Cinema
സിമ്രാൻ നിത്യഹരിത നായിക
Sunday, June 17, 2018 3:44 AM IST
തെ​ന്നി​ന്ത്യ​ൻ നാ​യി​ക​യാ​യി ക​രി​യ​റി​ൽ തി​ള​ങ്ങു​ന്ന സ​മ​യ​ത്താ​ണ് സി​മ്രാ​ൻ വി​വാ​ഹ​ത്തോ​ടെ സി​നി​മയി​ൽ നി​ന്നും ഇ​ട​വേ​ള​യെ​ടു​ക്കു​ന്ന​ത്. ഭർത്താവ് ദീ​പ​ക് ബ​ഗ്ഗാ​യോടും മ​ക്ക​ൾ അ​ദീ​പും ആ​ദി​ത്തു​മൊത്തുള്ള സ​ന്തു​ഷ്ട​മാ​യ കു​ടും​ബ ജീ​വി​തം. പിന്നീടു ഹ്ര​സ്വ​മാ​യ ഇ​ട​വേ​ള​യ്ക്കു​ശേ​ഷം സി​നി​മ​യി​ലും സീ​രി​യി​ലി​ലു​മൊ​ക്കെ​യാ​യി സി​മ്രാ​ൻ തി​രി​ച്ചെ​ത്തി. വി​ക്രം നാ​യ​ക​നാ​യി ഗൗ​തം മേ​നോ​ൻ സം​വി​ധാ​നം ചെ​യ്യു​ന്ന ധ്രു​വ​ന​ക്ഷ​ത്രം എ​ന്ന ചി​ത്ര​ത്തി​ലൂ​ടെ വ്യ​ത്യ​സ്ത​മാ​യ ഒ​രു ക​ഥാ​പാ​ത്ര​വു​മാ​യി എ​ത്തു​ക​യാ​ണ് ഇപ്പോൾ ഈ ​നാ​യി​ക. ത​ന്‍റെ സി​നി​മാ ജീ​വി​ത​ത്തി​നെ​ക്കു​റി​ച്ച് സി​മ്രാ​ൻ...

സി​നി​മ​യി​ൽ നി​ന്നും മ​ന​ഃപ്പൂ​ർ​വ​മാ​യി മാ​റി നി​ന്ന​താ​ണോ?

സി​നി​മ ഞാ​ൻ പോ​ലു​മ​റി​യാ​ത്ത ഒ​രു കാ​ല​ത്ത് ഹൃ​ദ​യ​ത്തി​ൽ ക​യ​റി​ച്ചെ​ന്നു താ​മ​സ​മു​റ​പ്പി​ക്കു​ക​യാ​യി​രു​ന്നു. പ​റി​ച്ചെ​റി​ഞ്ഞാ​ലും പോ​കാ​ത്ത ത​ര​ത്തി​ലു​ള്ള ആ​ത്മ​ബ​ന്ധ​മാ​ണ​ത്. വി​വാ​ഹ​ത്തി​നു​മു​ന്പ് 24 മ​ണി​ക്കൂ​റും സി​നി​മ​യ്ക്കു വേ​ണ്ടി​യാ​യി​രു​ന്നു. കു​ടും​ബ​മാ​യ​തി​നു​ശേ​ഷം മ​നഃ​പൂ​ർ​വം തി​ര​ക്കു​കു​റ​ച്ചു. സി​നി​മ​യു​മാ​യു​ള്ള ബ​ന്ധം വി​ച്ഛേ​ദി​ക്ക​പ്പെ​ടാ​തി​രി​ക്കാ​ൻ​വേ​ണ്ടി​യാ​ണ് തി​രി​ച്ചു​വ​ര​വ് ന​ട​ത്തി​യ​ത്. ഇ​നി തു​ട​ർ​ച്ച​യാ​യി സി​നി​മ ചെ​യ്യ​ണ​മെ​ന്നാ​ണു തീ​രു​മാ​നം.

ആ​കെ എ​ത്ര ചി​ത്ര​ങ്ങ​ളാ​യി. ക​ണ​ക്കു സൂ​ക്ഷി​ക്കാ​റു​ണ്ടോ?

