Cinema
‘ക്യാപ്റ്റനി’ലെ ഷറഫലി വലിയ അനുഭവം: ദീപക് പറമ്പോൾ
Monday, October 30, 2017 4:06 AM IST
മ​ല​ർ​വാ​ടി ആ​ർ​ട്സ് ക്ല​ബി​ലെ ര​മേ​ശ​നി​ൽ നി​ന്ന് ക്യാപ്റ്റനിലെ ഷറഫലിയിലേക്കുള്ള ന​ട​ൻ ദീ​പ​ക് പ​റ​മ്പോ​ളി​ന്‍റെ യാ​ത്ര​യ്ക്ക് ഏ​ഴു വ​ർ​ഷ​ത്തി​ന്‍റെ ദൂ​രം; ഇ​തി​നി​ടെ 18 സി​നി​മ​ക​ൾ. “മ​ല​ർ​വാ​ടി​യി​ൽ വ​ന്ന​ത് ഒ​ന്ന​ര മി​നി​ട്ടു​ള്ള ഒ​രു സീ​നി​ൽ ആ​യി​രു​ന്നു. അവിടെനിന്ന് ആ​ളു​ക​ൾ തി​രി​ച്ച​റി​യുന്ന തരത്തിലുള്ള കഥാപാത്രങ്ങൾ ലഭിക്കുന്ന നിലയിലേക്ക് എത്താനായതും ആ​ളു​ക​ൾ തി​രി​ച്ച​റി​യു​ന്ന​തു​മൊ​ക്കെ എ​ന്നെ സം​ബ​ന്ധി​ച്ച് ആ​ത്മ​വി​ശ്വാ​സം ന​ല്കു​ന്ന കാ​ര്യ​ങ്ങ​ളാ​ണ്. ഇ​തു​വ​രെ, ഒ​രു​പാ​ടു സി​നി​മ​ക​ൾ വ​ന്നി​ട്ടി​ല്ല. പ​ക്ഷേ, വ​ന്ന സി​നി​മ​ക​ളി​ൽ ന​ല്ല​തു മാ​ത്ര​മേ ചെ​യ്തി​ട്ടു​ള്ളൂ...’’ രാ​ജേ​ഷ് ക​ണ്ണ​ങ്ക​ര​യു​ടെ ‘വി​ശ്വ​വി​ഖ്യാ​ത​രാ​യ പ​യ്യന്മാ​’രി​ൽ ഗോ​പീ​കൃ​ഷ്ണ​ൻ, പ്രജേഷ് സെന്നിന്‍റെ ക്യാപ്റ്റനിൽ ഷറഫലി എ​ന്നീ ക​ഥാ​പാ​ത്രങ്ങളെ അ​വ​ത​രി​പ്പി​ച്ച യു​വ​ന​ട​ൻ ദീ​പ​ക് പ​റ​ന്പോ​ൾ സം​സാ​രി​ക്കു​ന്നു...



വിശ്വവിഖ്യാതരായ പയ്യന്മാരിൽ എത്തിയത്....?

