Cinema
ന്യൂ​ജ​ൻ നമ്പറു​ക​ളു​മാ​യി വി​നീ​ത കോ​ശി
Monday, May 29, 2017 7:21 AM IST
ചു​മ്മാ ഇ​രി​ക്കു​ന്ന​ത് എ​ന്തൊ​രു ബോ​റ​ടി​യാ​ണ്. അ​പ്പോ​ൾ പി​ന്നെ എ​ന്തെ​ങ്കി​ലും ചെ​യ്യ​ണം. ചെ​യ്താ​ൽ പി​ന്നെ പ​ത്തുപേ​ർ അ​തു കാ​ണ​ണം, അ​റി​യ​ണം.​ സി​നി​മ​യി​ലൊ​ക്കെ എ​ത്തി തി​ള​ങ്ങി നി​ൽ​ക്കു​ന്ന വി​നീത കോ​ശി​യു​ടെ ചി​ല ന്യൂ​ജ​ൻ ന​ന്പ​റു​ക​ൾ കാ​ണു​ന്പോ​ൾ തോ​ന്നിപ്പോയ​താ​ണ്. പ​ക്ഷേ സം​ഭ​വം ഞെ​രി​ച്ചു​ട്ടോ.. ആ​ന​ന്ദ​ത്തി​ലെ ലൗ​ലി മി​സ്സി​ന്‍റെ ന​മ്പറു​ക​ൾ യൂട്യൂ​ബി​ൽ ക​ണ്ണോ​ടി​ക്കു​ന്ന​വ​രു​ടെ എ​ണ്ണം ദി​നം​പ്ര​തി കൂ​ടി​ക്കൂ​ടി വ​രിക​യാ​ണ്.

സെ​ലി​ബ്രി​റ്റി​ക​ളു​ടെ ജീ​വിത​ത്തെക്കുറി​ച്ചു​ള്ള പു​തു​പു​ത്ത​ൻ കോ​മ​ഡി ആ​ക്ഷേ​പ​ഹാ​സ്യരൂ​പേ​ണ​യാ​ണ് വി​നീത കോ​ശി അ​വ​ത​രി​പ്പി​ച്ചി​രി​ക്കു​ന്ന​ത്. ​ക​ഴി​ഞ്ഞ വ​ർ​ഷം സി​നി​മ​യി​ൽ ത​ല​കാ​ണി​ച്ച വി​നി​ത​യെ ത​ന്നെ ട്രോ​ളിക്കൊണ്ടാ​ണ് അ​വ​ത​ര​ണം അ​ത്ര​യും. പ​ക്ഷേ സം​ഭ​വ​ത്തി​ന്‍റെ ഗു​ട്ട​ൻ​സ് മ​ന​സി​ലാ​ക്കി​യ​വ​ർ​ക്ക് മ​ന​സി​ലാ​കും ഇ​ത് ഒ​രാ​ളെ​യ​ല്ല, ഒ​രു​പാ​ട് പേ​രി​ലേ​ക്ക് വി​ര​ൽ ചൂ​ണ്ടു​ന്ന ഒ​ന്നാ​ണെ​ന്ന്. സി​നി​മ​യ്ക്ക് അ​പ്പു​റ​മു​ള്ള വി​നീത കോ​ശി​യു​ടെ ലോ​ക​ത്തേ​ക്ക് ഒ​ന്നു ക​ണ്ണോ​ടി​ക്കാം...




