Cinema
ചിരി നിലയ്ക്കാത്ത പഞ്ചാബിഹൗസ്
Monday, April 23, 2018 1:43 PM IST
ആ​ക്ഷേ​പ​ഹാ​സ്യ​ത്തി​ന്‍റെ പു​ത്ത​ൻ രൂ​പ​മാ​ണ് സ​മൂ​ഹ​മാ​ധ്യ​മ​ങ്ങ​ളി​ലെ ട്രോ​ളു​ക​ൾ. രാ​ഷ്ട്രീ​യ​മോ, സാം​സ്കാ​രി​ക​മോ, മ​ത​പ​ര​മാ​യ​തോ എ​ന്തി​നു അ​റി​യ​പ്പെ​ടു​ന്ന ഒ​രാ​ളു​ടെ വ്യ​ക്തി​പ​ര​മാ​യ സം​ഭ​വ​ങ്ങ​ളെ വ​രെ വി​മ​ർ​ശി​ക്കാ​നും പ​രി​ഹ​സി​ക്കാ​നും ഇ​ന്നു ട്രോ​ളു​ക​ൾ മു​ന്നി​ലാ​ണ്. ആ ​ട്രോ​ളു​ക​ൾ സൃ​ഷ്ടി​ക്കു​ന്ന​താ​ക​ട്ടെ ഹി​റ്റ് സി​നി​മ​ക​ളു​ടെ സീ​നു​ക​ളി​ൽ നി​ന്നും. അ​ത്ത​ര​ത്തി​ൽ ഇ​ന്നു മ​ല​യാ​ള​ത്തി​ലെ ട്രോ​ളു​ക​ളി​ലെ മു​ടി​ചൂ​ടാ മ​ന്ന​നാ​ണ് ര​മ​ണ​ൻ. പ​ഞ്ചാ​ബി​ഹൗ​സി​ൽ നി​ന്നെ​ത്തി​യ ഹ​രി​ശ്രീ അ​ശോ​ക​ന്‍റെ ര​മ​ണ​ണ്‍ ഇ​ന്നു കേ​ര​ള​ത്തി​ലെ ആ​ബാ​ല​വൃ​ദ്ധം ജ​ന​ങ്ങ​ൾ​ക്കും പ​രി​ചി​ത​മാ​ണ്. ര​മ​ണ​നെ പോ​ലെ​ത​ന്നെ ചി​ത്ര​ത്തി​ലെ മു​ത​ലാ​ളി​യും പൊ​ട്ട​ൻ ജ​ബ​നും സി​ക്ക​ന്ദ​റു​മെ​ല്ലാം. ഈ ​ക​ഥാ​പാ​ത്ര​ങ്ങ​ളി​ലൂ​ടെ ഇ​ന്നും ജ​ന​പ്രീ​തി​യി​ൽ മു​ന്നി​ലാ​ണ് പ​ഞ്ചാ​ഹി ഹൗ​സ് എ​ന്ന സി​നി​മ.



