Cinema
അനൂപ് മേനോന്‍റെ അത്താഴ വിഭവങ്ങൾ
Sunday, July 15, 2018 1:45 AM IST
പ്ര​ണ​യ​ത്തി​ന്‍റെ പു​തി​യൊ​രു മേ​ച്ചി​ൽ പു​റ​ത്തേ​ക്കു മ​ല​യാ​ളി​ക​ളെ കൂ​ട്ടി​ക്കൊ​ണ്ടു​പോ​കാ​ൻ ഒ​രു​ങ്ങു​ക​യാ​ണ് പ്രി​യ ന​ട​ൻ അ​നൂ​പ് മേ​നോ​ൻ. മി​യ​യും അ​നൂ​പ് മേ​നോ​നും പ്ര​ണ​യ ജോ​ടി​യാ​യി എ​ത്തു​ന്ന "എ​ന്‍റെ മെ​ഴു​തി​രി അ​ത്താ​ഴ​ങ്ങ​ൾ' 27-നു ​തി​യ​റ്റ​റി​ലെ​ത്തു​ക​യാ​ണ്. പ്ര​ണ​യ​ത്തി​ന്‍റെ പു​തി​യൊ​രു ഇ​ട​ത്തി​ലേ​ക്ക് ഈ ​ചി​ത്രം ഓ​രോ പ്രേ​ക്ഷ​ക​നേ​യും കൂ​ട്ടി​ക്കൊ​ണ്ടു പോ​കു​മെ​ന്നു നാ​യ​ക​നും ചി​ത്ര​ത്തി​ന്‍റെ ര​ച​യി​താ​വു​മാ​യ അനൂപ് ഉ​റ​പ്പി​ച്ചു പ​റ​യു​ന്നു. പ്രേ​ക്ഷ​ക​ർ​ക്കു മു​ന്നി​ലേ​ക്കെ​ത്തു​ന്ന മെ​ഴു​തി​രി അ​ത്താ​ഴ​ത്തി​ന്‍റെ വി​ഭ​വ​ങ്ങ​ളെ​ക്കു​റി​ച്ചും ത​ന്‍റെ വി​ശേ​ഷ​ങ്ങ​ളെ​ക്കു​റി​ച്ചും അ​നൂ​പ് മേ​നോ​ൻ...

വ്യ​ത്യ​സ്ത​മാ​യ പേ​രാ​ണ് ചി​ത്ര​ത്തി​ന്‍റേത്. എ​ന്തൊ​ക്കെ​യാ​ണ് പ്രേ​ക്ഷ​ക​ർ​ക്കാ​യി കാത്തുവച്ചിരിക്കുന്ന വി​ഭ​വ​ങ്ങ​ൾ?

ഈ ​സി​നി​മ​യ്ക്ക് "എ​ന്‍റെ മെ​ഴു​തി​രി അ​ത്താ​ഴ​ങ്ങ​ൾ' എ​ന്ന പേ​രി​ട്ട​പ്പോ​ൾ ഒ​രു​പാ​ട് എ​തി​ര​ഭി​പ്രാ​യ​ങ്ങ​ൾ വ​ന്നി​രു​ന്നു. ഓ​ഡി​യ​ൻ​സി​ലേ​ക്ക് എ​ത്തു​മോ, അ​വാ​ർ​ഡു സി​നി​മ പോ​ലെ തോ​ന്നി​ല്ലേ... എ​ന്നൊ​ക്കെ​യു​ള്ള പ്ര​ശ്ന​ങ്ങ​ളു​ണ്ടാ​യി​രു​ന്നു. ട്രി​വാ​ൻ​ഡ്രം ലോ​ഡ്ജ്, ഹോ​ട്ട​ൽ കാ​ലി​ഫോ​ർ​ണി​യ, ദി ​ഡോ​ൾ​ഫി​ൻ​സ് തു​ട​ങ്ങി​യ എ​ന്‍റെ സി​നി​മ​ക​ളൊ​ക്കെ പ​തി​വു പാ​ത​യി​ൽ നി​ന്നും മാ​റി​യു​ള്ള പേ​രു​ക​ളാ​യി​രു​ന്നു. ഈ ​സി​നി​മ​യ്ക്ക് എ​ന്‍റെ മെ​ഴു​തി​രി അ​ത്താ​ഴ​ങ്ങ​ൾ എ​ന്ന​ല്ലാ​തെ മ​റ്റൊ​രു പേ​രു ന​ൽ​കാ​ൻ എ​നി​ക്കു ക​ഴി​യു​മാ​യി​രു​ന്നി​ല്ല.

