Cinema
തോ​ർ​ത്തി​നു​ശേ​ഷം നീ​ലി​യു​മാ​യി അ​ൽ​ത്താ​ഫ് റ​ഹ്‌മാ​ൻ
Thursday, August 2, 2018 4:47 PM IST
തോ​ർ​ത്ത് എ​ന്ന വൈ​റ​ൽ ഷോ​ർ​ട്ട് ഫി​ലി​മി​ലൂ​ടെ അം​ഗീ​കാ​രം നേ​ടി​യ യു​വ​സം​വി​ധാ​യ​ക​ൻ അ​ൽ​ത്താ​ഫ് റ​ഹ്‌മാ​ൻ സ്വ​ത​ന്ത്ര സം​വി​ധാ​യ​ക​നാ​കു​ന്ന ആ​ദ്യ​ചി​ത്ര​മാ​ണ് മം​മ്ത മോ​ഹ​ൻ​ദാ​സ് കേ​ന്ദ്ര​ക​ഥാ​പാ​ത്ര​ത്തെ അ​വ​ത​രി​പ്പി​ക്കു​ന്ന നീ​ലി. ഹൊ​റ​ർ ഹ്യൂ​മ​ർ ത്രി​ല്ല​ർ ഗ​ണ​ത്തി​ലു​ൾ​പ്പെ​ടു​ത്താ​വു​ന്ന ഒ​രു സി​നി​മ എ​ന്ന​തി​ലു​പ​രി ഒ​ര​മ്മ -മ​ക​ൾ റി​ലേ​ഷ​ൻ​ഷി​പ്പി​ന്‍റെ ക​ഥ​കൂ​ടി​യാ​ണ് നീ​ലി. ബേ​ബി മി​യ, അ​നൂ​പ് മോ​നോ​ൻ, മ​റിമായം ശ്രീ​കു​മാ​ർ, ബാ​ബു​രാ​ജ് എ​ന്നി​വ​രാ​ണ് മ​റ്റു പ്ര​ധാ​ന വേ​ഷ​ങ്ങ​ളി​ൽ. ശ​ര​ത് -ഹ​രി​നാ​രാ​യ​ണ​ൻ ടീ​മി​ന്‍റെ അ​തി​മ​നോ​ഹ​ര ഗാ​ന​ങ്ങ​ളാ​ണ് നീ​ലി​യു​ടെ ഹൈ​ലൈ​റ്റു​ക​ളി​ലൊ​ന്ന്.

ചെ​റി​യൊ​രി​ട​വേ​ള​യ്ക്കു​ശേ​ഷം ബോം​ബെ ജ​യ​ശ്രീ വീ​ണ്ടും മ​ല​യാ​ള​ത്തി​ൽ പാ​ടി​യ എ​ന്ന​ൻ​പേ...​എ​ന്ന ഗാ​നം ഇ​തി​നൊ​ട​കം ത​ന്നെ ഹി​റ്റാ​ണ്. സ​ണ്‍ ആ​ഡ്സ് ആ​ൻ​ഡ് ഫി​ലിം പ്രൊ​ഡ​ക്‌ഷ​ൻ​സി​ന്‍റെ ബാ​ന​റി​ൽ ഡോ.​ സു​ന്ദ​ർ മേ​നോ​ൻ നി​ർ​മി​ച്ച നീ​ലി​യു​ടെ ര​ച​ന നി​ർ​വ​ഹി​ച്ച​ത് സ​പ്ത​മ​ശ്രീ ത​സ്ക​ര​യു​ടെ ര​ച​യി​താ​ക്ക​ളാ​യ റി​യാ​സ് മാ​റാ​ത്ത്, മു​നീ​ർ മു​ഹ​മ്മ​ദുണ്ണി എ​ന്നി​വ​രാ​ണ്. ബ്യൂ​ട്ടി​ഫു​ൾ മി​സ്റ്റ​റി - നീ​ലി​യു​ടെ മേ​ക്കിം​ഗ് വി​ശേ​ഷ​ങ്ങ​ൾ പ​ങ്കു​വ​യ്ക്കു​ക​യാ​ണ് സം​വി​ധാ​യ​ക​ൻ അ​ൽ​ത്താ​ഫ് റ​ഹ്‌മാ​ൻ...



സി​നി​മ​യി​ലേ​ക്കു​ള്ള വ​ഴി..