‘ഇ​തു ന​മ്മു​ടെ ക​ഥ’​യ്ക്കു ശേ​ഷം രാ​ജേ​ഷ് ക​ണ്ണ​ങ്ക​ര സം​വി​ധാ​നം ചെ​യ്ത സി​നി​മ​യാ​ണ് വി​ശ്വ​വി​ഖ്യാ​ത​രാ​യ പ​യ്യന്മാർ. സം​വി​ധാ​യ​ക​ൻ ത​ന്നെ​യാ​ണ് ഇ​തി​ലേ​ക്കു വി​ളി​ച്ച​ത്. കു​റ​ച്ചു ദി​വ​സ​ങ്ങ​ൾ കൊ​ണ്ടു ഷൂ​ട്ട് ചെ​യ്യാ​വു​ന്ന​തും ആ​ളു​ക​ൾ​ക്ക് ഇ​ഷ്ട​മാ​കു​ന്ന​തും ന​ർ​മ​ത്തി​ലൂ​ടെ പ​റ​യു​ന്ന​തു​മാ​യ ഒ​രു ചെ​റി​യ സി​നി​മ എ​ന്ന് സ്ക്രി​പ്റ്റ് കേ​ട്ട​പ്പോ​ൾ തോ​ന്നി. നന്മ ​ചെ​യ്യു​ന്ന ആ​ളു​ക​ൾ​ക്ക് എ​ന്നെ​ങ്കി​ലും നന്മ ​കി​ട്ടും എ​ന്ന വ​സ്തു​ത ഈ ​സി​നി​മ​യി​ൽ പ​റ​ഞ്ഞു​പോ​കു​ന്നു​ണ്ട്. അ​ജു വ​ർ​ഗീ​സ്, സു​ധി കോ​പ്പ, ഭ​ഗ​ത്, ഹ​രീ​ഷ് ക​ണാ​ര​ൻ, മ​നോ​ജ് കെ. ​ജ​യ​ൻ തു​ട​ങ്ങി​യ​വ​രാ​ണ് ഈ ​സി​നി​മ​യി​ൽ ഒ​പ്പ​മു​ള്ള​ത്. എ​ല്ലാ​വ​രും പ​രി​ച​യ​ക്കാ​ർ ആ​യ​തി​നാ​ൽ അ​ഭി​ന​യി​ക്കു​ന്ന സ​മ​യ​ത്തു വ​ലി​യ പ്ര​ശ്ന​ങ്ങ​ളൊ​ന്നും ഉ​ണ്ടാ​യി​രു​ന്നി​ല്ല. തു​ല്യ പ്രാ​ധാ​ന്യ​മു​ള്ള ക​ഥാ​പാ​ത്ര​ങ്ങ​ളെ​യാ​ണ് എ​ല്ലാ​വ​രും അ​വ​ത​രി​പ്പി​ച്ചി​രി​ക്കു​ന്ന​ത്. എ​ന്‍റെ ക​ഥാ​പാ​ത്രം ഗോ​പി​കൃ​ഷ്ണ​ൻ കു​റ്റി​ക്കാ​നം എ​ന്ന പ്ര​ദേ​ശ​ത്തു ജീ​വി​ക്കു​ന്ന ഒ​രു ചെ​റു​പ്പ​ക്കാ​ര​നാ​ണ്.



ക​ഥാ​പ​ശ്ചാ​ത്ത​ലം, പ്ര​മേ​യം....?

കു​റ്റി​ക്കാ​നം പോ​ലെ ഒ​രു നാ​ട്ടി​ൻ​പു​റ​ത്തെ നി​ഷ്ക​ള​ങ്ക​രാ​യ കു​റ​ച്ചു സു​ഹൃ​ത്തു​ക്ക​ളു​ടെ ചി​ല പ്ര​ശ്ന​ങ്ങ​ളി​ലൂ​ടെ​യാ​ണ് ക​ഥാ​സ​ഞ്ചാ​രം. അ​വ​രു​ടെ ഇ​ട​യി​ൽ സം​ഭ​വി​ക്കു​ന്ന ന​ർ​മം ക​ല​ർ​ന്ന ചി​ല സം​ഭ​വ​ങ്ങ​ളാ​ണ് സൗ​ഹൃ​ദ​ത്തി​ന്‍റെ പ​ശ്ചാ​ത്ത​ല​ത്തി​ൽ പ​റ​യു​ന്ന​ത്. ഒ​രു പ്ര​ത്യേ​ക സാ​ഹ​ച​ര്യ​ത്തി​ൽ ഇ​വ​രെ ക​ണ്ടു​മു​ട്ടു​ന്ന ത​രു​ഷി എ​ന്ന ക​ഥാ​പാ​ത്ര​ത്തെ​യാ​ണ് ലീ​മ അ​വ​ത​രി​പ്പി​ക്കു​ന്ന​ത്. ലീ​മ എ​ന്‍റെ പെ​യ​റാ​യി​ട്ടാ​ണു വ​രു​ന്ന​ത്.



