ഗോ​വ​ർ​ധ​ന്‍റെ സി​നി​മാ​യാ​ത്ര​ക​ൾ...
Wednesday, October 4, 2017 2:56 AM IST
"വീ​ട്ടി​ലേ​ക്കു​ള്ള വ​ഴി'​യി​ലൂ​ടെ സി​നി​മ​യി​ലെ​ത്തി​യ മാ​സ്റ്റ​ർ ഗോ​വ​ർ​ധ​ൻ നാ​യ​ക​നാ​കു​ന്ന ചി​ത്ര​മാ​ണ് ഡോ.​ബി​ജു ര​ച​ന​യും സം​വി​ധാ​ന​വും നി​ർ​വ​ഹി​ച്ച ‘സൗ​ണ്ട് ഓ​ഫ് സൈ​ല​ൻ​സ്’. നി​ര​വ​ധി ദേ​ശീ​യ - അ​ന്ത​ർ​ദേ​ശീ​യ പു​ര​സ്കാ​ര​ങ്ങ​ൾ നേ​ടി​യ ഡോ.​ബി​ജു​വി​ന്‍റെ വീ​ട്ടി​ലേ​ക്കു​ള്ള വ​ഴി, ആ​കാ​ശ​ത്തി​ന്‍റെ നി​റം, പേ​ര​റി​യാ​ത്ത​വ​ർ, വ​ലി​യ ചി​റ​കു​ള്ള പ​ക്ഷി​ക​ൾ, കാ​ടു പൂ​ക്കു​ന്ന നേ​രം എ​ന്നി​വ​യി​ലും ഗോ​വ​ർ​ധ​ൻ ശ്ര​ദ്ധേ​യ​മാ​യ വേ​ഷ​ങ്ങ​ളിലെത്തി. പ​ഹാ​രി, ടി​ബ​റ്റ​ൻ, ഹി​ന്ദി ഭാ​ഷ​ക​ളി​ൽ പ്രേ​ക്ഷ​ക​രി​ലെ​ത്തു​ന്ന സൗ​ണ്ട് ഓ​ഫ് സൈ​ല​ൻ​സി​ൽ ബു​ദ്ധമതവിശ്വാസിയായാ​ണ് ഗോ​വ​ർ​ധ​ൻ വേ​ഷ​മി​ട്ടി​രി​ക്കു​ന്ന​ത്.



മാ​യാ മൂ​വീ​സി​ന്‍റെ ബാ​ന​റി​ൽ ഡോ.​എ.​കെ.​പി​ള്ള നി​ർ​മി​ച്ച ‘സൗ​ണ്ട് ഓ​ഫ് സൈ​ല​ൻ​സ്’ ക​സഖിസ്ഥി​ൽ ന​ട​ന്ന യു​റേ​ഷ്യ​ൻ അ​ന്താ​രാ​ഷ്‌ട്ര ച​ല​ച്ചി​ത്ര​മേ​ള​യി​ലെ ഓ​പ്പ​ണിം​ഗ് ചി​ത്ര​മാ​യി​രു​ന്നു. മോൺട്രിയൽ വേൾഡ് ഫിലിം ഫെസ്റ്റിവലിൽ വേൾഡ് ഗ്രേറ്റ്സ് വിഭാഗത്തിലും യുറേഷ്യൻ ഫിലിം ഫെസ്റ്റിവൽ(കസാക്കിസ്ഥാൻ), ഏഷ്യ പസഫിക് സ്ക്രീൻ അവാർഡ്സ് (ഓസ്ട്രേലിയ), റിലിജിയൻ ടുഡേ ഫിലിം ഫെസ്റ്റിവൽ(ഇറ്റലി), സിനി മാജിക് ബിലാസ്റ്റ് ഫിലിം ഫെസ്റ്റിവൽ(വടക്കൻ അയർലൻഡ്), ട്രിനിഡാഡ്, ടൊബാഗോ ഫിലിം ഫെസ്റ്റിവൽ, ധാക്ക ഫിലിം ഫെസ്റ്റിവൽ(ബംഗ്ലാദേശ്) എന്നിവയിൽ മത്സരവിഭാഗത്തിലും സൗണ്ട് ഓഫ് സൈലൻസ് ഔദ്യോഗിക സെലക്‌ഷൻ നേടി.