സ്കൂ​ൾ കോ​ള​ജ് കാ​ല​ഘ​ട്ട​ങ്ങ​ളി​ൽ തു​ട​ങ്ങി​യ​താ​ണ് സി​നി​മ​യോ​ടു​ള്ള ക്രേ​സ്. അ​ക്കാ​ല​ത്ത് ഒ​പ്പ​ന, കോ​ൽ​ക്ക​ളി, നാ​ട​കം എ​ന്നി​വ​യി​ലൊ​ക്കെ പ​ങ്കെ​ടു​ത്തി​രു​ന്നു. തി​രു​വ​ന​ന്ത​പു​ര​ത്ത് മെ​രി​ലാ​ൻ​ഡ് സ്റ്റു​ഡി​യോ​യ്ക്കു സ​മീ​പ​മാ​ണു വീ​ട്. മെ​രി​ലാ​ൻ​ഡി​ൽ ഷൂ​ട്ടിം​ഗ് ഉ​ണ്ടെ​ന്ന​റി​ഞ്ഞാ​ൽ സ്കൂ​ളി​ൽ പോ​യി​ല്ലെ​ങ്കി​ലും ഷൂ​ട്ടു കാ​ണാ​ൻ പോ​യി​രു​ന്നു. പ​ഠി​ത്ത​ത്തേ​ക്കാ​ൾ ഉ​പ​രി സി​നി​മ ത​ന്നെ​യാ​യി​രു​ന്നു തു​ട​ർ​ന്നും മ​ന​സി​ൽ. പ്ല​സ് ടു ​എ​ന്ന സി​നി​മ സം​വി​ധാ​നം ചെ​യ്ത ഷെ​ബി ചാ​വ​ക്കാ​ടി​നൊ​പ്പം ആ ​സി​നി​മ​യു​ടെ ഭാ​ഗ​മാ​യി നി​ൽ​ക്കാ​ൻ അ​വ​സ​ര​മു​ണ്ടാ​യി.

വ്യാ​സ​ൻ എ​ട​വ​ന​ക്കാ​ടി​ന്‍റെ സ്ക്രി​പ്റ്റി​ൽ ബി​ബി​ൻ പ്ര​ഭാ​ക​ർ സാ​ർ സം​വി​ധാ​നം ചെ​യ്ത ദി ​മെ​ട്രോ​യി​ലാ​ണ് പി​ന്നീ​ടു വ​ർ​ക്ക് ചെ​യ്ത​ത്. മ​ല​ർ​വാ​ടി​ക്കു​ശേ​ഷം നി​വി​ൻ പോ​ളി ചെ​യ്ത പ​ടം. അ​തി​നു​ശേ​ഷം മ​ധു​പാ​ൽ സാ​റി​നൊ​പ്പം ഒ​ഴി​മു​റി. പി​ന്നീ​ടു ബ​ണ്ടി​ചോ​ർ മുതൽ അ​സോസിയേറ്റായി. അ​തി​ന്‍റെ റൈ​റ്റ​റി​ൽ നി​ന്നു കി​ട്ടി​യ കോ​ണ്‍​സ​പ്റ്റ് വി​പു​ല​പ്പെ​ടു​ത്തി​യാ​ണ് ഞാ​ൻ തോ​ർ​ത്ത് എ​ന്ന ഷോ​ർ​ട്ട് ഫി​ലിം സം​വി​ധാ​നം ചെ​യ്ത​ത്. അ​തു വൈ​റ​ലാ​യി. ഫെ​ഫ്ക​യു​ടെ ആ​ദ​രം സ്വീ​ക​രി​ക്കു​ന്ന​തി​നും തോ​ർ​ത്ത് വ​ഴി​യാ​യി.

ഫെ​ഫ്ക​യു​ടെ ആ​ദ​രി​ക്ക​ൽ ച​ട​ങ്ങി​ൽ എ​നി​ക്കു സ​മ്മാ​നം ത​ന്ന​തു മ​മ്മൂ​ക്ക ആ​യി​രു​ന്നു. അ​തി​ലൂ​ടെ​യാ​ണ് എ​നി​ക്കു ജോ​ഷി​സാ​ർ, ക​മ​ൽ സാ​ർ എ​ന്നി​വ​ർ​ക്കൊ​പ്പം വ​ർ​ക്ക് ചെ​യ്യാ​നാ​യ​ത്. അ​തു​ക​ഴി​ഞ്ഞു സ്വ​ത​ന്ത്ര സം​വി​ധാ​യ​ക​നാ​കാ​നു​ള്ള ശ്ര​മ​ങ്ങ​ളി​ലാ​യി​രു​ന്നു. സി​നി​മ​യി​ൽ വ​ന്നി​ട്ടു 10 വ​ർ​ഷ​മാ​കാ​ൻ പോ​കു​ന്നെ​ങ്കി​ലും അ​തി​നു മു​ന്പ് സി​നി​മ​യെ​ന്ന ഈ ​മ​തി​ൽ​ക്കെ​ട്ടി​നു​ള്ളി​ലേ​ക്കു ചാ​ടാ​നെ​ടു​ത്ത​ത് അ​ഞ്ചു വ​ർ​ഷ​മാ​ണ്.



