രത്തിൽ മമ്മൂട്ടിക്കൊപ്പമാണ് ജോയ് മാത്യുവും. ഒ​രു വ​ശ​ത്ത് യാ​ത്ര സു​ഗമ​മാ​യി നീ​ങ്ങു​ന്പോ​ൾ മറുവ​ശ​ത്ത് ചി​ന്ത​ക​ളു​ടെ ഭാ​ര​ക്കെ​ട്ടു​മാ​യി ഒ​രു അ​ച്ഛ​ന്‍റെ മ​ന​സ് യാ​ത്ര ചെ​യ്യു​ക​യാ​ണ്. ര​ണ്ടു​ത​രം യാ​ത്ര​ക​ളും ഇ​ന്നി​ന്‍റെ നേ​ർ​കാ​ഴ്ച​ക​ളി​ലേ​ക്ക് വെ​ളി​ച്ചം വീ​ശു​ക​യും ചെ​യ്യു​ന്നു​ണ്ട്.



ഭ​യം ഉ​ള്ളി​ലു​ള്ള നാ​യി​ക

ശ്രു​തി (​കാ​ർ​ത്തി​ക) ഇ​രു​ട്ടി​നെ ഭ​യ​ക്കു​ന്പോ​ൾ... ചി​ല​തി​നോ​ടൊ​ക്കെ പ്ര​തി​ക​രി​ക്കു​ന്പോ​ൾ... പി​ന്നെ പ​ല​തും ചെ​യ്യാ​ൻ ആ​ഗ്ര​ഹി​ക്കു​ന്പോ​ഴുമെല്ലാം ഒ​രു ഭ​യം ഉള്ളിൽ കി​ട​പ്പു​ണ്ട്. സ്ത്രീ​ക​ൾ ഇ​പ്പോ​ഴും നാ​ട്ടി​ൽ സു​ര​ക്ഷി​ത​ര​ല്ലാ​യെ​ന്നു​ള്ള കാ​ര്യ​മാ​ണ് സം​വി​ധാ​യ​ക​ൻ അ​തി​ലൂ​ടെ​യെ​ല്ലാം കാട്ടിത്തരുന്നത്. തു​ട​ക്കം മു​ത​ൽ മു​ഴ​ങ്ങിക്കേൾ​ക്കു​ന്ന പ​ശ്ചാ​ത്ത​ല സം​ഗീ​തം പ്രേ​ക്ഷ​ക​രെ പ​ല ചി​ന്ത​ക​ളി​ലേ​ക്കും വ​ലി​ച്ചി​ടും. പ​ല അ​രു​താ​ത്ത ചി​ന്ത​ക​ളി​ലേ​ക്കും മ​ന​സി​നെ പാ​യി​ക്കു​ന്ന​ത് ആ ​സം​ഗീ​ത​മാ​ണ്. വ​ല്ലാ​ത്തൊ​രു ത​രി​പ്പ് സ​മ്മാ​നി​ച്ച് കൊ​ണ്ടാ​ണ് പ്രേ​ക്ഷ​ക​രു​ടെ മ​ന​സി​ലേ​റി ആ ​സം​ഗീ​തം യാ​ത്ര ചെ​യ്യു​ന്ന​ത്.

അ​മ്മ​യു​ടെ ഉ​ത്ത​ര​വാ​ദി​ത്ത​വും പി​ന്നെ പൊ​ട്ടി​ത്തെ​റി​യു​മെ​ല്ലാം മു​ത്തു​മ​ണി ഭംഗിയായി അവതരിപ്പിച്ചപ്പോൾ ആ​ദ്യ പ​കു​തി​യി​ലും ര​ണ്ടാം പ​കു​തി​യി​ലു​മാ​യി ഒ​രു സ്ത്രീ​യു​ടെ ര​ണ്ടു മു​ഖ​ങ്ങ​ൾ പ്രേ​ക്ഷ​ക​ർ​ക്ക് കാ​ണാ​ൻ സാ​ധി​ക്കും. ആ​ദ്യ പ​കു​തി​യി​ലെ കാ​ഴ്ച​ക​ൾ പ്രേ​ക്ഷ​ക​രു​ടെ മാ​ന​സി​ക നി​ല​വാ​രം അ​ള​ക്കാ​നു​ള്ള​താ​ണെ​ങ്കി​ൽ ര​ണ്ടാം പ​കു​തി​യി​ൽ കാ​ണാ​ൻ ക​ഴി​യു​ക ഇ​ന്നു സ​മൂ​ഹ​ത്തി​ൽ വി​ള​യാ​ടിക്കൊണ്ടി​രി​ക്കു​ന്ന വി​പ​ത്തി​ന്‍റെ നേ​ർസാ​ക്ഷ്യ​​മാ​ണ്. ഈ ​അ​ങ്കി​ൾ ചി​ല​തൊ​ക്കെ പ​റ​യു​ന്നു​ണ്ട്... ചെ​യ്യു​ന്നു​ണ്ട്... അ​തൊ​ക്കെ ത​ന്നെ ഈ ​കാ​ല​ഘ​ട്ട​ത്തി​ന്‍റെ ആ​വ​ശ്യ​ക​തയും കൂ​ടി​യാ​ണ്.

(തി​ര​ക്ക​ഥ കൊ​ള്ളാം, ആ​വി​ഷ്ക​ര​ണ​വും. മമ്മൂട്ടിയുടെ അഭിനയത്തെക്കുറിച്ച് ഇനി എന്ത് പറയാൻ)

വി.​ശ്രീ​കാ​ന്ത്
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.



Copyright @ 2022 , Rashtra Deepika Ltd.