Cinema
പ്രണയച്ചിറകിലേറി "വിമാനം'
Saturday, December 23, 2017 1:22 AM IST
പ്ര​ണ​യ​ ചി​റ​കി​ലേ​റി ത​ന്‍റെ സ്വ​പ്നം കൈയെത്തിപ്പിടി​ക്കാ​ൻ വെ​ങ്കി​ടി ന​ട​ത്തു​ന്ന ശ്ര​മം യു​വ സം​വി​ധാ​യ​ക​ൻ പ്ര​ദീ​പ് എം. ​നാ​യ​ർ ഏ​ച്ചു​കെ​ട്ട​ലു​ക​ളി​ല്ലാ​തെ ആ​വി​ഷ്ക​രി​ച്ചി​ട്ടു​ണ്ട്. ഉ​യ​ര​ങ്ങ​ൾ കീ​ഴ​ട​ക്കാ​ൻ വെ​ങ്കി​ടി​യു​ടെ ആ ​ചി​രി ധാ​രാ​ളം മ​തി​യാ​യി​രു​ന്നു. ഉൗ​ർ​ജം പ​ക​രാ​ൻ മ​റു​ചി​രി​യു​മാ​യി ജാ​ന​കി​യും കൂ​ടെ കൂ​ടി​യ​തോ​ടെ ആ ​ക​ഥ​യ്ക്ക് ചി​റ​കു മു​ള​യ്ക്കാ​ൻ തു​ട​ങ്ങി. നാ​ട്ടി​ൻ​പു​റ​ത്തു നി​ന്നും ആ ​വി​മാ​നം ഉ​യ​ർ​ന്നു പൊ​ങ്ങു​ന്ന കാ​ഴ്ച മു​ഷിപ്പി​ന്‍റെ അം​ശം ലേ​ശം പോ​ലും ക​ല​രാ​തെ​യാ​ണ് സം​വി​ധാ​യ​ക​ൻ സ്ക്രീ​നി​ലേ​ക്ക് പ​റി​ച്ചുന​ട്ട​ത്. വേ​ഗ​ക്കൂ​ടൂ​ത​ൽ ഇ​ല്ലാ​തെ ത​ന്നെ കു​ടും​ബപ്രേ​ക്ഷ​ക​രെ പി​ടി​ച്ചി​രു​ത്താ​നു​ള്ള എ​ല്ലാ​വി​ധ ചേ​രു​വ​ക​ളും വി​മാ​ന​ത്തി​ൽ ക​യ​റ്റാ​ൻ പൃ​ഥ്വി​രാ​ജും കൂ​ട്ട​രും മ​റ​ന്നി​ട്ടി​ല്ല. അ​ടി​ച്ചു​പൊ​ളി ഗാ​ന​ങ്ങ​ളോ ഇ​ടി​വെ​ട്ട് ആ​ക്ഷ​ൻ രം​ഗ​ങ്ങ​ളോ ട്വി​സ്റ്റു​ക​ളു​ടെ പ്ര​ള​യ​മോ ഒ​ന്നു​മി​ല്ലാ​ത്ത അ​ച്ച​ട​ക്ക​മു​ള്ള ചി​ത്ര​മാ​ണ് "വി​മാ​നം'. കാ​ന്പു​ള്ള ക​ഥ​യെ കൈ​വി​ടാ​തെ കൂ​ടെ നി​ർ​ത്തി അ​തു തന്‍റേതാ​ക്കി മാ​റ്റാ​നു​ള്ള പൃ​ഥ്വി​രാ​ജ് മാ​ജി​ക് വി​മാ​ന​ത്തി​ലും കാ​ണാ​ൻ സാ​ധി​ക്കും.