കു​ട്ടി​ക്കാ​ല​ത്ത് ആ​ക്ടീ​വാ​യി​രു​ന്നു

കു​ട്ടി​ക്കാ​ലം മു​ത​ലേ എ​ന്തെ​ങ്കി​ലു​മെ​ല്ലാം പ​രി​പാ​ടി​യി​ൽ പ​ങ്കെ​ടു​ക്ക​ണ​മെ​ന്നും ചെ​യ്യ​ണ​മെ​ന്നു​മെ​ല്ലാം തോ​ന്ന​ൽ ഉ​ണ്ടാ​യി​രു​ന്നു. കു​ഞ്ഞുകു​ഞ്ഞു സ്കി​റ്റു​ക​ളി​ൽ ത​ലകാ​ണി​ച്ചി​ട്ടു​ണ്ട്. പി​ന്നെ പ്ര​സം​ഗി​ക്കാ​നൊ​ക്കെ ഇ​ഷ്ട​മാ​യി​രു​ന്നു.​കു​ട്ടി​ക്കാ​ലം മു​ത​ൽ വെ​റു​തെ ഇ​രി​ക്കു​ക എ​ന്നു പ​റ​യു​ന്ന​ത് എ​ന്നെക്കൊണ്ട് ഒ​ക്കാ​ത്ത കാ​ര്യ​മാ​ണ്.

അ​മ​ളി​ക​ൾ നി​ര​വ​ധി

അ​ന്നൊ​ക്കെ ഒ​രു​പാ​ട് അ​മളി​ക​ൾ പ​റ്റി​യി​ട്ടു​ണ്ട്. പ്ര​സം​ഗവേ​ദി​യി​ൽ വ​ച്ച് പ്ര​സം​ഗി​ക്കാ​ൻ മ​റ​ന്നു പോ​കു​ക... സ്കി​റ്റ് ചെ​യ്യു​ന്ന​തി​നി​ടെ ഡ​യ​ലോ​ഗ് മ​റ​ന്നുപോ​കു​ക അ​ങ്ങ​നെ പ​ല​തും. അ​ത്ത​രം അ​മളി​ത്ത​ര​ങ്ങ​ൾ ത​ന്നെ​യാ​ണ് മു​ന്നോ​ട്ടു പോ​കാ​നു​ള്ള ഉൗ​ർ​ജം ന​ൽ​കി​യ​ത്. ഇ​പ്പോ​ൾ സ്കി​റ്റ് മാ​റി ഡ​ബ്സ്മാഷും പി​ന്നെ ഒ​രു സെ​ലി​ബ്രി​റ്റി ജീ​വി​തം പോ​ലെ​യു​ള്ള കു​ഞ്ഞുകു​ഞ്ഞു സം​ഭ​വ​ങ്ങ​ളു​മാ​യി മു​ന്നോ​ട്ടു പോ​കു​ന്നുവെന്നേ​യു​ള്ളു.




വ​ണ്‍​മാ​ൻ ഷോ

​യൂട്യൂ​ബി​ലും മ​റ്റും ഡബ്സ്മാഷുക​ൾ ചെ​യ്താ​ണ് തു​ട​ക്ക​മെ​ങ്കി​ലും എ​നി​ക്കൊ​രു ബ്രേ​ക്ക് ത​രു​ന്ന​ത് വ​ണ്‍​മാ​ൻ​ഷോ എ​ന്നൊ​ക്കെ പ​റ​യാ​വു​ന്ന ഇ​ത്ത​രം നു​റു​ങ്ങു നു​റു​ങ്ങു പോ​ലു​ള്ള കോ​മ​ഡി സം​ഭ​വ​ങ്ങ​ളാ​യി​രു​ന്നു. ഈ ​ചെ​യ്യു​ന്ന പ​രി​പാ​ടി​ക്ക് കൃ​ത്യ​മാ​യ പേ​രി​ല്ല​ല്ലോ... അ​പ്പോ​ൾ പി​ന്നെ അ​തി​ന് നമു​ക്ക് ഇ​ഷ്ട​മു​ള്ള പേ​ര് വി​ളി​ക്കാം.​ ക​ഴി​ഞ്ഞ​ദി​വ​സം യൂട്യൂ​ബി​ൽ അപ്‌ലോഡ് ചെ​യ്ത ഒ​രു സെ​ലി​ബ്രി​റ്റി ജീ​വി​ത​വും അ​ത്ത​ര​ത്തി​ൽ ഉ​ള്ള ഒ​ന്നാ​ണ്.