ജ​ന​ന​ത്തോ​ടെ അ​മ്മ​യെ ന​ഷ്ട​മാ​യ ഹി​മാ​ല​യ​ൻ മൂ​ക​ബാ​ല​ൻ അ​ച്ഛ​ന്‍റെ സ്നേ​ഹ​നി​രാ​സ​ത്തെ തു​ട​ർ​ന്ന് ജീ​വി​ത​ത്തി​ൽ ഒ​റ്റ​പ്പെ​ടു​ക​യും തു​ട​ർ​ന്ന് ഒ​രു ബു​ദ്ധ​വി​ഹാ​ര​ത്തി​ലെ അ​ന്തേ​വാ​സി​യാ​കു​ന്ന​തു​മാ​ണ് സൗ​ണ്ട് ഓ​ഫ് സൈ​ല​ൻ​സി​ന്‍റെ പ്ര​മേ​യം. മാ​സ്റ്റ​ർ ഗോ​വ​ർ​ധ​നും ഉ​ദ​യ് ച​ന്ദ്ര​യു​മാ​ണ് മു​ഖ്യ​വേ​ഷ​ങ്ങ​ളി​ൽ. ഡേവിസ് മാനുവൽ എഡിറ്റിംഗും പ്രമോദ് തോമസ് സൗണ്ട് മിക്സിംഗും സ്മിജിത് കുമാർ പിബി ലൊക്കേഷൻ സിങ്ക് സൗണ്ടും ജയദേവൻ ചക്കാടത്ത് സൗണ്ട് ഡിസൈനിംഗും സുനിൽ സിഎൻ കലാസംവിധാനവും അരവിന്ദ് വസ്ത്രാലങ്കാരവും അരുൺ പുനലൂർ സ്റ്റിൽ ഫോട്ടോഗ്രഫിയും നിർവഹിച്ചിരിക്കുന്നു.



എം.​ജെ.​രാ​ധാ​കൃ​ഷ്ണ​ൻ ഛായാഗ്രഹണവും ഐ​സ​ക് തോ​മ​സ് കൊ​ട്ടു​കാ​പ്പ​ള്ളി സം​ഗീ​ത​സം​വി​ധാ​ന​വും നി​ർ​വ​ഹി​ച്ച ‘സൗ​ണ്ട് ഓ​ഫ് സൈ​ല​ൻ​സ് ’ മൂ​ന്നു ത​വ​ണ ദേ​ശീ​യ പു​ര​സ്കാ​രം നേ​ടി​യ ഡോ.​ബി​ജു​വി​ന്‍റെ എ​ട്ടാ​മ​തു ചി​ത്ര​മാ​ണ്. ഡോ.​ബി​ജു​വി​ന്‍റെ മ​ക​നും അ​ടൂ​ർ കേ​ന്ദ്രീ​യ വി​ദ്യാ​ല​യ​ത്തി​ലെ എ​ട്ടാം ക്ലാ​സ് വി​ദ്യാ​ർ​ഥി​യു​മാ​ണ് മാസ്റ്റർ ഗോ​വ​ർ​ധ​ൻ. ഗോ​വ​ർ​ധ​ന്‍റെ സി​നി​മാ​വ​ഴി​ക​ളി​ലൂ​ടെ...




തുടക്കം ‘വീ​ട്ടി​ലേ​ക്കു​ള്ള വ​ഴി​’യിൽ..?