ഒ​രു ഷെ​ഫി​ന്‍റെ​യും കാ​ൻ​ഡി​ൽ മാ​നു​ഫാ​ക്ച​ററു​ടേ​യും ക​ഥ​യാ​ണ് ഇ​തി​ലൊ​രു​ക്കി​യി​രി​ക്കു​ന്ന വി​ഭ​വം. മി​യ അ​ഭി​ന​യി​ക്കു​ന്ന ക​ഥാ​പാ​ത്രം മെ​ഴു​കു​തി​രിയുണ്ടാക്കുന്ന ആ​ളാ​ണ്. എ​ന്‍റെ ക​ഥാ​പാ​ത്രം ഒ​രു പാ​ച​ക​ക്കാ​ര​നും. അ​യാ​ൾ ഉ​ണ്ടാ​ക്കു​ന്ന അ​ത്താ​ഴ​ങ്ങ​ളും അ​വ​ൾ തെ​ളി​യി​ക്കു​ന്ന മെ​ഴു​തി​രി വെ​ളി​ച്ച​വു​മാ​ണ് ഈ ​സി​നി​മ​യി​ലു​ള്ള​ത്.



ഈ ​സി​നി​മ​യു​ടെ ക​ഥ​യി​ലേ​ക്കെ​ത്തു​ന്ന​ത് എ​ങ്ങ​നെ​യാ​ണ്?

ആം​ഗ്രി ബേ​ബീ​സ് സി​നി​മ​യു​ടെ 75-ാം ദി​നാ​ഘോ​ഷം ലു​ലു മാ​ളി​ൽ ന​ട​ക്കു​ന്പോ​ൾ സം​വി​ധാ​യ​ക​ൻ സ​ജി സു​രേ​ന്ദ്ര​നാ​ണ് എ​ന്നോ​ട് പ​റ​യു​ന്ന​ത് ഒ​രു ഫു​ൾ ഫ്ലെഡ്ജ് ലൗ​വ് സ്റ്റോ​റി എ​ഴു​താ​ൻ. എ​ന്‍റെ സി​നി​മ​ക​ളി​ലെ​ല്ലാം പ്ര​ണ​യം ഉ​ണ്ടാ​യി​രു​ന്നെ​ങ്കി​ലും പൂ​ർ​ണ​മാ​യും ഒ​രു പ്ര​ണ​യ ക​ഥ എ​ഴു​തി​യി​ട്ടി​ല്ല. മ​ല​യാ​ള​ത്തി​ൽ കോ​ള​ജ് ടൈ​പ്പ് ലൗ​വ് സ്റ്റോ​റീ​സ് നി​ര​വ​ധി​യെ​ത്തി​യി​ട്ടു​ണ്ടെ​ങ്കി​ലും മെ​ച്വ​ർ ലൗ​വ് സ്റ്റോ​റി പ​റ​യു​ന്ന സി​നി​മ എ​ത്തി​യി​ട്ട് ഒ​രു​പാ​ടു കാ​ല​മാ​യി. അ​താ​യി​രു​ന്നു എ​ന്‍റെ ആ​ദ്യ​ത്തെ ഇ​ൻ​സ്പി​രേ​ഷ​ൻ.