അ​ജു​വ​ർ​ഗീ​സി​നൊ​പ്പം....?

മ​ല​ർ​വാ​ടി ആ​ർ​ട്സ് ക്ല​ബ് ചെ​യ്യു​ന്പോ​ൾ അജുവേട്ടനുമായി ഉ​ണ്ടാ​യ പ​രി​ച​യം ഈ ​പ​ടം ചെ​യ്യു​ന്പോ​ൾ ഗു​ണ​ക​ര​മാ​യി. മ​ല​ർ​വാ​ടി ക​ഴി​ഞ്ഞ് ത​ട്ട​ത്തി​ൻ മ​റ​യ​ത്ത്, കു​ഞ്ഞി​രാ​മാ​യ​ണം, ഒ​രേ​മു​ഖം തു​ട​ങ്ങി​യ പ​ട​ങ്ങ​ളി​ൽ ഞ​ങ്ങ​ൾ ഒ​രു​മി​ച്ച് അ​ഭി​ന​യി​ച്ചി​രു​ന്നു. ഒ​രേ മു​ഖ​ത്തി​ലെ എന്‍റെ കാ​ര​ക്ട​ർ പ്രകാശൻ കു​റ​ച്ചു ഹ്യൂ​മ​റും നെ​ഗ​റ്റീ​വ് ഷേ​ഡു​മു​ള്ള​താ​യി​രു​ന്നു.



ക്യാപ്റ്റനിലെ അനുഭവങ്ങൾ....?

പ്ര​ജേ​ഷ് സെ​ൻ സം​വി​ധാ​നം ചെ​യ്ത വി.​പി.​സ​ത്യ​ന്‍റെ ബ​യോ​പി​ക് ‘ക്യാ​പ്റ്റ​ൻ’ എ​ന്ന സി​നി​മ​യി​ൽ ഒ​രു വേ​ഷം ചെ​യ്തി​രു​ന്നു. സ​ത്യ​ന്‍റെ സു​ഹൃ​ത്തും ഫു​ട്ബോ​ൾ പ്ലെ​യ​റും ഇ​പ്പോ​ൾ പോ​ലീ​സു​കാ​ര​നു​മാ​യ ഷ​റ​ഫ​ലി എ​ന്ന കാ​ര​ക്ട​റാ​ണു ചെ​യ്ത​ത്. റി​യ​ൽ ലൈ​ഫ് സ്റ്റോ​റി​യാ​ണ് ക്യാ​പ്റ്റ​ൻ. ഷ​റ​ഫ​ലി ഇ​പ്പോ​ഴും ജീ​വി​ച്ചി​രി​ക്കു​ന്ന ആ​ളാ​ണ്, അ​ദ്ദേ​ഹം പോ​ലീ​സു​കാ​ര​നാ​ണ് എ​ന്നൊ​ക്കെ സി​നി​മ ചെ​യ്യു​ന്ന​തി​നു മു​ന്പുതന്നെ അ​റി​യാ​മാ​യി​രു​ന്നു. അ​ങ്ങ​നെ​യു​ള്ള ഒ​രാ​ളെ അ​വ​ത​രി​പ്പി​ക്കാ​നാ​യ​തു വ​ലി​യ അ​നു​ഭ​വം ത​ന്നെ​യാ​ണ്. പ​ക്ഷേ, ഷൂ​ട്ടി​ങ്ങി​നു മു​ന്പും അ​തി​നു ശേ​ഷ​വും അ​ദ്ദേ​ഹ​ത്തെ ഞാ​ൻ ക​ണ്ടി​ട്ടി​ല്ല. ഈ ​സി​നി​മ​യി​ൽ എ​നി​ക്കു സ്ക്രീ​ൻ സ്പേ​സ് ഏ​റെ​യി​ല്ല. പ​ക്ഷേ, ഉ​ള്ള​ത് ന​ല്ല സീ​ക്വ​ൻ​സു​ക​ളാ​ണ്. സ​ത്യ​നെ​യാ​ണ് ഈ ​സി​നി​മ മൊ​ത്ത​ത്തി​ൽ ഫോ​ക്ക​സ് ചെ​യ്യു​ന്ന​ത്. സ​ത്യ​ന്‍റെ ജീ​വി​ത​ത്തി​ൽ ഏ​റെ സ്വാ​ധീ​നം ചെ​ലു​ത്തി​യി​ട്ടു​ള്ള ഒ​രാ​ളാ​ണു ഷ​റ​ഫു​ദ്ദീ​ൻ. അ​ത്ത​ര​ത്തി​ൽ ഒ​രു പ്രാ​ധാ​ന്യം ഈ ​കാ​ര​ക്ട​റി​നു സി​നി​മ​യി​ലും ഉ​ണ്ട്.