വീ​ട്ടി​ലേ​ക്കു​ള്ള വ​ഴി​യാ​ണ് എ​ന്‍റെ ആ​ദ്യ​ത്തെ സി​നി​മ. 2009ലാ​ണ് അ​തു പു​റ​ത്തി​റ​ങ്ങി​യ​ത്. ല​ഡാ​ക്കി​ലാ​യി​രു​ന്നു അ​തി​ന്‍റെ ചി​ത്രീ​ക​ര​ണം. ആ സിനിമയിലേക്ക് ആദ്യം പ​രി​ഗ​ണി​ക്കപ്പെട്ട കു​ട്ടി​ക​ളി​ൽ പ​ല​രും അ​വി​ട​ത്തെ മോശം കാ​ലാ​വ​സ്ഥ​യിൽ ആശങ്കപ്പെട്ട് സിനിമയിൽ നിന്നു പിന്മാറിയിരുന്നു. അ​പ്പോ​ഴാ​ണ് അ​വി​ടേ​യ്ക്കു വ​രാ​മോ എ​ന്ന് അ​ച്ഛ​ൻ എ​ന്നോ​ടു ചോ​ദി​ച്ച​ത്. ഞാ​ൻ സ​മ്മ​തി​ച്ചു. അ​ങ്ങ​നെ​യാ​ണ് എ​നി​ക്കു സി​നി​മ​യി​ലേ​ക്കു​ള്ള വ​ഴി തു​റ​ന്ന​ത്. അ​ന്നു ഞാ​ൻ അ​ടൂ​ർ കേ​ന്ദ്രീ​യ വി​ദ്യാ​ല​യ​ത്തി​ൽ ഒ​ന്നാം ക്ലാ​സി​ൽ പഠിക്കുകയായിരുന്നു.



പൃഥ്വിരാജിനൊപ്പം വീ​ട്ടി​ലേ​ക്കു​ള്ള വ​ഴി​യി​ൽ...‍?

വീട്ടിലേക്കുള്ള വഴിയിൽ പൃ​ഥ്വി​രാ​ജ് അ​ങ്കി​ളി​ന്‍റെ കൂ​ടെ അ​ഭി​ന​യിക്കാനായതിൽ ‌വ​ലി​യ സ​ന്തോ​ഷ​മാ​യി​രു​ന്നു. അ​ദ്ദേ​ഹം എ​ന്നോ​ട് ഏറെ ഫ്ര​ണ്ട്‌ലിയാ​യി​രു​ന്നു. സി​നി​മ​യു​ടെ ആ​ദ്യാ​വ​സാ​നം യാ​ത്ര​യാ​ണ്. ന​ല്ലൊ​രു സി​നി​മ​യാ​ണത്. അ​ന്നൊ​ന്നും സി​നി​മ​യി​ൽ അ​ഭി​ന​യി​ക്കു​ന്ന​ത് എ​ങ്ങ​നെ​യാ​ണെ​ന്നോ എ​ന്തി​നാ​ണെ​ന്നോ എ​നി​ക്ക​റി​യി​ല്ലാ​യി​രു​ന്നു. സ്കൂ​ളി​ൽ എ​ല്ലാ​വ​രും ന​ല്ല സ​പ്പോ​ർ​ട്ടീ​വാ​യി​രു​ന്നു.



അ​ടു​ത്ത പ​ട​ത്തി​ലും അ​ഭി​ന​യി​പ്പി​ക്ക​ണ​മെ​ന്ന് അ​ച്ഛ​നോ​ട്
ആ​വ​ശ്യ​പ്പെ​ട്ടി​രു​ന്നോ...?