ഒ​രു സെ​ലി​ബ്രി​റ്റി ജീ​വി​തം

ആ​ക്ച്വ​ലി ഇ​തി​ലെ ചി​ല സീ​നു​ക​ളെ​ല്ലാം എ​ന്‍റെ ജീ​വി​ത​വു​മാ​യി റി​ലേ​റ്റ​ഡാ​ണ്.​ ചി​ല​തേ ഉ​ള്ളു, മു​ഴു​വ​ന​ല്ല കേ​ട്ടോ(​ചി​രി​ക്കു​ന്നു).​ അ​ങ്ങ​നെ​യു​ള്ള ഒ​രു സം​ഭ​വം മ​ന​സി​ലേ​ക്കു വ​ന്നശേ​ഷം പി​ന്നെ ബാ​ക്കി​യു​ള്ള ഇ​തി​ലെ ഓ​രോ സം​ഭ​വ​ങ്ങ​ളും സ​മ​യാ​സ​മ​യ​ങ്ങ​ളി​ൽ മ​ന​സി​ലേ​ക്ക് വ​ന്ന​താ​ണ്. ​എ​ന്താ പ​റ​യു​ക, ചു​റ്റു​പാ​ടും ഒ​ന്നു നി​രീ​ക്ഷി​ച്ചാ​ൽ കി​ട്ടാ​വു​ന്ന​തേ​യു​ള്ളു ഇ​തൊ​ക്കെ.​പേ​ര് ഒ​രു സെ​ലി​ബ്രി​റ്റി ജീ​വി​തം എ​ന്ന് ഇ​ടു​ന്പോ​ൾ പേ​ടി ഉ​ണ്ടാ​യി​രു​ന്നു, തെ​റ്റി​ദ്ധ​രി​ക്ക​പ്പെ​ടു​മോ​യെ​ന്ന്. പ​ക്ഷേ ഇ​പ്പോ​ൾ പോ​സി​റ്റീ​വ് റെ​സ്പോ​ണ്‍​സാ​ണ് കി​ട്ടിക്കൊണ്ടി​രി​ക്കു​ന്ന​ത്.




പേ​രി​ലെ പേ​ടി പ​തു​ക്കെ മാ​റി

ഞാ​ൻ എ​ന്നെത്തന്നെ​യാ​ണ് ഇ​തി​ൽ ട്രോ​ളു​ന്ന​ത് എ​ന്നാ​ലും പ​ല സം​ഭ​വ​ങ്ങ​ളും എ​ല്ലാ​വ​ർ​ക്കും റി​ലേ​റ്റ് ചെ​യ്യാ​ൻ പ​റ്റും. ​പ​ല സെ​ലി​ബ്രി​റ്റീ​സി​ന്‍റെ​യും തു​ട​ക്ക​കാ​ല​ത്തൊ​ക്കെ ഇ​ങ്ങ​നെ​യൊ​ക്കെ സം​ഭ​വി​ച്ചി​ട്ടു​ണ്ടാ​കാം.​പേ​ര് ഇ​ടു​ന്പോ​ളു​ള​ള പേ​ടി​യേ ഉ​ണ്ടാ​യി​രു​ന്നു​ള്ളു ഇ​ട്ടുക​ഴി​ഞ്ഞ​തോ​ടെ അ​ത് മാ​റി.​ പി​ന്നെ ഇ​തൊ​ക്കെ ഒ​രു ര​സ​മ​ല്ലേ.. ചു​മ്മാ നേ​രം​പോ​ക്കു​ക​ൾ ഇ​തൊ​ക്കെ സീ​രി​യ​സാ​യി എ​ടു​ക്കു​ന്ന ആ​ൾ​ക്കാ​ർ ഉ​ണ്ടോ​യെ​ന്ന് അ​റി​യി​ല്ല.