ഓ​രോ സി​നി​മ​യും അ​ഭി​ന​യി​ച്ചു​തീ​ർ​ന്നാ​ൽ സി​നി​മ​യു​ടെ പേ​ര്, സം​വി​ധാ​യ​ക​ന്‍റെ പേ​ര്, നാ​യ​ക​ൻ എ​ന്നീ കാ​ര്യ​ങ്ങ​ൾ ഡ​യ​റി​യി​ൽ കു​റി​ച്ചി​ടും. അ​തൊ​രു ക്രെ​യ്സാ​ണ്. ഒ​ഴി​വു​നേ​ര​ങ്ങ​ളി​ൽ ആ​കെ എ​ത്ര സി​നി​മ​ക​ളി​ൽ അ​ഭി​ന​യി​ച്ചു എ​ന്നു പ​രി​ശോ​ധി​ക്കു​ന്ന​താ​ണു പ്ര​ധാ​ന വി​നോ​ദം. ഇ​പ്പോ​ൾ 57 പ​ട​ങ്ങ​ളി​ൽ അ​ഭി​ന​യി​ച്ചി​രി​ക്കു​ന്നു. മു​പ്പ​തി​ൽ കൂ​ടു​ത​ൽ ത​മി​ഴ് ചി​ത്ര​ങ്ങ​ൾ, ഇ​രു​പ​തോ​ളം തെ​ലു​ങ്ക് സി​നി​മ​ക​ൾ. ക​ന്ന​ട​ത്തി​ൽ ര​ണ്ടു ചി​ത്ര​ങ്ങ​ൾ മാ​ത്രം. മ​ല​യാ​ള​ത്തി​ൽ തൊ​ണ്ണൂ​റ്റാ​റി​ൽ ഇ​ന്ദ്ര​പ്ര​സ്ഥം ചെ​യ്തു. 2006-ൽ ​ഹാ​ർ​ട്ട് ബീ​റ്റ്സ് എ​ന്ന ചി​ത്ര​ത്തി​ലും അ​ഭി​ന​യി​ച്ചു.

ത​മി​ഴ് സി​നി​മ​യി​ലാ​ണ​ല്ലോ കൂ​ടു​ത​ൽ സ​ക്സ​സ് ആ​യ​ത്. ത​മി​ഴി​ലെ ആ​ദ്യ​ചി​ത്രം?

ഹി​ന്ദി​യി​ൽ അ​മി​താ​ഭ്ജി​ക്കൊ​പ്പ​വും മ​ല​യാ​ള​ത്തി​ൽ മ​മ്മൂ​ട്ടി സാ​റി​നൊ​പ്പ​വും സ​ഹ​ക​രി​ച്ചെ​ങ്കി​ലും ആ ​സി​നി​ക​ളു​ടെ പ​രാ​ജ​യം അ​ണ്‍ ല​ക്കി ഹീ​റോ​യി​ൻ എ​ന്ന ലേ​ബ​ൽ ന​ൽ​കി. നി​രാ​ശാ​ഭ​രി​ത​യാ​യി ദി​വ​സ​ങ്ങ​ൾ ത​ള്ളി​നീ​ക്കു​ന്പോ​ഴാ​ണ് ത​മി​ഴ് സി​നി​മ​യി​ൽ​നി​ന്നു ക്ഷ​ണ​മെ​ത്തു​ന്ന​ത്. നേ​രു​ക്കു​നേ​ർ എ​ന്ന ചി​ത്ര​മാ​യി​രു​ന്നു അ​ത്. തൊ​ണ്ണൂ​റ്റാ​റി​ലെ വേ​ന​ൽ​ക്കാ​ല​ത്ത് മ​ധു​ര​യി​ലെ ഒ​രു കു​ഗ്രാ​മ​ത്തി​ലാ​യി​രു​ന്നു ഷൂ​ട്ടിം​ഗ്. മ​നം വി​രു​ന്പു​തേ എ​ന്ന ഗാ​ന​രം​ഗ​മാ​ണ് ആ​ദ്യം ഷൂ​ട്ട് ചെ​യ്ത​ത്. തു​ട​ർ​ന്ന് വ​ണ്‍​സ് മോ​ർ എ​ന്ന ചി​ത്ര​ത്തി​ലേ​ക്ക് ഓ​ഫ​ർ വ​ന്നു. പ​ക്ഷേ, ത​മി​ഴി​ലെ ആ​ദ്യ റി​ലീ​സ് വി.​ഐ.​പി ആ​യി​രു​ന്നു. അ​ടു​പ്പി​ച്ചു റി​ലീ​സ് ചെ​യ്ത ഈ ​മൂ​ന്നു ചി​ത്ര​ങ്ങ​ളു​ടെ വ​ന്പ​ൻ വി​ജ​യ​മാ​ണ് ഭാ​ഗ്യ​നാ​യി​ക എ​ന്ന വി​ശേ​ഷ​ണം സ​മ്മാ​നി​ച്ച​ത്.