ആ ​സി​നി​മ​യി​ലേ​ക്കും അ​ച്ഛ​ൻ വി​ളി​ക്കു​ക​യാ​യി​രു​ന്നു. അ​തു ക​ഴി​ഞ്ഞു​ള്ള സി​നി​മ​ക​ൾ മു​ത​ൽ ഞാ​ൻ അ​ങ്ങോ​ട്ട് ആ​വ​ശ്യ​പ്പെ​ടു​ക​യാ​യി​രു​ന്നു. നാ​ലാം ക്ലാ​സി​ൽ പ​ഠി​ക്കു​ന്പോ​ഴാ​ണ് ‘ആ​കാ​ശ​ത്തി​ന്‍റെ നി​റം’ ചെ​യ്യു​ന്ന​ത്. അ​പ്പോ​ഴേ​ക്കും സി​നി​മ​യെ​ക്കു​റി​ച്ചു കു​റ​ച്ചു​കൂ​ടി അ​റി​വാ​യി. പൃഥ്വി​രാ​ജ്, ഇ​ന്ദ്ര​ജി​ത്ത്, അ​മ​ലാ​ പോ​ൾ ചേ​ച്ചി തു​ട​ങ്ങി​യ​വ​ർ​ക്കൊ​പ്പ​മാ​ണ് ആ​കാ​ശ​ത്തി​ന്‍റെ നി​റ​ത്തി​ൽ അ​ഭി​ന​യി​ച്ച​ത്. ആ​ൻ​ഡ​മാ​ൻ നി​ക്കോ​ബാ​റി​ലാ​യി​രു​ന്നു ഷൂ​ട്ടിം​ഗ്. മി​ക്ക സീ​നു​ക​ളി​ലും ഞാൻ ഉ​ണ്ടാ​യി​രു​ന്നു. നെ​ടു​മു​ടി വേ​ണു​ച്ചേ​ട്ട​ൻ, ഇ​ന്ദ്ര​ൻ​സ് അ​ങ്കി​ൾ എ​ന്നി​വ​രു​മു​ണ്ടാ​യി​രു​ന്നു ആ ​ചി​ത്ര​ത്തി​ൽ. ഇ​വ​രെ​യൊ​ക്കെ അ​ടു​ത്തു കാ​ണാ​നാ​യ​തി​ൽ എ​നി​ക്കു വ​ലി​യ സ​ന്തോ​ഷ​മാ​യി​രു​ന്നു അ​ന്ന്.



സി​നി​മ​യാ​ണോ കാ​ർ​ട്ടൂ​ണു​ക​ളാ​ണോ ഇ​ഷ്ടം...?

സി​നി​മ​യും കാ​ണും കാ​ർ​ട്ടൂ​ണും കാ​ണും. സി​നി​മ​ക​ൾ കാ​ണാ​ൻ അ​ന്നേ വ​ലി​യ ഇ​ഷ്ട​മാ​യി​രു​ന്നു. അ​ച്ഛ​ന്‍റെ സി​നി​മ​ക​ൾ മാ​ത്ര​മ​ല്ല മ​റ്റു സി​നി​മ​ക​ളും കാ​ണാ​റു​ണ്ടാ​യി​രു​ന്നു.



സുരാജിനൊപ്പം പേ​ര​റി​യാ​ത്ത​വ​രിൽ...‍?

ചി​ത്രീ​ക​ര​ണം ക​ഴി​ഞ്ഞു ര​ണ്ടു വ​ർ​ഷം ക​ഴി​ഞ്ഞാ​ണു പേ​ര​റി​യാ​ത്ത​വ​ർ റി​ലീ​സാ​യ​ത്. 2016ൽ. ​ഷൂ​ട്ട് ന​ട​ക്കു​ന്പോ​ൾ ഞാ​ൻ ആ​റാം ക്ലാ​സി​ലാ​യി​രു​ന്നു. ആ​ദ്യാ​വ​സാ​ന​മു​ള്ള ന​ല്ല ക​ഥാ​പാ​ത്ര​മാ​യി​രു​ന്നു എനിക്ക് അതിൽ. സാമൂഹിക സ​ന്ദേ​ശം ത​രു​ന്ന ഒ​രു സി​നി​മ​യാ​യി​രു​ന്നു അ​ത്. സു​രാ​ജ് അ​ങ്കി​ളി​ന്‍റെ മ​ക​നാ​യി​ട്ടാ​ണ് അ​ഭി​ന​യി​ച്ച​ത്. അ​ദ്ദേ​ഹം ഫ്ര​ണ്ട്‌ലി ആ​യി​രു​ന്നു. അ​ദ്ദേ​ഹം സെ​റ്റി​ൽ കോ​മ​ഡി​യൊ​ക്കെ പ​റ​യു​മാ​യി​രു​ന്നു.

