അപേക്ഷാ തീയതി നീട്ടി
2016 ഡിസംബർ 29ന് നടത്തിയ ഒന്നും രണ്ടും വർഷ ബികോം (ആന്വൽ സ്കീം) പരീക്ഷയുടെ പുനർമൂല്യ നിർണയത്തിനും സൂക്ഷ്മപരിശോധനയ്ക്കും അപേക്ഷിക്കാനുളള അവസാന തീയതി 28 വരെ നീട്ടി.
ബിഎഎൽഎൽബി പുതുക്കിയ തീയതികൾ
13ന് നടത്താനിരുന്ന ഒമ്പതാം സെമസ്റ്റർ ഇന്‍റഗ്രേറ്റഡ് (പഞ്ചവത്സരം), അഞ്ചാം സെമസ്റ്റർ (ത്രിവത്സരം), ഒമ്പതാം സെമസ്റ്റർ (പഞ്ചവത്സരം) 201112 മുമ്പുളള അഡ്മിഷൻ സപ്ലിമെന്‍ററിബിഎഎൽഎൽബി പരീക്ഷകൾ 27ലേക്ക് മാറ്റി. 27ന് നടത്താനിരുന്ന ഏഴാം സെമസ്റ്റർ (പഞ്ചവത്സരം) ബിഎ, ബികോം, ബിബിഎ ഇന്‍റഗ്രേറ്റഡ് എൽഎൽബി പരീക്ഷകൾ മാർച്ച് ആറിലേക്ക് മാറ്റി. പരീക്ഷാ ഫീസ് അടയ്ക്കേണ്ട പുതുക്കിയ തീയതികൾഒമ്പതാം സെമസ്റ്റർ ഇന്‍റഗ്രേറ്റഡ് പിഴകൂടാതെ ഒമ്പത് (50 രൂപ പിഴയോടെ ഫെബ്രുവരി 13, 250 രൂപ പിഴയോടെ ഫെബ്രുവരി 15). ഏഴാം സെമസ്റ്റർ ഇന്‍റഗ്രേറ്റഡ് 13 (50 രൂപ പിഴയോടെ ഫെബ്രുവരി 15, 250 രൂപ പിഴയോടെ ഫെബ്രുവരി 17) വരെ.
ബിബിഎ പുനഃപരിശോധന
2016 ഡിസംബർ 15നു പ്രസിദ്ധീകരിച്ച മൂന്നാം സെമസ്റ്റർ ബിബിഎ (വിദൂര വിദ്യാഭ്യാസം) യുടെ പുനപരിശോധനയ്ക്ക് 28 വരെ അപേക്ഷിക്കാം.
ഗവേഷണ പ്രബന്ധങ്ങളുടെ കരട് സ്റ്റൈൽ ഷീറ്റ്
മലയാള വിഭാഗം, ഗവേഷണ പ്രബന്ധങ്ങളുടെ കരട് സ്റ്റൈൽ ഷീറ്റ് പ്രസിദ്ധീകരിച്ചിട്ടുണ്ട്. സർവകലാശാലയുടെ റിസർച്ച് പോർട്ടലിൽ ഇതു ലഭ്യമാണ് ഇതു സംബന്ധമായ പരിഷ്കരണ നിർദേശങ്ങൾ ക്ഷണിച്ചു. 15നകം നിർദേശങ്ങൾ malkvtm@ gmail.com എന്ന ഇമെയിലിൽ അയയ്ക്കണം.