നീ​ലി​യി​ലേ​ക്ക് എ​ത്തി​യ​ത്.....

ഞാ​ൻ അ​വ​സാ​നം അ​സോ​സി​യേ​റ്റാ​യി വ​ർ​ക്ക് ചെ​യ്ത​ത് ക​മ​ൽ സാ​റി​ന്‍റെ ആ​മി​യി​ലാ​ണ്. എ​ന്‍റെ പ​ത്താ​മ​ത്തെ സി​നി​മ​യാ​ണ​ത്. ക​മ​ൽ സാ​റി​ന്‍റെ അ​സി​സ്റ്റ​ന്‍റാ​യി വ​ർ​ക്ക് ചെ​യ്ത ത​ൻ​സീ​ർ എ​ന്‍റെ​യും തി​ര​ക്ക​ഥാ​കൃ​ത്ത് റി​യാ​സി​ന്‍റെ​യും മ്യൂ​ച്വ​ൽ ഫ്ര​ണ്ടാ​ണ്. റി​യാ​സ് മാ​റാ​ത്ത്, മു​നീ​ർ മു​ഹ​മ്മ​ദു​ണ്ണി എ​ന്നി​വ​ർ സ്ക്രി​പ്റ്റൊ​രു​ക്കി​യ സ​പ്ത​മ​ശ്രീ ത​സ്ക​ര എ​നി​ക്ക് ഏ​റെ ഇ​ഷ്ട​പ്പെ​ട്ട സി​നി​മ​യു​മാ​ണ്. അ​ത്ത​രം ജോ​ണ​റു​ക​ളി​ലു​ള്ള സി​നി​മ​ക​ളോ​ടാ​ണ് എ​നി​ക്കു താ​ത്പ​ര്യം. ഇ​വ​രു​ടെ സ്ക്രി​പ്റ്റി​ൽ ഒ​രു സി​നി​മ ചെ​യ്യ​ണ​മെ​ന്ന ആ​ഗ്ര​ഹ​മു​ണ്ടാ​യി​രു​ന്നു. ഇ​ക്കാ​ര്യം ഞാ​ൻ മു​ന്പു ത​ൻ​സീ​റു​മാ​യി പ​ങ്കു​വ​ച്ചി​രു​ന്നു.

ത​ൻ​സീ​ർ വ​ഴി ര​ണ്ടു മു​ന്നു വ​ർ​ഷം മു​ന്പ് ഞാ​ൻ റി​യാ​സി​നെ പ​രി​ച​യ​പ്പെ​ട്ടി​രു​ന്നു. റി​യാ​സി​ന്‍റെ കൈ​യി​ൽ ഒ​രു സ്ക്രി​പ്റ്റു​ണ്ടെ​ന്നും അ​ത് എ​നി​ക്കു പ​റ്റി​യ​താ​ണെ​ന്നും ആ​മി​യു​ടെ പ്രീ​പ്രൊ​ഡ​ക്‌ഷ​ൻ ന​ട​ക്കു​ന്ന​തി​നി​ടെ ത​ൻ​സീ​ർ വി​ളി​ച്ചു​പ​റ​ഞ്ഞു. തി​രു​വ​ന്ത​പു​ര​ത്തു​വ​ച്ച് ഞ​ങ്ങ​ൾ നേ​രി​ൽ​ക്ക​ണ്ടു. സി​നി​മ കാ​ണു​ന്ന ഒ​രു ഫീ​ൽ കി​ട്ടും​വി​ധ​മാ​ണ് റി​യാ​സ് ക​ഥ പ​റ​ഞ്ഞ​ത്. തു​ട​ർ​ന്നു സ്ക്രി​പ്റ്റ് വാ​യി​ച്ചു. സ്ക്രി​പ്റ്റ് എ​നി​ക്കി​ഷ്ട​മാ​യി. അ​ങ്ങ​നെ​യാ​ണ് നീ​ലി​യു​ടെ തു​ട​ക്കം. റി​യാ​സും മു​നീ​റു​മാ​ണ് നീ​ലി​യു​ടെ ക​ഥ. തി​ര​ക്ക​ഥ, സം​ഭാ​ഷ​ണം.