വ​ലി​യ ചി​റ​കു​ള്ള പ​ക്ഷി​ക​ൾ...?

അ​തി​ൽ ചെ​റി​യ വേ​ഷ​മാ​യി​രു​ന്നു. കു​ഞ്ചാ​ക്കോ ബോ​ബ​ന്‍റെ ബാ​ല്യ​കാ​ല​മാ​ണ് അ​ഭി​ന​യി​ച്ച​ത്. എ​ൻ​ഡോസ​ൾ​ഫാ​ൻ പ്ര​ശ്ന​ത്തെ​ക്കു​റി​ച്ചുള്ള സിനിമ. ആ പ്രശ്നത്തെക്കുറിച്ചു സ്കൂ​ളി​ൽ പ​ഠി​ച്ചി​രു​ന്നു. പി​ന്നെ ടി​വി വാ​ർ​ത്ത​യി​ലും അ​തേ​ക്കു​റി​ച്ചു കേ​ട്ടി​രുന്നു.



കാ​ടു​പൂ​ക്കു​ന്ന നേ​ര​ത്തി​ൽ...?

കാ​ടു​പൂ​ക്കു​ന്ന നേ​ര​ത്തി​ൽ എ​നി​ക്കു ചെ​റി​യ വേ​ഷ​മാ​യി​രു​ന്നു. സ്കൂ​ളി​ലെ കു​ട്ടി​യാ​യി​ട്ടാ​ണ് ഞാ​ൻ വേ​ഷ​മി​ട്ട​ത്. മൂ​ന്നു ദി​വ​സം കൊ​ണ്ട് എ​ന്‍റെ സീ​നു​ക​ൾ പൂ​ർ​ത്തി​യാ​യി. പ​ക്ഷേ, അ​വ​ധി​യാ​യ​തി​നാ​ൽ ലൊ​ക്കേ​ഷ​നി​ൽ ത​ന്നെ നി​ന്നു. ഇ​ന്ദ്ര​ജി​ത്ത് അ​ങ്കി​ളു​മാ​യി വീ​ണ്ടും ഒന്നിച്ച് അ​ഭി​ന​യി​ച്ചു. ഏ​ഴാം ക്ലാ​സി​ൽ പ​ഠി​ക്കു​ന്പോ​ഴാ​യി​രു​ന്നു ഷൂ​ട്ട്. പടം തിയറ്ററുകളിലെത്തിയപ്പോൾ ഞാൻ എ​ട്ടാം ക്ലാ​സിലെത്തി. ഇ​ന്ദ്ര​ൻ​സ് അ​ങ്കി​ളി​നൊ​പ്പ​മാ​യി​രു​ന്നു സീ​നു​ക​ൾ. അ​ദ്ദേ​ഹം ഹെ​ഡ് മാ​സ്റ്റ​റാ​യി​ട്ടാ​ണ് അ​ഭി​ന​യി​ച്ച​ത്. ചെ​റി​യ ഡ​യ​ലോ​ഗു​ക​ളാ​ണ് എ​നി​ക്ക് ആ ​സി​നി​മ​യി​ൽ. അ​ച്ച​ൻ​കോ​വി​ലിൽ ആയിരുന്നുഷൂ​ട്ടിം​ഗ്.




സൗ​ണ്ട് ഓ​ഫ് സൈ​ല​ൻ​സി​ൽ നാ​യ​ക​ൻ....?