പി​ന്നീ​ട് ഹി​മാ​ല​യ​ത്തി​ൽ മ​ഞ്ഞുമൂ​ടി​യ ഒ​രു റി​സോ​ർ​ട്ടി​ൽ ത​മാ​സി​ക്കു​ന്ന സ​മ​യം. അ​വി​ടെ അ​ടു​ത്തു​ള്ളൊ​രു കോ​ട്ടേ​ജി​ൽ താ​മ​സി​ക്കു​ന്ന ക​പ്പി​ൾ​സി​നെ കാ​ണാ​നി​ട​യാ​യി. പ​ക്ഷേ, അ​വ​രെ ക​ണ്ടാ​ൽ ക​പ്പി​ൾ​സാ​ണെ​ന്നു തോ​ന്നു​ക​യി​ല്ല. അ​തി​ൽ എ​നി​ക്കു വ​ള​രെ ആ​കാം​ഷ തോ​ന്നി. ഒ​രു ദി​വ​സം ക​ഴി​ഞ്ഞ​പ്പോ​ൾ അ​വ​ർ ഇ​ങ്ങോ​ട്ട് വ​ന്ന് പ​രി​ച​യ​പ്പെ​ട്ടു. അ​യാ​ൾ ഒ​രു ഷെ​ഫും അ​വ​ർ ഒ​രു കാ​ൻ​ഡി​ൽ മാ​നു​ഫാ​ക്ച​റു​മാ​ണ്. അ​വ​രു​ടെ ക​ഥ എ​നി​ക്കു വ​ള​രെ ഇ​ന്‍റ​റ​സ്റ്റിം​ഗാ​യി തോ​ന്നി. ആ ​ക​ഥ​യി​ലെ ഒ​രു വ​ലി​യ ഇ​ൻ​സി​ഡ​ന്‍റി​ൽ നി​ന്നു​മാ​ണ് ഈ ​സി​നി​മ​യെ ക​ണ്ടെ​ത്തു​ന്ന​ത്.



എ​ഴു​ത്തി​ന്‍റെ സ​മ​യ​ത്തു ത​ന്നെ നാ​യ​ക ക​ഥാ​പാ​ത്ര​ത്തി​നെ സ്വ​ന്ത​മാ​യി അ​വ​ത​രി​പ്പി​ക്ക​ണ​മെ​ന്നു ക​രു​തി​യി​രു​ന്നോ?

ഒ​രി​ക്ക​ലും എ​ന്‍റെ സി​നി​യി​ൽ നാ​യ​ക​നാ​യി എ​ന്നെ അ​വ​രോ​ധി​ക്കാ​റി​ല്ല. ഈ ​സി​നി​മ​യു​ടെ എ​ഴു​ത്തി​ന്‍റെ സ​മ​യ​ത്തും മ​റ്റാ​രെ​ങ്കി​ലും നാ​യ​ക​ൻ എ​ന്നാ​യി​രു​ന്നു മ​ന​സി​ൽ. പി​ന്നെ മ​റ്റൊ​രു ഓ​പ്ഷ​ൻ ഇ​ല്ലാ​തായ​പ്പോ​ഴാ​ണ് ഞാ​ൻ നാ​യ​ക​നാ​കു​ന്ന​ത്. അ​തു​പോ​ലെ മി​യ​യും വ​ള​രെ താ​മ​സി​ച്ച് എ​ത്തി​യ​താ​ണ് ഈ ​സി​നി​മ​യി​ലേ​ക്ക്. ഒ​രു​പാ​ട് നാ​യി​ക​മാ​രെ ആ ​ക​ഥാ​പാ​ത്ര​ത്തി​നാ​യി നോ​ക്കി​യ​താ​ണ്. സ്ക്രീ​ൻ ടെ​സ്റ്റും നട​ത്തി. പ​ക്ഷേ, ഒ​ന്നും ശ​രി​യാ​യി​ല്ല.