മ​ല​യാ​ള​ത്തി​ലെ എ​ക്കാ​ല​ത്തേ​യും മി​ക​ച്ച അ​ഞ്ചു കോ​മ​ഡി ചി​ത്ര​ങ്ങ​ളെ തെ​ര​ഞ്ഞെ​ടു​ത്താ​ൽ അ​തി​ന്‍റെ മു​ൻ​നി​ര​യി​ൽ ത​ന്നെ​യു​ണ്ടാ​കും പ​ഞ്ചാ​ബി​ഹൗ​സ്. ദി​ലീ​പ് എ​ന്ന നാ​യ​ക​ന്‍റെ സൂ​പ്പ​ർ​താ​ര പ​ദ​വി​യി​ലേ​ക്കു​ള്ള ആ​ദ്യ​പ​ടി​യാ​യി​രു​ന്നു ഈ ​ചി​ത്രം. ഒ​രു ത​ര​ത്തി​ൽ ദി​ലീ​പി​ന്‍റെ സൂ​പ്പ​ർ​താ​ര പ​ദ​വി​യി​ലേ​ക്കു​ള്ള പാ​ത​യി​ൽ ത​ന്‍റെ ത​ട്ട​കം കോ​മ​ഡി എ​ന്നു ദീ​ലി​പ് തി​രി​ച്ച​റി​ഞ്ഞ​തും സേ​ഫ് സോ​ണി​ലേ​ക്കു കൂ​ടു​ത​ൽ ശ്ര​ദ്ധ കൊ​ടു​ക്കാ​നു​മെ​ല്ലാം ഈ ​ചി​ത്രം കാ​ര​ണ​മാ​യി​ട്ടു​ണ്ട്. ര​ണ്ടു പ​തി​റ്റാ​ണ്ടാ​കു​ന്പോ​ഴും പ​ഞ്ചാ​ബി​ഹൗ​സ് നേ​ടി​യ ജ​ന​സ്വീ​കാ​ര്യ​ത​യ്ക്ക് ഒ​രു മ​ങ്ങ​ലും ഉ​ണ്ടാ​യി​ട്ടി​ല്ല എ​ന്ന​താ​ണ് സ​ത്യം.



ഹ​രി​കൃ​ഷ്ണ​ൻ​സ്, സ​മ്മ​ർ ഇ​ൻ ബേ​ത്‌ല​ഹേം തു​ട​ങ്ങി​യ വ​ന്പ​ൻ ചി​ത്ര​ങ്ങ​ളോ​ടൊ​പ്പം 1998-ലെ ​ഓ​ണ​ക്കാ​ല​ത്ത് മ​ത്സ​രി​ച്ച് 200 ദി​വ​സ​ത്തി​ല​ധി​കം പ്ര​ദ​ർ​ശ​നവി​ജ​യം നേ​ടി​യ ചി​ത്ര​മാ​ണ് പ​ഞ്ചാ​ബി​ഹൗ​സ്. ഹാ​സ്യ​ത്തി​നു മു​ൻ​തൂ​ക്ക​മെ​ങ്കി​ലും കു​ടും​ബ​വും പ്ര​ണ​യ​വും കോ​മ​ഡി​യു​മൊ​ക്കെ​യാ​യി ഒ​രു തി​ക​ഞ്ഞ കു​ടും​ബ ചി​ത്ര​മാ​യാ​ണു ചി​ത്ര​മൊ​രു​ക്കി​യ​ത്. ഹി​റ്റു​ക​ളു​ടെ തോ​ഴ​രാ​യ റാ​ഫി മെ​ക്കാ​ർ​ട്ടി​ൻ ര​ച​ന​യും സം​വി​ധാ​ന​വും നി​ർ​വ​ഹി​ച്ച ഈ ​ചി​ത്രം നി​ർ​മി​ച്ചി​രു​ന്ന​ത് അ​ക്കാ​ല​ത്തെ വ​ലി​യ നി​ർ​മ്മാ​ണ ടീ​മാ​യ സാ​ഗാ ഫി​ലിം​സാ​യി​രു​ന്നു. ദി​ലീ​പി​നൊ​പ്പം ഹ​രി​ശ്രീ അ​ശോ​ക​ൻ, കൊ​ച്ചി​ൻ ഹ​നീ​ഫ, തി​ല​ക​ൻ, ലാ​ൽ, ജ​നാ​ർ​ദ്ദ​ന​ൻ, ഇ​ന്ദ്ര​ൻ​സ്, എ​ൻ.​എ​ഫ് വ​ർ​ഗീ​സ്, നീ​ന കു​റു​പ്പ് എ​ന്നി​വ​ർ അ​ണി​നി​ര​ന്ന​പ്പോ​ൾ മോ​ഹി​നി​യും ജോ​മോ​ളു​മാ​ണ് നാ​യി​ക നി​ര​യി​ലെ​ത്തി​യ​ത്.