സൗ​ണ്ട് ഓ​ഫ് സൈ​ല​ൻ​സിന്‍റെ ഷൂട്ട് ഹി​മാ​ച​ലി​ലാ​യി​രു​ന്നു. അവിടത്തെ ഒ​രു കു​ട്ടി വീ​ട്ടി​ലെ പ്ര​ശ്ന​ങ്ങ​ളെ​ത്തു​ട​ർ​ന്നു ബു​ദ്ധി​സ്റ്റാ​യി​ മാ​റു​ന്ന​താ​ണു ക​ഥ. 13 ദി​വ​സ​മാ​യി​രു​ന്നു ഹി​മാ​ച​ലി​ൽ ഷൂ​ട്ടിം​ഗ്. മ​ര​ത്തി​ൽ നി​ന്ന് ആ​പ്പി​ൾ പ​റി​ച്ചുതി​ന്നു. അ​വി​ട​ത്തെ ബു​ദ്ധ​വി​ഹാ​ര​ങ്ങ​ളി​ൽ പോ​യി. അ​വി​ട​ത്തെ കു​ട്ടി​ക​ളെ ക​ണ്ടു പ​രി​ച​യ​പ്പെ​ട്ടു. അ​വ​രു​മാ​യി ഹി​ന്ദി​യി​ലാ​ണു സം​സാ​രി​ച്ച​ത്. ബു​ദ്ധ​മ​തം സ്വീ​ക​രി​ച്ച​വ​ർ ആ​യ​തി​നാ​ൽ അ​വ​ർ ശാ​ന്ത​സ്വ​ഭാ​വി​ക​ളാ​ണ് എ​പ്പോ​ഴും. പൊ​തു​വേ ദേ​ഷ്യ​പ്പെ​ടാ​റി​ല്ല. ഒ​രു ഉ​റു​ന്പി​നെ​പ്പോ​ലും കൊ​ല്ലി​ല്ല. വെ​ജ് ഭ​ക്ഷ​ണ​മാ​ണ്. അ​വി​ടെ മൊ​ബൈ​ൽ ഉ​ണ്ട്. പ​ക്ഷേ, റേ​ഞ്ച് കി​ട്ടു​ന്ന​ത് ഇ​ട​യ്ക്കി​ടെ മാ​ത്രം. ചി​ല​ർ​ക്കൊ​ക്കെ ഫോ​ണു​ണ്ട്. ചിലർ നെ​റ്റി​ൽ സി​നി​മ​ക​ൾ കാ​ണും. ചി​ല​ർ കേ​ര​ള​ത്തെ​ക്കു​റി​ച്ച് അ​റി​വു​ള്ള​വ​രാ​ണ്. എം​ജെ. രാ​ധാ​കൃ​ഷ്ണ​ൻ അ​ങ്കി​ളി​ന്‍റ മ​ക​ൻ യ​ദു​കൃ​ഷ്ണ​ൻ എ​ന്ന ക​ണ്ണ​നു​മാ​യി ന​ല്ല കൂ​ട്ടാ​യി​രു​ന്നു സെ​റ്റി​ൽ. യ​ദു​കൃ​ഷ്ണ​ൻ സൗ​ണ്ട് ഓ​ഫ് സൈ​ല​ൻ​സി​ൽ കാ​മ​റ അ​സി​സ്റ്റ​ന്‍റാ​യി​രു​ന്നു.



അ​ഭി​ന​യിക്കാൻ പോ​കു​ന്പോ​ൾ ക്ലാ​സ് ന​ഷ്ട​പ്പെ​ടി​ല്ലേ...?