സി​നി​മാ​ജീ​വി​ത​ത്തി​ൽ മെന്‍റർ എ​ന്നു ക​രു​തു​ന്ന​ത്...?

അ​തു വി​നീ​ത് ശ്രീ​നി​വാ​സ​ൻ ത​ന്നെ​യാ​ണ്. വി​നീ​തേ​ട്ട​ൻ ഇ​ല്ലാ​യി​രു​ന്നു​വെ​ങ്കി​ൽ ഞാൻ സി​നി​മ​യി​ൽ എ​ത്തി​ല്ലാ​യി​രു​ന്നു. ഇ​ത്ര​പെ​ട്ടെ​ന്ന് ന​ല്ല കാ​ര​ക്ടേ​ഴ്സ് ഒ​ന്നും വ​രി​ല്ലാ​യി​രു​ന്നു. ‘ത​ട്ട​ത്തി​ൻ മ​റ​യ​ത്ത് ’ എ​ന്ന സി​നി​മ​യി​ൽ മനോജ് മേനോൻ എന്ന കാ​ര​ക്ട​ർ ചെയ്തതു​കൊ​ണ്ടാ​ണ് തു​ട​ർ​ന്നു കു​റേ കാ​ര​ക്ടേ​ഴ്സ് ചെ​യ്യാ​നാ​യ​ത്. അ​തു വി​നീ​തേ​ട്ട​ൻ ഉ​ള്ള​തു​കൊ​ണ്ടു മാ​ത്ര​മാ​ണു സം​ഭ​വി​ച്ച​ത്. അ​ല്ലെ​ങ്കി​ൽ, ഇ​പ്പോ​ഴും ചാ​ൻ​സ് തേ​ടി ന​ട​ക്കു​ന്ന ഒ​രാ​ളാ​യി മാ​റി​യേ​നെ.




ഒ​റ്റ​മു​റി​വെ​ളി​ച്ചം....?

ഷോ​ർ​ട്ട് ഫി​ലി​മു​ക​ളും ‘മൗ​നം സൊ​ല്ലും വാ​ർ​ത്തൈകൾ’ എ​ന്ന മ്യൂ​സി​ക് ആ​ൽ​ബ​വും ചെ​യ്തി​ട്ടു​ള്ള രാ​ഹു​ൽ റി​ജി നാ​യ​രു​ടെ ആ​ദ്യ ഫീച്ചർ ഫിലിമാണ് ‘ഒ​റ്റ​മു​റി​വെ​ളി​ച്ചം’. കു​റ​ച്ചു സു​ഹൃ​ത്തു​ക്ക​ൾ ചേ​ർ​ന്നു നി​ർ​മി​ച്ച സി​നി​മ​യാ​ണ​ത്. ഫെ​സ്റ്റി​വ​ലു​ക​ളിലെ പ്രദർശനത്തിനുശേഷം തിയറ്റർ റിലീസ് ഉണ്ടാവും. തി​രു​വ​ന​ന്ത​പു​രം ബോ​ണ​ക്കാ​ട്ടാ​യി​രു​ന്നു ചി​ത്രീ​ക​ര​ണം. അ​വി​ടെ​യു​ള്ള ഒ​രാ​ളു​ടെ ജീ​വി​ത​ത്തി​ൽ സം​ഭ​വി​ക്കു​ന്ന ക​ഥ​യാ​ണു പ​റ​യു​ന്ന​ത്. ചെ​റി​യ തോ​തി​ൽ നെ​ഗ​റ്റീ​വ് ഷേ​ഡു​ള്ള ക​ഥാ​പാ​ത്ര​മാ​ണ്. ച​ന്ദ്ര​ൻ എ​ന്നാ​ണ് എ​ന്‍റെ കാ​ര​ക്ട​റി​ന്‍റെ പേ​ര്. തി​രു​വ​ന​ന്ത​പു​രം സ്ളാംഗാണ് പ​റ​യു​ന്ന​ത്. അ​ന്ത​ർ​മു​ഖ​ത്വ​മു​ള്ള ക​ഥാ​പാ​ത്രം. സം​സാ​രം കു​റ​വാ​ണ്. ആ​ന​ന്ദം ഫെ​യിം വി​നീ​ത കോ​ശി​യാ​ണ് അ​തി​ൽ എ​ന്‍റെ പെ​യ​റാ​യി അ​ഭി​ന​യി​ച്ച​ത്. കാ​ര​ക്ട​റി​ന്‍റെ പേ​ര് സു​ധ.