നീ​ലി​യും ക​ള്ളി​യ​ങ്കാ​ട്ട് നീ​ലി​യും ത​മ്മി​ൽ എ​ന്താ​ണു ബ​ന്ധം...‍?

ജ​ഗ​തി എ​ൻ.​കെ. ആ​ചാ​രി​യു​ടെ ക​ള്ളി​യ​ങ്കാ​ട്ടു​നീ​ലി എ​ന്ന നോ​വ​ലി​നെ അ​ധി​ക​രി​ച്ച് കൃ​ഷ്ണ​ൻ​നാ​യ​ർ സാ​ർ അ​തേ​പേ​രി​ൽ ഒ​രു സി​നി​മ ചെ​യ്തി​രു​ന്നു. മ​ധു സാ​റും ജ​യ​ഭാ​ര​തി​യ​മ്മ​യു​മൊ​ക്കെ അ​ഭി​ന​യി​ച്ച ചി​ത്രം. ആ​ര​വം മ​ണി​സാ​ർ പ്രൊ​ഡ്യൂ​സ് ചെ​യ്ത പ​ടം. ന​മ്മു​ടെ നീ​ലി​ക്ക് ആ ​പ​ട​വു​മാ​യി യാ​തൊ​രു ബ​ന്ധ​വു​മി​ല്ല. അ​തി​ൽ നി​ന്നു നീ​ലി എ​ന്ന ടൈ​റ്റി​ൽ മാ​ത്ര​മേ എ​ടു​ത്തി​ട്ടു​ള്ളൂ. ന​മ്മു​ടെ ക​ഥ സം​ഭ​വി​ക്കു​ന്ന​ത് ക​ള്ളി​യ​ങ്കാ​ട് എ​ന്ന ഗ്രാ​മ​ത്തി​ലാ​ണ്.



നീ​ലി​യു​ടെ ക​ഥാ​പ​ശ്ചാ​ത്ത​ലം...

പ​ട്ട​ണ​ത്തി​ലെ ജീ​വി​തം മ​തി​യാ​ക്കി ക​ള്ളി​യ​ങ്കാ​ട് എ​ന്ന ഗ്രാ​മ​ത്തി​ൽ അ​മ്മൂ​മ്മ​യ്ക്കൊ​പ്പം താ​മ​സി​ക്കാ​നെ​ത്തു​ക​യാ​ണ് മം​മ്ത അ​വ​ത​രി​പ്പി​ക്കു​ന്ന സ്പീ​ച്ച് തെ​റാ​പ്പി​സ്റ്റാ​യ ല​ക്ഷ്മി എ​ന്ന അ​മ്മ​യും ബേ​ബി മി​യ അ​വ​ത​രി​പ്പി​ക്കു​ന്ന അ​വ​രു​ടെ മ​ക​ളും. ആ​റു വ​യ​സു​ള്ള ഒ​രു മ​ക​ളും അ​വ​ളു​ടെ അ​മ്മ​യും ത​മ്മി​ലു​ള്ള റി​ലേ​ഷ​ൻ പ​റ​യു​ന്ന പ​ശ്ചാ​ത്ത​ല​മാ​ണ് നീ​ലി എ​ന്ന സി​നി​മ​യു​ടെ പ്ര​ത്യേ​ക​ത. അ​വി​ടെ​വ​ച്ച് ഒ​രു സം​ഭ​വ​മു​ണ്ടാ​കു​ന്നു. ആ ​പ​ശ്ചാ​ത്ത​ല​ത്തി​ലേ​ക്ക് ആ​ദ്യം വ​ന്നു​ചേ​രു​ന്ന​ത് അ​നൂ​പ്മേ​നോ​ൻ അ​വ​ത​രി​പ്പി​ക്കു​ന്ന പാ​രാ​നോ​ർ​മ​ൽ ഇ​ൻ​വെ​സ്റ്റി​ഗേ​റ്റ​ർ റെ​നി ജോ​യ്. റെ​നി​യു​ടെ സു​ഹൃ​ത്താ​യ വൈ​ൽ​ഡ് ലൈ​ഫ് ഫോ​ട്ടോ​ഗ്ര​ഫ​ർ ഭാ​നു​വാ​യി വേ​ഷ​മി​ടു​ന്ന​തു സി​നി​ൽ സൈ​നു​ദ്ദീ​ൻ. ഇ​രു​വ​രും ക​ള്ളി​യ​ങ്കാ​ട്ടു​ള്ള സു​ഹൃ​ത്തു​ക്ക​ളാ​ണ്.