സി​നി​മ​യി​ൽ ര​ണ്ടു പ​തി​റ്റാ​ണ്ടു പി​ന്നി​ടു​ന്പോ​ൾ ഓ​ർ​മ​യി​ലെ ക​ഥാ​പാ​ത്ര​ങ്ങ​ൾ?

എ​ല്ലാ​ത്ത​രം ക​ഥാ​പാ​ത്ര​ങ്ങ​ളും ചെ​യ്യാ​ൻ ക​ഴി​ഞ്ഞു എ​ന്ന​താ​ണ് സ​ന്തോ​ഷ​ക​ര​മാ​യ കാ​ര്യം. ആ​ദ്യചി​ത്രം വി.​ഐ.​പി​യി​ൽ​ത​ന്നെ പ്രേ​ക്ഷ​ക​മ​ന​സി​ൽ ര​ജി​സ്റ്റ​ർ ചെ​യ്യാ​ൻ ക​ഴി​യാ​വു​ന്ന മി​ക​ച്ച ക​ഥാ​പാ​ത്രം ല​ഭി​ച്ചു. വാ​ലി​യി​ലെ സൈ​ക്കോ​മാ​നി​യാ​ക് തു​ട​ക്ക​ക്കാ​രി​യാ​യ ഒ​രു ന​ടി​ക്കു ല​ഭി​ക്കാ​വു​ന്ന ഏ​റ്റ​വും വ​ലി​യ സൗ​ഭാ​ഗ്യ​മാ​യി​രു​ന്നു. സം​വി​ധാ​യ​ക​ൻ, ബാ​ന​ർ, നി​ർ​മാ​താ​വ് എ​ന്നീ കാ​ര്യ​ങ്ങ​ളെ​ല്ലാം നോ​ക്കി മാ​ത്ര​മേ ഡേ​റ്റ് കൊ​ടു​ക്കാ​റു​ള്ളു. എ​ങ്കി​ലും സി​നി​മ​യു​ടെ മൊ​ത്തം ക​ഥ കേ​ൾ​ക്കാ​ൻ ശ്ര​മി​ക്കാ​റു​ണ്ട്. പ​മ്മ​ൽ കെ. ​സ​മ്മ​ന്തം, പ​ഞ്ച​ത​ന്ത്രം എ​ന്നീ ചി​ത്ര​ങ്ങ​ളാ​ണ് ക​രി​യ​റി​ലെ ഫേ​വ​റൈ​റ്റ് മൂ​വീ​സ്. നി​ത്യ​ജീ​വി​ത​ത്തി​ൽ​നി​ന്നു പ​റി​ച്ചെ​ടു​ത്ത ക​ഥാ​പാ​ത്ര​ങ്ങ​ൾ ചെ​യ്യാ​നാ​ണ് കൂ​ടു​ത​ൽ ഇ​ഷ്ടം. കോ​വി​ൽ​പ്പെ​ട്ടി വീ​ര​ല​ക്ഷ്മി​യൊ​ക്കെ എ​ങ്ങ​നെ ചെ​യ്യാ​ൻ ക​ഴി​ഞ്ഞു എ​ന്നോ​ർ​ത്ത് ഇ​പ്പോ​ൾ അ​ദ്ഭു​തം തോ​ന്നാ​റു​ണ്ട്. ക​രി​യ​റി​ൽ സ്പെ​ഷ​ൽ ആ​ണ് വീ​ര​ല​ക്ഷ്മി. ര​ജ​നി സാ​റി​ന്‍റെ ച​ന്ദ്ര​മു​ഖി എ​ന്ന ചി​ത്ര​ത്തി​ലെ ക​ഥാ​പാ​ത്രം സാ​ങ്കേ​തി​ക കാ​ര​ണ​ങ്ങ​ളാ​ൽ ചെ​യ്യാ​ൻ ക​ഴി​യാ​ഞ്ഞ​താ​ണ് ക​രി​യി​ലെ ദുഃ​ഖം.