ഒ​രി​ക്ക​ൽ ഇ​റ്റ​ലി​യി​ൽ നി​ന്നും ഞാ​ൻ കൊ​ച്ചി​ൻ എ​യ​ർ​പോ​ർ​ട്ടി​ലെ​ത്തി ല​ഗേ​ജ് ക്ലി​യ​ർ ചെ​യ്യു​ന്ന സ​മ​യ​ത്ത് എ​ന്‍റെ തോ​ളി​ൽ ഒ​രാ​ൾ ത​ട്ടി. തി​രി​ഞ്ഞു നോ​ക്കി​യ​പ്പോ​ൾ എ​ന്‍റെ ക​ഥാ​പാ​ത്രം അ​ഞ്ജ​ലി​യെ​പ്പോ​ലെ ഷാ​ളൊ​ക്കെ ധ​രി​ച്ച്, രോ​മ​ക്കോ​ട്ടൊ​ക്കെ ഇ​ട്ട് ഒ​രാ​ൾ മു​ന്നി​ൽ നി​ൽ​ക്കു​ന്നു. അ​തു മി​യ​യാ​ണെ​ന്നു പെ​ട്ടെ​ന്ന് എ​നി​ക്കു മ​ന​സി​ലാ​യി​ല്ല. അ​വി​ടെ​ വച്ചാ​ണ് മി​യ​യോ​ട് പ​റ​യു​ന്ന​ത് ഞാ​നൊ​രു നാ​യി​ക​യെ തേ​ടി ന​ട​ക്കു​ക​യാ​ണെ​ന്ന്. അ​ടു​ത്ത ദി​വ​സം ക​ഥ കേ​ട്ട മി​യ പി​ന്നീ​ട് എ​ന്നേ​ക്കാ​ൾ ഈ ​സി​നി​മ​യു​ടെ ഭാ​ഗ​മാ​യി മാ​റി. ഇ​തു​വ​രെ കാ​ണാ​ത്തൊ​രു മി​യ​യെ​യാ​ണ് ഈ ​സി​നി​മ​യി​ൽ പ്രേ​ക്ഷ​ക​ർ കാ​ണാ​ൻ പോ​കു​ന്ന​ത്.



ഇ​ത്ത​ര​മൊ​രു ക​ഥ​യ്ക്കു ഉൗ​ട്ടി പ​ശ്ചാ​ത്ത​ല​മാ​കു​ന്ന​ത് എ​ങ്ങ​നെ​യാ​യി​രു​ന്നു?

ക​ഥ എ​ഴു​തു​ന്പോ​ൾ ഷിംലയോ മ​ഞ്ഞുനി​റ​ഞ്ഞ ഒ​രു വി​ദേ​ശ രാ​ജ്യ​ത്തോ സെ​റ്റു ചെ​യ്തൊ​രു സി​നി​മ​യാ​യി​രു​ന്നു ഇ​ത്. ബ​ജ​റ്റൊ​ക്കെ വ​ന്ന​പ്പോ​ഴാ​ണ് ഉൗ​ട്ടി​യി​ലേ​ക്കെ​ത്തു​ന്ന​ത്. ഇ​പ്പോ​ൾ ചി​ന്തി​ക്കു​ന്പോ​ൾ ഉൗ​ട്ടി​യേ​ക്കാ​ൾ മ​റ്റൊ​രി​ട​വും ഈ ​ക​ഥ​യ്ക്ക് ഇ​ത്ര​മേ​ൽ യോ​ജി​ക്കു​മെ​ന്നു തോ​ന്നു​ന്നി​ല്ല.

ഇ​ങ്ങ​നെ സി​നി​മ​യി​ലേ​ക്ക് ഓ​രോ​ന്നും വ​ന്നു ഭ​വി​ക്കു​ക​യാ​യി​രു​ന്നു. ബൈ​ജു​ച്ചേ​ട്ട​ന്‍റെ റോ​ളി​ലേ​ക്ക് മ​റ്റൊ​രു ന​ട​നെ​യാ​ണ് ആ​ദ്യം ക​രു​തി​യ​ത്. പ​ക്ഷേ, ആ ​ന​ട​നും ബ​ജ​റ്റും ഒ​ത്തു പോ​കാ​ത്ത​തു​കൊ​ണ്ടാ​ണ് ബൈ​ജു​ച്ചേ​ട്ട​നെ പ​രി​ഗ​ണി​ച്ച​ത്. എ​നി​ക്ക് അ​ഭി​മാ​ന​ത്തോ​ടെ പ​റ​യാ​വു​ന്ന ഒ​രു​കാ​ര്യ​മു​ണ്ട്. ബൈ​ജു​വേ​ട്ട​ന്‍റെ ക​രി​യ​റി​ലെ ഏ​റ്റ​വും മി​ക​ച്ച ക​ഥാ​പാ​ത്ര​മാ​യി​രി​ക്കും ഈ ​ചി​ത്ര​ത്തി​ലേ​ത്.