ലോ​ക്ക​ൽ ക​ള്ളന്മാ​രാ​യ ജ​ലാ​ൽ, പ്ര​ഭാ​ക​ര​ൻ എ​ന്നി​വ​രാ​യി വേ​ഷ​മി​ടു​ന്ന​ത് മ​റി​മാ​യം ശ്രീ​കു​മാ​റും ബാ​ബു​രാ​ജും. പ്ര​ഭാ​ക​ര​നും ജ​ലാ​ലും ആ​ശാ​നും ശി​ഷ്യ​നു​മാ​യ ര​ണ്ടു ക​ള്ളന്മാരാ​ണ്. ആ​ശാ​നാ​യ പ്ര​ഭാ​ക​ര​നെ പ​ത്തി​ന​ടു​ത്തു ക​ള്ളന്മാരി​ൽ നി​ന്ന് ഒ​രു ഇ​ന്‍റ​ർ​വ്യൂ​വി​ലൂ​ടെ​യാ​ണ് ബെ​സ്റ്റ് ക​ള്ള​നാ​യി തെ​ര​ഞ്ഞെ​ടു​ക്കു​ന്ന​ത്. പ്ര​ഭാ​ക​ര​ൻ എ​ന്ന ക​ഥാ​പാ​ത്രം മു​ഴു​നീ​ളെ ഹ്യൂ​മ​റാ​ണ്. ഒ​രു ബ​ന്ധ​വു​മി​ല്ലാ​ത്ത ഈ ​മൂ​ന്നു ടീ​മു​ക​ൾ ഒ​രു പ്ര​ത്യേ​ക ദൗ​ത്യ​ത്തി​നാ​യി ഒ​രു​മി​ക്കു​ന്ന​തും അ​വ​രു​ടെ കൂ​ട്ടാ​യ്മ ആ ​ല​ക്ഷ്യം നി​റ​വേ​റ്റു​ന്ന​തു​മാ​ണ് ന​മ്മു​ടെ സി​നി​മ.



യ​ക്ഷി ഒ​രു ക​ഥാ​പാ​ത്ര​മാ​ണോ ഇ​തി​ൽ...?

ഈ ​സി​നി​മ​യി​ൽ ഹൊ​റ​റു​ണ്ട്. അ​ത് യ​ക്ഷി ത​ന്നെ​യാ​ണ്. അ​തി​ന്‍റെ വി​ശ​ദാം​ശ​ങ്ങ​ൾ തി​യ​റ്റ​റി​ൽ ക​ണ്ടു​ത​ന്നെ​യ​റി​യ​ണം. എ ​ബ്യൂ​ട്ടി​ഫു​ൾ മി​സ്റ്റ​റി എ​ന്ന​താ​ണ് ന​മ്മു​ടെ സി​നി​മ​യു​ടെ ടാ​ഗ് ലൈ​ൻ. ഹൊ​റ​ർ ഗ​ണ​ത്തി​ൽ​പ്പെ​ട്ട ഒ​രു സി​നി​മ​യു​മാ​യും ന​മ്മു​ടെ സി​നി​മ​യെ താ​ര​ത​മ്യ​പ്പെ​ടു​ത്താ​ൻ ആ​ഗ്ര​ഹി​ക്കു​ന്നി​ല്ല. പ​ക്ഷേ, ഈ ​പേ​രു​ദ്ദേ​ശി​ക്കു​ന്ന​തു​പോ​ലെ പ്രേ​ക്ഷ​ക​ർ ആ​ഗ്ര​ഹി​ക്കു​ന്ന ചി​ല സം​ഭ​വ​ങ്ങ​ൾ ഈ ​സി​നി​മ​യി​ലു​ണ്ട്. സൈ​ക്കോ ത്രി​ല്ല​ർ വി​ഭാ​ഗ​ത്തി​ൽ​പ്പെ​ടു​ക​യു​മി​ല്ല നീ​ലി.