ശാ​രീ​രി​ക വൈ​ക​ല്യ​ത്തെ മ​റി​ക​ട​ന്ന് തൊ​ടുപു​ഴക്കാ​ര​ൻ സ​ജി സ്വ​ന്ത​മാ​യി രൂ​പ​ക​ല്പ​ന ചെ​യ്ത് പ​റ​ത്തി​യ വി​മാ​നം പ​ല​ർ​ക്കും പ്ര​ചോ​ദ​നം ന​ൽ​കു​ന്ന ഒ​ന്നാ​യി​രു​ന്നു. ആ ​ക​ഥ​യു​ടെ ഉ​ൾ​വി​ളി​യി​ൽ നി​ന്നാ​ണ് വി​മാ​നം എ​ന്ന സി​നി​മ​യ്ക്ക് ജീ​വ​ൻവ​യ്ക്കു​ന്ന​ത്.​യ​ഥാ​ർ​ഥ സം​ഭ​വ​ങ്ങ​ളെ ചേ​ർ​ത്തു​വയ്ക്കു​ന്പോ​ൾ ന​ന്നേ ശ്ര​ദ്ധി​ച്ചി​ല്ലെ​ങ്കി​ൽ പാ​ളി​പ്പോ​കാ​നു​ള്ള സാ​ധ്യ​ത​ക​ൾ കൂ​ടു​ത​ലാ​ണ്. പ​ക്ഷേ, ഇ​വി​ടെ സം​വി​ധാ​യ​ക​ൻ പ​തി​വ് ചേ​രു​വ​ക​ളെ കൂ​ട്ടു​പി​ടി​ച്ച് ആ​വി​ഷ്ക​ര​ണ​ത്തി​ൽ പു​തു​മ​ക​ൾ കൊ​ണ്ടു​വ​രാ​നാ​ണ് ശ്ര​മി​ച്ചി​രി​ക്കു​ന്ന​ത്. സ​ജി വെ​ങ്കി​ടി​യാ​യി സി​നി​മ​യി​ലെ​ത്തി​യ​പ്പോ​ൾ ആ ​ക​ഥാ​പാ​ത്ര​ത്തി​ന് ജീ​വ​ൻ ന​ൽ​കി​യ​താ​ക​ട്ടെ പൃ​ഥ്വി​രാ​ജും.



പ​ത്മ​ഭൂ​ഷ​ണ്‍ പു​ര​സ്കാ​രം നേ​ടി​യ പ്ര​ഫ. വെ​ങ്കി​ടേ​ശ്വ​ര​ന്‍റെ കു​ട്ടി​ക്കാ​ല​വും യൗ​വ​ന കാ​ല​ഘ​ട്ട​വു​മെ​ല്ലാം ഓ​ർ​മ​ക​ളു​ടെ ചി​റ​കി​ലേ​റി ചി​ത്ര​ത്തി​ലേ​ക്ക് ക​ട​ന്നുവ​രു​ന്പോ​ൾ ആ ​കാ​ഴ്ച​ക​ൾ​ക്ക് വേ​ഗം പോ​ര​ല്ലോ​യെ​ന്ന് ആ​ദ്യം തോ​ന്നി​യേ​ക്കാം. പ​ക്ഷേ, ക​ഥ​യി​ലേ​ക്ക് ഇ​റ​ങ്ങി ഒ​പ്പം സ​ഞ്ച​രി​ച്ചു തു​ട​ങ്ങു​ന്പോ​ൾ അ​തി​വേ​ഗ​ത്തി​ന്‍റെ ആ​വ​ശ്യ​ക​ത​യെ പ​റ്റി ചി​ന്തി​ക്കാ​ൻ സ​മ​യം കി​ട്ടി​ല്ല.

കേ​ൾ​വി​ക്കു​റ​വു​ള്ള വെ​ങ്കി​ടി​യു​ടെ വി​മാ​നം പ​റ​ത്താ​നു​ള്ള ആ​ഗ്ര​ഹം കു​ഞ്ഞു​നാ​ൾ മു​ത​ൽ കൂ​ടെ കൂ​ടി​യ​താ​ണ്. ജാ​ന​കി​യോ​ടു​ള്ള (ദു​ർ​ഗ ല​ക്ഷ്മി) ​പ്ര​ണ​യം കൂ​ടി ഒ​രേ സ​മ​യം മ​ന​സി​ൽ ക​യ​റു​ന്ന​തോ​ടെ ചി​ത്ര​ത്തി​ന് പ്ര​ണ​യ​വ​ർ​ണം കൂ​ടി കൈ​വ​രു​ക​യാ​യി​രു​ന്നു. തു​ട​ക്ക​കാ​രി​യു​ടെ ഒ​രു ചാ​ഞ്ച​ല്യ​വു​മി​ല്ലാ​തെ​യാ​ണ് ദു​ർ​ഗ ജാ​ന​കി​യാ​യി നി​റ​ഞ്ഞാ​ടി​യ​ത്. ക​ണ്ടുപരിചയിച്ച പ്ര​ണ​യ​ക​ഥ​ക​ളെ ഓ​ർ​മ​പ്പെ​ടു​ത്തു​ന്നു​ണ്ടെ​ങ്കി​ലും ക്ലീ​ഷേയാകാതിരിക്കാൻ സം​വി​ധാ​യ​ക​ൻ ആ​വു​ന്ന​ത്ര ശ്ര​മി​ച്ചി​ട്ടു​ണ്ട്.



