ഷൈജു അന്തിക്കാട് സംവിധാനം ചെയ്യുന്ന ഹണി ബീ 2.5ന്‍റെ ട്രെയിലർ പുറത്തിറങ്ങി. ജീൻപോൾ ലാലിന്‍റെ ഹണി ബീ 2 ചിത്രത്തിന്‍റെ ലൊക്കേഷനിൽ ചിത്രീകരിച്ച ഹണീ ബി 2.5 നേരത്തെ തന്നെ വാർത്തകളിൽ നിറഞ്ഞിരുന്നു.
ആസിഫ് അലിയുടെ സഹോദരൻ അസ്കർ അലിയാണ് ചിത്രത്തിൽ നായകൻ. ലിജോ മോളാണ് നായിക. ലാൽ, ശ്രീനിവാസൻ ,ജോയ് മാത്യു, ദിലീഷ് പോത്തൻ, സച്ചി, ജീൻ പോൾ,ആലപ്പി അഷ്റഫ്, സോഹൻലാൽ, ബാബുരാജ് തുടങ്ങിയ ഒന്പത് സംവിധായകർ കഥാപാത്രങ്ങളായെത്തുന്നു എന്നതാണ് ഹണീ ബീ 2. 5 ന്‍റെ മറ്റൊരു പ്രത്യേകത. ഇവരെ കൂടാതെ ആസിഫ് അലി ,ഭാവന ,ലാൽ ,ശ്രീനിവാസൻ, ഹരീഷ് കണാരൻ, നിർമ്മൽ പാലാഴി, ഹരീഷ് പേങ്ങൻ, ഇന്ത്യൻ, ദിലീഷ് പോത്തൻ, ബാബുരാജ്, ബാലു വർഗീസ്, ശ്രീനാഥ് ഭാസി, ജോയ് മാത്യു ,ഹരിശ്രീ അശോകൻ, സുരേഷ് കൃഷ്ണ, ഗണപതി, അരുണ്‍, മഞ്ജു കോട്ടയം,ആര്യ,കൃഷ്ണപ്രഭ, സച്ചി, ആലപ്പി അഷ്റഫ്, അസിം ജമാൽ എന്നിവരും ചിത്രത്തിലെ മറ്റു കഥാപാത്രങ്ങളെ അവതരിപ്പിക്കുന്നുണ്ട്.
ജെ. പള്ളാശേരിയാണ് സംഭാഷണം ഒരുക്കിയിരിക്കുന്നത്. സന്തോഷ് വർമയുടെ വരികൾക്ക് ദീപക് ദേവ് സംഗീതം പകരുന്നു. ലാൽ ക്രിയേഷൻസ് ഇൻ അസോസിയേഷൻ വിത്ത് എവല്യൂഷൻ സിനിമാസ് ആൻഡ് ആദംസ് വേൾഡ് ഓഫ് ഇമേജിനേഷന്‍റെ ബാനറിൽ ലാൽ ആണ് ചിത്രം നിർമിക്കുന്നത്.
സംവിധായകനും നടനും നിർമാതാവുമായ ലാലാണ് ഒരേ ലൊക്കേഷനിൽ രണ്ടുചിത്രമെന്ന ആശയത്തിന്‍റെ പിന്നിൽ. ഹണീ ബീ 2 വിലെ മുഴുവൻ താരങ്ങളും സംവിധായകനും കാമറാമാനും മറ്റു സാങ്കേതിക പ്രവർത്തകരും പോരാതെ പ്രൊഡക്ഷൻ ബോയ്സ് വരെ 2.5 ൽ കഥാപാത്രങ്ങളാണ് ! ഹണീ ബീ 2 വിന്‍റെ ഷൂട്ടിംഗ് ഇടവേളകളിലാണ് ഹണീ ബി 2.5 ചിത്രീകരിച്ചത്. ഹണീ ബീ 2 വിന്‍റെ ചിത്രീകരണ കാലാവധിക്കുള്ളിൽ തന്നെ 2.5 ന്‍റെ ചിത്രീകരണവും പൂർത്തിയാക്കാനും സംവിധായകനു കഴിഞ്ഞു.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.