ഓ​രോ സി​നി​മ​യി​ലും പ്ര​ണ​യ​ത്തി​നാ​യി പ്ര​ത്യേ​ക​മി​ടം സൃ​ഷ്ടി​ക്കാ​റു​ണ്ട​ല്ലോ?

ഓ​രോ​രു​ത്ത​രു​ടേ​യും ജീ​വി​ത​ത്തി​ലു​ള്ള സ​ർ​വ വ്യാ​പി​യാ​യ ഒ​രു കാ​ര്യ​മാ​ണ് പ്ര​ണ​യം. സൗ​ഹൃ​ദം പ്ര​ണ​യ​മാ​കു​ന്ന കാ​ഴ്ച സാ​ധാ​ര​ണ​മാ​ണ്. പ​ക്ഷേ, പ്ര​ണ​യ​ത്തി​നു ശേ​ഷം ഒ​രു സൗ​ഹൃ​ദ​മു​ണ്ടാ​കേ​ണ്ട ആ​വ​ശ്യ​മു​ണ്ട്. ആ ​ഇ​ട​മാ​ണ് ഈ ​സി​നി​മ അ​ന്വേ​ഷി​ക്കു​ന്ന​ത്, അ​തു പ്ര​ണ​യ​ത്തി​നേ​ക്കാ​ൾ മേ​ലെ​യു​ള്ള ഇ​ട​മാ​ണ്. ആ ​പ്ര​ണ​യ​മാ​ണ് കാ​ല​ങ്ങ​ളോ​ളം നി​ല​നി​ൽ​ക്കു​ന്ന​ത്. ആ ​ഇ​ട​മാ​ണ് എ​ന്‍റെ മെ​ഴു​തി​രി അ​ത്താ​ഴ​ങ്ങ​ൾ കാ​ണി​ക്കു​ന്ന​ത്.

ഇ​ന്നു പ്ര​ണ​യ​ത്തി​നു പു​തി​യ​താ​യി ഒ​ന്നും പ​റ​യാ​നി​ല്ല എ​ന്നു തോ​ന്നു​ന്ന​തു​കൊ​ണ്ടാ​കാം പ്ര​ണ​യ ക​ഥ​ക​ൾ എ​ത്താ​ത്ത​ത്. പ്ര​ണ​യ ക​ഥ​ക​ൾ പ​റ​യ​ണ​മെ​ങ്കി​ൽ പു​തി​യ​താ​യി എ​ന്തെ​ങ്കി​ലും ഉ​ണ്ടാ​ക​ണം. അ​ത്ത​ര​ത്തി​ൽ പു​തി​യ കാ​ര്യം പ്രേ​ക്ഷ​ക​രോ​ടു പ​റ​യാ​നു​ണ്ട് എ​ന്ന തോ​ന്ന​ലാ​ണ് മെ​ഴു​തി​രി അ​ത്താ​ഴ​ങ്ങ​ളാ​യി എ​ത്തു​ന്ന​ത്.

ഇ​ട​ക്കാ​ല​ത്ത് എ​ഴു​ത്തി​ൽ ഇടവേള സംഭവിച്ചതിന് കാരണം ?