ഒ​രു സി​നി​മ ചെ​യ്യാ​ൻ പോ​കു​ന്പോ​ൾ 10 ദി​വ​സം വ​രെ അ​വ​ധി​യെ​ടു​ക്കും. അ​ച്ഛ​ൻ സ്കൂ​ളി​ലെ​ത്തി പെ​ർ​മി​ഷ​ൻ വാ​ങ്ങി​ക്കും. മ​ട​ങ്ങി​വ​രു​ന്പോ​ൾ ഞാ​ൻ ത​ന്നെ നോ​ട്ടു​ക​ൾ എ​ഴു​തി​യെ​ടു​ക്കും. ക​ഴി​ഞ്ഞ ഓ​ണ​ത്തി​ന് ആ​റു ദി​വ​സം അ​വ​ധി​യു​ണ്ടാ​യി​രു​ന്നു. അ​തി​നാ​ൽ സൗ​ണ്ട് ഓ​ഫ് സൈ​ല​ൻ​സി​നു പോ​യ​പ്പോ​ൾ കു​റ​ച്ചു ദി​വ​സ​ത്തെ ക്ലാ​സു​ക​ൾ മാ​ത്ര​മേ ന​ഷ്ട​മാ​യി​ട്ടു​ള്ളൂ




കൂ​ട്ടു​കാ​രു​ടെ പി​ന്തു​ണ...?

സ്കൂ​ളി​ൽ ചെ​ല്ലു​ന്പോ​ൾ കൂ​ട്ടു​കാ​ർ സി​നി​മ​യി​ലെ കാ​ര്യ​ങ്ങ​ളൊ​ക്കെ ചോ​ദി​ക്കും. സെ​റ്റി​ലെ എ​ക്സ്പീ​രി​യ​ൻ​സും മ​റ്റും. എ​ല്ലാ​വ​രും ന​ല്ല സ​പ്പോ​ർ​ട്ടാ​ണ്. എ​ല്ലാ ക്ലാ​സുകളിലെയും എ​ല്ലാ​വ​രു​മാ​യും ന​ല്ല കൂ​ട്ടാ​ണ്.

ഇ​തു​വ​രെ കി​ട്ടി​യ അ​വാ​ർ​ഡു​ക​ളെ​ക്കു​റി​ച്ച്...?

ആ​കാ​ശ​ത്തി​ന്‍റെ നി​റ​ത്തി​നു ബെ​സ്റ്റ് ചൈ​ൽ​ഡ് ആ​ർ​ട്ടി​സ്റ്റി​നു​ള്ള സൂ​ര്യ ഫി​ലിം അ​വാ​ർ​ഡ് കി​ട്ടി​യി​രു​ന്നു. അ​തി​നു​ശേ​ഷം ഇ​റാ​നി​ൽ നി​ന്നാ​ണ് അ​വാ​ർ​ഡ് കി​ട്ടി​യ​ത്. പേ​ര​റി​യാ​ത്ത​വ​ർ എ​ന്ന സി​നി​മ​യ്ക്ക്. അ​ച്ഛ​നാ​ണ് എ​നി​ക്കു​വേ​ണ്ടി അ​വാ​ർ​ഡ് സ്വീ​ക​രി​ച്ച​ത്. ബെ​സ്റ്റ് ആ​ക്ട​ർ അ​വാ​ർ​ഡാ​ണ് അ​വി​ടെ കി​ട്ടി​യ​ത്. അ​വി​ടെ ബെ​സ്റ്റ് ചൈ​ൽ​ഡ് ആ​ക്ട​ർ എ​ന്ന കാ​റ്റ​ഗ​റി​യി​ല്ല.



സിനിമയ്ക്കപ്പുറമുള്ള ഇ​ഷ്ട​ങ്ങ​ൾ...?

സ്പോ​ർ​ട്സി​ൽ താ​ത്പ​ര്യ​മു​ണ്ട്. വോ​ളി​ബോ​ൾ ഇ​ഷ്ട​മാ​ണ്. വ​നം സം​ര​ക്ഷി​ക്കു​ന്ന​തി​നെ​ക്കു​റി​ച്ച് ഷോ​ർ​ട്ട് ഫി​ലിം ചെ​യ്യ​ണ​മെ​ന്നു തോ​ന്നി​യി​ട്ടു​ണ്ട്. മ​ന​സി​ൽ തോ​ന്നു​ന്ന​തൊ​ക്കെ എ​ഴു​തി​വ​യ്ക്കാ​റു​ണ്ട്. കു​റ​ച്ചൊ​ക്കെ വാ​യി​ക്കും. സ്കൂ​ൾ ലൈ​ബ്ര​റി​യി​ൽ നി​ന്നാ​ണ് പു​സ്ത​ക​ങ്ങ​ൾ എ​ടു​ക്കു​ന്ന​ത്.