സോ​ഷ്യ​ൽ മീ​ഡി​യ

ഒ​രു സെ​ലി​ബ്രി​റ്റി ജീ​വി​ത​ത്തി​ൽ പ​റ​യു​ന്ന സോ​ഷ്യ​ൽ മീ​ഡി​യ സം​ഭ​വം ഉ​ള്ള​ത് ത​ന്നെ​യാ​ണ്.​മെ​സ​ഞ്ച​റി​ലും മ​റ്റും മെ​സേ​ജ് വ​ന്നാ​ൽ റി​പ്ലേ ചെ​യ്തി​ല്ലെ​ങ്കി​ൽ പി​ന്നെ പ​രാ​തി​യാ​യി. സി​നി​മ​യു​മാ​യി ബ​ന്ധ​പ്പെ​ട്ട് എ​ന്തെ​ങ്കി​ലും എ​ല്ലാം ചോ​ദി​ക്കു​ന്പോ​ൾ അ​ദ്യ​മൊ​ക്കെ റി​പ്ലേ ചെ​യ്യു​മാ​യി​രു​ന്നു. പി​ന്നെ പി​ന്നെ ചോ​ദ്യ​ങ്ങ​ളു​ടെ എ​ണ്ണം കൂ​ടി അ​പ്പോ​ൾ എ​ന്‍റെ റി​പ്ലേ കു​റ​ഞ്ഞു. അ​തോ​ടെ ഞാ​ൻ ജാ​ഡ​ക്കാ​രി​യാ​യി... സി​നി​മ​യി​ൽ ക​യ​റി​യ​തി​ന്‍റെ അ​ഹ​ങ്കാ​രം... എ​ന്നൊ​ക്കെ​യാ​യി.​സോ​ഷ്യ​ൽ മീ​ഡി​യ​യെ സം​ബ​ന്ധി​ച്ച് ഇ​തി​ൽ പ്ര​തി​പാ​ദി​ച്ച സം​ഭ​വം ഉ​ള്ള​ത് ത​ന്നെ​യാ​ണ്. എ​ല്ലാ​വ​ർ​ക്കും അ​വ​ര​വ​രു​ടെ പ്രൈ​വ​സി​യും കാ​ര്യ​ങ്ങ​ളും കാ​ണു​മ​ല്ലോ അ​തു കൂ​ടി ഓ​ർ​ക്ക​ണ്ടേ.




സൂ​പ്പ​ർ വു​മ​ണ്‍

ഡബ്സ്മാഷി​ൽ നി​ന്നും ഇ​ത്ത​രം സം​ഭ​വ​ങ്ങ​ളി​ലേ​ക്ക് എ​ന്നെ വ​ഴി​തിരി​ച്ചു വി​ടു​ന്ന​ത് യൂട്യൂ​ബി​ൽ ത​ന്നെ​യു​ള്ള സൂ​പ്പ​ർ വു​മ​ണ്‍ എ​ന്നു പ​റ​ഞ്ഞ ചാ​ന​ൽ ആ​ണ്. അ​ത് ക​ണ്ടി​ട്ടാ​ണ് ഇ​ങ്ങ​നെ ചെ​യ്താ​ൽ കൊ​ള്ളാ​മെ​ന്നു തോ​ന്നു​ന്ന​ത്. അ​ങ്ങ​നെ​യാ​ണ് എ​ക്സ​പെ​ക്റ്റേഷ​ൻ v/s റി​യാ​ലി​റ്റി ചെ​യ്യു​ന്ന​ത്. അ​തു ക​ണ്ട​തു​കൊ​ണ്ടാ​ണ് വി​നീ​തേ​ട്ട​നും ഗ​ണേ​ഷേ​ട്ട​നും എ​ന്നെ ആ​ന​ന്ദ​ത്തി​ലേ​ക്ക് വി​ളി​ക്കു​ന്ന​ത്. ഇ​ത്ത​രം ര​സ​മു​ള്ള കി​റു​ക്കു​ക​ളാ​ണ് സി​നി​മ​യി​ലേ​ക്കു​ള്ള വ​ഴി എ​നി​ക്ക് തു​റ​ന്ന് ത​ന്ന​ത്.




എ​ന്തൊ​ക്ക​യാ​ടി ഈ ​ചെ​യ്യു​ന്ന​ത്..‍?