മം​മ്ത​യി​ലേ​ക്ക് എ​ത്തി​യ​ത്...

ല​ക്ഷ്മി ഏ​റെ ബോ​ൾ​ഡാ​യ ക​ഥാ​പാ​ത്ര​മാ​ണ്. അ​തു ചെ​യ്യാ​ൻ മ​ല​യാ​ള​ത്തി​ൽ ബോ​ൾ​ഡാ​യി ന​മു​ക്കു തോ​ന്നി​യ ഫ​സ്റ്റ്ഓ​പ്ഷ​ൻ മം​മ്ത ത​ന്നെ​യാ​ണ്. അ​ങ്ങ​നെ​യാ​ണു ഞ​ങ്ങ​ൾ മം​മ്ത​യി​ൽ​ത​ന്നെ എ​ത്തി​പ്പെ​ട്ട​തും അ​തു സം​ഭ​വി​ച്ച​തും. പ​തി​മൂ​ന്നു വ​ർ​ഷ​മാ​യി മ​ല​യാ​ള സി​നി​മ​യി​ലു​ള്ള മി​ക​ച്ച ന​ടി​മാ​രി​ൽ ഒ​രാ​ളാ​ണു മം​മ്ത. ല​ക്ഷ്മി എ​ന്ന ക​ഥാ​പാ​ത്രം ഞ​ങ്ങ​ൾ വി​ചാ​രി​ച്ച​തു​പോ​ലെ ത​ന്നെ മം​മ്ത​യു​ടെ കൈ​ക​ളി​ൽ ഭ​ദ്ര​മാ​യി​രു​ന്നു. മം​മ്ത ഈ ​അ​ടു​ത്ത​കാ​ല​ത്തു ചെ​യ്ത സി​നി​മ​ക​ളി​ൽ ഒ​രുപ​ടി മു​ന്നി​ൽ നി​ൽ​ക്കു​മെ​ന്ന് ഞ​ങ്ങ​ൾ​ക്ക് അ​വ​കാ​ശ​പ്പെ​ടാ​വു​ന്ന രീ​തി​യി​ലു​ള്ള ഒ​രുപി​ടി മു​ഹൂ​ർ​ത്ത​ങ്ങ​ൾ ഇ​തി​ൽ ഉ​ണ്ടാ​യി​രു​ന്നു. അ​ത​വ​ർ ഭം​ഗി​യാ​യി ചെ​യ്തി​ട്ടു​മു​ണ്ട്.



മ​ക​ളാ​യി ബേ​ബി മി​യ

എ​റ​ണാ​കു​ളം നൈ​പു​ണ്യ​യി​ൽ പ്ലേ ​സ്കൂ​ൾ വി​ദ്യാ​ർ​ഥി​യാ​യ ബേ​ബി മി​യ​യാ​ണ് മ​ക​ളാ​യി വേ​ഷ​മി​ടു​ന്ന​ത്. വ​ള​രെ ബ്രി​ല്യ​ന്‍റാ​ണ് ബേ​ബി മി​യ. ന​ന്നാ​യി അ​ഭി​ന​യി​ച്ചി​ട്ടു​ണ്ട്. ഓ​ഡി​ഷ​ന​ല്ലാ​തെ ത​ന്നെ ധാ​രാ​ളം പേ​രെ കാ​ണു​ക​യും സം​സാ​രി​ക്കു​ക​യും ചെ​യ്താ​ണ് മി​യ എ​ന്ന മി​ടു​ക്കി​ക്കു​ട്ടി​യെ ക​ണ്ടെ​ത്തി​യ​ത്.



നീ​ലി​യി​ലെ പാ​ട്ടു​ക​ൾ....