ഗ്രാ​മ​ന്ത​രീ​ക്ഷ​മ​ല്ലേ എ​ന്നാ​ൽ പി​ന്നെ നി​ഷ്ക​ള​ങ്ക​ത​യെു​ടെ പ്ര​തി​രൂ​പ​ങ്ങ​ളാ​യി കു​റ​ച്ച് ആ​ൾ​ക്കാ​രെ ചു​മ്മാ എ​ടു​ത്തി​ടു​ന്ന പ​തി​വ് രീ​തിക​ളെ സം​വി​ധാ​യ​ക​ൻ ഇ​വി​ടെ മാ​റ്റിമ​റി​ക്കു​ന്നു​ണ്ട്. വെ​ങ്കി​ടി​യു​ടെ കൂ​ട്ടു​കാ​രാ​ക​ട്ടെ, നാ​ട്ടു​കാ​രാ​ക​ട്ടെ.. എ​ല്ലാ​വ​രും ചി​ത്ര​ത്തോ​ട് ചേ​ർ​ന്നുനി​ൽ​ക്കു​ന്ന​വ​ർ ത​ന്നെ. വെ​ങ്കി​ടി​യു​ടെ സ്വ​പ്ന​ത്തെ ജാ​ന​കി​യു​ടെ ജീ​വി​ത​ത്തോ​ട് ഇ​ഴ​പി​രി​യാ​തെ ചേ​ർ​ത്തു നി​ർ​ത്താ​ൻ തി​ര​ക്ക​ഥാ​കൃ​ത്ത് കൂ​ടി​യാ​യ സം​വി​ധാ​യ​ക​ന് സാ​ധി​ച്ചിട്ടു​ണ്ട്. അ​വ​ർ​ക്കി​ട​യി​ലു​ണ്ടാ​കു​ന്ന പ്ര​ണ​യ സം​ഘ​ർ​ഷ​ങ്ങ​ളു​ടെ തീ​വ്ര​ത വേ​ണ്ടു​വോ​ളം ചി​ത്ര​ത്തി​ൽ പ​ക​ർ​ത്തി​യി​ട്ടു​മു​ണ്ട്. നാ​യ​ക​ന് ഒ​രു വി​ല്ല​ൻ വേ​ണ​മെ​ന്നു​ള്ള പ​തി​വ് രീ​തി വി​മാ​ന​ത്തി​ലും മു​റ​ തെ​റ്റാ​തെ ക​യ​റി വ​രു​ന്നു​ണ്ട്. സു​ധീ​ർ ക​ര​മ​ന, അ​ല​ൻ​സി​യ​ർ എ​ന്നി​വ​ർ ക​രു​ത്തു​ള്ള ക​ഥാ​പാ​ത്ര​ത്തി​ന്‍റെ വീ​ര്യം ഒ​ട്ടും ചോ​രാ​തെ ത​ന്നെ ചി​ത്ര​ത്തി​ൽ പ​ക​ർ​ന്നാ​ടി​യ​പ്പോ​ൾ വി​മാ​ന​ത്തി​ന് ന​ല്ലൊ​രു ച​ന്തം കൈ​വ​ന്നു.