റോ​ളു​ക​ൾ തെ​ര​ഞ്ഞെ​ടു​ക്കുന്നത്....?

‘ത​ട്ട​ത്തി​ൻ മ​റ​യ​ത്ത് ’ എ​ന്ന പ​ട​ത്തി​നു​ശേ​ഷം ചെ​യ്ത സി​നി​മ​ക​ളി​ലെ​ല്ലാം പ്രാ​ധാ​ന്യ​മു​ള്ള ക​ഥാ​പാ​ത്ര​ങ്ങ​ളാ​ണു കി​ട്ടി​യ​ത്. കു​റേ സി​നി​മ​ക​ൾ വ​ന്നു​വെ​ങ്കി​ലും തെ​ര​ഞ്ഞെ​ടു​ത്ത​ത് തി​യ​റ്റ​റി​ൽ ഓ​ടി​യ​തും കു​ഴ​പ്പ​മി​ല്ലെ​ന്ന അ​ഭി​പ്രാ​യം ഉ​ണ്ടാ​യ​തു​മാ​യ കു​റേ സി​നി​മ​ക​ളാ​ണ്. ക​ഥ ന​ല്ല​താ​ണോ എ​ന്നാ​ണ് ആ​ദ്യം നോ​ക്കു​ന്ന​ത്. ഈ ​ക​ഥ ആ​ളു​ക​ളി​ലേ​ക്ക് എ​ത്തി​ക്കാ​ൻ ക​ഴി​വു​ള്ള സം​വി​ധാ​യ​ക​ൻ ഉ​ണ്ടോ എ​ന്നു നോ​ക്കും. എ​ന്‍റെ കാ​ര​ക്ട​റി​ന് ആ ​സി​നി​മ​യി​ൽ എ​ത്ര​ത്തോ​ളം പ്രാ​ധാ​ന്യ​മു​ണ്ട് എ​ന്നും ശ്ര​ദ്ധി​ക്കും.



സോ​ളോ ഹീ​റോ ആ​യി സി​നി​മ എപ്പോൾ....?