ത​ന്‍റെ മ​ര​ണ​ത്തി​ലൂ​ടെ കി​ട്ടു​ന്ന ഇ​ൻ​ഷു​റ​ൻ​സ് തു​ക​യി​ലൂ​ടെ ക​ടം വീ​ട്ടാ​നാ​യി ക​ട​ലി​ൽ ചാ​ടു​ന്ന ഉ​ണ്ണി എ​ന്ന യു​വാ​വി​ലൂ​ടെ​യാ​ണ് ചി​ത്രം ആ​രം​ഭി​ക്കു​ന്ന​ത്. ര​ക്ഷ​പ്പെ​ട്ട് ര​മ​ണ​നും മു​ത​ലാ​ളി​ക്കു​മൊ​പ്പം കൂ​ടു​ന്ന ഉ​ണ്ണി​ക്ക് സം​സാ​രി​ക്കാ​നും കേ​ൾ​ക്കാ​നും ക​ഴി​യാ​ത്ത ആ​ളാ​യി അ​ഭി​ന​യി​ക്കേ​ണ്ടി​വ​രു​ന്നു. പി​ന്നീ​ട് കൊ​ച്ചി​യി​ലെ പ​ഞ്ചാ​ബി​ക​ളു​ടെ വീ​ട്ടി​ലെ​ത്തു​ന്ന ഉ​ണ്ണി അ​വി​ടെ പൂ​ജ എ​ന്ന പെ​ണ്‍​കു​ട്ടി​യു​മാ​യി ഇ​ഷ്ട​ത്തി​ലാ​കു​ന്നു. പ​ക്ഷേ, അ​പ്പോ​ഴും ഉ​ണ്ണി​ക്കാ​യി വീ​ട്ടി​ൽ അ​വ​ന്‍റെ മു​റ​പ്പെ​ണ്ണ് കാ​ത്തി​രി​പ്പു​ണ്ടാ​യി​രു​ന്നു. ചി​ത്ര​ത്തി​ൽ കോ​ർ​ത്തി​ണ​ക്കി​യ കോ​മ​ഡി മ​ല​യാ​ളി​ക​ളെ അ​ന്ന് ബി​ഗ്സ്ക്രീ​നി​ലും ഇ​ന്നു മി​നി​സ്ക്രീ​മി​ലും പൊ​ട്ടി​ച്ചി​രി​പ്പി​ക്കു​ക​യാ​ണ്. ഓ​രോ സീ​നും അ​തി​ന്‍റെ പൂ​ർ​ണ​മാ​യ കോ​മ​ഡി​യെ സൃ​ഷ്ടി​ച്ചെ​ടു​ത്ത​പ്പോ​ൾ കാ​ർ​ട്ടൂ​ണാ​യി കൂ​പ്പു​കു​ത്താ​തെ ക​ഥ​യി​ലേ​ക്കു കോ​മ​ഡി​യെ കൊ​ണ്ടു​വ​രു​ക​യാ​യി​രു​ന്നു ചി​ത്ര​ത്തി​ൽ.

നാ​യ​ക​നാ​യി ഹി​റ്റു​ക​ൾ തു​ട​ങ്ങി​യ സ​മ​യ​ത്ത് ദി​ലീ​പി​ന്‍റെ ക​രി​യ​റി​ലും വ​ലി​യ ബ്രേ​ക്കാ​യി​രു​ന്നു ചി​ത്രം. കോ​മ​ഡി ട്രാ​ക്കി​ൽ ത​ന്നെ ക​ഥ പ​റ​ഞ്ഞ മീ​ന​ത്തി​ൽ താ​ലി​കെ​ട്ടും ലോ​ഹി​ത​ദാ​സി​ന്‍റെ തി​ര​ക്ക​ഥ​യി​ലെ​ത്തി​യ ഓ​ർ​മ്മ​ച്ചെ​പ്പി​നും ശേ​ഷ​മെ​ത്തി​യ ചി​ത്ര​മാ​യി​രു​ന്നു പ​ഞ്ചാ​ബി​ഹൗ​സ്. ത​ന്‍റെ സി​നി​മാ ജീ​വി​ത​ത്തി​ൽ ദീ​ലി​പി​നും ഏ​റ്റ​വും പ്രി​യ​മേ​റി​യ ചി​ത്ര​ങ്ങ​ളി​ൽ ഒ​ന്ന് പ​ഞ്ചാബി​ഹൗ​സാ​ണ്.