ഇ​ത്ത​രം കി​റു​ക്കു​ക​ളു​ടെ തു​ട​ക്ക​സ​മ​യ​ത്ത് വീ​ട്ടി​ൽ നി​ന്ന് ചോ​ദി​ക്കു​മാ​യി​രു​ന്നു എ​ന്തൊ​ക്കെ​യാ​ടി ഈ ​ചെ​യ്യു​ന്ന​തെ​ന്ന്. നി​ന​ക്ക് വേ​റെ ഒ​രു പ​ണി​യും ഇ​ല്ലേ​യെ​ന്നെ​ല്ലാം... പ​ക്ഷേ സു​ഹൃ​ത്തു​ക്ക​ളും മ​റ്റും ന​ല്ല പ്രോ​ത്സാ​ഹ​ന​മാ​യി​രു​ന്നു. പ​തു​ക്കെ പ​തു​ക്കെ ഡബ്സ്മാഷ് കാ​ണു​ന്നവ​രു​ടെ എ​ണ്ണം യൂട്യൂ​ബി​ൽ കൂ​ടിത്തു​ട​ങ്ങി​യ​തോ​ടെ വീ​ട്ടി​ലു​ള്ള​വ​രു​ടെ സ​മീ​പ​ന​ത്തി​ൽ ഒ​ര​ല്പം മാ​റ്റം വ​ന്നു. ​സം​ഭ​വം കൊ​ള്ളാ​ലോ പ​ല​രും ന​ല്ല​താ​ണ​ല്ലോ പ​റ​യു​ന്ന​ത്. നീ ​നി​ന്‍റെ ഇ​ഷ്ടം പോ​ലെ ചെ​യ്യെ​ന്നാ​യി പി​ന്നീ​ട് അ​ച്ഛ​നും അ​മ്മ​യും.




വാ​യി​നോ​ട്ടം അ​ഥ​വാ നി​രീ​ക്ഷ​ണ​പാ​ട​വം

സി​നി​മ​യി​ൽ ക​യ​റി​യ ശേ​ഷ​മാ​ണ് ആ​ക്ച്വ​ലി ആ​ൾ​ക്കാ​രെ ശ്ര​ദ്ധി​ക്കാ​നും മ​റ്റും തു​ട​ങ്ങു​ന്ന​ത്. എ​ല്ലാ​വ​രേ​യും അ​ല്ല, ചി​ല​രെ​യൊ​ക്കെ. അ​ത് ശ​രി​ക്കും ജീ​വി​ത​ത്തി​ന്‍റെ മു​ന്നോ​ട്ടു​ള്ള പോ​ക്കി​ൽ ഗു​ണം ചെ​യ്യു​ന്ന ഒ​ന്നാ​ണ്. ​അ​ത്ത​രം വാ​യി​നോ​ട്ട​ങ്ങ​ളി​ൽ (നി​രീ​ക്ഷ​ണം ആ​ണ് കേ​ട്ടോ ഉ​ദ്ദേ​ശി​ച്ച​ത്) നി​ന്നും ന​മുക്ക് പ​ല​തും പ​ഠി​ക്കാ​ൻ പ​റ്റും.




വാ​ട്സ് ആ​പ്പ് ഗ്രൂ​പ്പു​ക​ളി​ലെ ഡബ്സ്മാഷ്

അ​ദ്യ​മൊ​ക്കെ വാ​ട്സ്ആ​പ്പ് ഗ്രൂ​പ്പു​ക​ളി​ൽ ഡബ്സ്മാഷെല്ലാം ചെ​യ്തി​ടു​ന്പോ​ൾ ചീ​ത്തവി​ളി കി​ട്ടു​മെ​ന്ന് ഉ​റ​പ്പാ​യി​രു​ന്നു. ​അ​തു പോ​ലെ ത​ന്നെ സം​ഭ​വി​ച്ചു. പി​ന്നെ സു​ഹൃ​ത്തു​ക്ക​ളാ​ണ് ഡബ്സ്മാഷിന്‍റെ ലി​ങ്ക് യൂ​ട്യൂ​ബി​ൽ ഇ​ടാ​ൻ പ​റ​യു​ന്ന​ത്. അ​ങ്ങ​നെ ഇ​ട്ടു. ഒ​രു​പാ​ട് ആ​ൾ​ക്കാ​ർ അ​ത് ക​ണ്ടു. ന​ല്ല ന​ല്ല അ​ഭി​പ്രാ​യ​ങ്ങ​ൾ കി​ട്ടി ഒ​പ്പം പോ​രാ​യ്മ​ക​ളും ചൂ​ണ്ടി​ക്കാ​ട്ടി. പി​ന്നീ​ട് അ​ത് നി​ർ​ത്തി​യി​ല്ല, തു​ട​ർ​ന്നുകൊ​ണ്ടേ​യി​രു​ന്നു.