ആ​ദ്യ സി​നി​മ ചെ​യ്യു​ന്പോ​ൾ ഒ​ന്നാം ക്ലാ​സി​ൽ. സൗ​ണ്ട് ഓ​ഫ് സൈ​ല​ൻ​സ് ചെ​യ്യു​ന്പോ​ൾ എ​ട്ടാം ക്ലാ​സി​ൽ... സി​നി​മ​യെ​ക്കു​റി​ച്ച് എ​ന്തു തോ​ന്നു​ന്നു..?

ആ​ദ്യ​മൊ​ക്കെ സി​നി​മ എ​ന്താ​ണെ​ന്ന് അ​റി​യി​ല്ലാ​യി​രു​ന്നു. പ​തി​യെ പ​തി​യെ കാ​ര്യ​ങ്ങ​ൾ പ​ഠി​ച്ചു​വ​രി​ക​യാ​ണ്. അ​ച്ഛ​ൻ ചെ​യ്ത സൈ​റ, രാ​മ​ൻ എ​ന്നീ സി​നി​മ​ക​ളി​ലൊ​ഴി​ച്ച് എ​ല്ലാ സി​നി​മ​ക​ളി​ലും വേഷമു​ണ്ടായിരുന്നു. അ​ച്ഛ​ന്‍റെ സി​നി​മ​ക​ൾ കൂ​ടു​ത​ലും സോ​ഷ്യ​ൽ മെ​സേ​ജ് ഫോ​ക്ക​സ് ചെ​യ്താ​ണ് എ​ടു​ക്കു​ന്ന​ത്. അ​ത്ത​രം സി​നി​മ​ക​ൾ കാ​ണാ​ൻ ഇ​ഷ്ട​മാ​ണ്. ഫി​ലിം ഫെ​സ്റ്റി​വ​ലു​ക​ളി​ൽ പോ​യി​ട്ടു​ണ്ട്. എ​ല്ലാ​ത്ത​രം സി​നി​മ​ക​ളും കാ​ണാ​റു​ണ്ട്.



മ​റ്റു സി​നി​മ​ക​ളി​ൽ നി​ന്ന് ഓ​ഫ​റു​ക​ൾ വ​ന്നി​രു​ന്നോ...?

മ​റ്റു സംവിധായകരുടെ സി​നി​മ​ക​ളി​ൽ നി​ന്നും ഓ​ഫ​റു​ക​ൾ വ​ന്നി​രു​ന്നു. എ​ക്സാം ടൈം ​ആ​യ​തു​കൊ​ണ്ടു പോ​യി​ല്ല.

സിനിമയും പഠനവും...ഏതിനാണു മുൻഗണന?

​പ​ഠനവും അ​ഭി​ന​യ​വും ഒ​ന്നി​ച്ചു​കൊ​ണ്ടു​പോ​ക​ണ​മെ​ന്നു വി​ചാ​രി​ക്കു​ന്നു. ഡോ​ക്ട​ർ ആ​ക​ണ​മെ​ന്നാ​ണ് ആ​ഗ്ര​ഹം. ആ​ക്ട​ർ ആ​ക​ണ​മെ​ന്നും ആ​ഗ്ര​ഹി​ക്കു​ന്നു. വേ​ഷ​ങ്ങ​ൾ കി​ട്ടി​യാ​ൽ ഇ​നി​യും ചെ​യ്യും.

ടി.ജി.ബൈജുനാഥ്