റാ​ഫി മെ​ക്കാ​ർ​ട്ടി​ൻ- ജ​യ​റാം ചി​ത്രം സൂ​പ്പ​ർ​മാ​നു​ശേ​ഷം ഒ​രു​ക്കി​യ ചി​ത്ര​മാ​യി​രു​ന്നു പ​ഞ്ചാ​ബി​ഹൗ​സ്. ആ​ദ്യം ജ​യ​റാ​മി​നേ​യും ജ​ഗ​തി​യെ​യും പ​രി​ഗ​ണി​ച്ചി​ട​ത്തു നി​ന്നു​മാ​ണ് പി​ന്നീ​ട​തു ദി​ലീ​പി​ലും ഹ​രി​ശ്രീ​യി​ലു​മെ​ത്തി നി​ന്ന​ത്. സി​ദ്ധി​ഖ് ലാ​ലി​ന്‍റെ കാ​ബൂ​ളി​വാ​ല​യു​ടെ സെ​റ്റി​ൽ​വെ​ച്ച് കാ​ണാ​നി​ട​യാ​യ കൊ​ച്ചി​ക്കാ​ര​നാ​യ പ​ഞ്ചാ​ബി​യും മ​റ്റൊ​രി​ക്ക​ൽ ട്രെ​യി​ൻ യാ​ത്ര​യി​ൽ​വെ​ച്ച് ക​ണ്ടു​മു​ട്ടി​യ സം​സാ​രി​ക്കാ​നാ​വാ​ത്ത പ​യ്യ​നി​ൽ നി​ന്നു​മാ​ണ് റാ​ഫി മെ​ക്കാ​ർ​ട്ടി​ൻ ഈ ​ചി​ത്ര​ത്തി​ന്‍റെ ക​ഥ വി​ക​സി​പ്പി​ച്ചെ​ടു​ത്ത​ത്.

ദി​ലീ​പി​ന്‍റെ കോ​മ​ഡി ചി​ത്ര​ങ്ങ​ളും, ദി​ലീ​പ്-​ഹ​രി​ശ്രീ വി​ജ​യ കോ​ന്പി​നേ​ഷ​നും, റാ​ഫി മെ​ക്കാ​ർ​ട്ടി​ൻ- ദി​ലീ​പ് ചി​ത്ര​ങ്ങ​ളും പി​ന്നീ​ട് നി​ര​വ​ധി ത​വ​ണ ആ​വ​ർ​ത്തി​ച്ചി​ട്ടും ഇ​ന്നും മ​ല​യാ​ളി​ക​ൾ​ക്കു പ്രി​യം പ​ഞ്ചാ​ബി ഹൗ​സി​നോ​ടാ​ണ്. ചി​ത്ര​ത്തി​ലെ ഓ​രോ സം​ഭാ​ഷ​ണ​വും മ​ല​യാ​ളി​ക​ളു​ടെ ദി​ന​ച​ര്യ​യി​ൽ ഒ​രി​ക്ക​ലെ​ങ്കി​ലും ക​ട​ന്നു വ​രു​ന്ന​താ​ണ്. അ​തെ, ജ​ബ​നും ര​മ​ണ​നും മു​ത​ലാ​ളി​യു​മൊ​ക്കെ ഇ​പ്പോഴും ​മ​ല​യാ​ളി​ക​ളു​ടെ ജീ​വി​ത​ത്തി​നൊ​പ്പ​മു​ണ്ട്.

ത​യാ​റാ​ക്കി​യ​ത്: അ​നൂ​പ് ശ​ങ്ക​ർ
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.

Copyright @ 2022 , Rashtra Deepika Ltd.