ശ​ര​ത് - ബി.​കെ. ഹ​രി​നാ​രാ​യ​ണ​ൻ ടീ​മി​ന്‍റെ മൂ​ന്നു പാ​ട്ടു​ക​ളാ​ണ് നീ​ലി​യി​ൽ. വ​ള​രെ​നാ​ളു​ക​ൾ​ക്കു ശേ​ഷം ശ​ര​ത്തേ​ട്ട​ൻ സം​ഗീ​തം ന​ല്കി​യ ചി​ത്രം എ​ന്ന നി​ല​യി​ലും അ​ദ്ദേ​ഹം കം​പോ​സ് ചെ​യ്ത ന​ല്ല പാ​ട്ടു​ക​ൾ വ​രു​ന്ന​തു​മാ​യ ചി​ത്ര​മാ​ണു നീ​ലി എ​ന്ന​തി​ൽ അ​ഭി​മാ​ന​മു​ണ്ട്. അ​ത്ര​മേ​ൽ ഭം​ഗി​യു​ള്ള പാ​ട്ടു​ക​ളാ​ണ്. അ​തി​ലും ഗം​ഭീ​ര​മാ​യി മ​നോ​ജ് പി​ള്ള എ​ന്ന കാ​മ​റാ​മാ​ൻ അ​തു വി​ഷ്വ​ലൈ​സ് ചെ​യ്തി​ട്ടു​ണ്ട്. പ്ര​സ​ന്ന മാ​സ്റ്റ​റാ​ണ് മൂ​ന്നു പാ​ട്ടു​ക​ളും കൊ​റി​യോ​ഗ്ര​ഫി ചെ​യ്ത​ത്. പൂ​മി​ഗാ​രേ താ​ന​ഗാ​രേ...​എ​ന്ന ഉ​ത്സ​വ​ഗാ​നം പാ​ടി​യ​തു ശ​ര​ത്തേ​ട്ട​ൻ ത​ന്നെ. അ​മ്മ - മ​ക​ൾ ബ​ന്ധ​ത്തി​ന്‍റെ ആ​ഴ​ത്തി​ലേ​ക്കു പോ​കു​ന്ന പാ​ട്ടു​ക​ളു​ണ്ട് ഇ​തി​ൽ. ചാ​ഞ്ച​ക്കം ചാ​ഞ്ച​ക്കം ചാ​ഞ്ചാ​ടി വാ ​എ​ന്ന പാ​ട്ടു പാ​ടി​യ​ത് ബേ​ബി ശ്രേ​യ​യും സ്വാ​തി പ്ര​വീ​ണ്‍​കു​മാ​റും.



കാം​ബോ​ജി​ക്കു ശേ​ഷം ബോം​ബെ ജ​യ​ശ്രീ വീ​ണ്ടും മ​ല​യാ​ള​ത്തി​ൽ...

ബി.​കെ.​ഹ​രി​നാ​രാ​യ​ണ​ൻ ര​ചി​ച്ച എ​ന്ന​ൻ​പേ നീ​യി​തെ​ങ്ങ്...​ക​ല്ലാ​യ് ഞാ​ൻ കാ​ത്തി​രു​ന്നു....​എ​ന്ന ഗാ​ന​മാ​ണ് നീ​ലി​ക്കു​വേ​ണ്ടി ബോം​ബെ ജ​യ​ശ്രീ പാ​ടി​യ​ത്. മി​ന്ന​ലൈ​യി​ലെ വ​സീ​ഗ​ര എ​ന്‍റെ ഫേ​വ​റി​റ്റ് പാ​ട്ടാ​ണ്. അ​വ​രെ​ക്കൊ​ണ്ടു ന​മ്മു​ടെ സി​നി​മ​യി​ൽ വ​ള​രെ ഭം​ഗി​യു​ള്ള ഒ​രു പാ​ട്ടു പാ​ടി​ക്കാ​നാ​യ​തു വ​ലി​യ ഭാ​ഗ്യ​മാ​യി തോ​ന്നു​ന്നു. സ​ത്യ​ൻ അ​ന്തി​ക്കാ​ട് സാ​ർ അ​ദ്ദേ​ഹ​ത്തി​ന്‍റെ ഫേ​സ്‌ബു​ക്ക് പേ​ജി​ലൂ​ടെ​യാ​ണ് ഈ ​ഗാ​നം റി​ലീ​സ് ചെ​യ്ത​ത്. സി​നി​മ​യി​ൽ വ​ള​രെ പ്ര​ധാ​ന​പ്പെ​ട്ട ഒ​രു സ​ന്ദ​ർ​ഭ​ത്തി​ൽ വ​രു​ന്ന പാ​ട്ടാ​ണ​ത്.



ടെ​ക്നി​ക്ക​ൽ ബ്രി​ല്യ​ൻ​സി​ന് എ​ത്ര​ത്തോ​ളം സ്പേ​സു​ള്ള സി​നി​മ​യാ​ണു നീ​ലി...?