മ​റ്റു നേ​രം​പോ​ക്കു​ക​ൾ

പാ​ട്ട് രാ​വി​ലെ മു​ത​ൽ വൈ​കി​ട്ടു​വ​രെ വേ​ണ​മെ​ങ്കി​ലും കേ​ട്ടോ​ണ്ടി​രി​ക്കും. പ​ക്ഷേ പാ​ട്ട് പാ​ടാ​ൻ പ​റ​ഞ്ഞാ​ൽ അ​പ്പോ​ൾ ത​ന്നെ ഞാ​ൻ മു​ങ്ങും. പി​ന്നെ പു​സ്ത​ക​ങ്ങ​ളൊ​ക്കെ ഒ​ക്കെ വാ​യി​ക്കും... യാ​ത്ര ചെ​യ്യാ​ൻ ഒ​രു​പാ​ട് ഇ​ഷ്ട​മാ​ണ്... യാ​ത്ര​ക​ളൊ​ക്കെ ചെ​യ്യാ​റു​മു​ണ്ട്.



സെ​ലി​ബ്രി​റ്റി അ​ല്ലേയ​ല്ല..!

സി​നി​മ​യി​ലൊ​ക്കെ അ​ഭി​ന​യി​ക്കാ​ൻ പ​റ്റി​യെ​ന്നു​ള്ള​ത് ശ​രി ത​ന്നെ. പ​ക്ഷേ ഞാ​ൻ സെ​ലി​ബ്രി​റ്റി ഒ​ന്നും ആ​യി​ട്ടി​ല്ല. ​ആ​ന​ന്ദ​ത്തി​ലെ ലൗ​ലി മി​സ്സി​നെ എ​ല്ലാ​വ​ർ​ക്കും ഇ​ഷ്ട​മാ​ണ്. ആ​ന​ന്ദ​ത്തി​ന് ശേ​ഷം എ​ബി​യി​ൽ അ​ഭി​ന​യി​ച്ചെ​ങ്കി​ലും ലൗ​ലി മി​സ്സ് ത​ന്നെ​യാ​ണ് എ​ല്ലാ​വ​രു​ടെ​യും മ​ന​സി​ൽ ക​യ​റി​ക്കൂ​ടി​യ ക​ഥാ​പാ​ത്രം. പ​ക്ഷേ അ​തി​ലെ എ​ന്‍റെ രൂ​പ​വും ഭാ​വ​വു​മെ​ല്ലാം വി​നീത കോ​ശി​യു​മാ​യി ഒ​ട്ടും ചേ​രി​ല്ല. അ​തു​കൊ​ണ്ടുത​ന്നെ ഇതേയാ​ൾ ത​ന്നെ​യ​ല്ലേ ലൗ​ലി മി​സ്സാ​യി അ​ഭി​ന​യി​ച്ച​തെ​ന്നു​ള്ള സം​ശ​യം പ​ല​ർ​ക്കും ഉ​ണ്ടാ​യി​രു​ന്നു.​ ഇ​പ്പോ​ൾ അ​ത് പ​തു​ക്കെ മാ​റിത്തു​ട​ങ്ങി​യി​ട്ടു​ണ്ട്.