സോ​ളോ, ലീ​ഡ് പ്രോ​ജ​ക്ടു​ക​ൾ വ​രു​ന്നു​ണ്ട്. പ​ക്ഷേ, ഇ​പ്പോ​ൾ സോ​ളോ ലീ​ഡ് ചെ​യ്താ​ൽ ആ​ളു​ക​ൾ എ​ത്ര​ത്തോ​ളം തി​യ​റ്റ​റി​ലേ​ക്കു വ​രു​മെ​ന്നു കൂ​ടി ആ​ലോ​ചി​ക്ക​ണ​മ​ല്ലോ. ഞാ​ൻ ഒ​റ്റ​യ്ക്ക് ഒ​രു സി​നി​മ​യി​ൽ ലീ​ഡ് ചെ​യ്ത് അ​ത് ആ​ളു​ക​ൾ കാ​ണാ​തി​രി​ക്കു​ന്ന​തി​ലും ന​ല്ല​ത് ആ​ളു​ക​ൾ കാ​ണു​ന്ന സി​നി​മ​യി​ൽ കാ​ര​ക്ടേ​ഴ്സ് റോ​ളു​ക​ൾ അ​ഭി​ന​യി​ക്കു​ന്ന​താ​ണ്. ഈ ​സി​നി​മ​യി​ലും മു​ഖ്യ​ക​ഥാ​പാ​ത്ര​ങ്ങ​ളി​ൽ ഒ​രാ​ളാ​യി​ട്ടാ​ണു ചെ​യ്തത്. ഒ​പ്പ​മു​ള്ള അ​ജു, ഹ​രീ​ഷേ​ട്ട​ൻ, ഭ​ഗ​ത്...
എ​ല്ലാ​വ​രും ന​ല്ല റീ​ച്ചു​ള്ള​വ​രാ​ണ്. ഇ​വ​രെ​ക്കാ​ണാ​നെ​ങ്കി​ലും ആ​ളു​ക​ൾ തി​യ​റ്റ​റി​ൽ വ​രും. ഇ​പ്പോ​ൾ ഞാ​ൻ ചെ​യ്യു​ന്ന കാ​ര​ക്ട​ർ റോ​ൾ​സ് ക​ണ്ടു​ക​ണ്ട് ആ​ളു​ക​ൾ തി​യ​റ്റ​റി​ൽ എ​ത്തും എ​ന്ന അ​വ​സ്ഥ​യി​ൽ എ​ത്തു​ന്പോ​ൾ സോ​ളോ ഹീ​റോ ആ​യി ചെ​യ്യുന്നതാണ് നല്ലതെന്നു തോ​ന്നു​ന്നു.



വെ​ല്ലു​വി​ളി​യാ​യി തോ​ന്നു​ന്ന​ത്....?

ഒ​രു സി​നി​മ​യി​ൽ ന​ല്ല​തു​പോ​ലെ ക്ലി​ക്കാ​യാ​ലും അ​ടു​ത്ത സി​നി​മ​ക​ളി​ലെ​ല്ലാം ന​മു​ക്ക് അ​ത്ര​ത്തോ​ളം ന​ല്ല കാ​ര​ക്ടേ​ഴ്സ് വ​ര​ണം എ​ന്നൊ​ന്നു​മി​ല്ല. ഇ​പ്പോ​ൾ ധാ​രാ​ളം ആ​ക്ടേ​ഴ്സ് വ​രു​ന്നു​ണ്ട്. എ​ല്ലാ​വ​രും ന​ന്നാ​യി പെ​ർ​ഫോം ചെ​യ്യു​ന്ന​വ​രു​മാ​ണ്. അ​വ​രു​ടെ​യി​ട​യി​ൽ നിലനി​ൽ​ക്കു​ക എ​ന്ന​തു കു​റ​ച്ചു പ്ര​യാ​സ​മേ​റി​യ കാ​ര്യ​മാ​ണ്. അതേസമയം, അ​ത്ത​രം വെ​ല്ലു​വി​ളി​ക​ൾ കു​റ​ച്ചു ന​ല്ല​താ​ണെ​ന്നു തോ​ന്നു​ന്നു. കാ​ര​ണം, പു​തി​യ ആ​ളു​ക​ൾ വ​രു​ന്പോ​ൾ ന​മ്മ​ൾ അ​പ്ഡേ​റ്റ് ആ​കു​മ​ല്ലോ. പു​തി​യ ആ​ളു​ക​ൾ വ​രു​ന്ന​തു​പോ​ലെ​ത​ന്നെ പു​തി​യ സി​നി​മ​ക​ളും വ​രു​ന്നു​ണ്ട്.



ബ്രേ​ക്ക് ആ​യ സി​നി​മ​യും കാ​ര​ക്ട​റും....?