ബാ​ക്ക്ഗ്രൗ​ണ്ട് സ്കോ​റി​നും ഇ​ഫ​ക്ടി​നും ഏ​റെ പ്രാ​ധാ​ന്യ​മു​ള്ള സി​നി​മ​യാ​ണി​ത്. സാ​ങ്കേ​തി​ക നി​ല​വാ​ര​മു​ള്ള തി​യ​റ്റ​റു​ക​ളി​ലി​രു​ന്നു ക​ണ്ടാ​ലേ അ​തി​ന്‍റെ പ്ര​ത്യേ​ക​ത​ക​ൾ അ​നു​ഭ​വി​ച്ച​റി​യാ​നാ​കൂ. ബാ​ക്ക് ഗ്രൗ​ണ്ട് സ്കോ​ർ ചെ​യ്തി​രി​ക്കു​ന്ന​തും ശ​ര​ത് സാ​റാ​ണ്. ഇ​ഫ​ക്ട് ചെ​യ്ത​തു രം​ഗ​നാ​ഥ് ര​വി​യു​ടെ മു​ഖ്യ അ​സോ​സി​യേ​റ്റാ​യ ശ്രീ​ജി​ത്. ഗ്രാ​ഫി​ക്സി​നു പ്രാ​ധാ​ന്യ​മു​ള്ള ചി​ത്ര​മാ​ണി​ത്. ആ​മി​യി​ൽ ഗ്രാ​ഫി​ക്സ് ചെ​യ്ത എ​റ​ണാ​കു​ളം ഡി​ജി​റ്റ​ൽ ബ്രി​ക്സാ​ണ് നീ​ലി​യും ചെ​യ്ത​ത്. മാ​രി 2 വി​ന്‍റെ ഗ്രാ​ഫി​ക്സും അ​വ​രാ​ണു ചെ​യ്യു​ന്ന​ത്. എ​ഡി​റ്റിം​ഗ് വി.​സാ​ജ​ൻ. മേ​ക്ക​പ്പ് പ്ര​ദീ​പ് രം​ഗ​ൻ.



ആ​ദ്യ ചി​ത്ര​മെ​ന്ന വെ​ല്ലു​വി​ളി എ​ങ്ങ​നെ അ​തി​ജീ​വി​ച്ചു....‍?

തൃ​ശൂ​രാ​യി​രു​ന്നു ലൊ​ക്കേ​ഷ​ൻ. ഈ ​ക​ഥ​യ്ക്ക് അ​നു​യോ​ജ്യ​മാ​യ കാ​ടു പോ​ലെ ചി​ല സ്ഥ​ല​ങ്ങ​ൾ അ​വി​ടെ ഉ​ണ്ടാ​യി​രു​ന്നു. എ​ന്‍റെ വ​ലം​കൈ​യാ​യി കാ​മ​റാ​മാ​ൻ മ​നോ​ജ് പി​ള്ള​യും ഇ​ടം​കൈ ആ​യി ഇ​തി​ന്‍റെ റൈ​റ്റേ​ഴ്സും ഉ​ണ്ടാ​യി​രു​ന്നു. ഷൂ​ട്ടു തു​ട​ങ്ങി അ​വ​സാ​നി​ക്കു​ന്ന​തു വ​രെ​യും പ്രീ ​പ്രൊ​ഡ​ക്ഷ​നി​ലും പോ​സ്റ്റ് പ്രൊ​ഡ​ക്‌ഷ​നി​ലും ഈ ​റൈ​റ്റേഴ്സും എ​ന്‍റെ കൂ​ടെ​ത്ത​ന്നെ ഉ​ണ്ടാ​യി​രു​ന്ന​തി​നാ​ൽ എ​നി​ക്ക് അ​ങ്ങ​നെ വെ​ല്ലു​വി​ളി​ക​ളൊ​ന്നും നേ​രി​ടേ​ണ്ടി വ​ന്നി​ട്ടി​ല്ല. എ​ന്നി​രു​ന്നാ​ലും സൂ​പ്പ​ർ​സ്റ്റാ​ർ സി​നി​മ​ക​ളു​ടെ ഇ​ട​യി​ൽ ഒ​രു സ്ത്രീ​കേ​ന്ദ്രീ​കൃ​ത സി​നി​മ വ​രു​ന്പോ​ൾ ഉ​ണ്ടാ​കാ​വു​ന്ന വെ​ല്ലു​വി​ളി​ക​ളും മു​ന്നി​ൽ​ക്കാ​ണു​ന്നു​ണ്ട്.

ടി.​ജി.​ബൈ​ജു​നാ​ഥ്
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.

Copyright @ 2022 , Rashtra Deepika Ltd.