ഒ​രു ന​ട​നാ​യി നി​ൽ​ക്കു​ന്ന​തു​കൊ​ണ്ട് സി​നി​മ​യി​ൽ ഇ​ട​വേ​ള സം​ഭ​വി​ച്ച​താ​യി എ​നി​ക്കു തോ​ന്നി​യി​ട്ടി​ല്ല. ഈ ​നാ​ലു വ​ർ​ഷ​ക്കാ​ല​വും പ​ല ച​ർ​ച്ച​ക​ളൊ​ക്കെ ന​ട​ന്നി​ട്ടു​ണ്ട്. അ​തു​കൊ​ണ്ടു ത​ന്നെ എ​ഴു​ത്തി​ലൊ​രു ഇ​ട​വേ​ള​യൊ​ന്നും തോ​ന്നി​യി​ട്ടി​ല്ല. പി​ന്നെ ദി ​ഡോ​ൾ​ഫി​ൻ​സ് എ​നി​ക്കു വ​ള​രെ പ്രി​യ​പ്പെ​ട്ട ഒ​രു തി​ര​ക്ക​ഥ​യാ​യി​രു​ന്നു. പ​ക്ഷേ, പ​ല കാ​ര​ണ​ങ്ങ​ൾ കൊ​ണ്ട് അ​തു മ​ര്യാ​ദ​യ്ക്കു ഷൂ​ട്ട് ചെ​യ്യാ​ൻ സാ​ധി​ച്ചി​ല്ല എ​ന്ന​ത് എ​ന്നെ വേ​ദ​നി​പ്പി​ച്ചു. അ​തു​കൊ​ണ്ടു കു​റ​ച്ചു കാ​ലം മി​ണ്ടാ​തി​രു​ന്നു എ​ന്ന​താ​ണ് സ​ത്യം.



നാ​യ​ക​നാ​യി മാ​ത്രം നി​ൽ​ക്കാ​തെ​യു​ള്ള വി​വി​ധ ക​ഥാ​പാ​ത്ര​ങ്ങ​ളി​ലൂ​ടെ സ​ഞ്ചാ​ര​മെ​ങ്ങ​നെ​യാ​ണ്?

സി​നി​മ​യു​മാ​യി ബ​ന്ധ​പ്പെ​ട്ടു നി​ൽ​ക്ക​ണ​മെ​ന്നാ​ണ് എ​ന്‍റെ ആ​ഗ്ര​ഹം. അ​തി​ൽ ന​ട​ൻ, നാ​യ​ക​ൻ, സൂ​പ്പ​ർ ഹീ​റോ എ​ന്നൊ​ന്നു​മി​ല്ല. ഇ​ഷ്ടം സി​നി​മ​യോ​ടാ​ണ്. എ​നി​ക്കു താ​ൽ​പ​ര്യ​മു​ള്ള​തു ചെ​യ്യാ​നാ​ണ് ശ്ര​മി​ക്കു​ന്ന​ത്. വി​ക്ര​മാ​ദിത്യ​നും ആം​ഗ്രി ബേ​ബീ​സും ഒ​രേ സ​മ​യ​ത്താ​ണ് തി​യ​റ്റ​റി​ൽ ക​ളി​ച്ച​ത്. ആം​ഗ്രി ബേ​ബീസി​ൽ നാ​യ​ക​നും വി​ക്ര​മാ​ദി​ത്യ​നി​ൽ വി​ല്ല​നും. അ​തൊ​ക്കെ വ​ള​രെ ര​സ​ക​ര​മാ​യ സം​ഗ​തി​ക​ളാ​ണ്. പി​ന്നെ ഇ​ൻ​ഡ​സ്ട്രി വ​ള​രെ മാ​റി​യി​രി​ക്കു​ന്നു. പ​ല​ത​രം ക​ഥാ​പാ​ത്ര​ങ്ങ​ളെ അ​വ​ത​രി​പ്പി​ക്കാ​നാ​ണു ക​രി​യ​റി​ന്‍റെ തു​ട​ക്കം മു​ത​ൽ ശ്ര​മി​ച്ചി​ട്ടു​ള്ള​ത്.

ഒ​രു അ​ഭി​നേ​താ​വാ​യു​ള്ള സി​നി​മ​യി​ലേ​ക്കു​ള്ള ക​ട​ന്നു​വ​ര​വ് ഇ​പ്പോ​ൾ എ​ങ്ങ​നെ ഓ​ർ​മി​ക്കു​ന്നു?