ഓ​ഡി​ഷ​ൻ വ​ഴി​യാ​ണ് മ​ല​ർ​വാ​ടി​യി​ലെ​ത്തി​യ​ത്. മ​ല​ർ​വാ​ടി ക​ഴി​ഞ്ഞ് ആ​രും തി​രി​ച്ച​റി​ഞ്ഞി​ല്ല. ‘ത​ട്ട​ത്തി​ൻ മ​റ​യ​ത്ത് ’ക​ഴി​ഞ്ഞാ​ണ് ആ​ളു​ക​ൾ തി​രി​ച്ച​റി​ഞ്ഞു​തു​ട​ങ്ങി​യ​ത്. കാ​ര​ക്ടേ​ഴ്സ് വ​ന്നു​തു​ട​ങ്ങി​യ​തും അ​തി​നു ശേ​ഷ​മാ​ണ്. അ​ടു​ത്ത​കാ​ല​ത്ത് ഇ​റ​ങ്ങി​യ​വ​യി​ൽ ആ​ളു​ക​ൾ​ക്ക് ഏ​റെ റി​ലേ​റ്റ് ചെ​യ്യാ​നാ​യ​തും ഫീ​ൽ ചെ​യ്യിപ്പിച്ചതും രഞ്ജൻ പ്രമോദ് സാറിന്‍റെ ‘ര​ക്ഷാ​ധി​കാ​രി ബൈ​ജു ഒ​പ്പി​’ലെ മ​നോ​ജ് എ​ന്ന കാ​ര​ക്ട​റാ​ണ്. അ​തി​നു​ശേ​ഷം ന​ല്ല സി​നി​മ​ക​ൾ തെ​ര​ഞ്ഞെ​ടു​ക്കാ​നാ​യി കു​റ​ച്ചു സ്ക്രി​പ്റ്റു​ക​ൾ വ​രു​ന്നു​ണ്ട്. സ്ക്രി​പ്റ്റു​ക​ൾ ന​ന്നാ​യി കേ​ൾ​ക്കാ​ൻ അ​വ​സ​രം ല​ഭി​ക്കു​ന്നു​ണ്ട്. സി​നി​മ ചെ​യ്യാ​നു​ള്ള ആ​ഗ്ര​ഹം ത​ന്നെ​യാ​ണ് ഇതിൽ തുടരാൻ പ്രചോദനമാകുന്നത്.



വീ​ട്ടു​വി​ശേ​ഷ​ങ്ങ​ൾ....?

സ്വ​ദേ​ശം ക​ണ്ണൂ​ർ. വീ​ട്ടി​ൽ അ​ച്ഛ​ൻ, അ​മ്മ, അ​നി​യ​ൻ, അ​ച്ഛ​ന്‍റെ അ​മ്മ. അ​ച്ഛ​ൻ പ​വി​ത്ര​ൻ, അ​മ്മ സു​ധ. ഇ​ൻ​ഫോ പാ​ർ​ക്കി​ലെ ചി​ല സു​ഹൃ​ത്തു​ക്ക​ൾ​ക്കൊ​പ്പം സി​നി​മ​യു​ടെ ആ​വ​ശ്യ​ങ്ങ​ൾ​ക്കാ​യി ഞാ​ൻ എ​റ​ണാ​കു​ള​ത്തു താ​മ​സി​ക്കു​ന്നു. പ​റ​ന്പോ​ൾ വീ​ട്ടു​പേ​രാ​ണ്. ദീ​പ​ക് പ​റ​ന്പോ​ൾ എ​ന്ന പേ​ര് പ​റ​യാ​ൻ ഇ​ത്തി​രി പ്ര​ശ്ന​മു​ണ്ടെ​ങ്കി​ലും കു​റ​ച്ചു​കൂ​ടി ക​ഴി​യു​ന്പോ​ൾ ആ ​പേ​ര് ന​ന്നാ​യി ര​ജി​സ്റ്റ​ർ ആ​കു​മെ​ന്നു പ്ര​തീ​ക്ഷയുണ്ട്.

ടി.ജി.ബൈജുനാഥ്
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.

Copyright @ 2022 , Rashtra Deepika Ltd.