ആ​ദ്യ പ​കു​തി​യി​ലെ ഗ്രാ​മീ​ണ കാ​ഴ്ച​ക​ൾ​ക്ക് ശാ​ന്ത​ത​യു​ടെ രൂ​പ​മാ​യി​രു​ന്നെ​ങ്കി​ൽ ര​ണ്ടാം പ​കു​തി​യി​ൽ അ​ത് പ​തി​യെ സം​ഘ​ർ​ഷാ​ന്ത​രീ​ക്ഷ​ത്തി​ലേ​ക്ക് ക​ട​ക്കു​കയാണ്. വി​ഷ്ണു ഗോ​വി​ന്ദ​ൻ പ​തി​വ് കോ​മ​ഡി ട്രാ​ക്കി​ൽ നി​ന്നു വി​ട്ട് ത​നി നാ​ട്ടി​ൻ​പു​റ​ത്തു​കാ​ര​നാ​യി വെ​ങ്കി​ടി​ക്കൊ​പ്പം കൂ​ടി​യ​പ്പോ​ൾ വ​ല്ലാ​ത്തൊ​രു മാ​റ്റം. ആ ​മാ​റ്റ​മാ​ണ് ഒ​രു ന​ട​നെ ന​ല്ല ന​ട​നാ​ക്കി മാ​റ്റു​ന്ന​ത്. സ്വ​പ്ന​ങ്ങ​ൾ​ക്ക് ന​ഷ്ട​ങ്ങ​ളു​ടെ ക​ഥ കൂ​ടി പ​റ​യാ​ൻ കാ​ണും. ആ ​ക​ഥ പ​റ​ഞ്ഞ​പ്പോ​ൾ അ​തി​നി​ണ​ങ്ങും വി​ധ​മു​ള്ള പ​ശ്ചാ​ത്ത​ല സം​ഗീ​തം ത​ന്നെ​യാ​ണ് ന​ല്ലൊ​ഴു​ക്കി​ന്‍റെ താ​ള​ത്തി​ൽ ഗോ​പി​സു​ന്ദ​ർ ക​യ​റ്റി വി​ട്ടി​രി​ക്കു​ന്ന​ത്. ഷ​ഹ്നാ​ദ് ജ​ലീ​ലി​ന്‍റെ കാ​മ​റ ക​ണ്ണു​ക​ളാ​ണ് ചി​ത്ര​ത്തി​ന് പു​തു​മ​ക​ളു​ടെ വ​സ​ന്തം തീ​ർ​ത്തു ന​ല്കി​യ​ത്. ആ ​പു​തു​ക്കാ​ഴ്ച​ക​ൾ ത​ന്നെ​യാ​ണ് ചി​ത്ര​ത്തി​ന്‍റെ പ്ല​സ് പോ​യി​ന്‍റും.

ര​ണ്ടു ഗെ​റ്റ​പ്പു​ക​ളി​ലെ​ത്തി ഞെ​ട്ടി​ക്കാ​നൊ​ന്നും പൃ​ഥ്വി​ക്ക് ക​ഴി​ഞ്ഞി​ല്ലെ​ങ്കി​ലും തന്‍റേതാ​യ ശൈ​ലി​യി​ൽ ജീ​വി​ത​ഗ​ന്ധി​യാ​യ ക​ഥ​യ്ക്ക് ജീ​വ​ൻ ന​ല്കാ​ൻ താ​ര​ത്തി​നാ​യി​ട്ടു​ണ്ട്. ഉ​യ​ര​ങ്ങ​ൾ കീ​ഴ​ട​ക്കാ​ൻ ആ​ഗ്ര​ഹി​ക്കു​ന്ന ഏ​തൊ​രാ​ൾ​ക്കും ഈ ​വി​മാ​നം പ്ര​ചോ​ദ​നം ത​ന്നെ​യാ​ണ്. ക​ണ്ടി​രി​ക്കാം ശാ​ന്ത​ത​യോ​ടെ ക​ണ്ടി​റ​ങ്ങാം സ്വ​പ്ന​ങ്ങ​ളു​ടെ കൂ​ടാ​രം മ​ന​സി​ൽ പ​ണി​തു​യ​ർ​ത്തി.

(പൃ​ഥ്വി​യു​ടെ താ​രപ്ര​ഭ​യേ​ക്കാ​ൾ സം​വി​ധാ​യ​ക​ന്‍റെ കൈ​യ​ട​ക്ക​മു​ള്ള ക​ഥ​പ​റ​ച്ചി​ലാ​ണ് ശോ​ഭി​ച്ച​ത്.)

വി.​ശ്രീ​കാ​ന്ത്
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.



Copyright @ 2022 , Rashtra Deepika Ltd.