സി​മ്രാ​നു ല​ഭി​ച്ച പു​ര​സ്കാ​ര​ങ്ങ​ൾ?

മി​ക​ച്ച ന​ടി​ക്കു​ള്ള ത​മി​ഴ്നാ​ട് സ​ർ​ക്കാ​രി​ന്‍റെ പു​ര​സ്കാ​രം ര​ണ്ടു​ത​വ​ണ ല​ഭി​ച്ചു. ക​ലൈ​മാ​മ​ണി പ​ട്ട​വും തേ​ടി​യെ​ത്തി. ആ​ന്ധ്ര​പ്ര​ദേ​ശ് സ​ർ​ക്കാ​രി​ന്‍റെ മി​ക​ച്ച അ​ഭി​നേ​ത്രി​ക്കു​ള്ള അ​വാ​ർ​ഡും ല​ഭി​ച്ചി​ട്ടു​ണ്ട്. ഫി​ലിം ഫെ​യ​ർ അ​വാ​ർ​ഡ് ഒ​ന്നി​ല​ധി​കം ത​വ​ണ സ്വ​ന്ത​മാ​ക്കാ​ൻ ക​ഴി​ഞ്ഞ​തും സ​ന്തോ​ഷം.

ന​ന്നാ​യി നൃ​ത്തം ചെ​യ്യു​ന്നു​ണ്ട​ല്ലോ?

നൃ​ത്തം എ​ന്‍റെ ദൗ​ർ​ബ​ല്യ​മാ​ണ്. സി​നി​മ​യി​ലെ​ത്ത​ണ​മെ​ന്നു​ള്ള ഉ​ദ്ദേ​ശ്യ​ത്തോ​ടെ പ​ഠി​ച്ച​ത​ല്ല. നൃ​ത്ത​ത്തോ​ടു​ള്ള അ​ഭി​നി​വേ​ശം ജീ​വി​ത​ത്തി​നൊ​പ്പ​മു​ണ്ട്. സ്കൂ​ളി​ൽ പ​ഠി​ക്കു​ന്ന കാ​ല​ത്ത് ഡാ​ൻ​സി​ന് ഒ​ട്ടേ​റെ പു​ര​സ്കാ​ര​ങ്ങ​ൾ നേ​ടി​യി​രു​ന്നു.

ഋ​ഷി​ബാ​ല​യെ ഓ​ർ​ക്കാ​റു​ണ്ടോ?

എ​ന്‍റെ ശ​രി​ക്കു​ള്ള പേ​രാ​ണ​ത്. മാ​താ​പി​താ​ക്ക​ളു​ടെ സ്നേ​ഹ​വാ​ത്സ​ല്യ​ങ്ങ​ളും പ്ര​തീ​ക്ഷ​ക​ളും ഋ​ഷി​ബാ​ല എ​ന്ന പേ​രി​ലു​ണ്ട്. ഇ​പ്പോ​ഴും ഏ​റ്റ​വും അ​ടു​പ്പ​മു​ള്ള​വ​ർ ഋ​ഷി എ​ന്നാ​ണു വി​ളി​ക്കു​ന്ന​ത്.

ഷി​ജീ​ഷ് യു.​കെ
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.

Copyright @ 2022 , Rashtra Deepika Ltd.