ജോ​സേ​ട്ട​ന്‍റെ പി​ന്തു​ണ

ഭ​ർ​ത്താ​വ് ജോ​സേ​ട്ട​ന്‍റെ പി​ന്തു​ണ ഉ​ള്ള​തു കൊ​ണ്ടാ​ണ് സി​നി​മ​യി​ലൊ​ക്കെ അ​ഭി​ന​യി​ക്കാ​ൻ പ​റ്റി​യ​ത്. സിം​ഗ​പ്പൂ​രി​ൽ എ​ൻ​ജി​നി​യ​റാ​ണ് ക​ക്ഷി. ആ​ന​ന്ദ​ത്തി​ൽ അ​വ​സ​രം കി​ട്ടി​യ​പ്പോ​ൾ വ​ര​ണോ വേ​ണ്ട​യോ എ​ന്നെ​ല്ലാം ആ​ലോ​ചി​ച്ചി​രു​ന്നു. ജോ​സേ​ട്ട​നാ​ണ് നീ ​പോ​യി ധൈ​ര്യ​ത്തെ അ​ഭി​ന​യി​ക്ക്, കി​ട്ടി​യ അ​വ​സ​രം ക​ള​യേ​ണ്ട എന്നെ​ല്ലാം പ​റ​ഞ്ഞ​ത്. എ​ല്ലാ കാ​ര്യ​ത്തി​ലും ഫു​ൾ സ​പ്പോ​ർ​ട്ടാ​ണ് ജോ​സേ​ട്ട​ൻ. ഈവർഷമാദ്യം ഇറങ്ങിയ "മൗനം സൊല്ലും വാർത്തകൾ' എന്ന തമിഴ് മ്യൂസിക് ആൽബത്തെക്കുറിച്ചും നല്ല അഭിപ്രായമാണ് ജോസേട്ടൻ പറഞ്ഞത്.




പീ​ഡി​യാ​ട്രി​ക് കൗ​ണ്‍​സി​ല​ർ

പീ​ഡി​യാ​ട്രി​ക് കൗ​ണ്‍​സി​ല​റാ​യി സിം​ഗ​പ്പൂ​രിൽ കു​റ​ച്ചു​നാ​ൾ ജോ​ലി നോ​ക്കി​യി​ട്ടു​ണ്ട്. ഇ​പ്പോ​ൾ ജോ​ലി ചെ​യ്യു​ന്നി​ല്ല, നാട്ടിലുണ്ട്. സി​നി​മ​യി​ലേ​ക്കു​ള്ള അ​വ​സ​രം കി​ട്ടി​യ​തോ​ടെ ഇ​തു​മാ​യി മു​ന്നോ​ട്ടു പോ​കാ​മെ​ന്നാണ് ക​രു​തു​ന്ന​ത്.​ അ​ടു​ത്ത ദി​വ​സം ത​ന്നെ പു​തി​യ ഒ​രു സി​നി​മ​യു​ടെ ഷൂ​ട്ട് തു​ട​ങ്ങും.​ "ഒ​റ്റ​മു​റി വെ​ളി​ച്ചം' എ​ന്നാ​ണ് സി​നി​മ​യു​ടെ പേ​ര്.




കി​റു​ക്ക് തു​ട​രും..!

ഇ​നി​യി​പ്പോ​ൾ ഷൂ​ട്ടിം​ഗ് തി​ര​ക്കാ​ണ്. അ​ത് ക​ഴി​ഞ്ഞ് വീ​ണ്ടും ഇ​ത്ത​രം കോ​മ​ഡി​ക​ളു​മാ​യി യൂട്യൂ​ബി​ൽ പ്ര​ത്യ​ക്ഷ​പ്പെ​ടും. പ​ണ്ടു​മു​ത​ലേ ന​ല്ല തൊ​ലി​ക്ക​ട്ടി​യാ​യ​തു കൊ​ണ്ട് കു​ഴ​പ്പ​മി​ല്ല. ആ​ദ്യ​മൊ​ക്കെ വ​ട്ടാ​ണ​ല്ലേ​യെ​ന്ന് ചോ​ദി​ച്ച​വ​ർ ഇ​പ്പോ​ൾ സം​ഭ​വം കൊ​ള്ളാ​ട്ടോ എ​ന്ന് പ​റ​ഞ്ഞ് തു​ട​ങ്ങി​യി​ട്ടു​ണ്ട്. അ​പ്പോ​ൾ പി​ന്നെ ഇ​ത്ത​രം കി​റു​ക്കു​ക​ൾ തു​ട​രു​ന്ന​തി​ൽ കു​ഴ​പ്പ​മി​ല്ല​ല്ലോ.

വി.​ശ്രീ​കാ​ന്ത്
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.

Copyright @ 2022 , Rashtra Deepika Ltd.