ഒ​രു​പാ​ടു സീ​രി​യ​ലു​ക​ൾ ചെ​യ്തി​ട്ടും നാ​യ​ക​നാ​യൊ​ക്കെ ഇ​ത്ര​യും കാ​ലം നി​ൽ​ക്കാ​നാ​യ ആ​കെ​യൊ​രാ​ളാ​ണ് ഞാ​ൻ. അ​തൊ​രു ഭാ​ഗ്യ​മാ​ണ്. പി​ന്നെ സീ​രി​യ​ലി​ന്‍റെ ടാ​ഗ് കു​ട​ഞ്ഞു ക​ള​യു​ക എ​ന്ന​തു വ​ള​രെ പ്ര​യാ​സ​മേ​റി​യ ഒ​ന്നാ​ണ്. സീ​രി​യ​ൽ പൂ​ർ​ണ​മാ​യും നി​ർ​ത്തി ഒ​ന്ന​ര ര​ണ്ടു വ​ർ​ഷ​ത്തോ​ളം വെ​റു​തി​യി​രു​ന്നി​ട്ടാ​ണ് ഞാ​ൻ സി​നി​മ​യി​ലേ​ക്കെ​ത്തു​ന്ന​ത്. ആ ​റി​സ്ക് ഏ​റ്റെ​ടു​ക്കാ​ൻ എ​ല്ലാ​വ​ർ​ക്കും പ​റ്റ​ണ​മെ​ന്നി​ല്ല. സാ​ന്പ​ത്തി​ക​മ​ട​ക്കം പ​ല ജീ​വി​ത സാ​ഹ​ച​ര്യ​ങ്ങ​ൾ നേ​രി​ടേ​ണ്ടി​വ​രും.

ആ ​ഇ​ട​വേ​ള​യ്ക്കു ശേ​ഷ​മാ​ണ് തി​ര​ക്ക​ഥ​യി​ലൂ​ടെ ഞാ​ൻ സി​നി​മ​യി​ലേ​ക്കെ​ത്തു​ന്ന​ത്. എ​ന്നി​ട്ടും സീ​രി​യലി​ൽ നി​ന്നു​ള്ള ആ​ള് എ​ന്ന പേ​രി​ൽ ഒ​രു​പാ​ട് സി​നി​മ​യി​ൽ നി​ന്നും ഒ​ഴി​വാ​ക്കി​യി​ട്ടു​ണ്ട്. ലൊ​ക്കേ​ഷ​നി​ലേ​ക്കു പോ​കാ​ൻ നി​ൽ​ക്കു​ന്പോ​ൾ അ​വ​സാ​ന നി​മി​ഷം ന​മ്മ​ളെ മാ​റ്റിയെന്ന് വി​ളി​ച്ചു പ​റ​യു​ന്ന സാ​ഹ​ച​ര്യ​മൊ​ക്കെ ഉ​ണ്ടാ​യി​ട്ടു​ണ്ട്. അ​ന്ന​തു വ​ള​രെ വി​ഷ​മം ന​ൽ​കി​യെ​ങ്കി​ലും ഇ​ന്ന​തൊ​ക്കെ ഓ​ർ​മ്മ​ക​ളാ​ണ്.



പു​തി​യ സിനിമകൾ?

എ​ന്‍റെ മെ​ഴു​തി​രി അ​ത്താ​ഴ​ങ്ങ​ൾ ക​ഴി​ഞ്ഞി​ട്ടേ മ​റ്റൊ​രു സി​നി​മ ചെ​യ്യു​ന്നു​ള്ളു എ​ന്നു ക​രു​തി​യി​രി​ക്കു​ക​യാ​ണ്. "നീ​ലി' എ​ന്നൊ​രു ഹൊറർ ചി​ത്ര​മാ​ണ് പൂ​ർ​ത്തി​യാ​ക്കി​യ മ​റ്റൊ​ന്ന്. മം​മ്ത​യാ​ണ് അ​തി​ൽ പ്ര​ധാ​ന വേ​ഷ​ത്തി​ലെ​ത്തു​ന്ന​ത്.

ലിജിൻ കെ. ഈപ്പൻ
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.

Copyright @ 2022 , Rashtra Deepika Ltd.